حكايتي مع المنتدى

لنتحاور و((نتصارح)) بكل حب وصدق


احبائي في كل مكان


للكل منا في هذا المنتدي العظيم(حكايه)


أفراحنا.. وأحزاننا .. همومنا .. و مشاكلنا .. وتهانينا .. وأوجاعنا .. أحبابنا .. وأصحابنا .. وأخواننا ... وأصدقاؤنا ..
ولا يمنع من وجود مشآغبات!!!


ولا يمنع من وجود الحبيب الذي تتمني أن تراه ؟؟


لذلك أنا قررت ان أطرح هذا الموضوع


والموضوع ها يكون عبارة عن أسئلة وما عليك الا ان تجاوب عليها ..


أتمنى أن يعجبكم الموضوع والأسئلة


وبعد ان تجيب علي الاسئله راح تورط عضو بعدك للاشتراك




ونبتدي الحكايه!!

* كيف بدأت رحلتك(حكايتك) مع المنتدي وكيف وصلت له؟


* منتدي النوعية ماذا يمثل لك؟؟


* هل تفكر في المنتدي وأنت خارجه وإلي أي درجه.......وبما تفكر؟


* ما أول شئ تفعله عند دخولك المنتدي....(بشرح لو سمحت)؟


* من هم الثلاثه الذي يشغلون تفكيرك وانت خارج المنتدي؟


* من الثلاثه الذي تبحث عنهم وأنت في المنتدي؟


* من الذي يسعدك عند مرورة في موضوع لك ويعلق((يكتب رد)) فيه؟


* موضوع تمنيت ان تكتبه لكنه موجود باسم عضو آخر؟


* رسالة خاصه إلى من ترسلها وماذا تقول له ؟


* ما هو الشئ الذي يقلق في المنتدي؟


* اصعب موقف مر عليك ولا تقدر ان تنساه؟


* لحظه مرت عليك في المنتدي ولم تنساها إلى اليوم من شدة الفرح او الحزن؟


* اي قسم من أقسام المنتدى ترتاح فيه وتحب تشارك فيه ......


واي قسم الذي تبدع فيه؟


* عضو معك في المنتدي تريد ان تقول له شئ!!


* هل تريد ان تقول شئ قبل ان تغادر؟


* من هو العضو الذي ترشحه او تورطه بعدك كي يشرفنا
في الموضوع ويحكي حكايته؟


في النهايه أتمنى أن ينال الموضوع اعجابكم وأن أرى


تفعالكم مع الموضوع

كيف بدأت رحلتك(حكايتك) مع المنتدي وكيف وصلت له؟
عرفت المنتدى منك وانت اللى قولتلى علية فشتركت فية وخصوصا ان المنتدى اللى كنت مشتركة فية حصلت فى مشكلة خلتنى مش بحب ادخلة


* منتدي النوعية ماذا يمثل لك؟؟
انتم احلى واجدع ناس بجد بحس اننا اسرة وبيت واحد


* هل تفكر في المنتدي وأنت خارجه وإلي أي درجه.......وبما تفكر؟
اة وخصوصا لو كنت مع حد منة اما اى اى درجة فمعرفش وبفكر فى اعضاءة وفى المواضيع اللى موجودة وكدة يعنى


* ما أول شئ تفعله عند دخولك المنتدي....(بشرح لو سمحت)؟
اول حاجة بشوف المواضيع الجديدة فى قسم المشررفين والاعضاء ولو فى مواضيع جديدة فى اى قسم تانى بدخل عليها
وبعدين ادخل المنتديات العامة واشوف مين متواجد بالمنتدى دوقتى وبعديها ابدأ اشوف المواضيع وكدة


* من هم الثلاثه الذي يشغلون تفكيرك وانت خارج المنتدي؟
مش قدر احدد تلاتة معينين لنهم كلهم غاليين عندى


* من الثلاثه الذي تبحث عنهم وأنت في المنتدي؟
ممكن بشوف فؤش هنا ولا لاء ممكن انت ممكن نهر على حسب يعنى

* من الذي يسعدك عند مرورة في موضوع لك ويعلق((يكتب رد)) فيه؟
ببقى مبسوطة اكيد وخصوصا لو رد يسمح بالتحاور

* موضوع تمنيت ان تكتبه لكنه موجود باسم عضو آخر؟
مجرد ذكريات دة اقرب موضوع نزل واتمنيت اكون انا اللى منزلاة

* رسالة خاصه إلى من ترسلها وماذا تقول له ؟
مجرد ذكريات واقولها انتى مين
ونضيف ليها تشارلز وملك البوب

* ما هو الشئ الذي يقلق في المنتدي؟
ان اوقات بيخشة اعضاء مش التمام واوقات بيبقى ميت

* اصعب موقف مر عليك ولا تقدر ان تنساه؟
موقفين واحد من سنتين وواحد من اسبوع ولا استطيع ذكرهم

* لحظه مرت عليك في المنتدي ولم تنساها إلى اليوم من شدة الفرح او الحزن؟
الحزن مفتكرش شىء الا ممكن الاياام دى كلام ومواضيع نهر احزنتنى كتير
اما الفرح فيوم عيد ميلاد قصاد الفرحة اللى كانت فيها كانت تحفة

* اي قسم من أقسام المنتدى ترتاح فيه وتحب تشارك فيه ......
الحوار العام

واي قسم الذي تبدع فيه؟
مش عارفة بصراحة ممكن نقول برضوا الحوارر العام

* عضو معك في المنتدي تريد ان تقول له شئ!!
عضوين اقول لهم اسفة ع كل شىء
ومجرد ذكريات واقولها انتى مين بجد

* هل تريد ان تقول شئ قبل ان تغادر؟
موضوع جميل

* من هو العضو الذي ترشحه او تورطه بعدك كي يشرفنا
في الموضوع ويحكي حكايته؟
انت

كيف بدأت رحلتك(حكايتك) مع المنتدي وكيف وصلت له؟

من واحد فى 3 حاسب بس هو مبقاش يدخل
* منتدي النوعية ماذا يمثل لك؟؟

اسرة تانيه من اجمل صحاب بجد
* هل تفكر في المنتدي وأنت خارجه وإلي أي درجه.......وبما تفكر؟

لا عادى مش بفكر فى حاجة
* ما أول شئ تفعله عند دخولك المنتدي....(بشرح لو سمحت)؟

بدخل على منتدى الحوار العام اشوف الجديد او احط موضوع وبعدين المسابقات
وبعد كده ممكن القي نظرة على الباقى واخرج

* من هم الثلاثه الذي يشغلون تفكيرك وانت خارج المنتدي؟

محدش صراحه
* من الثلاثه الذي تبحث عنهم وأنت في المنتدي؟
قصاد عينى ولف انجل وناسف

* من الذي يسعدك عند مرورة في موضوع لك ويعلق((يكتب رد)) فيه؟

كل اللى بيدخل بيسعدنى
* موضوع تمنيت ان تكتبه لكنه موجود باسم عضو آخر؟

مفيش
* رسالة خاصه إلى من ترسلها وماذا تقول له ؟
كل الناس اللى فى المنتدى انتو من احسن الناس اللى عرفتهم بجد

* ما هو الشئ الذي يقلق في المنتدي؟

نو ثنج محدد
* اصعب موقف مر عليك ولا تقدر ان تنساه؟

مش فاكرة دلوقتى حاجة بس معتقدش ان فى
* لحظه مرت عليك في المنتدي ولم تنساها إلى اليوم من شدة الفرح او الحزن؟
من الفرح خطوبه هدير وعيد ميلاد اى حد
الحزن مفيش

* اي قسم من أقسام المنتدى ترتاح فيه وتحب تشارك فيه ......
الحوار العام

واي قسم الذالي تبدع فيه؟

الحوار
* عضو معك في المنتدي تريد ان تقول له شئ!!


* هل تريد ان تقول شئ قبل ان تغادر؟

لا اله الا الله
* من هو العضو الذي ترشحه او تورطه بعدك كي يشرفنا
في الموضوع ويحكي حكايته؟

قصاد عينى او مصراوى

* كيف بدأت رحلتك(حكايتك) مع المنتدي وكيف وصلت له؟

من رامى

* منتدي النوعية ماذا يمثل لك؟؟
ولا حاجة هههههههههه

* هل تفكر في المنتدي وأنت خارجه وإلي أي درجه.......وبما تفكر؟
ممكن فى المواضيع اللى بشارك فيها او بتكون فيها مناقشة

* ما أول شئ تفعله عند دخولك المنتدي....(بشرح لو سمحت)؟
باشوف المساهمات الجديدة

* من هم الثلاثه الذي يشغلون تفكيرك وانت خارج المنتدي؟
لا عادى الاعضاء اللى بتكون مشاركة فى اخر المواضيع

* من الثلاثه الذي تبحث عنهم وأنت في المنتدي؟
الثلاثى المرح وهم عارفين نفسهم ههههههههههه

* من الذي يسعدك عند مرورة في موضوع لك ويعلق((يكتب رد)) فيه؟
اى عضو

* موضوع تمنيت ان تكتبه لكنه موجود باسم عضو آخر؟
موضوع بتاع عمرو اللى كان جايب فيه حاجات زماااااااااان

* رسالة خاصه إلى من ترسلها وماذا تقول له ؟
للزملكاوية
نشاطركم الاحزان

* ما هو الشئ الذي يقلق في المنتدي؟
بدون رقابة

* اصعب موقف مر عليك ولا تقدر ان تنساه؟
هنا مش فاكر بصراحة

* لحظه مرت عليك في المنتدي ولم تنساها إلى اليوم من شدة الفرح او الحزن؟
برضه مش فاكر اوى يعنى

* اي قسم من أقسام المنتدى ترتاح فيه وتحب تشارك فيه ......
هوانا باحب الرياضة عموما بس هنا مش شغال فبحب الحوار العام

واي قسم الذي تبدع فيه؟
عد غنمك يا جحا

* عضو معك في المنتدي تريد ان تقول له شئ!!
ابن لادن
ربنا يهديك

* هل تريد ان تقول شئ قبل ان تغادر؟
استودعكم الله

* من هو العضو الذي ترشحه او تورطه بعدك كي يشرفنا
في الموضوع ويحكي حكايته؟

اللى فاضى يتفضل

عثل يا درش والله
الدور على قصاد عينى ياجماعة

لالالا الدور عليك انت

لالالالالالالالالالالالا بتضحك عليا هههههههههههههه لا ياعم فارس انت الاول

يلا ابراهيم ان عاوز اعرف حكايتك مع المنتدى
وحكايتك مع فارس القلب الحزين
ولماذا اخترت هذا الاسم

تصدق بالله انا رديت وجاوبت على كله هههههههههههه بس جيت ارسل معرفش راحت فين فسامحنى بقى انا هموت من التعب بس ان شاء الله هجاوب لاتقلق والله يافارس جاوبت وقعدت اكتب من الساعة 5 وخمسة لغاية 5 ونص هههههههه شوف انت بقى وفالاخر ملقيهوش

هارد لك

ونبتدي الحكايه!!

* كيف بدأت رحلتك(حكايتك) مع المنتدي وكيف وصلت له؟
ونقول من دكتور عماد سالم فى سنة اولى كان مكلفنا بمشروع ننزله عالمنتدى ودخلت وسجلت ونزلت بمشروع مشكلة الاكتئاب

* منتدي النوعية ماذا يمثل لك؟؟
بيت خيالى

* هل تفكر في المنتدي وأنت خارجه وإلي أي درجه.......وبما تفكر؟
اة بفكر .......بفكر فى يوم كان حلو عليه او بموضوع او راى احد الاعضاء وعلق معايا

* ما أول شئ تفعله عند دخولك المنتدي....(بشرح لو سمحت)؟
بدخل لو فى رسايل خاصة بشوفها وبعدين ادخل موضوع موضوع على حسب الجديد

* من هم الثلاثه الذي يشغلون تفكيرك وانت خارج المنتدي؟
نهر الوفا وفى بعض الاعضاء بيشغلونى لما بيكونوا مثلا نزلوا موضوع حزين شوية او علقوا تعليق دخل دماغى سواء بالرفض او القبول بس فى حاجة مهمة صراحة كل الاعضاء خاصة لو كان فى موضوع منزله او راى قاله ببدا افكر فى الراى دة واشوف انا لو مكانه هقول ايه وهتصرف ازاى واسال نفسى ليه قال كدة يعنى الموضوع كبير


* من الثلاثه الذي تبحث عنهم وأنت في المنتدي؟
والله كلهم بس اللى انا واخدة عليهم يعنى او بتعامل معاهم

* من الذي يسعدك عند مرورة في موضوع لك ويعلق((يكتب رد)) فيه؟
كل الاعضاء

* موضوع تمنيت ان تكتبه لكنه موجود باسم عضو آخر؟
موضوع اسمه اعاهدك لنهر الوفا فى ملتقى الشعر والشعراء وكمان واحد اسمه سارحل حبيبتى بدون وادع العشقين بردو لنهر وموضوع ليك يافارس اسمه الغربة الحقيقة

* رسالة خاصه إلى من ترسلها وماذا تقول له ؟
بجد ربنا يحفظكم جميعاااااااااا ويفرحكم دايما

* ما هو الشئ الذي يقلق في المنتدي؟
لا يوجد

* اصعب موقف مر عليك ولا تقدر ان تنساه؟
فالمنتدى هفكرك بس متضحكش :: كان مرة انت كنت كاتب تعليق وبتقول يعنى مغزاه ان واحد صاحبك قالهولك ان مش كل حد بيبصلك معجب بيك ممكن تكون جزمته ضايعة وبيشك فيك متهيالى ههههههههه وانا ضحكت عالمثل وانت افتكرتنى بستهزأ بيك وبصحبك ....
وتانى موقف مع عمرو الزملكاوى فى سنة اولى بردو كنا شدينا فى موضوع عرسان بتخبط عالباب المهم انت بردو هديت الجو ورجعت المية لمجاريها هههههه دول مش قادرة انساهم وفى موقف مع علاء عبد المجيد بس مش هقوله هههههههههه علشان متضحكوش اكتر من كدة

* لحظه مرت عليك في المنتدي ولم تنساها إلى اليوم من شدة الفرح او الحزن؟
يوم عيد ميلادى لحظة الفرح ولحظة الحزن بقى يوم كان فؤاد تعبان وعرفت من المنتدى ومكنش بيدخل فطبعا قمنا معاه باحلى واجب وقام بالسلامة متهيالى كنا فى ليلة النصف من شعبان


* اي قسم من أقسام المنتدى ترتاح فيه وتحب تشارك فيه ......
كلهم بس اهم حاجة يكون فى اراء وانا بحب الاقسام كلها اللى فيها روح

واي قسم الذي تبدع فيه؟
انا لم ابدع هههههههه بس مهتمة شوية بالاخبار وبحب اسمع الاراء واجادل هههههه وبحب منتدى المراة مهتمة بيهم شويتين وبعاااااااا اخبار السيارات دة من رايك انا عارفة


* عضو معك في المنتدي تريد ان تقول له شئ!!
فارس القلب الحزين ....ربنا يرضيك
نهر الوفا ......ربنا يرزقك راحة البال
فؤش ...ربنا يسعد ايامك
د بيرسون ....ربنا يوفقك ويعينك
علاء عبد المجيد .......ربنا يجيبك بالسلامة لبيتكم ويعينك عالوحدة
مصراوى ......ربنا يكرمك بسوبر ماركت محترم
مون مون .....ربنا يفرحك دايما
ناسفعالارزعاج ....ربنا يهديكى
لوف انجل ....ربنا يرضيكى ويرضا عنكى
زهرة .....تمسكى ولا تستسلمى ابدااااااا


* هل تريد ان تقول شئ قبل ان تغادر؟
انا مبسوطة جدا انى فالمنتدى دة
وشكرا للموضوع

* من هو العضو الذي ترشحه او تورطه بعدك كي يشرفنا
في الموضوع ويحكي حكايته؟

اقول نهر الوفا

في النهايه أتمنى أن ينال الموضوع اعجابكم وأن أرى


تفعالكم مع الموضوع

براااااااافووووووو

اوك احكى انا بعدك يا عمووو
ونبتدي الحكايه!!

* كيف بدأت رحلتك(حكايتك) مع المنتدي وكيف وصلت له؟
وصلتة من خلال سمر هى اللى عرفتنى علية

* منتدي النوعية ماذا يمثل لك؟؟
يمثل ليا حاجات كتير يعنى اهم حاجة كفاية انى اتعرفت ع ناس بجد تستاهل ان الواحد يعرفهم فى حياتة

* هل تفكر في المنتدي وأنت خارجه وإلي أي درجه.......وبما تفكر؟
اة اكيد طبعا بيجى ع بالى كتير وبفتكر دايما المواقف اللى بتحصل فى لو كان رد فى هزار وضحك وهكذا
وللدرجة كبيرة بفتكرة

* ما أول شئ تفعله عند دخولك المنتدي....(بشرح لو سمحت)؟
يعنى لو كان فى رسايل بشوفها وبعد كدا بشوف مين اللى موجودين وبشوف لو مزاجى رايق بقرأة المواضيع الجديدة
وبرد عليها كلها وممكن لو فيها نقاش بتناقش وبردع الردود لو كنت منزلة موضوع جديد
وبدخل ع الالعاب بلعب شوية...........وهكذا

* من هم الثلاثه الذي يشغلون تفكيرك وانت خارج المنتدي؟
هما مش 3 بس بجد اكتريت الناس اللى ع المنتدى اللى بتعامل معاهم كتير اكيد بيجو ع بالى وبيشغلو تفكيرى
وخصوصا لو حد منهم لاحظت انة مضايق او زعلان بقول يارب يكون دلوقتى تمام وفى احسن حال

* من الثلاثه الذي تبحث عنهم وأنت في المنتدي؟
ايضا مش 3 بس اكتريت اللى موجودين فى المنتدى

* من الذي يسعدك عند مرورة في موضوع لك ويعلق((يكتب رد)) فيه؟
كل اعضاء المنتدى بسعد بوجودهم وردودهم

* موضوع تمنيت ان تكتبه لكنه موجود باسم عضو آخر؟
اممممممممممممم مش فاكرة بصراحة بس فى شوية مواضيع بجد مميزة وكنت اتمنى انا اللى اكتبها

* رسالة خاصه إلى من ترسلها وماذا تقول له ؟
لكل الاعضاء يارب اشوفكم فى احسن حال مرتاحين البال

* ما هو الشئ الذي يقلق في المنتدي؟
لا يوجد

* اصعب موقف مر عليك ولا تقدر ان تنساه؟
لا يوجد

* لحظه مرت عليك في المنتدي ولم تنساها إلى اليوم من شدة الفرح او الحزن؟
خلينا فى الفرح لاحظة عيد ميلاد قصاد بجد لما شوفت فرحتها وسعدتها بجد لاحظة لم تتنسى ابدا
وبجد هفضل فاكرة هذا اليوم

* اي قسم من أقسام المنتدى ترتاح فيه وتحب تشارك فيه ......
جميع الاقسام اللى شغالة فى المنتدى

واي قسم الذي تبدع فيه؟
لا يوجد

* عضو معك في المنتدي تريد ان تقول له شئ!!
لا اقول لى كل الاعضاء ربنا يسعدكم فى حياتكم يارب ويوفقكم جميعا فى حياتكم
واشوفكم سعداء دايما ومرتاحين البال واشوفكم فى احسن حال دايما يااااااارب

* هل تريد ان تقول شئ قبل ان تغادر؟
احب اقول انى بجد احلى صحوبية لاقتها هنا من خلال اعضاء نوعية
بجد ناس عمرى ما هنساهم فى حياتى لان اتعرفت ع ناس بجد تستاهل هذة المعرفة وملقتهاش عند حد
ومهما مرت السنين اكيد اكيد هيجى يوم وهنلاتقى ولو لثوانى قليلة ودايما هفتكرهم بالخير حتى ولو مش شوفتهم تانى
وبجد اتمنى لكل شخص موجود فى المنتدى حياة سعيدة
واتمنى انة مينساش فى يوم من الايام هذا المنتدى وكل اللى كانو موجودين فى
لان هذة ايام لم تتكرر تانى فى عمر الانسان

* من هو العضو الذي ترشحه او تورطه بعدك كي يشرفنا
في الموضوع ويحكي حكايته؟
اى حد فاضى بيتفضل

في النهايه أتمنى أن ينال الموضوع اعجابكم وأن أرى
بصراحة جامد تسلم الايادى يا هيمااااااا

الله يكرمك يانهر دة من بعض مالديك

اما عمرو الزملكاوى هههههههههههههه ياابنى انا كل اما افتكر اضحك جداااااااااااااااااااااااا
عارف لانى كنت ساذجة جدااااااااااا كنت غبية بمعنى اصح وبعدين شيل الاسف دة الله يكرمك واحنا خلاص مفيش اعتزارات خالص والله انا فاكرة بس مجرد موقف حصلى انما انا مش زعلانة ابدا ههههههههههههههههههههه والله بجد

مون بجد انتى تستهلى اكتر من كدة

ههههههههههههههههههههه
منا برضو ياقصاد عينى كل مفتكر الموقف دا اضحك واللهى
داانا ساعات بدخل ع الموضوع علشان اضحك عليه هههههه
هو اينعم انتى مخلتليش ههههههه بس اكيد انا اللى غلط فى الاول ههههههه
وطبعا مفيش بينا اعتتذار بس الاعتذار دا جى من ورا قديم يعنى ههههههه

love angel كتب:

براااااااافووووووو

love angel كتب:

هارد لك

هههههههه
مش ناويه تجاوبى يالف انجل
ولا هتقضيها تشجيع وبس ههههه
وكمان ابراهيم مش ناوى يجاوب ؟؟
يلا بقى ياابراهيم بطل تقل
هههههههههههه
اصل انا بحب اتفرج على اجاباتكو ههههههههههه

ههههههههه


نووووووووووووووووو

واى نو

ههههههههههههه
ايه يا مصراوى انت مقضينها تثبيت فى بعض
احلى حاجة شجعوا مصر وادعولها من هنا ليوم 14 نوفمبر
وقولى يا مصراوى من امتى وانت بتكلم انجليزى

اى كان سيبك انجلش
بت اى كان نوت ريت ذات

ههههههههههههههههههههههههههههه

انجليزى ده يا موووووووووورسى؟؟؟

طبعا بس انتم اللى مش واخدين على كده
ههههههههههههههههه
وبعدين باتلخبط فى الحروف الانجليزى على ما الاقى حرف هاكون نسيت هاكتب ايه
المهم نخلينا فى الموضوع وجاوبى

* كيف بدأت رحلتك(حكايتك) مع المنتدي وكيف وصلت له؟
صلوا ع النبى فى الاول كده
وهقول انا عرفت المنتدى عن طريق واحده زميلتى كانت بتتكلم
عنه قدامى فدخلت وقلت اشوف الموضوع فيه ايه ومن ساعتها
وانا مش عارفه اخرج بس خلاص


* منتدي النوعية ماذا يمثل لك؟؟
مكان زى ما قصاد قالت بيت وهمى لما بكون وحدى فى البيت بفتحه وبحس فيه انى مش وحدى
وفيه ناس بحترم تفكيرها كويس جدااا وكمان فى ناس اضافوا ليا ولشخصيتى حاجات كتير
من الاخر مكان يستحق انى احترمه


* هل تفكر في المنتدي وأنت خارجه وإلي أي درجه.......وبما تفكر؟
اممممممم...يعنى اه لما بيكون مثلا فى رد من عضو او موضوع شاغل بالى بفكر فيه
وكمان لما بقف مع قصاد وماجور وزهرة لازم نجيب فى السيرة


* ما أول شئ تفعله عند دخولك المنتدي....(بشرح لو سمحت)؟
بشوف الرسايل ثم المواضيع الجديده وبكتب احساسى ايه النهارده
ودايما بقول فيه بطيخه
وبعدها ممكن بقى اقعد اناقر فى مصراوى او علاء
بس كده

* من هم الثلاثه الذي يشغلون تفكيرك وانت خارج المنتدي؟
قصاد لانها قدامى مفيش هروب منها
زهرة لانى دايما بكون خايفه او قلقانه عليها
اسماء اللى هى ناسف خصوصا الفترة الاخيرة

* من الثلاثه الذي تبحث عنهم وأنت في المنتدي؟
مصراااااااااااوى بحب اعارضه ههههههههههه
لا والله بس بحب ادخل معاه فى مناقشات
وكمان حليم بحب اتعلم منه ولو اى كلمه بيقولها
ومحمود بشوف لو كتب موضوع جديد او لا

* من الذي يسعدك عند مرورة في موضوع لك ويعلق((يكتب رد)) فيه؟
بجد كلكوا
المهم انكوا متسيبوش الموضوع فاضى
ماديه بحته
ههههههههههههههههههه
لا بجد ردودكوا كلها شرف ليا

* موضوع تمنيت ان تكتبه لكنه موجود باسم عضو آخر؟
النقاب واسماء سبقتنى فيه
وكنت عاوزة اتكلم فيه عشان اعرف تفكير الناس اللى هنا
عامل ايه وارائهم ايه لكن مؤة سبقتنى

* رسالة خاصه إلى من ترسلها وماذا تقول له ؟
ليكوا كلكوا

واقول بحبكوا جداااااااااااااا
ربنا يحفظكوا من كل شر
وكل واحد يحقق اللى يتمناه

* ما هو الشئ الذي يقلق في المنتدي؟
مفيش مشرف متواجد
مفيش تنسيق فى بعض المواضيع
احيانا فى اعضاء بيدخلوا لفترة صغيرة يقلبوا الدنيا فيها
ويخرجوا تانى وده شئ يضايق احيانا

* اصعب موقف مر عليك ولا تقدر ان تنساه؟
فترة كان محمود قرر انه مش هيكتب تانى
حسيت من تفاعل الاعضاء معاه اننا كلنا بنقدره
وهو انا كنت مقدرة حالته النفسيه
بس الحمد لله ربنا هداه دلوقتى وبقى داوشنا باشعارة
وكمان فترة من قريب اسماء كانت مدمرة فيها وكان واضح عليها

* لحظه مرت عليك في المنتدي ولم تنساها إلى اليوم من شدة الفرح او الحزن؟
يوم عيد ميلاد قصاد
كنت مبسوطه جداااااااااااا عشانها
ويوم عيد ميلاد منمون
عشان كلنا اتجمعنا وكنا مبسوطين

* اي قسم من أقسام المنتدى ترتاح فيه وتحب تشارك فيه ......
العام يعنى فيه اغلب مشاركاتى

واي قسم الذي تبدع فيه؟
سيب الابداع لناسه يا اخ

* عضو معك في المنتدي تريد ان تقول له شئ!!
فؤش

ربنا يرجعك بالسلامه
وتخفف حمل المنتدى شويه لانه تقيييييييييييل جداااااا

* هل تريد ان تقول شئ قبل ان تغادر؟
فى امان الله


* من هو العضو الذي ترشحه او تورطه بعدك كي يشرفنا
في الموضوع ويحكي حكايته؟

حليم

لازم الواحد يعلى صوته عشان تجاوبوا ؟

تمام تمام ياحنون هههههههههههههههههههه

ايه يامصراوى حاسة بلغة جديدة هههههههههههههه وبعدين بتكتب كلمة انجليزى والتانية عربى ههههههههههههههههههههه

الله يقويك

وياعمرو الزملكاوى متشلش منى بقى والله انا كنت ساذجة وغبية جداااااااااا ههههههههههه سامحنى بقى خلاص وبعدين احنا نهيناها بورد وبوكيهات كان فى شغل يعنى

لالالالالالالالالالالالالالا

اعرف انا دلوقتى حالا

موضوع الورد ده ايه


اعترفوا حالالالالالا

ونبتدي الحكايه!!

* كيف بدأت رحلتك(حكايتك) مع المنتدي وكيف وصلت له؟

من صديقه ليا في رابعه حاسب هيا كانت بعتتلي الرابط علشان اشوف حاجه هيا كتباها فمعرفتش اشوف غير لم اسجل

وسجلت ولحد دلوقت عمل عندي ادماااااااااااااااااان ومش قادر اسيبه

* منتدي النوعية ماذا يمثل لك؟؟

مكان صغير بيتجمع فيه اصحاب وحبايب وقرايب كمان بناقش بعض في امور تخصنا او تخص غيرنا ولو حد عنده مشكله


بنحاول نحلها ونخاف علي بعض واجمل شئ ان العضو اللي بيختفي كل الناس بتسال عليه

* هل تفكر في المنتدي وأنت خارجه وإلي أي درجه.......وبما تفكر؟

ممكن افكر في موضوع او مشكله تكون قريبه من مشاكل ناس كتير اعرفهم وحلها بالاراء اكيد بستفيد منها

* ما أول شئ تفعله عند دخولك المنتدي....(بشرح لو سمحت)؟

بشوف الردود علي المواضيع اللي كتبتها قبل كده ولو فيها نقاش بدخل واناقش وبعد كده بشوف المواضيع الجديده



* من هم الثلاثه الذي يشغلون تفكيرك وانت خارج المنتدي؟

هما مش تلاته هما ممكن يكونو اكتر او اقل علي حسب اهمية الموضوع والاراء المكتوبه

* من الثلاثه الذي تبحث عنهم وأنت في المنتدي؟

ممكن مصراوي وانجل وناسف وقصاد وماجور وكل الناس اللي بتدخل كل يوم

* من الذي يسعدك عند مرورة في موضوع لك ويعلق((يكتب رد)) فيه؟

اللي بيسعدني هو اللي بيفتح باب للنقاش

مش اللي يدخل ويقول شكرا مشكووور نايس توبيك

* موضوع تمنيت ان تكتبه لكنه موجود باسم عضو آخر؟

لا مفيش

* رسالة خاصه إلى من ترسلها وماذا تقول له ؟

لكل الاعضاء

والله انا اشتركت في منتديات كتييييييييييييير اوي مشفتش حد بالاحترام والاخلاق دي

ربنا يحققلكو كل امنياتكو وتجيبو تقديرات اللي انتو عاوزنها


* ما هو الشئ الذي يقلق في المنتدي؟

ناس مجهوله بتدخل تقلب الدنيا وتخرج تاني

* اصعب موقف مر عليك ولا تقدر ان تنساه؟

لا مااتعتقدش فيه مواقف صعبه

* لحظه مرت عليك في المنتدي ولم تنساها إلى اليوم من شدة الفرح او الحزن؟

هو ممكن تكون اللحظه لم دخلت المنتدي بعد غيبه ولقيت ماجور وناسف عاملين ليا عيد الميلاد بجد حسيت ان كلنا اخوات بجد

* اي قسم من أقسام المنتدى ترتاح فيه وتحب تشارك فيه ......

الحوار العام

واي قسم الذي تبدع فيه؟

نسيب الابداع لاصحابه


* هل تريد ان تقول شئ قبل ان تغادر؟

موضوعك هايل يا فارس

* من هو العضو الذي ترشحه او تورطه بعدك كي يشرفنا

في الموضوع ويحكي حكايته؟



ملك البوب

نايس توبيك دى بتاعتى يا علالالالالالالالالالالالاء

مــــــــــــــــــــــــاشى

والله منورين يا شباب
طبعا وحشتكم صح عارف
بس انا بقا كان النت فاصل عندى ومكنتش فاضى اظبطه وكده
وحشنى والله اوووووووووووووووى

ممكن فارس القلب الحزين
يجاوب ع الاسئله ديت
............................

الورد كان صضور ياحنون وبووووووووه كانت ليلة والله ههههههههههه

وفارس نورت والله الموضوع ههههههههههههه وحمدالله عالسلامة واضرب النت دة علقة كدة يااما علقه وحمدالله عالسلامة من جديد وعايزينك تجاوب ياللالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالا

ونبتدي الحكايه!!

* كيف بدأت رحلتك(حكايتك) مع المنتدي وكيف وصلت له؟
هو فى الاول الدكتور عماد ارغمنا فى بادئ الامر وقال لزم تدخل وتشترك وتنزل موضوعك اللى هاتنفذه فى مادة التصوير
* منتدي النوعية ماذا يمثل لك؟؟
كانى فى الكلية بالليل

* هل تفكر في المنتدي وأنت خارجه وإلي أي درجه.......وبما تفكر؟
الصراحه اه بفكر فيه لدرجة كبيرة بفكر ان فى ناس هاتنزل مواضيعع كويسة وببقا عايز اكون اول حد يشفوها وارخم شوية عاليه خصوصا لو اعرفه

* ما أول شئ تفعله عند دخولك المنتدي....(بشرح لو سمحت)؟

اول حاجة بعملها ياعم ابراهيم بشوف مين الموجود الاول وبعد كده اخدها جرئ على الحوار العام

* من هم الثلاثه الذي يشغلون تفكيرك وانت خارج المنتدي؟
الصراحه عمرو الزملكاوى* قصاد عينى * اهلاوى

* من الثلاثه الذي تبحث عنهم وأنت في المنتدي؟

قصاد عينى * ومجرد زكريات* ونهر

* من الذي يسعدك عند مرورة في موضوع لك ويعلق((يكتب رد)) فيه؟
لما بشوف حد يرد ويقولى على فكرة موضوعك ناقصه كذه او المفروض نعمل كذه يعنى بحب الحوار


* موضوع تمنيت ان تكتبه لكنه موجود باسم عضو آخر؟
موضوع بتاع عمرو الزملكاوى * هو كركتير ساخر على الحكومة

* رسالة خاصه إلى من ترسلها وماذا تقول له ؟
قصاد عينى اقولها مش اى حد يبصلك معجب بيك يمكن مسروق شبشبه وشاكك فيك اظن فاكرة الكلام ده هههههه وانا عمرى مازعل من اخواتى


* ما هو الشئ الذي يقلق في المنتدي؟
لما بلاقى المواضيع التافهة كترة اووى

* اصعب موقف مر عليك ولا تقدر ان تنساه؟
فى حياتى امممممممم لما وثقت فى واحد صاحبى بنا عشرة 9 سنين وفى الاخر كان تقريبا كان ممكن يموتنى وسبنى بردك اغرق ولا حاول ينقذنى وقالى انقذ نفسك بنفسك عمرى ماهنسا


* لحظه مرت عليك في المنتدي ولم تنساها إلى اليوم من شدة الفرح او الحزن؟
الصراحة مش فاكر او مش عارف

* اي قسم من أقسام المنتدى ترتاح فيه وتحب تشارك فيه ......
الحوار العام والشعر

واي قسم الذي تبدع فيه؟
انا ليس بمبدع بس بنقل احاسيس وبحب اووى الحوار العام

* عضو معك في المنتدي تريد ان تقول له شئ!!
مجرد ذكريات يارت تقولى انتى مين عشان اغلبيتنا هنا عارفين بعض حتى لو شكليا وانا بعتبر نفسى هنا فى اسرة فا ياريت ترفعى الستار

* هل تريد ان تقول شئ قبل ان تغادر؟

ياريت اكون ضيف خفيف عليكم وانا بحبكم والله

* من هو العضو الذي ترشحه او تورطه بعدك كي يشرفنا
في الموضوع ويحكي حكايته؟
ملك البوب* مجرد ذكريات* شارليز

هههههههههههههههههههههه

حلوة اوى فاكراها دى هههههههههههههه يياابنى دى ذكرياااااااات هههههههههههه

وجامدة جدااااااااا ارفعى الستار جامدة يعنى ههههههههههه

ياللا ارفعلا بقى يامجرد ذكريات

انا عارف هى مين

مين؟

وانا عارفه

مين؟

ميــــــــــــــــــــــــــــــــــــن؟

مين ؟

مين
؟

ههههههههههههههههههههههههه
طب اوضح شوية

انا شاكك انها لها اسم تانى هنا " وهو الاساسى " وده الاسم التانى لها

هههههههههههههههههههههههههههههههههههههه
ههههههههههههههههههههههههههههههههههههههه
ههههههههههههههههههههههههههههههههههههههههههههه
هههههههههههههههههههههههههههههههههههههههههههههههههههههههههههه
هسيب الرد ده لابراهيم

ادة انت تقصدونى
انا مش مجنونة للدرجة انى اتغل نفسى ع المنتدى


تقصدوا مين
قولو

osad_ainy61 كتب:

وياعمرو الزملكاوى متشلش منى بقى والله انا كنت ساذجة وغبية جداااااااااا ههههههههههه سامحنى بقى خلاص وبعدين احنا نهيناها بورد وبوكيهات كان فى شغل يعنى

ههههههههه ومش اى ورد هههههه
انا طبعا ياقصاد عينى مش زعلان منك ولا زعلت اصلا واللهى هو بس وقتها
وخلاص وبعدين هو المفرض مين بس اللى يعتذر لمين
وكفايه بقى اعتذارات على كدا
احنا تقريبا بقالنا تلت اربع تيام بنعتذر لبعض هههههه
مع انه كان موقف حلو يضحك يعنى هههههههههههههه
وننهى بقى الاعتذارات دى كمان ببوكيه ورد ههههههههه

love angel كتب:

لالالالالالالالالالالالالالا

اعرف انا دلوقتى حالا

موضوع الورد ده ايه


اعترفوا حالالالالالا

ههههههههه
مينفعش يتحكى كدا يالف انجل
دا كان لازم يتعاش وقتها ههههههههههه

ايوه ياناسف انتي مجرد ذكريات ههههههههههههههههههه

كلنا عرفنا خلاص


اعترفي اعترفي


ومادام نهر قال ناسف يبقي ناسف

دي فيها كل حاجه منك

يعني ناسف نمبر 2

لالالالالالالالالالالالالالالالالالا


وسع وسع وسع

سيبونى ادافع عن صاحبتى

مجرد ذكريات مش نأسف خالص

انا بقول الحقيقه مجرد مش نأسف