عدد الرسائل : 2711 العمر : 36 تاريخ التسجيل : 22/12/2007
موضوع: رمضان جانا 2008-09-03, 2:52 am
لما تلاقي الفانوس متعلق علي باب عمارتك
ولما تلاقي ع الفطار اول يوم محشي بأنواعه لما تقابل العيلة و تسمعوا فرقعة الصواريخ في الشارع بعد الفطار لما تنزل تصلي التراويح و تقابل جيرانك لما عينك تدمع في لحظة خشوع في الصلاة لما تهزر و تمسك لسانك و تقول اللهم اني صائم لما تسأل كل واحد السؤال التقليدي :صايم ولا زي كل سنة لما تنزل الشغل الصبح و تلاقي في الميني باص كتير ماسكين المصحف و بيقروا لما من تاني يوم تتسئل انت في الجزء الكام لما تتسئل ح نفطر ايه النهاردة لما تنزل تشتري اول كيلو كنافة و قطايف لما تسمع اذان المغرب وانت لسة في الشارع بتجري في الشوارع الفاضية عشان تلحق الفطار لما من اول يوم تتفق مع اصحابك علي يوم تفطروا فيه برة لما تختار مسلسل لمحمد صبحي وواحد ليسرا وواحد سوري تاريخي عشان تتابعهم لما من نص الشهر تنزل تشتري لبس العيد لما تتهري اعلانات بيبسي و رايب يا جهينة و زيت كريستال و سمنة الهانم لما مش تصحي ع السحور مع انهم حاولوا يصحوك لما تشوف المسحراتي مرة بالصدفة لما تقوم الليل و تدعي ربنا و تبكي وتحس براحة غريبة لما حد يعزم عليك بتمر عشان تفطر عليه لما تجيلك رسالة من صديقتك/صديقك المسيحي بيهنيك برمضان لما تشوف مائدة الرحمن موجودة في الشارع لما تتسئل الجامع اللي بتصلي فيه ايه نظام الشيخ بيخلص بدري و بيصلي ثمان ركعات و لا اكتر لما تسمع اغنية "والله لسة بدري يا شهر الصيام"ه . . . يبقي اكيد... رمضان جانا
كل سنه وانتو طيبين
saso عضو متميز جداً
عدد الرسائل : 1770 العمر : 33 تاريخ التسجيل : 24/02/2008
موضوع: رد: رمضان جانا 2008-09-03, 8:17 pm
كل سنة وانت طيب
قصادعينى عضو متميز جداً
عدد الرسائل : 3229 العمر : 34 تاريخ التسجيل : 16/10/2007
موضوع: رد: رمضان جانا 2008-09-03, 9:32 pm
كل رمضان والدنيا بين ايديك ...كل رمضان وكل ذنب مغفور ليك ...كل رمضان وانت محقق امانيك ...كل سنة وانت بخير ...رمضان كريم
البلبيسى الكبير عضو متميز جداً
عدد الرسائل : 2711 العمر : 36 تاريخ التسجيل : 22/12/2007
موضوع: رد: رمضان جانا 2008-09-04, 12:01 am
كل سنة وانتم طيبين وربنا يتقبل منا ومنكم فى هذا الشهر الكريم
saifullah عضو متميز جداً
عدد الرسائل : 1371 العمر : 114 تاريخ التسجيل : 08/04/2008
موضوع: رد: رمضان جانا 2008-09-04, 2:14 pm
كل سنة والامه الاسلامية بخير
عدل سابقا من قبل Saifullah في 2008-09-05, 2:00 am عدل 1 مرات
samar عضو متميز جداً
عدد الرسائل : 2712 العمر : 35 تاريخ التسجيل : 06/10/2007
موضوع: رد: رمضان جانا 2008-09-04, 8:06 pm
كل سنه وكلكم طيبين وكل الامه الاسلاميه بالف خير وسعاده وفرح
$فرح$ عضو متميز جداً
عدد الرسائل : 250 العمر : 35 تاريخ التسجيل : 11/04/2008
موضوع: رد: رمضان جانا 2008-09-07, 9:10 pm
كل سنه وانتوا طيبين
sonuoreta عضو متميز جداً
عدد الرسائل : 2703 العمر : 34 تاريخ التسجيل : 21/10/2007
موضوع: رد: رمضان جانا 2008-09-15, 5:27 pm
كل سنه وانت طيب يابلببيسي وفعلا دي كلها حاجات بتفكرنا برمضااااااااااااااااان ويارب نفضل مجمعين كده دايما كل رمضان مع بعض ونفتكر بعض دايما بالخير وربنا يوفقك تقبل مروري
سنيوريتـــــــــــــــــــــــــــــــــــا
فارس القلب الحزين عضو متميز جداً
عدد الرسائل : 2371 العمر : 37 تاريخ التسجيل : 06/10/2007
موضوع: رد: رمضان جانا 2008-09-15, 5:33 pm
هو موضوع جميل بس الصراحة الواحد ماعتشى بيحس برمضان زى زمان يمكن كل حاجة اتغيرت ولا احنا اللى كبرنا ولا ايه