خلاص راح كل شىء

خلاص راح منى معدش ليا ومعدش منى راح ليها ولا لغيرها ولا مرحش لحد تانى النتيجة
واحدة ياقلبى راح منك ومش راجع تانى
والخسارة بقت كبيرة بس ياترة على مين فينا علية وعليا
علية لانة خسر قلب حبة اوى وكان مستعد يضحى كتير عشانة اوى قلب صدق الاحساس واتعامل بصدق من جواة
ولا عليا لانى خسرت حد جميل كدة اوى كويس اوى وحبنى اوى حد معاة مشيت بثقة بين الناس حسيت بأمان وضاع الحرمان من الاحساس اللى كنت بدور علية من زمان
الخسارة علية ولا علية اهى فى الاخر خسارة خسارة بجد علينا احنا الاتنين
بس السبب فين
انا زى ما بيقول ولا هوة زى ما بقول ولا هية كدة الظروف مش مقسوم لنا ولا مكتوب لنا نعيش سواو نكمل مع بعضنا قدرنا وقسمتنا خلو طرقنا يقف عند كدة هى الدنيا كدة
مش بتدينا كل حاجة ويوم ما بتدينا حاجة وتفرحنا وتلهينا وتخلينا مش واخدين بالنا تيجى وتاخد حاجات اكتر قدام الحاجة ديت وتحزنا وتزعلنا وتفوقنا على الحقيقة اللى ضاعت فى لحظة بريئة
كنت بتمنى نكمل سوا ونفضل سوا لاخر العمر ابقى معاك فى حماك اعيش بأمان وياك بس لاسف راح التمنى والحلم والامل
بس عمرى ماهنسى دة عمرى ماهنسى احلى الايام واجمل احساس وافضل انسان واتمنى انك كمان ماتنسانى وتفتكرنى بكل عزيز وغالى وتسامحنى على كل جرح سببتة وانا مش ببالى
سلام ووداع يا أغلى غالى