[center]سالخير عليكم
زهقتوا منى
بس انا وراك وراك
لازم ازهقك من دخول المنتدى
كل شويه مووضوع
بس
قولولى بزمتك
مش بتحس براحه نفساويه وانت فى مووضوعى
متواضع انا اوى
المهم
تخيلت كده حكايه اللى بالى بالك
والمذيعه بتسال اللمبى
انت ليه بقيت مجرم ؟؟
قالها
واحد مصاحب ....................ز يبقى عاوزانى اطلع ايه
طيار
فعلا اهم حاجه الصحبه
شوف انت ماشى مع مين
مين صديقك
مين حبيبك
مين اللى بتقلده
مين اللى بتحبه
مين اللى بتكرهه
حجات كتير كلها مين مين
بس فعلا
الطفل المتشرد ليه بقى متشرد
مبقاش متشرد حبا فى النوم على الرصيف ولا حبا فى( شم الجوله )ولا حبا فى التشرد
الشاب المتشرد وضعته الظروف فى مواقف حرجه وملاقاش حد واقف جمبه الا واحد شمام
سحبه معاه علشان يبقى شمام زيه
يعنى الانسان فى وقت زنقته
(بيكون محتاج واحد يلبسه جزمته )
لالا جت غلط
بيكون محتاج واحد يشيله من ازمته دى
حد كويس يقف جنبه
شوف اى واحد متشرد
بتكون بدايه التشرد
انه مر بظرف ما
او ظرف طارق
المهم مر بظرف وخلاص
وبعدين ملاقاش الصدر الحنين اللى كلمنا عليه امير الظلام عادل امام اننا محتاجين فعلا صدر حنين
وممكن تلاقيه عند عم رضا قزاره
وكمان ملقاش الا واحد متشرد هوه اللى واقف جنبه وبيساعده
علشان كده بيحب التشرد
وبيموت فى الشتيمه
قرب كده من حد متشرد
بس متقربش اوى علشان الريحه
هتلاقى جواه شخص غلبان اوى والله كنت بتفرج على خلف الاسوار وبلاقى المجرم وهوه بيتكلم
بحسه عيل صغير كان شارب كاسين بيره فا طيروا عقله وعلشان كده بقى مجرم
يا ناس الانسان فطرته نقيه طاهره جميله
احنا اللى بنحولها لحجات وحشه
بنسمع ان فيه انسان قاسى
هاتلى كده طفل بيكون مولود قاسى
والله ابدا احنا اللى بنعوده على القسوه
وعلشان ابطل كتر كلام
عاوز اوصل لنقطه
النقطه هيا
ان ربنا خلقنا على الفطره الحسنه
الفطره الطيبه
ليه بنحول الناس من الحجات الحلوه الى الحجات اللى مش حلوه
ليه بنجبر الانسان انه يقسو ويسرق ويبقى متشرد
الحرامى لو شاف ناس بتساعده فى حياته الكئيبه دى مش هايسرق
المدمن لو شاف حد بيساعده فى حل مشاكله مش هايبقى مدمن
البلبيسى لو مشفتش حد بيشجعه ويرد على مواضيعه
مش هايكتب
يعنى احنا اللى بنجبر الناس على انها تبقى وحشه بفعل تصرفاتنا الوحشه
ياله وعلى مشارف العيد وكل سنة وانتم طيبين
نحتضن بعض
شايف واحد بيقول نحضن بعض
انا بقول
نحتضن فيه ته فى النص
ونعمل كل حاجه كويسه
ونعمل الخير مع كل الناس
ونعيش بلا تشرد
واحب اقولكم
ان التشرد ده عالمى
فى بلبيس الجيزه وامبابه وفى موقف عبود
سلام