ماذا تفضلين أن تكونى انسانه رومانسية ام تكونى أنسانه عملية فى قرارتها ولا وقت للحب بداخلها ولماذا ؟
بدال فى قرارتى يبقى افضل ان اكون انسانة عملية فى اتخاذ القرارات
وكمان انتا بتقول ولا وقت بداخلى للحب .....لا طبعا مين قال ان مافيش حب فى داخلى
فى طبعا حبى للاسرتى وحبى لكل اللى بيعزونى وبيخافو عليا وحبى كمان للحياة والدنيا
اما اة اقدر اقولك مافيش حب للقلب يعنى بس مش عشان مافيش وقت ولا حاجة بس دة قرار
انا وخداة بيبنى وبين نفسى ان مافيش حب دلوقتى يعنى بمعنى اصح لسة مجاش اوانة
ويارب تكون الاجابة وصلت عشان مش عارفة اوصلها اكتر من كدا يعنى ع قد فهمى للسؤال
ما هو الصديق الوفى بداخل عمتوووو؟
هو الصديق اللى بيخاف عليا واللى بلاقية جنبى وقت ما اكون محتاجة
واللى بيكون معاية وقت الحزن وقت الفرح واللى ميتخلاش عنى مهما كانت الظروف
وما هو الصديق الغادر بداخل عمتوووو؟
هو الصديق اللى بيخلف بوعدة ليا واللى بكون محتاجة واجى ادور علية ملقهوش جنبى
عبرى عن مشاعر عمتوووو بكلمة تفى أحساسهــا ؟
الحمد لله
مقوله تقـول الراحة راحة البال وليست كثرة المال فما رأى عمتووو بتلك المقوله ؟!
رأى انها مقولة صحيحة فعلا ان الراحة راحة البال وليست كثرة المال لان كتر المال بيعمل مشاكل
عن الانسان وعمرة المال ما بيريح صاحبة ابدا
30* اهدى لكل من :
بسمتك لمن ؟للاسرتى وكل لكل اللى بحبهم
دمعتــك لمن ؟لنفسى
حياتك تضحيها لأجل من ؟اولا لأجل اسرتى...... ثانيا لأجل اللى يستحق التضحية بجد
كبريائك تتنازلى يوما له من أجل من ؟الله اعلم دة كل اللى هقدر اقولة
قلبك تهديه لمن ؟ برضو اكيد لى اسرتى وكمان لكل اللى بيعزونى
ما هو الشئ الذى يجعل الأنســان يهرب من حبــه ؟
الخيانة......وموت الحب
هل انتى سريعة التراضى والتسامح أم قلبك يتذكر كل شيء أغضبك ؟
ايون انا سريعة التراضى والتسامح جدا
بس بجد فى مواقف بتبقى صعبة ع الانسان انو يسامح فيها يعنى بتكون غصب عنى
بس الاكتر فعلا انى بسامح كتير جدا جدا
ما رأيك فى البنت إلى صوتها عالى وهل انتى منهم ؟
هههههههههههههه اية السؤال دة يا عموووو نهورة
رأى فى البنت اللى بيكون صوتها عالى لو ع طول يعنى فى اى مكان ومش فارقة معاها يبقى كدا
سورى يعنى مافيش اى احترام يعنى مافيش احترام لى نفسها ولا للى معاها
والله تقدر تقول مش قوى يعنى بس انا صوتى بيبقى عالى فى حالة واحدة بس
لما بكون متنرفزة ومتعصبة وبكون فى البيت مش فى اى حتة تانية
اكتر من كدا يبقى صوتى عادى يعنى الطيبعى بتاعة
ما رأيك بشباب الجامعات التى تشاهديهم الآن كأنهم لم يذهبوا لتعليم فما تحليلك على تصرفاتهم ؟
زى ما انتا قولت بظبط ولا اكنهم رايحين اصلا يتعملو دول بيبقو رايحي سد خانة مش اكتر
يعنى بيقولو لى اهاليهم احنا اهو رايحين الكلية وهما فى الاصل بيبقو رايحين
سد خانة ورايحين ترفيهة عن نفسهم ومش لتعليم خالص وللاسف بيطلع فى الاخر شباب اخر فشل
عمرهم ما هينفعو بعد كدا نفسهم ولا يقدرو اى مسئولية من ناحية اى شىء
من يحب بقلبه بصدق يحب بكل حواسه ومنه عقله بكل صدق فما رأيك فى تلك الجمله وما رأيك بمعنى الحب الصادق زاته ؟
ان الحب الصادق هو ذلك الحب الذى يخلو من الشوائب فا عندما يحب الانسان
بقلبة يكون حب صادق لا يحب بقلبة فقط بل بكل حواسة
ومعنى الحب الصادق ذاتة هو الحب الذى يتمنى ان يتعيشة اى انسان
ما هى بعض التغيرات التى تمنيتها عمتووو ان تحدث بداخلهــا ؟
تمنيت انى ابطل شوية طيبة وكمان انى اخفف شوية من الضحك والهزار
عشان دة للاسف فى ناس بتفهمنى غلط لما اهزر معاهم فا تمنيت طبعا انى اغير شوية
من الحاجات دى بس للاسف مش نافع خالص
أن شعرت عمتووو بالحزن والجرح فهل سيقلل من سبب حبها لذاتها وسيتم تغيرها لأنسانة مختلفة ؟
مش عارفة بصراحة لانى ممرتش بتجربة فيها جرح وحزن جامد يعنى بس ساعتها ممكن افكر
انى اتغير شوية عشان منجرحش تانى ولا يتسبب عندى اى حزن
هل تأخذى بأراء الأخرين أم تفعلى قراراتك بنفسـك دون اتاخذ نصيحة من أحد قبل فعلها؟
لا طبعا مش فى كل الاحوال ومش فى كل المواقف فى مواقف من الصعب انى اخد قراراتى فيها لوحدى
فا بكون طبعا بحاجة ان اخذ نصيحة من احد بس الاكتر باخد بنصايح الاخرين لان زى ماقولت وجاوبت فى سؤال لشيبة لدة
انى مش ناضجة زيادة عن اللزوم عشان اقدر اخد كل قراراتى بأيدى بس طبعا فى حاجات انا اقدر اخدها بنفسى
من هو الشخص الذى مثل ظل عمتووو فى كل مكان معها ؟
اكيد انا
هل حياة عمتووو فقط الوصول لأعلى مرتبة فى دراستها ... على حساب مشاعرها واحساسها وحياتها العادية التى يحلم بها كل بنت ؟
لا طبعا حياتى مش كلها انى افكر فى الدراسة وبس وانى اوصل لى اعلى مرتبة فى الدراسة
فى حاجات كتير بس طبعا الدراسة من ضمن الحاجات دى لان مينفعش مفكرش فى الدراسة لان الدراسة
هى اللى هتنفعنى بعد كدا يعنى هتنفع مستقبلى بعد كدا وطبعا مش ع حساب مشاعرى ولا حاجة
طبعا انا زى اى بنت ليها احاسيس والة اية
بس الاحاسيس دى جوايا انا وبس يعنى بحب احتفظ بيها لنفسى مش اكتر من كدا
يارب اكون وصلت الاجابة لان مش عارفة اوصلها اكتر من كدا بصراحة
ما هو الشء التى تعانى منه عمتووو ؟
هو ان لية الانسان بقى كدا يعنى مبقاش همة اى حد حواليا يعنى بقى انانى
وبقى بيفكر فى نفسة اكتر ما بيفكر فى الاخرين وبقى دلوقتى كل شخص بيعرف شخص اخر
عشان هو عايز منة حاجة مش اكتر من كدا وبعد ما الحاجة دى تتعمل لى يبقى خلاص الشخص دة انتهى مهتمة معاة بعد كدا والانسان بجد مبقاش عندى اى مشاعر فعلا( احساسنا بقى لوح ازاز شرخة الزمن انكسر)
بس دة طبعا مش مع كل الناس بس دة الاكتر دلوقتى واللى باين قدامى
ما هو الأشياء التى تحدث لتجعل عمتووو بقمة وحدتها ؟
لما بكون محتاجة حد جنبى فعلا وفجأة ملقيش اى حد خالص بجد بحس بوحدة
وبحس ان مافيش حد فى الدنيا وان انا وحيدة فى الدنيا دى
دائمــاً نتمنى أن نصرخ بكل ما نملك لتزيل من داخلنا الألم هل شعرت عمتووو بذلك الأحســاس وما كان سبب تلك الصرخة وذلك الأحساس ؟!
اة شعرت دة بمرتين لما فقدت اعز الناس ليا بجد كنت عايزة اصرخ جامد من كتر الالم اللى جوايا
وان مكنش حد حاسس بيا لان انا كنت كاتمة جوايا
والمرة التانية لما وثقت بحد فعلا وللاسف طلعت الثقة دى مش فى محالها بجد كانت غلطت عمرى ان انا عرفت الشخصية دى
لان للاسف انا مكنتش شيفاها صح يعنى كنت شيفاها من برة بس ومكنتش اعرف اية اللى جواها ولما عرفت قولت ياريت ما كنت عرفت بس رجعت وقولت الحمد لله انى نهيت الصداقة دى لانها مكنتش تستاهل بس كان بعد اية رغم كل اللى عملتة
بس تقول اية بقى البنى ادم مبقاش عندة اى احساس بجد كنت كاتمة جوايا جدا الالم اللى انا ختة من حد ميستهلش
مع من تهابى أن تتكلمى بكل صدق معه ؟
اكيد مع اقرب الناس ليا ومع الناس اللى انا برتاح انى اتكلم معاهم ومع اللى انا عندى ليهم ثقة كاملةا
من الذى تخاف عمتووو على زعله ؟
اكيد اللى بيخاف ع زعلى لازم اخاف ع زعلة يعنى تقدر تقول برضو اقرب الناس ليا
هل حياة عمتووو تمتلك بعض القســوة ومن من تلك القســوة ؟
انا الحمد لله مبتلكش اى قسوة خالص
كيف كانت حياتك فى الصغر وهل تذكرين أشياء منها لا تسطيعى نسيانها وما هى تلك الأشياء ؟
حياتى فى الصغر كانت حياة جميلة جدا واتمنى انى ارجع تانى صغيرة واة افتكر حاجات منها من يعنى المواقف اللى دايما بفتكرها
ولما بفتكرها بفضل اضحك ع نفسى يعنى عندك مثلا اسمع بقى يا سيدى
كنت زمان كنت صغيرة وكدا اة والله المهم كونا انا واسرتى مسافرين ع القاهرة والقاهرة زمان دى لما كنا بنقول هروحها
يعنى اكننا مسافرين برة فا المهم انا بكل هبلى نزلت لوحدى تحت ووقفت قدام باب العمارة عشان استنى بابا لما يرجع من الشغل ونسافر
فا انا كنت واقفة لقيت قطة فا فضلت بصة عليها المهم القطة دى مشيت انا مشيت وراها وفضلت ماشية معرفش انا رايحة فين لان كنت ساعاتها عندى 5 او 6 سنين تقريبا فا فضلت ماشية وتوهت خالص مشيت بعيد ودة طبعا البيت عندى عمالين يدورو عليا فى المنطقة كلها وهما مش لاقينى قالو خلاص انى انا ضعت وتوهت ومش هرجع تانى وفضلو يدورو كتير لحد ما فى واحد ابن حلال لاقنى ماشية لوحدى وروا القطة ومن ساعاتها وانا كنت ماشية ورا القطة وطلع عارفنى وانا معرفهوش المهم خدنى ودانا عند بيتنا تانى لاقيت الكل عمال يدور ومستنينى وكانو لسة رايحين يذيعو عنى فى المسجد بس طبعا الحمد لله لاقونى وطبعا انا مكنتش اعرف اى حاجة خالص فا لما كبريت هما كانو بيحكولى وماما بتقولى ساعاتها كانت هيحصلها حاجة لان انا كنت البنت الوحيدة ع ولدين
وكانت خلاص ع وشك انها تروح بيها بعد الشر طبعا فا انتا اول ما عرفت بالحكاية دى فضلت اضحك ع نفسى ولحد دلوقتى كل ما اشوف اى قطة افضل افتكر الموقف دة لانة موقف غريب لان كنت هبلى ساعاتها لما اروح امشى ورا القطة فا دة هبل طبعا
هههههههههههههههههههههههه يلا معلش طولت شوية استحملولى بس اندمجت فى الحكاية مش اكتر
وادى يا سيدى الموقف اللى ع طول بفتكرة
ما الكلمة التى تسمعها عمتووو تزيد غضبها ؟
لما حد يهزر معاية هزار سخيف ومن ضمن الهزار السخيف دة يقول كلمة مش مقبولة
وبكدا اكون انتهيت من الاجابة ع الاسئلة
اية رايك يا عمو نهورة يارب الاجابة تكون وصلت لى حضرتك
وبجد اسئلتك ع قد ما هيا صعبة ع قد ما ليها متعة لانى بجاوب عليها بكل صراحة
وانا تحت امرك فى اى اسئلة اخرى