كل إللى فى المنتدى لازم يبقى معانا.. بجد مافيش أعذار.. سباق

السلام عليكم و رحمه الله وب ركاته

قبل ما نبدأ الكلام..

عايزين نتفق على اتفاق..

بجد عايزين نتفق على شويه حاجات.. نطلع رجاااله جدا فيها..

زهقتو صح..

خلاص .. حدخل فى الموضوع..

دلوقتى..

و لله الحمد..

انا بحسد نفسى على دفعتى و بنات الدفعه و وولاد الدفعه.. و الدفع إللى معانا فى الكليه...

ماشا ءالله.. الإلتزام الدينى و الأخلاقى.. رائع..

و اجمل شىء.. لما تلاقى ناس دينا و علما متميزين.. يبقى كده كملو المعادله الصعبه.. إللى ناس كتير بتنتقد المسلمين علشانها ..

بس فى حاجه..

دلوقتى يا جماعه.. كلنا بجد نفسنا يوم ورا يوم نتقرب من ربنا..

و لازم نفتكر الحديث القدسى..

أنا عند ظن عبدى بى , و أنا معه إذا ذكرنى فإن ذكرنى فى نفسة ذكرته فى نفسى , و إن ذكرنى فى ملأ ذكرته فى ملأ خير منهم , و إن تقرب إلى بشبرا تقربت الية بذراعاً , و إن تقرب إلى ذراعاً تقربت إاليه باعاً و إن أتانى يمشى أتيته هروله } ( رواه البخارى ) .


طيب ليه بجد.. مانعملش فريق نحو الجنه.. سباق نحو الجنه..

تخيلو معايا كليتنا.. دفعات كامله.. تعبد الله معا.. فى السر و العلن.. وننهض بحالنا و نبقى نواه حقيقيه لمجتمع إسلامى صالح يصلح صوره المسلمين فى الغرب..

و بجد ماتستهونوش بينا..

رب همه أحيت أمه..

و يكفينا شرف المحاوله..

طيب إيه المطلوب علشان دوختينا..

عايزين نتفق على جدول عبادات.. ونكتب روحانيات ما شعرنا به حين تطبيقه هذه العباده.. علشان مانكونش ناس بتعمل العباده على انها هاده و تمارين رياضيه و خلاص.. و عمر ما ديننا قال كده..

إية كمان..

بصو يا جماعه.. أنا بجد فى نقاط ضعف خطيره جدا عندى.. وببقى محتاجه دايما حد يقوينى.. و ماحدش مننا مش محتاج أخ او أخت يقويه و ينصحه..

عايزين زى ما قلت لكم.. فريق كامل متكامل.. نتفق على حاجات و نعملها.. و لو حد فينا قصر نساعده.. ماحدش فينا معصوم من الغلط..

يلا.. بجد عايزين همه عاليه..

عايزين كل إللى فى المنتدى يشارك..

و فى كلمه جميله أوى سمعتها..من أخ فاضل على منتدى عمرو خالد..

من هنا نبدأ.. و فى الجنه ننتهى...[/size]