لعبة كرسى الاعتراف

اقتباس :

منور والله يامصراوى بس انا مش هقدر اسلك دلوقتى لانى مش قادرة افكر هههههههههههههههه

فتمنياتى ليك بكرسى سعيد لغاية مااجيلك ههههههههههههههههههه واعوذ بالله من مجيتى ههههههههههه

اكيد متوترة من عدم اذاعة المباراة
هههههههههههههه
يلا الحمد لله على كل حال وان شاء الله الماتش الجاى هيتذاع

بتحب الاطفال
والى اى درجة متعلق بيهم
وياترى هتربى اطفالك ازاى
وهتعامل مراتك ازاى
وممكن تتجوز اكتر من واحدة
وعاوز تتجوز عن حب ولا تقليدى
وياترى فى تربية معينة كنت نفسك اهلك يربهوهالك
يعنى شوفت اهل بيربوا ابنهم باسلوب تمنيت ان اهلك يكونوا زيهم
وياترى انت دورك او مكانتك اية بالاسرة
وازاى بيتعاملوا معاك وبتمثلهم اية
وبيخدوا برايك ولا لاء
واخواتك كام واعمارهم ووترتبكم


لو مرة لقيت عيل صغير مبهدل وواقع فى وسط طينة وبيعيط ومش عارف يقوم وعاوز حد يساعدة ويقومة هتقومة ولا هتقرف يعنى هتعمل اية

لو يوم فرحك تصادف مع ماتش اهلى ولا منتخف هتتصرف ازاى
يوم فرحك يوم خطوبتك فى اليوم اللى متفق مع اهل العروسة تروح ليهم يعنى كدة

اية رايك فى الاهلى الفترة ديت

اية رايك بغياب زيدان



وبس كدة

تحب الاطفال
جداااااااا

والى اى درجة متعلق بيهم
لدرجة ان ابن جرانا الصغير كان على طول فى بيتنا
وكل عيلتنا شافته عندنا
يعنى خالتى بتيجى من الاسماعيلية بتلاقيه
خلانى من البلد بيلاقوه
واى حد بيجى اليومين دول ومش بيلاقيه بسال عليه
فبيعرف انه للاسف راحوا العاشر

وياترى هتربى اطفالك ازاى
ان شاء الله تربية كويسة

وهتعامل مراتك ازاى
اكيد معاملة كوية ان شاء الله

وممكن تتجوز اكتر من واحدة
هو حد طايل يتجوز واحدة بس فى الزمن ده
ههههههههه
ربنا يسهل بس

وعاوز تتجوز عن حب ولا تقليدى
عن حب ان شاء الله

وياترى فى تربية معينة كنت نفسك اهلك يربهوهالك
لا الحمد لله انا كده كويس جداااا
يعنى شوفت اهل بيربوا ابنهم باسلوب تمنيت ان اهلك يكونوا زيهم
لا بالعكس كل اصحابى من الاعداد كان عليهم ضغوط من الاهل وكده
وممنوع الخروج الا فى اوقات معينة
وانا من 2 اعدادى تقريبا ومعايا مفاتيح البيت كله

وياترى انت دورك او مكانتك اية بالاسرة
المفروض انى راجل البيت

وازاى بيتعاملوا معاك وبتمثلهم اية
تعامل بثقة وانا مقدر الثقة دى
يعنى ممكن اسافر فى اى مكان فى اى وقت وهم مش هيمانعوا لانهم عارفينى كويس

وبيخدوا برايك ولا لاء
اه طبعا الحمد لله

واخواتك كام واعمارهم ووترتبكم
اخواتى 2
اختى الكبيرة معاها بكالوريوس تجارة وشغالة حاليا محاسبة فى مستشفى
وانا الوسطانى وطبعا معاكم فى نوعية
واخويا الصغير فى معهد فنى تجارى

لو مرة لقيت عيل صغير مبهدل وواقع فى وسط طينة وبيعيط ومش عارف يقوم وعاوز حد يساعدة ويقومة هتقومة ولا هتقرف يعنى هتعمل اية
هاقومه بجد

لو يوم فرحك تصادف مع ماتش اهلى ولا منتخف هتتصرف ازاى
يوم فرحك يوم خطوبتك فى اليوم اللى متفق مع اهل العروسة تروح ليهم يعنى كدة
هو مستحيل يصادف يوم ماتش اهلى
لانى باكون مسجل مباريات الاهلى كلها وعارف ايامها

ولو صادف يوم اهل العروسة هم اللى حددوه
اكيد هيتاجل


اية رايك فى الاهلى الفترة ديت
الاهلى بيجرب خطة جديدة وجهاز فنى جديد وان شاء الله يكون كويس كالعادة
والحمد لله هو حاليا متصدر الدورى

اية رايك بغياب زيدان
اكيد غلطان ولازم يتعاقب اشد عقاب
بس افضل انه يكون عقاب مالى
ويشارك فى المباريات الجاية لانه عنصر مهم فى المنتخب

ــــ
شكرا ع الاسئلة الجميلة دى

منا جاوبت يا علاء فى الصفحة التانية

انت مواليد كام يوم شهر سنة؟؟؟
مين اكتر لاعب بتحبة
من اكتر لاعب كويس
سواء من الاهلى او غيرة
بتشجع الاهلى فى حاجة تانية غير كرة القدم يعنى زى سلة او اى حاجةتانية
سمعت من شوية ان غياب زيدان بسبب ان خطوبتة اتفركشت ودة مأثر علية يا ترى رايك اية دة يعتبر عذر ولا لاء
اية رايك فى مشكلة اذاعة المباريات اللى كانت موجودة
اية رايك فى برنامج كورة اون لين اللى بيجى ع مودرن 2 ورايك فى المذيع واسلوبة
سمعت انهم عاوزين الاعبين يفطروا فى رمضان اية رايك فى الحكاية ديت

اية اكتر قناعة بتحب تتفرج عليها للكروة
واكتر برنامج بتحبة
واكتر معلق

والعكس
البرنامج والقناة والمعلق اللى شم بتحبة

واية اكتر قناة عمتا غير الكورة بتحبها
واكتر برنامج اية غير الكورة
والعكس برضوا


اية الاغنية اللى بتشوف فيها نفسك
واكتر اغنية بتحبها
واكتر فلم بتحبة
واكتر فلم نفسك تكون البطل بتاعة
واية الفلم اللى شم موجود ونفسك يكون موجود وانت اللى تكون البطل
اية الاغنية اللى بتحس انها دى لحببتك سواء موجودة ولا لاء


وبس ونعود بعد الفاصل

أحم أحــــــــم يا ســـــــــــــــــــــــــــــــاتــــــر حد خالع راسه

عليا الطـلاق أنت أتخضيت صوووح

أنا جيت ياباشا أهــــــــــــــــــــــــــو

أســأل بقى شفت سيبتك قد أيــــــــــــــــــــــه علشان تعــرف بس أننا جدعان


بسم الله الرحمن الرحيــم ... وبه نستعين وعليه نتــوكل


كل سنه وأنت طيب ورمضـان كريم


نبــدأ بقى


1- هــل كرهت شخصــاً يــــومـاً وأن كان نعـــم فما ســر كراهيتك لـــه ؟

2- هــل جرحت شخصــاً يومــا وأن كان نعــــم فما هــو جرحك لــــــــــه .؟

3- أكثــر شيء أفتقــدته فى حيــــــــــــــــاتك فمـــــــــــا هـــــــــــــــو ؟

4- أكثــر شيء حدث تمنيت أن يتكرر بحياتك فمــــــــــــــا هـــــــــــو ؟

5- هــل شعــرت بمعـــنى الجــرح ان كان نعم فما هو سبب جرحك وأن كان لا فما معنى الجرح أتجاهك ؟

6- هـــل أحببت شخصــاً أكثــر من نفسك أو شخصا مؤنث برضه ههههههههههههه يعنى شوف أنت أختار اى شخص وقولى .

وأن كـــان نعـــــــم فمـــــا ســـــر حبـــك لــــــــــه بهذه الطريقـــه ؟

7- أن أمــامك حيــــاة أخرى تعيشهــــــا وتختــارهــا انت .. فمــا ستكــون حيـاتك الذى تريد أن تحيا بداخلهـــا ؟؟؟

8- هـــل كذبــــت يـــــومــــــــــــــاً وأعى تقول لأ علشان هتكون أول كدبه تكدبها ههههههههههههه وما كانت تلك الكذبة ؟ولمــاذا

كانت كذبتـك؟

9- أعظم كلمــه تعتــز بمعـــانهــا بداخــلك من قالهــا لـــــك ومــــاهى تــلك الكلمــــة ؟

10- الشيء الذى يهـــابه مصــراوى أن يحدث بحيــــاته ؟


أقــول كفايا أوى كده علشان برضه تعرف أنى مش بكتر أهــــــــــــــــو


كل سنة وأنت طيب يا فنـــــدم


ورمضـان كريـــــــــــــم

ههههههههههههههههههههههه وانا كمان جيتلك ههههههههههههههههههه هو اليوم باين من اوله ههههههههههههههههههههههههههههههههههههههههههههههههههههههههههههههههههههههههههه

اولا ازيك يااستاذ مصراوى :ونبدا ونقول باسم الله ::

1- ماسر اختيارك لمصراوى ؟

2- اكتر شىء يلفت انتباهك لشخصية سواء بنت او ولد ؟

3- لو الدنيا بين ايديك هتعمل ايه ؟

4- لو طلبوا منك تدى وردة لحد مين هيكون الحد دة ؟

5- قولى كلمة واحدة بس لكل عضو من الاعضاء الاتية

نهر الوفا لف انجل فؤش ناسف عالازعاج ماجور جيرل مون مون اهلاوى واخيرا قصاد عينى

6- ماهو هدفك فى الحياة ؟ وماهو الهدف الذى بنيته سابقا وحققته حاليا ؟

7- ايه اكتر سنة اتبسطت اوى من نفسك حسين ان ثمار السنة بتاعك حلو اوى ؟؟ وياترى كانت ايه ثمارك ؟؟

8- اكتر موقف احرجك ؟؟ وايه الحاجة اللى بتتحرج اوى منها ؟

9- تحب الناس تناديك باسم ايه ؟ او احلى اسم اطلق عليك ايه ؟

10- لو اديتك الة الزمن تحب تروح اى وقت سواء مستقبلى او ماضى او حاضر وياريت تحكلنا الموقف ؟

11- من رايك يعنى ههههههههههه ليه البنات اشطر من الولاد ؟؟ وانت ليه مبتذاكرش هههههههههه ولا السوبر ماركت ماثر ههههه ؟؟

12- عاكست حد قبل كدة ؟؟ وياريت تقولنا رد فعل اللى عاكستة ؟ هههههههه قول قول

13- هل تقبل النصيحة من الغير ام تعتمد على رايك ؟

14*-دماغك ناشفة وبتكون عايز تجرب بنفسك المواقف ولا ممكن تتقبل نصيحة من قام بتجربة من قبل ؟

واخيرا وليس اخرا ههههههههههه

15- حاسس بايه دلوقتى حالا ؟


واسيبك فاصل واعود

انا جايت يا مصراوى
اولا كل سنة وانت طيب وكمان
كل سنة والمنتدى كله بخير وبصحة وسلام
وانا مش هاكتر عليك علشان الاسئلة
هل تمنيت شخصا ان يكون صديقا لك وتحقق؟
ما هو معنى كلمة حب بالنسبة لمصراوى؟
لماذا تحب النادى الاهلى هل وراثة ام غير ذلك؟
هل حبيت قبل ذلك ولو حبيت لماذا حبيت
وان لم تحب لماذا لم تحب؟

ايه كل ده
انتم بتتجمعوا مرة واحدة
ههههههههههههههه

انت مواليد كام يوم شهر سنة؟؟؟
4/5/86

مين اكتر لاعب بتحبة
ابو تريكة

من اكتر لاعب كويس
تريكة ابو

سواء من الاهلى او غيرة
لو من برة الاهلى ممكن حازم امام الكبير

بتشجع الاهلى فى حاجة تانية غير كرة القدم يعنى زى سلة او اى حاجةتانية
اه بس مش متابع جيد لاى لعبة غير كرة القدم
بس باحب اعرف نتائج ولو مذاعة اشوفها بس
وطبعا اتمنى للاهلى يكسب هتى لو فى البنج

سمعت من شوية ان غياب زيدان بسبب ان خطوبتة اتفركشت ودة مأثر علية يا ترى رايك اية دة يعتبر عذر ولا لاء
هى اصلا وشها فأر من ساعة ماتش الجزائر
هههههههههه
وبعدين هو بيستعبط لانه لعب ماتش مع فريقه بعد يومين تقريبا من ماتش المنتخب

اية رايك فى مشكلة اذاعة المباريات اللى كانت موجودة
دى اكتر حاجة تدل على ان عندنا اتحاد كورة فااااااااااااااااااااااااااااشل

اية رايك فى برنامج كورة اون لين اللى بيجى ع مودرن 2 ورايك فى المذيع واسلوبة
هو كويس بس شبانة ده بحالات
شوية كويس وشوية لا
بس عجبتنى جدااااا حلقة الاربعاء اللى فات

سمعت انهم عاوزين الاعبين يفطروا فى رمضان اية رايك فى الحكاية ديت
لا طبعا احنا ننسحب من كاس عالم ولا نفطر


اية اكتر قناعة بتحب تتفرج عليها للكروة
قناة مودين سبورت 1

واكتر برنامج بتحبة
الكورة مع شوبير

واكتر معلق
مدحت شلبى او ميمى الشربينى

والعكس
محمود بكر ممكن اكتم صوت التليفزيون لو مافيش حد غيره

البرنامج والقناة والمعلق اللى شم بتحبة
خالد الغندوووووووور دريم 1

واية اكتر قناة عمتا غير الكورة
الرحمة & الحياة التلات قنوات

واكتر برنامج اية غير الكورة
كنت باحب برنامج جبيريل يسال والنبى يجيب
والبرامج الاخبارية زى
الحياة اليوم
90 دقيقة
ال10 مساءا

والعكس برضوا
اللى مش باحبه يعنى ؟
صبايا ع المحور
يا مسهرنى على دريم
بنى ادم شو على الحياة


اية الاغنية اللى بتشوف فيها نفسك
مش فاكر حاجة دلوقتى
بس ممكن انا مش عارف اتغير

واكتر اغنية بتحبها
فيه اغانى كتيرة
زى ياليتنى براق
ويامحمد يابن عبد الله
ام الرسول

واكتر فلم بتحبة
ظرف طارئ & مطب صناعى

واكتر فلم نفسك تكون البطل بتاعة
خليها فيلم مطب صناعى

واية الفلم اللى شم موجود ونفسك يكون موجود وانت اللى تكون البطل
لا مش عارف بصراحة حاليا

اية الاغنية اللى بتحس انها دى لحببتك سواء موجودة ولا لاء
غلطة

شكرااا نأسف ع الاسئلة دى

- هــل كرهت شخصــاً يــــومـاً وأن كان نعـــم فما ســر كراهيتك لـــه ؟
ممكن تكون مش كراهية اوى
بس زعل مؤقت
لانه كان مستفز شوية

2- هــل جرحت شخصــاً يومــا وأن كان نعــــم فما هــو جرحك لــــــــــه .؟
اه بس كان عن غير قصد
كنت ماشى فى شارع زحمة والناس ماشية ورا بعضها براحة ففى راجل عامل يخبط فيا ويدوس على رجلى
مرةعدتها مرة كمان قولت عادى محصلش حاجة
اتكررت كذا مرة
فزعقتله قولتله هو انت اعمى ؟
فالراجل قالى انا اسف يابنى وطلع اعمى فعلاا
انا فى اليوم ده كنت رايح الشغل
معرفتش اروح من الزعل


3- أكثــر شيء أفتقــدته فى حيــــــــــــــــاتك فمـــــــــــا هـــــــــــــــو ؟
لا مش فاكر دلوقتى بصراحة

4- أكثــر شيء حدث تمنيت أن يتكرر بحياتك فمــــــــــــــا هـــــــــــو ؟
ممكن والدى

5- هــل شعــرت بمعـــنى الجــرح ان كان نعم فما هو سبب جرحك وأن كان لا فما معنى الجرح أتجاهك ؟
لا مش حسيته تقريبا قبل كده
بس معنها انه تتصدم من شخص عزيز عليك
او مكنتش تتصور انه يعمل كده

6- هـــل أحببت شخصــاً أكثــر من نفسك أو شخصا مؤنث برضه ههههههههههههه يعنى شوف أنت أختار اى شخص وقولى .
بص الشخص بالمواصفات دى يعنى لو انت جعان ممكن تديلعهو وانت راضى
او هتموت من العطش تديله هو برضه وانت راضى جداا
ومافيش حد باحبه كده غير والدتى
سيبك من اللى فى بالك بقى ههههههههه


وأن كـــان نعـــــــم فمـــــا ســـــر حبـــك لــــــــــه بهذه الطريقـــه ؟
بص انا والدى متوفى من وانا فى اولى ابتدائى قبل ما امتحن امتحانات التيرم الاول
ولغاية اللحظة دى مش حسيت انى يتيم خالص

7- أن أمــامك حيــــاة أخرى تعيشهــــــا وتختــارهــا انت .. فمــا ستكــون حيـاتك الذى تريد أن تحيا بداخلهـــا ؟؟؟
اكيد كلنا بنتمنى نعيش فى حياة مثالية فى كل حاجة


8-
هـــل كذبــــت يـــــومــــــــــــــاً وأعى تقول لأ علشان هتكون أول
كدبه تكدبها ههههههههههههه وما كانت تلك الكذبة ؟ولمــاذا
لا اكيد حصل قبل كده كتير مش مرة بس
بس هاقولك اللى فاكرها كويس
كان فى مرة ماتش للاهلى وواحد صاحبى جاى من الخارج والمفروض اروح اشوفه
قولت هاروحله بكرة
واتفرج انهاردة ع الماتش
فهو اتصل بيا فقولتله تعبان
فهو راح جايلى هههههههه

9- أعظم كلمــه تعتــز بمعـــانهــا بداخــلك من قالهــا لـــــك ومــــاهى تــلك الكلمــــة ؟
ربنا يخليك يابنى
من امى لانى باحس فيها بالرضا وكده يعنى


10- الشيء الذى يهـــابه مصــراوى أن يحدث بحيــــاته ؟
المووووووووووت

أقــول كفايا أوى كده علشان برضه تعرف أنى مش بكتر أهــــــــــــــــو
اووووووووووووك

كل سنة وأنت طيب يا فنـــــدم
وانت بالصحة والسلامة
وشكرااااا ع الاسئلة الجامدة دى

اولا ازيك يااستاذ مصراوى :ونبدا ونقول باسم الله ::
الحمد لله بخيير

1- ماسر اختيارك لمصراوى ؟
قولنا قبل كده انى اسم اعم اشمل هههههههههه

2- اكتر شىء يلفت انتباهك لشخصية سواء بنت او ولد ؟
فى الولد الطول والبنت الاحترام
اقول ايه ياعنى هههههههه

3- لو الدنيا بين ايديك هتعمل ايه ؟
هاشيل الحكومة المصرية واتحاد الكورة وانفلونزا الخنازير

4- لو طلبوا منك تدى وردة لحد مين هيكون الحد دة ؟
خليها لابوتريكة

5- قولى كلمة واحدة بس لكل عضو من الاعضاء الاتية
خليها جملة عشان تتفهم لان كلمة ممكن تتفهم بكذا معنى
اوك؟

نهر الوفا
انا قولت قبل كده ان اسم العضو بيعبر عن نفسه
واكيد الاسم بيعبر عن نفسك

لف انجل
مكنتش اعرف عنها كتير قبل ما تكون على كرسى الاعتراف
واكيد بنيت عنها فكرة

فؤش
شخصية جمييييييلة ومحبووووبة

ناسف عالازعاج
بيبان فى بعض رودوها حزن كبير
او زعل يعنى


ماجور جيرل
اكتر حاجة اتحب اقولها دلوقتى
الصبر يا ماجووووووور
البترول سعره ولع
ههههههههههههههه

مون مون
شخصية مرحة ونشيطة زى بنت خالتها او عمها او قريبتها يعنى سمر ههههههههه

اهلاوى
لك احترامى لانك اهلاوى
وهو بجد شخصية جميلة جداااا فى الكلية

واخيرا قصاد عينى
الاخير ربه كريم
ههههههههههه

6- ماهو هدفك فى الحياة ؟
اول هدف المفروض يكون لنا كلنا هو رضا الله
وبعدين الهدف الشخصى انى اكون انسان ناجح فى اى مجال وانى كون اسرة كبييييرة

وماهو الهدف الذى بنيته سابقا وحققته حاليا ؟
انى اجيب اى شهادة تقير فى الشطرنج وعندى 3 الحمد لله

7- ايه اكتر سنة اتبسطت اوى من نفسك حسين ان ثمار السنة بتاعك حلو اوى ؟؟ وياترى كانت ايه ثمارك ؟؟
ممكن سنة 2 فى الكلية
كانت سنة كويسة لان الدفعة كلها كانت مع بعضها مش مقسومة زى دلوقتى

8- اكتر موقف احرجك ؟؟ وايه الحاجة اللى بتتحرج اوى منها ؟
قولته فقبل كده
كنت ماشى فى الشارع فواحدة ست كبيرة معاها موبايل
قالت اتصلى باستاذ بفلان
فمش لقيت اسمه
قولتلها الاسم مش موجود
فقالت لا ده موجود وبعد جداااال طويل
قالت ده لسة متصل بيا من شوية
فدورت فى المكالمات لقيت اسم ابو فلانة
قولتلها مافيش غير كذا
قالت ماهو ده
قالت امال تعليم ايه وكلام زى ده كتير فقولتلها اناطالع من سنة رابعة

9- تحب الناس تناديك باسم ايه ؟
مصطفى كويس

او احلى اسم اطلق عليك ايه ؟
درش الدلع لمصطفى هههههههه


10- لو اديتك الة الزمن تحب تروح اى وقت سواء مستقبلى او ماضى او حاضر وياريت تحكلنا الموقف ؟
لو ماضى اشوف ايام الهجرة للرسول صلى الله عليه وسلم
ممكن لو حاضر يبقى سنة 3000 اشوف مين نادى القرن ههههههههه

11- من رايك يعنى ههههههههههه ليه البنات اشطر من الولاد ؟؟ وانت ليه مبتذاكرش هههههههههه ولا السوبر ماركت ماثر ههههه ؟؟
لان البنات دحيحة هههههههه
والولد بيكون له اهتمامات كتيرة مش بيعرف يوفق بينها وبين المذاكرة وكده يعنى
والبنات مش كلها شاطرة يعنى


12- عاكست حد قبل كدة ؟؟ وياريت تقولنا رد فعل اللى عاكستة ؟ هههههههه قول قول
لاوالله العظيم عمرى ما عاكسب بنت اكبر من 6 او 7 سنين
واكيد يعنى مش هعاكس ولد هههههههههههه

13- هل تقبل النصيحة من الغير ام تعتمد على رايك ؟
مش عاوز اقول اه ولا لا
بس النصيحة بافكر فيها الاول

14*-دماغك ناشفة وبتكون عايز تجرب بنفسك المواقف ولا ممكن تتقبل نصيحة من قام بتجربة من قبل ؟
الى حد ما اه بس بترجع لثقتى فى اللى بيقولى النصيحة

واخيرا وليس اخرا ههههههههههه

15- حاسس بايه دلوقتى حالا ؟
حاسس بصداع
بس مش منك على فكرة هههههههههههه

ولا كل سنة وانت طيب وكمان
وانت طيب يا غالى

كل سنة والمنتدى كله بخير وبصحة وسلام
امين يارب

وانا مش هاكتر عليك علشان الاسئلة
تسلم

هل تمنيت شخصا ان يكون صديقا لك وتحقق؟
اه فى ناس محترمة كنت اتمنى انى اصاحبهم والحمد لله دلوقتى من اعز اصحابى

ما هو معنى كلمة حب بالنسبة لمصراوى؟
الحب شئ جميل وكوبيس وكل حاجة
بس احنا كل حاجة حلوة مش بنحافظ عليها

لماذا تحب النادى الاهلى هل وراثة ام غير ذلك؟
هو حبه حاجة جت كده من وانا صغير اول ما كنت باتفرج على المباريات يعنى
وموضوع وراثة ولا لا
فوالدتى لما تشوفنى باتفرج على ماتش بتقول ان والدى كان بيتفرج ع الكورة كتير
بس مش بتقول انه كان اهلاوى ولا زملكاوى
عشان انا اهلاوى واخويا الصغير زملكاوى
فعشان محدش يزعل يعنى
بس انا ولا يهمنى حتى لو كان اسمعلاوى ههههههههه

هل حبيت قبل ذلك ولو حبيت لماذا حبيت
اه حببيت امى وسيبك من الكلام ده هههههههههههه
ورمضان كريم وكل سنة وانت طيب
ومبروك فوز الاهلى

تهدى لحبيبة المستقبل اغنية غلطة
يالهوى
مابلاش تيجى احسن
ياحول ولا قوة الا باللة


ندخل بالاسئلة احسن


قول رايك فى كل من الاعضاء دول مميزات عيوب يعنى شايفهم ازاى واللى تعرفهم كمان فى الحقيقة مش بالمنتدى بس قول اية الفرق بينهم وبين المنتدى لو موجود
وكمان اهدى نصيحة او كلمة للاعضاء ديت

نهر

لف انجل

مون مون

ملاك الحب

فارس

باسم

كيكو

وسعد المصرى مع انة مش بيدخل

اهلاوى

علاء عبد المجيد

المهندس

بنت مصر

ماجور جيرل

ساسو

ايمان الجندى

امبراطور الليل

البلبيسى الكبير

فؤش

الدكتور مودى

امير الهدوء

سمور الامور

بوسى صبرى

سنيوريتا

فرح

قصاد عينى

زهرة

هدير

وائل المهدى

الرباط

رامى

عمرو الزملكاوى

وانا كمان نأسف



اة اللى مش تكون عارفة اكتب جمبة مش عارفة

وبس كدة مؤقتا

شخصية مرحة ونشيطة زى بنت خالتها او عمها او قريبتها يعنى سمر ههههههههه
ميرسى ع كلامك الجميل بس عرفت منين
ههههههههههههههه
اية دة كلة يعنى لسة موصلتش انا اقربلها مين برضو
انا ابقى بنت عمتها وهى تبقى بنت خالى ها وصلت
وكل مرة تنسى
المهم نبدا بقى فى الاسئلة
وطبعا منور الكرسى

1-اية اكتر حاجة تشعرك بقدر من الحرج..؟
2-كام مرة حسيت انك مكلش لازمة فى الحياة..؟ولية
3-لو حبيت بنت وعرفت بعد كدا انها بتحب شخص تانى اية ردت فعلك..؟؟ ومتقولش هنساها طب ولو معرفتش تنساها هتعمل اية..؟؟
4-اية اكتر يوم حسيت بسعادة فية..؟ واية اللى حصل فية..؟؟
5-اية اكتر يوم حسيت بالحزن فية..؟ واية اللى حصل فية..؟؟
6-اية اكتر مكان لما بتروحة بتتخنق منة بسرعة وبتبقى عايز تمشى..؟؟
7-قرار اخدتة ومسحيل تتنازل عنة اية هو..؟؟
8-قرار اخدتة ورجعت فية..؟؟
9-اية الحاجة اللى مبتقدرش تمسك اعصابك قدامها..؟؟
10-واخر سؤال
انتا عايش لية فى الدنيا دى........؟؟

يلاة جاوب يا كابتن
وانتظر باقى الاسئلة

هههههههههههههه
لا مش غلطة بنفس المعنى يعنى هههههه
ــــــــ
هاخلى المميزات والعيوب مع الكلام عشان بس العدد كبير
يعنى مثلا اهلاوى ميزة زملكاوى عيب ههههههههه
بيدخل المنتدى اولا كده يعنى
المهم انا هاقول الللى اعرفه عنهم
بس طبعا اللى باقوله ده من وجهة نظرى الشخصية
يعنى مش لازم يتكون حقيقية
هو مش اكتر من انطباع عنهم بس


نهر
هو انسان عاطفى وبيحب الشعر اكيد
ولو كان الشعر ده هو اللى بيكتبه بنفسه فيبقى موهوب
ولو كان بينقله فيبقى ذوااااق
وانا عن نفسى مش ليا فى الشعر اوى فمش باقدر اتابع مواضيعه اللى بالشكل ده لانى مش باكون عارف اقول ايه
تقريبا هو مش معانتا فى الكلية

لف انجل
فى الفترة الاخيرة عاملة مواضيع كويسة بجد
وبتحب مايكل وزعلت عشان وفاته
ومعانا فى الكلية بس تقريبا مش فى تكنولوجيا

مون مون
مرحة وبتحب الهزار
وبتغيب عن المنتدى فترات متباعدة
ومش معانا فى الكلية

ملاك الحب
طيبة ومرحة وبرضه مش بتدخل من فترة
ومعانا فى الكلية تقريبا

فارس
انسان جميل جداااا
ومحترم جدا جدا
ويبانمن اسمه انه حزين او زعلان
بس هو عكس كده خالص
هو مرح وبيحب الهزار جدااا
ومش بطلنا ضحك اما كنا فى كفرالشيخ
واكيد معانا فى الكلية فى 4 تك

باسم
لو كان باسم اللى انا اعرفه يعنى
فكانت علاقتى بيه قبل مانروح كفر الشيخ كانت علاقة عاادية مش اعرف عنه كتير
بس لما روحنا مع بعض عرفت انه انسان جميل جداااا .. وراجل بجد
ومعانا فى الكلية

كيكو
لا مش اعرفه بصراحة

وسعد المصرى مع انة مش بيدخل
سعد انسان جميل جداا
وجدع وخدوووم وصاحب صاحبه ههههههه
ومعانا فى الكلية

اهلاوى
طبعا كفاية انه اهلاوى ده لوحده يعبر عن كل حاجة كويسة ههههههه
وباحب اللعب معاه شطرنج فى الكلية
واكيد معانا فى الكلية 4 حاسب

علاء عبد المجيد
من كلامى معاهع الايمل باين انه انسان محترم وطيب
وهو حاليا فى السعودية وان شاء الله هيعمل عمرة
ويابخنه بجد

المهندس
المشمهندس احمد
ده فنان التربية النوعية بيحب يمثل كتير
وطول والاجازة فى معسكرات .. اللهم لا حسد ههههههه مش بيتهد يعنى
واهلاوى
ومعانا فى الكلية 4 حاسب

بنت مصر
برضه مش بتدخل المنتدى باستمرار
ومش عارف معانا فى الكلية ولا لا

ماجور جيرل
زملكاوية المنتدى
وشخصية مرحة
وباحب ارخم ع الزمالك معاها
وشكلها مش هتدخل الفترة دى عشان هزيمة الزمالك وكده يعنى
بس انا باقولها معلش دى هزيمة وهتعدى
والجايات اكتر المفروض تاخدى على كده
ههههههههههههههههه
بس مع انها زملكاوية بس بجد انسانة كويسة وطيبة
واتمنى انها مش تزعل من الهزار واكيد كل الاحترام لها
ومعانا فى الكلية 4 حاسب

ساسو
برضه مش بتدخل من فترة
وكانت عاملة نشاط فى المنتدى فى فترة من الفترات
ومش عارف معانا فى الكلية ولا لا

ايمان الجندى
انسانة مرحة وطيبة
ومن بلبيس ودى كفاية ههههههه
واهلاوية
وفى 3 انجليزى
ومش بتدخل برضه باستمرار

امبراطور الليل
كان امين الاسرة بتاعتنا
وانا شايف انه كويس
بس هو هنا فى المنتدى ظاهر بشخصية غير اللى معانا فى الكلية
وزملكاااااوى وكل ماتش يقولى هتخسروا نكسب ونكسفه هههههههه
وهو خلص كان السنة اللى فاتت فى 4 حاسب

البلبيسى الكبير
حبيبى وكنت معاه من شوية
وبجد هو من احسن الشخصيات اللى عرفتها
واهلاوى طبعااااااااا
ومش بيدخل المنتدى عشان ظروف شغله ..... ربنا معاه
ومش معانا فى الكلية

فؤش
غنى عن التعريف
مرح وبيحب الهزار وبيكلم نفسه كتير ع المنتدى فى الردود هههههه
واهلاوى
ومعانا فى الكلية فى 3 حاسب

الدكتور مودى
دكتور المنتدى
ربنا معاه اكيد داخل على امتحانات
ويارب يخلصها على خير ويرجع المنتدى زى الاول واحسن
واكيد مش معانا فى الكلية

امير الهدوء
احمد باشا
له مواصفات خاصة
كل شوية يورينى رسمة من ابداعاته اللى انا مش فاهمها
وبيرسم على اى حاجة حتى المناديل الورقية هههههههههههه
انا قولته روح تربية فنيه احسن ع الاقل يلاقى حد يفهمه
وهو بجد من احسن الشخصيات
وعايش مع نفسه فى عالم تاااااااااااااانى

سمور الامور
طبعا شخصية مرحة وبتحب الهزار ان كان هنا ولا فى الكلية
وغايبة من فترة عن المنتدى
وان شاء الله يكون المانع خير
وعلى طول فى الكلية بتكون موجودة فى الشارع اللى تحت مبنى العميد
ده المقر الرسمى بتاعهم
وطبعااا اهلاوية
ومعانا فى 4 حاسب

بوسى صبرى
اعرف عنها انها معانا فى 4 حاسب
وان شاء الله تكون اهلاوية هههههه
ومش دخلت المنتدى من فترة برضه

سنيوريتا
كان لها نشاط كبير ع المنتدى فى الاول
ومدخلتش من فترة برضه
ومن بلبيس
ومعانا فى 4 حاسب

فرح
كان لها تواجد فى فترة بشكل كويس
هى مش بتدخل من فترة برضه
ومش عارف معانا فى الكلية ولا لا

قصاد عينى
شاطرة فى الكلية وبتسال كتير فى المحاضرات ههههههههه
واحنا بنكون عاوزين نخرج

زهرة
هى جديدة معانا فى المنتدى
بس من مشاركتها تحس انها قديمة جداااااااااا
وغايبة من فترة عن المنتدى وان شاء الله يكون المانع خير
ومن الناس اللى بتدخل المنتدى دخول مختفى

هدير
من البنات المحترمة جدااا فى الكلية
ومش بتدخل المنتدى من فترة برضه وان شاء الله يكون المانع خير
ومعانا فى 4 حاسب

وائل المهدى
وائل شخصية جميلة جدااا
ومن مشتول
واهلاوى
وكل ما يشوفنى يقولى الاهلى هيلعب الساعه كام
هههههههههه
معانا فى الكلية 4 تك

الرباط
عبد الحليم
طيب جدااا وجميل
واهلاوى
وبيحب البرامج
وفى 3 حاسب

رامى
رامى جد محترم جداااا
والمفروض يكون رائد الفصل ههههههههههه
لانه هو اللى بيجمع الشيتات وبيجيب الكمبيوتر والداتا شو فى المحاضرات
وهو اللى عرفنى ع المنتدى
كان فى محاضرة وجنى مكان فاضى فقعد جنبى واتعرفنا ودخلنا مع بعض فى الكلام والكلام جاب بعضه لغاية المنتدى وكده
واكيد معانا فى 4 حاسب هههههههههه

عمرو الزملكاوى
امبراطور الزملكاوية فى المنتدى
وبجد مع انه زملكاوى
بس محترم جداا وطيب ومتدين
واى خسارة للاهلى باستنى منه رسائل تهنئة ههههه
وهو من ابو حماد
ومعانا فى 4 حاسب

وانا كمان نأسف
بتدخلى على طول دخول مختفى
وردودك بيبان فيها حزن شوية
وبتحبى مواضيع الشعر وبالذات لو فراق
ومعانا فى الكلية فى 4 تك

بس على فكرة انتى نسيتى تكتبى اسماء زوار المنتدى ومحركات البحث فى جوجل بالمرة ههههههههههه

اقتباس :

انا ابقى بنت عمتها وهى تبقى بنت خالى ها وصلت

اه يعنى بباكى وممامتها اخوات
سهلة اهى
هههههههههههههه
ــــــــــــــــــــــــــ

1-اية اكتر حاجة تشعرك بقدر من الحرج..؟
ممكن لما اكون مع ناس مش اعرفهم

2-كام مرة حسيت انك مكلش لازمة فى الحياة..؟ولية
لا تقريبا مش حسيت بكده

3-لو حبيت بنت وعرفت بعد كدا انها بتحب شخص تانى اية ردت فعلك..؟؟ ومتقولش هنساها طب ولو معرفتش تنساها هتعمل اية..؟؟
هاطلقها هههههههه
يعنى اكيد هاسيبها
وهانساها غصب عنى مافيش غير كده

4-اية اكتر يوم حسيت بسعادة فية..؟ واية اللى حصل فية..؟؟
والل يوم فوز الاهلى ببطولة افريقيا فى ماتشه مع الصفاقسى بهدف لتريكة فى الوقت الضايع

5-اية اكتر يوم حسيت بالحزن فية..؟ واية اللى حصل فية..؟؟
ايام الاعتداء على غزة وقتل ملايين الابرياء وصمت حكام العرب
ويوم وفاة محمد عبد الوهاب لاعب الاهلى


6-اية اكتر مكان لما بتروحة بتتخنق منة بسرعة وبتبقى عايز تمشى..؟؟
الشغل ههههههههه

7-قرار اخدتة ومسحيل تتنازل عنة اية هو..؟؟
انى اكلم بنت بلعب عن حب فى التليفون او شات او حقيقة يعنى

8-قرار اخدتة ورجعت فية..؟؟
كنت وقفت 3 اعضاء فى منتدى وبعد كام يوم رجعتهم تانى

9-اية الحاجة اللى مبتقدرش تمسك اعصابك قدامها..؟؟
الموت

10-واخر سؤال
انتا عايش لية فى الدنيا دى........؟؟
عشان اكل واشرب هههههههههههه

طبعا عشان اعبد ربنا
ونتعلم ونشتغل
كده يعنى

وشكرااا ع الاسئلة

ههههههههههههههههههههههه
ماشى يامصراوى
بس كل الاراء عن الناس
اهلاوى ان شاء اللة اهلاوى زملاكوى بس محترم
اية هوة كل كورة


بس انت قولت رايك
ومقلتش نصيحة لكل واحد منهم

بس هبسطهملك

واقولك
قول نصيحة

لنهر
لف انجل
مون
قصاد
فؤش
الرباط
وانا
وعلاء عبد المجيد
واهلاوى
وماجور
وكفاية كدة

نهر
بطل كتابة شعر

لف انجل
بطلى تتاثرى بالافلام

مون
بطلى ضحك

قصاد
بطلى مذاكرة
هههههههههه

فؤش
بطل كلام

الرباط
بطل برامج

وانا
بطلى سجاير
ههههههههههه

وعلاء عبد المجيد
بطل تشتغل

واهلاوى
بطل تتطول

وماجور
بطلى تشجع تشجيع زمالك

بجد يا ناسف كل واحد مهتم بحاجة
ممكن انا اكون شايفها عيب بس هو شايفها ميزة
بس خلاص هاقول نصيحة وامرى لله

نهر
ياريت يكون فيه مواضيع دينية بنفس قوة المواضيع الرومانسية

لف انجل
جميل ان يكون لكى مشاعر حساسة
بس ده ممكن ياثر على قراراتك بعد كده فى المستقبل يعنى

مون
مش تغيبى كتير عن المنتدى

قصاد
انا سمعت ان سنة رابعة صعبة
خلى بالك من المذاكرة وان شاء الله من الاوائل زى كل سنة

فؤش
بص مش تحط صور بنات فى التوقيع للاعضاء
عشان ممكن انت تشيل الذنب

الرباط
يابنى ادخل المنتدى مانت كل يوم ع النت

وانا
بصى الحياة فيها الفرح والزعل
وقت فرحك انسى كل احزانك
ووقت حزنك خليه قصير ومش تفكرى فيه على طول

وعلاء عبد المجيد
خلى فى نيتك وانت بتعمل عمرة رمضان انها تعادل حجة مع الرسول
واوعى تنسانا بالدعاء

واهلاوى
حاول تلعب شطرنج كتير بس بعد رمضان
عاوزين نعمل حاجة فى السنة الجاية

وماجور
بجد اصبرى ع الزمالك
اى فريق لازم يخسر ولازم يكسب
ومش كله خسارة
ومش تزعلى من الهزار

ــــــــــ
وطبعا لكل الاعضاء
حاولوا تستفيدوا من رمضان ده
كان فى ناس معانا السنة اللى فات ومش لحقوا رمضان السنادى
والله اعلم مين هيعيش لرمضان الجاى

وخلى بالك من جملة الرسول " خاب وخسر من ادرك رمضان ولم يغفر له " والرسول قال عليها امين
وان شاء الله نخرج من رمضان وكلنا مغفور لنا ذنوبنا

ههههههههههههه انا أبطل شعــر لما أنت بطل شطرنج ههههههه

أهــو أنا بحب الشعــر زى الشطرنج بالظبط عندك ..مش لازم يكون رومانسى بس تكتب إلى أنت بتحس بيه وبس


خلاص أنا جيت بقى أهــو علشان نكمل الأسئــلة



طبعـا ألف شكر للنصيــحة وطبعــاً بأذن الله هعمل بيهــا الشكر لك عليهــا


1- أوصف يومك فى أول أيام شهـــر رمضــــان ؟؟؟


ما الشيء الذى لا تستطيع التخلى عنـه ؟


3- ما الكلمى التى إذا قيلت تأثر فى مصـطفى ؟

4- هـل أنت راضى عن نفسك ؟ أن كان نعم فلماذا وأن كان لا فأيضا لماذا ؟

5- أذا صادفت موقف تصبح فيه الجارح أو المجروح فما يكون أختيارك وما سبب أختيارك ؟

6- حــلم لم تستطيع تنفيذه فما هــو ؟؟؟ وحــلم أستطعت تنفيذه فمــا هـــــــــــو ؟

7- لمن تهدى بسمتك ؟

8- لمن تهــدى دمعتك ؟

9- لمن تهــدى باقة ورد ؟

10 - قلبك لمن ؟

11- هل تأخذ بنصيحة الآخرين وتفعل بهـا ؟؟؟ أم تأخذ بارائك أنت فقط ؟

12- ما أكثر شيء يغضبك ؟

13- كيف تتعرف على شخصية من أمامك ؟

14- أكثر شيء تتمنى أن تفعله الآن ؟

15- مين الشخصية التى تقربت منها وندمت على معرفتها ؟

16- مــاذا ستكون نصيحتك لأطفـــالك ؟

17- من الأنسان الذى يخطأ فى حقك وتســامحه دون تردد

18- إلى من ترسل بــاقة أعتــزار ؟

19- إلى من تــرســل باقة شكـر ؟

20- أكثر مـوقف فى حياتك جعلك تشعر بالخجل ؟

21- أكثر صفه تحبها فى نفسك ؟.

22- أكثر صفة تكرها فى نفسك ؟

23- شخص سعدت بمعرفته ولم تتخيل الحياة بدونه ؟

24- ماذا تقول لمن ظلمك فى رساله ؟

25- اعتزار الرجل للمرأه زل أم احترام للذات .؟؟

26- هـل أبكت دموعك أمام أحد وأن كان نعم فما سر بكائك ؟

27 - عندما يحتل الغضب كيانك فما تفعل وقتهــا ؟



كفاية كده مصــراوى هنكمل بعدين


آه آنـــا آســف بسبب ســؤالك والدك والله ما أعرف أنه متوفى لو أعرف مش كنت سألت أسئله أتجاه خالص

ربنــا يرحمــه برحمتــه فى شهر المبــارك ويكتب لنا المغفره ولأمواتنــــــــا ......

رمضان كريم

وشكراً لأجابتك

ههههههههههههه انا أبطل شعــر لما أنت بطل شطرنج ههههههه

أهــو أنا بحب الشعــر زى الشطرنج بالظبط عندك ..مش لازم يكون رومانسى بس تكتب إلى أنت بتحس بيه وبس

لا يبقى مش هتبطل شعر ههههههههه

خلاص أنا جيت بقى أهــو علشان نكمل الأسئــلة

اتفضل


1- أوصف يومك فى أول أيام شهـــر رمضــــان ؟؟؟
طيب مثلا اول اليوم بيبدا من الفجر
صليت الفجر والحمد لله
ورجعت فتح نت شوية وبعدين نمت
وصحيت ع الساعه 11 وبعدها بشوية صليت الظهر
وحاليا معاك ع المنتدى
وباعمل سلك عشان نوصل بيه نور للدور الاخير عشان بنبنى والعمال قالوا هيشتغلوا بالليل فى رمضان
ولو حصل اى حاجة بعد كده هاقولك

ما الشيء الذى لا تستطيع التخلى عنـه ؟
دين الاسلام

3- ما الكلمى التى إذا قيلت تأثر فى مصـطفى ؟
اى كلمة اهانة

4- هـل أنت راضى عن نفسك ؟ أن كان نعم فلماذا وأن كان لا فأيضا لماذا ؟
لا لانى مقصر شوية

5- أذا صادفت موقف تصبح فيه الجارح أو المجروح فما يكون أختيارك وما سبب أختيارك ؟
المجروح
لانى مش باحب ازعل حد منى
ويابخت من بات مظلوم

6- حــلم لم تستطيع تنفيذه فما هــو ؟؟؟ وحــلم أستطعت تنفيذه فمــا هـــــــــــو ؟
انى اجيب تقدير عام امتيار
ياخى انا باحل حل فى الامتحان هههههههه
بس للاسف مافيش حد بيفهمنى

وحلم اتحقق انى اكسب اول شطرنج

7- لمن تهدى بسمتك ؟
لاى حد مسلم لانها تعتبر صدقة
خير ليا يعنى

8- لمن تهــدى دمعتك ؟
لاى انسان عزيز عليا وحصله حاجة

9- لمن تهــدى باقة ورد ؟
لاصحابى

10 - قلبك لمن ؟
لله

11- هل تأخذ بنصيحة الآخرين وتفعل بهـا ؟؟؟ أم تأخذ بارائك أنت فقط ؟
اه باسمع نصائح الاخرين
بس بافكر فيها الاول ولو اقتنعت ماشى
يعنى تقدر تقول اه ولا فى اغلب الاحول

12- ما أكثر شيء يغضبك ؟
لما اسمع حاجة تهين الاسلام

وبعد اى مباراة الاهلى بيخسرها باكون زعلان بس الزعل بيروح تدريجيا

13- كيف تتعرف على شخصية من أمامك ؟
من كلامه
يعنى بيحب مواضيع ايه او بيتكلم ديما فى ايه
كده يعنى

14- أكثر شيء تتمنى أن تفعله الآن ؟
انى اروح اجيب الاسمنت عشان المبانى بس مكسل ههههه

15- مين الشخصية التى تقربت منها وندمت على معرفتها ؟
لا مش فاكر بصراحة


16- مــاذا ستكون نصيحتك لأطفـــالك ؟
يعنى يبقوا محترمين ويمسكوا بالاسلام
ويخلوا بااهم من مذاكرتهم يعنى كده

17- من الأنسان الذى يخطأ فى حقك وتســامحه دون تردد
اى حد قريب منى

18- إلى من ترسل بــاقة أعتــزار ؟
لاى حد زعل منى فى يوم من الايام

19- إلى من تــرســل باقة شكـر ؟
ل امى

20- أكثر مـوقف فى حياتك جعلك تشعر بالخجل ؟
اكبر موقف مش فاكره اوى بس هاقولك موقف غير اللى قولته قبل كده
كنت فى حفلة والمفروض انى اخد شهادة تقدير عشان كسبت وكده
فلما بدات كنت محرج جدا وقلت والله بجد يارتنى ما كسب
كنت محرج اطلع استلم الشهادة
بس الحمد لله عدت على خير

21- أكثر صفه تحبها فى نفسك ؟.
الواقعية ... انى واقعى يعنى

22- أكثر صفة تكرها فى نفسك ؟
انى مش اجتماعى

23- شخص سعدت بمعرفته ولم تتخيل الحياة بدونه ؟
اى شخص حبيته بجد

24- ماذا تقول لمن ظلمك فى رساله ؟
بص السؤال ده لو كان جه قبل رمضان بصراحة مكنتش عارف هيكون نفس الاجابة ولا لا
بس عشان رمضان هاقوله ربنا يسامحك

25- اعتزار الرجل للمرأه زل أم احترام للذات .؟؟
ماهو لو اعتذار عشان علطان فيبقى احترام لذاته

26- هـل أبكت دموعك أمام أحد وأن كان نعم فما سر بكائك ؟
كنت باحضر دفن ام واحد صاحبى

27 - عندما يحتل الغضب كيانك فما تفعل وقتهــا ؟
وقتها بالظبط مش عارف لانى مش باكونعارف باعمل ايه
بس بعدها بدقائق باستغفر


كفاية كده مصــراوى هنكمل بعدين
اوك

آه آنـــا آســف بسبب ســؤالك والدك والله ما أعرف أنه متوفى لو أعرف مش كنت سألت أسئله أتجاه خالص

لا حبيبى ما تقولش كده عيب عليك
عادى والله

ربنــا يرحمــه برحمتــه فى شهر المبــارك ويكتب لنا المغفره ولأمواتنــــــــا
اللهم امين ......

تسلم مصراوى



وكل سنه وانت طيب

اللون ده بيفكرك بمين من باعضاء المنتدى وكمان ياريت تقول احساسك اتجاة كل لون
الابيض
البرتقالي
الاخضر
الاحمر
الأصفر
الاسود
الرمادى
السماوى

إيه لونك المفضل ؟
أكتر موقف مؤلم بالنسبة ليك كان وانت عندك كام سنة ؟
أكتر موقف بتحب تفتكره؟

ما هو الأشياء التى مرت بحياتك وتتمنى انها تتكرر مره أخــرى ؟

هل انتى سريع التراضى والتسامح أم قلبك يتذكر كل شيء أغضبك ؟
ما هو الانسان الذى دائمــاً تهرب من تــواجده معـــك ؟
مــاهى الكلمــة التى تشعــرك بحــرج ؟
ما هو الشيء الذى أذا حدث تشعر بان حياتك توقفت عليه ؟
ما هو النجاح الذى تريد الوصــول أليه ؟


ماذا تعنى لك كليه التربيه النوعيه؟ ويارتى داخلها باخيارك ولا كنت عاوز غيرها
اصلا انت داخلها بعد ثانوى ولا بعد دبلوم ولا اية

من الشخصيه التى فرحت لمعرفتها وتمنيت انك عرفتها من زمااااان .... ومن هى الشخصيه التى ندمت كتيررررر لمعرفتها؟

ناوى على أية بعد التخرج؟ ما هى طموحاتك؟ واحلامك؟ يعنى راسم اية لمستقبلك شايفة ازاى وكدة

ماهى مواصفات فارسه احلامك يعنى الحبيبة اللى هتجوزها واللى هتوجة ليها اغنية غلطة ديت عاوزها عاملة ازاى
وعاوزة مواصفات شكلا وموضوعا
يعنى شكلها صفتها طبعها كلة يعنى

شخصيه اثرت فى حياتك ؟؟ فمن هيا؟

بتفكر فى اية دوقتى

اية الاغنية اللى ع بالك او نفسك تسمعها



نفسك فى اية حالا



وكفاية كدة

مصراوي

رمضان كريم يا جميل

1* هوايتك المفضله ؟ واكلتك المفضله ؟

2*اقرب الناس ليك هنا في المنتدي وبصراحه اختار 3 بسسسسس؟

3*حبيت كام مره هههههههههه ؟

4*عندك كام اخ واكم اخت ؟ وانهي فيهم اعز الي قلبك ؟

5* انت منين ؟ ايه البلد اللي تحب تعيش فيها ؟

6*هل انت بتؤيد فكره سفر الشباب ؟ ولو عايز تسافر تحب تسافر فين ؟ ولو مش عايز ليه مش عايز ؟

7* بتحب والدتك ولا والدك اكتر مافيش محايده ؟

8* ايه الشئ اللي بتحبه في البنت في شخصيتها يعني ؟ وايه الشئ اللي بتكره في شخصه البنت ؟

9* انت راضي عن نفسك ؟ ولو مش راضي ليه ؟ ولو راضي ليه ؟

10*بتصلي الفرض في وقته ؟

11* ايه الماده الدرسيه اللي كنت بتكرهها ؟

12* هدفك الذي تراه سيتحقق ان شاء الله ؟


ورمضان كريم

للون ده بيفكرك بمين من باعضاء المنتدى وكمان ياريت تقول احساسك اتجاة كل لون
مش ليا فى الحكاية دى بصراحة
بس هاقول برضه
الابيض
عمرو & ماجور

البرتقالي
فؤش

الاخضر
نهر

الاحمر
اهلاوى

الأصفر
ناسف

الاسود
مصراوى

الرمادى
قصتد

السماوى
زهرة

اى حاجة كده ولاخص ماحدش يسالنى لنا انا لون كذا ههههه

إيه لونك المفضل ؟
باحب الازرق لو فى اللبس مثلا

أكتر موقف مؤلم بالنسبة ليك كان وانت عندك كام سنة ؟
ممكن استشهاد الشيخ احمد يس وانا فى ثانوى

أكتر موقف بتحب تفتكره؟
ايام المدرسة
ومباريات الاهلى الهامة

ما هو الأشياء التى مرت بحياتك وتتمنى انها تتكرر مره أخــرى ؟
ايام الثانوى

هل انتى سريع التراضى والتسامح أم قلبك يتذكر كل شيء أغضبك ؟
لا سريع التراضى بس مع اللى يستاهل او غالى عندى يعنى

ما هو الانسان الذى دائمــاً تهرب من تــواجده معـــك ؟
لا فيش حاليا

مــاهى الكلمــة التى تشعــرك بحــرج ؟
ماهى على حسب الموقف يعنى ممكن اقل كلمة فى موقف محرج تحرجنى


ما هو الشيء الذى أذا حدث تشعر بان حياتك توقفت عليه ؟
وفاة والدتى

ما هو النجاح الذى تريد الوصــول أليه ؟
انى اخلص كلية واشتغل واتجوز وابنى حياة جديدة يعنى

ماذا تعنى لك كليه التربيه النوعيه؟ ويارتى داخلها باخيارك ولا كنت عاوز غيرها
اصلا انت داخلها بعد ثانوى ولا بعد دبلوم ولا اية
لا ولا كنت اعرف يعنى ايه تربية نوعية وكتبتها فى مكتب التنسيق اول رغبة من غير ما اكون عارفها اصلا
لانى كنت رايح فى اخر يوم
ودلوقتى اه عادى اهى ماشيةو بحبها
وانا كنت دبلوم
اه داخلهاتعتبر باختيارى لان مافيش حد ضغط عليا انى ادخلها وانا اللى روحت من نفسى اقدم يعنى

من الشخصيه التى فرحت لمعرفتها وتمنيت انك عرفتها من زمااااان .... ومن هى الشخصيه التى ندمت كتيررررر لمعرفتها؟
اصحاب الكويسين كنت اتمنى انى اعرفعهم من زمان
ومافيش شخصية فاكرها حاليا ندمت عليا

ناوى على أية بعد التخرج؟ ما هى طموحاتك؟ واحلامك؟ يعنى راسم اية لمستقبلك شايفة ازاى وكدة
انا عاوز ان شاء الله افتح مشروع خاص
بس ربنا يسهل لو لقيت شغل كويس هاروحه

ماهى مواصفات فارسه احلامك يعنى الحبيبة اللى هتجوزها واللى هتوجة ليها اغنية غلطة ديت عاوزها عاملة ازاى
وعاوزة مواصفات شكلا وموضوعا
يعنى شكلها صفتها طبعها كلة يعنى

عادى زى اى شاب ما بيطلب مواصفات فى اى بنت
متدينة
محترمة
جامعية
طويلة ودى اهم حاجة ههههه
مش عاوزها تكون من العيلة عشان مشاكل زواج الاقارب وكده
ولو نفس مستوى التعليم يبقى كويس

شخصيه اثرت فى حياتك ؟؟ فمن هيا؟
اللى فاكره دلوقتى سيبدنا عمر بن الخطاب
كنت قرات عنه كتير فعجبتنى شخصيته

بتفكر فى اية دوقتى
حاليا
فى الشغل اللى عندنا فى البيت
ومباراة الاهلى اللى بالليل دى
يعنى عاوز اجهز كل حاجة عشان مش اطلعلهم ساعة المباراة

اية الاغنية اللى ع بالك او نفسك تسمعها
فيه 3 اغانى لسة منزلهم من كام يوم كده
لياسمين الخيام
ال3 احلى من بعض


نفسك فى اية حالا
نفسى اشرب هههههه

مصراوي

رمضان كريم
الله اكرم

1* هوايتك المفضله ؟ واكلتك المفضله ؟
باحب اللعب شطرنج
الاكلة ممكن مكرونة بالبشاميل

2*اقرب الناس ليك هنا في المنتدي وبصراحه اختار 3 بسسسسس؟
اهلاوى .. عمرو ... قلب حائر
على فكرة عمرو وقلب الاتنين زملكاوية عشان تعرفوا بس انى مش متعصب ههههههه

3*حبيت كام مره هههههههههه ؟
كتييييييير
امى والنادى الاهلى واصحابى
4
*عندك كام اخ واكم اخت ؟ وانهي فيهم اعز الي قلبك ؟
اخ واخت
ولاتنين فى مكانة واحدة


5* انت منين ؟ ايه البلد اللي تحب تعيش فيها ؟
من بلبيس
واحب اعيش فيها هى بلد كويسة

6*هل انت بتؤيد فكره سفر الشباب ؟ ولو عايز تسافر تحب تسافر فين ؟ ولو مش عايز ليه مش عايز ؟
اه بس لو بطريقة مشروعة
انما غير مشروعة فلا

لو عاوز اسافر ممكن سلطنة عمان او ايطاليا

بس انا مش عاوز اسافر
عشان والدتى واخواتى

7* بتحب والدتك ولا والدك اكتر مافيش محايده ؟
والدتى

8* ايه الشئ اللي بتحبه في البنت في شخصيتها يعني ؟ وايه الشئ اللي بتكره في شخصه البنت ؟
يعنى تكون محترمة وتحافظ على نفسها
واكره الغرور والحرية بهبل

9* انت راضي عن نفسك ؟ ولو مش راضي ليه ؟ ولو راضي ليه ؟
لا
لانى لسة مش وصلت لمكانة كويسة

10*بتصلي الفرض في وقته ؟
الايام دى الحمد لله اه
بس بصراحة قبل كده لا

11* ايه الماده الدرسيه اللي كنت بتكرهها ؟
رياضة الحاسب

12* هدفك الذي تراه سيتحقق ان شاء الله ؟
هو اقرب هدف دلقوتى انى اخلص كلية ان شاء الله

مش كفاية كده ولا ايه

انا عن نفسى اعتقد انى اسكتفيت اسئلة
معرفش انت اخرك امتى الكرسى
بس اعتقد انى مش هسأل تانى
واحب اقولك انك شخصية محترمة واهلاوية اوى
وسريع جدا بالرد ع الاسئلة

بتمنالك كل توفيق
ورمضان كريم

شكرااااااا ناسف
ولو الكل خلاص كده اختاروا حد مكانى

تقوم فين يااخ ههههههههههههههههه

دة انت ملونى لون هههههههههههههههههه رمادى ياراجل حرام عليك ههههههههههههههه بس فعلا انا بحب الرصاصى ههههههههههه


اقولك ياسيدى

: - 1- هل مصراوى يتكلم وراء ستار فى بعض الموضوعات ؟يعنى مثلا متحبش حد يسالك عن حاجتك الشخصية فبتتكلم ورا ستار ؟؟

2- ياترى ايه معطلك عن انك تجيب امتياز ؟؟

3- ماهى الوظيفة التى تتمناها مستقبلا ؟

4- دلوقتى انت خايف من الموت وانا لاحظتها كتير فى ردودك ؟؟؟؟؟؟ واللى بيخاف من الموت بيبقى عامل افعال مش كويسة خايف منها او خايف الموت يجيه قبل مايغفر عنها ؟؟؟؟؟ فماذا فعلت ؟؟ ام هذا شعور يرتابك فقط ؟

5- من وجهة نظرك هل الولد اللى بيتكسف افضل ولا الولد الجرىء ؟؟ ومتقوليش الوسط ؟؟ اختار بين الاتنين بس ؟ وقولى السبب ؟

6- تحكم على شخصيتك هل هى ناضجة ام متوسطة النضج ام لم تصل الى النضج ؟ وايه يثبتلك دة ؟

7- متى تشعر بالمسؤلية ؟ ولماذا ؟

8- لنفسك وليس الاخرين كيف تثبت لنفسك انك رجل تستحق الحياة ؟



واقولك ههههههههه كل سنة وانت طيب

حلو الرمادى اصلا هههههههههههه
- 1- هل مصراوى يتكلم وراء ستار فى بعض الموضوعات ؟يعنى مثلا
متحبش حد يسالك عن حاجتك الشخصية فبتتكلم ورا ستار ؟؟
لا مش بالظبط
بس فيه مواضيع مش باحب اتكلم فيها
لانى مش بافكر فيها اصلا
مش لانى محرج او كان فيه حاجة قبل كده
انما الحاجات الشخصية الموجودة انا جاوبت عليها

2- ياترى ايه معطلك عن انك تجيب امتياز ؟؟
مش باحب ازعل حد منى ههههههه
يعنى اجيب امتياز وتزعلى وتحبطى وتقولى مش رايحة الكلية تانى؟
بصى هو نظام التعليم عندنا اصلا وحش
احنا المفروض نجاوب فى الامتحان على حسب ما الدكتور فاهم مش على حسب ما احنا فاهمين
ده عيب عام
انماعيب الشخصى من وجهة نظرى انى مش احب اذاكر الا المواد العملية
لان المود التانية باحس انها حاجات وهمية
يعنى مثلا المواد بتاعت طرق التدريس او علم النفس
دى حاجات بنتعلمها عشان نحطها فى ورقة الاجابة وننجح وبس
ومش بنطبقها برة لو اشتغلنا مدرسين يعنى

ومع ذلك المواد العملية مش باخد حقى
يعنى اقرب مثال مادة د/ عرفة
انا مش غيبت ولا يوم الا ايام كفر الشيخ ومش اخد غياب فى اليوم ده
امتحان العملى اول واحد خارج بعد ما عملت اللى طلبه د ايهاب
المشروع د عرفة مش خلى المعيدة تقيمه عشان هو شافه قبل كده وقال انه
احسن مشروع شافه
امتحان النظرى غلط فى تقريبا مميزات البرنامج وكتبت الخصائص.. حاجة زى كده
وفى الاخر جيبت جيد ههههههه
انا مش باجيب عليهم العيب كله
انا مشارك كمان بس برضه هم لهم تاثر
المهم نخلص النقطة دى عشان العصر اذن

- ماهى الوظيفة التى تتمناها مستقبلا ؟
انا اتمنى انى اشتغل مدرس حاسب
بس صعب شوية
وكمان باحب اى شغل له علاقة بالحاسب
وحكاية السوبر ماركت بصراحة هو حلم بس مش عملى شوية ههههه

4- دلوقتى انت خايف من الموت وانا لاحظتها كتير فى ردودك ؟؟؟؟؟؟ واللى بيخاف من الموت بيبقى عامل افعال مش كويسة خايف منها او خايف الموت يجيه قبل مايغفر عنها ؟؟؟؟؟ فماذا فعلت ؟؟ ام هذا شعور يرتابك فقط ؟
لا هوالموت فى حد ذاته احساس فظيع
وكمان بالنسبة لانى افقد حد انا باحبه ده شئ صعب يعنى اتخيل انى خلاص مش هاشوفه تانى صعب بجد
وكمان موتى انا شخصيا يعنى برضه الواحد خايف ولو مش كان مذنب حاليا
لان الله اعلم ان كان ربنا غفر الذنوب اللى قبل كده ولا لا
وكمان لا يأمن مكر الله الا القوم الكافرين


5- من وجهة نظرك هل الولد اللى بيتكسف افضل ولا الولد الجرىء ؟؟ ومتقوليش الوسط ؟؟ اختار بين الاتنين بس ؟ وقولى السبب ؟
لا الجرئ
بس مش يوصل لدرجة البجاحة يعنى
والسبب ان الولد المفروض انه بيتعامل مع ناس كتير والمفروض يكون مش بيتكسف والا هيترتب على كده حاجات كتيرة غلط

6- تحكم على شخصيتك هل هى ناضجة ام متوسطة النضج ام لم تصل الى النضج ؟ وايه يثبتلك دة ؟
متوسطة
اكتسبت ثقة ناس كتيرة واحترامهم
ومش ناضجة " كاملة " لان ساعات بيكون حكمى ع الاشياء غلط
وكمان مش عندى خبرة فى الحياة لدرجة انى اوصل للدرجة دى

7- متى تشعر بالمسؤلية ؟ ولماذا ؟
لما يكون مطلوب منى حجاات وهتتوقف عليا او مش ينفع غيرى يعملها

8- لنفسك وليس الاخرين كيف تثبت لنفسك انك رجل تستحق الحياة ؟
اوك مادام لنفسى
لما اكون مخلص كل الفروض
انا لما اروح الشغل بجد باحس انى ليا كيان
وكمان لما والدتى تطلب منى حاجة واعملها
عكس كده باحس انى صفر ع الشمال او ع الييمن اهو صفر وخلاص


وكل سنة وانتى طيبة
كده خلاص بقى ؟

ياعم احمد ربنا هههههههههه جيد ههههههههههههه انا جبت فيها مقبول ومنهم لله بقى نزل النسبة العامة بسبب المادة دى والله اعلم تعبت فيها قد ايه ههههههههههههههههههههه وخلى بالك مش معنى انك محروم من حد غالى عليك انك تخاف دة انت المفروض تعمل للاخرتك ومتخافش لان كل الحاجات دى مقدرة يعنى لامفر منها

واسال واقول

1- متى تعيب نفسك ؟

2- متى تعاقب نفسك ؟

3- هل تهرب احيانا من نفسك ؟

4- هل اسات الى نفسك فى مرة من المرات وياريت الموقف ؟

5- هل قصرت فى نفسك ؟ وماهو سبب تقصيرك ؟



وشكرا لك لما اابقى افتكر اسئلة هدخل واكتبها هههههههههههه

لا منا باقولك مهما وصلنا لدرجة المفروض مش نطمن للموت برضه
الله اعلم ان كان اللى تقبل ام لا
واحمد لله على كل حال

1- متى تعيب نفسك ؟
لما انقد حد فى عيب والعيب ده عندى

2- متى تعاقب نفسك ؟
لما اغلط فى حق حد


3- هل تهرب احيانا من نفسك ؟
اه

4- هل اسات الى نفسك فى مرة من المرات وياريت الموقف ؟
لو السؤال بمعنى انى جيبت الكلام لنفسى مثلا فاه بس عن غير قصد طبعا

5- هل قصرت فى نفسك ؟ وماهو سبب تقصيرك ؟
اه
لما مش اصلى فانا مقصر فى حق نفسى
لما مش انام كويس واسهر فانا مقصر فى حق نفسى
كده يعنى


وشكرا لك لما اابقى افتكر اسئلة هدخل واكتبها هههههههههههه
هو لسة فيه تانى ؟
مش دلوقتى معاد تحضير فطار وكده ولا ايه هههههههه

1- هل شعرت يوما بالقسوة ؟ ولماذا ؟

2- من وجهة نظرك لماذا يلجأ الزوج للزواج بامراة ثانية وثالثة ؟

3- ايه رايك فى رجل يحب امراة اخرى على زوجته دون علمها ؟؟ بالرغم من انها مثالية فى كل شىء وساعدته للوصول الى اعلى المناصب ؟ طبعا دة مسلسل خاص جدا ليســــــــــــــرا


واقولك اما افتكر تانى ابقى اسالك هههههههههههه

عشان متزهقش بس

1- هل شعرت يوما بالقسوة ؟ ولماذا ؟
لا

2- من وجهة نظرك لماذا يلجأ الزوج للزواج بامراة ثانية وثالثة ؟
ممكن عشان الاولاد
او ام العيال منكدة عليه
او عينه فارغة
او واحدة غلبانة اتجوزها
كده يعنى

3-
ايه رايك فى رجل يحب امراة اخرى على زوجته دون علمها ؟؟ بالرغم من انها
مثالية فى كل شىء وساعدته للوصول الى اعلى المناصب ؟ طبعا دة مسلسل خاص
جدا ليســــــــــــــرا
لا يبقى غلطان والغلط راكبه من ساسه لراسه ... مسلسل يسرا مين

واقولك اما افتكر تانى ابقى اسالك هههههههههههه

عشان متزهقش بس
اوووووك
بس اعرف هو امتى اخلص عشان مش اخد اكتر من وقتى وادفع فرق

ايه ياجماعه هو انتم نتمتم عن مصراوي ولا ايه
ده زعلانه اهوت ان محدش بيساله

هو كله صايم عن الاسئله ولا ايه بقا

ما سر فساد الشباب فى هذه الايام من وجهة نظرك؟

ما رايك فى الدورى المصرى هذه السنه ومن تتوقع
ان يحصل على الدورى؟

بما انك بتشطب او شطبت خلاص

اية اكتر سؤال عجبك
اكتر سؤال ضيقك
اكتر سؤال رخم
اكتر سؤال حسيت انة جاب اللى جواك
سؤال توقعتة ومش اتقال

وتختار مين يكون بعدك ع الكرسى

اقتباس :

ايه ياجماعه هو انتم نتمتم عن مصراوي ولا ايه
ده زعلانه اهوت ان محدش بيساله

هو كله صايم عن الاسئله ولا ايه بقا

ههههههههههههههههههه
لا انا كده خلاص
هجاوب على علاء ونأسف وكويس اوى لغاية كده

ما سر فساد الشباب فى هذه الايام من وجهة نظرك؟
بص ياعم
هو اكيد غياب رقابة من الاهل
وبعد عن الدين
ومفهوم غلط للحرية
وتقليد اعمى للغرب
يعنى موضه جديدة مش مناسبة يقلدها
وتشجيع زمالك
كده يعنى

ما رايك فى الدورى المصرى هذه السنه ومن تتوقع
ان يحصل على الدورى؟
الدورى شكله كويس
وان شاء الله للاهلى ... دى امنيتى يعنى

انما التوقع صعب شوية بصراحة

انا بقول زهرة
اية رايكم

ماشى

عاوزين حد ما يكونش قاعد على الكرسى
وشكرا لك مصراوى على ردودك الجميلة
وكل سنة وانت طيب

عندكم زهرة وعلاء لسة شم قعدوا
اختاروا بنهم

خلاص نمشيها زهرة

لاه انا عاوزه مصراوى تانى
ماليش دعوه انا مش سالته
طيب معلش سيبوا مصراوى يومين وبس
ممكن

لالالا ده دور زهرة خلاص
ماينفعش
ههههههههههههههه
المرة الجاية بقى