عمرو الزملكاوى 2
عضو متميز جداً
عدد الرسائل : 695
العمر : 73
تاريخ التسجيل : 09/02/2008
 | موضوع: نكت 25 يناير  2011-02-22, 11:35 pm | |
| المظاهرات".
وإليكم بعض هذه النكات:
- أمنية واحد مصري: يا ريت مبارك كان ضربنا إحنا الضربة الجوية، وراح حكم إسرائيل 30 سنة، كان زمانهم بيشحتوا دلوقتي!
- مبارك بعد ما مات قابل السادات وعبد الناصر، سألوه: هاه؟ سم ولا منصة؟ رد عليهم بحرقة وقال: فيسبوك!
- الرئيس يعلن في بيان: وفاء مني لمصر ورغبة في تلبية طلبات الشعب لن أرحل حتى أحقق مطلب الشعب في القبض على السفاح ومحاكمته.
- بيقولك واحد لقي الفانوس السحري ودعكه.. طلعله العفريت وقاله: شبيك لبيك تطلب أيه؟ قاله الراجل: أنا عايز كوبري بين القاهرة وأسوان. العفريت قاله: دي صعبة قوي.. نقي حاجة تانية. الراجل قاله: خلاص خلي حسني مبارك يسيب الحكم. العفريت قاله: انت عايز الكوبري رايح جاي؟ ولا رايح بس؟
- "بلطجي" لقناة العربية: العيال بيرموا علينا قنابل "بلوتوث".
- شهود عيان فى أروقة وزارة التربيه والتعليم تفيد بأنه قد تم تأجيل امتحانات الدور التانى إلى أجل غير مسمى، معللة هذا بأن النظام سقط وعاوز وقت عشان يلحق يذاكر.
- عقد الريس جلسة مع وزير الداخلية السابق حبيب العدلي قاله محتدا: منعت الحشيش يا فالح؟ أهو الشعب صحصح.
أما من الشعارات التي حملها المتظاهرون المعتصمون في ميدان التحرير، فلعل من بين أبرزها:
- رابطة نجاري مصر يسألون الأسطى مبارك: "ما نوع الغراء الذي تستخدمه؟"
- ارحل.. الولية عاوزة تولد والولد مش عايز يشوفك
- ارحل عاوز أتجوز
- ارحل مراتي وحشتني.. متزوج من 20 يوم
- ده لو كان عفريت كان طلع
- لو ما استحمتش النهاردة في بيتنا.. هاستحمى يوم الجمعة في قصر الرياسة
وتعقيباً على الاتهامات بوجود أجندة لدى المعتصمين في ميدان التحرير، ومندسين من الخارج بينهم، سخر البعض بما وصفوه بـ"نشيد الأجندة"، الذي يقول:
أنا مندس.. أنا مندس، هاتلي أجندة ووجبة وبس
من هارديز أو من كنتاكي، هاتلي وجبة دينر بوكس
أو سوبر زنجر من غير خس
هاتلي أجندة من الفجالة أعمل بيها ثورة في مصر
أنا مندس.. أنا مندس، وكل الشعب كمان مندس
كل الناس هنا مش عايزينك، وانت يا حسني مش بتحس
كل فضايحك، كل جرايمك، كلو موجود على ويكيليكس
أنا مندس.. انا مندس، عندي أجندة مستر إكس
حسني مبارك "آسف على الازعاج"
انت عملت اكبر "مطب صناعي"
في تاريخ مصر والله انت "وش اجرام"
وطول عمرك "دبور
ودلوقتي معاك "زهايمر"
......باختصار انت " محترم إلا ربع"
كل الشعب بقى ينادي
"جعلتني مجرماً"
وعملت الحلو "عسل اسود"
ومن السجون "العيال هربت"
وا
سرقت من عيونا " الفرح"
انت فاكر مصر "كباريه"
وعامل فيها "الزعيم"
وكنا... نقول يا عم عديها
"حين ميســـره"
"ليه.. يا دنيا" "هي فوضى"
باختصار حسني مبارك . "طير انت"
واخرون يقولون بهزار
خبر عاجل من ميدان التحرير : أنت صدقت يامبارك احنا كنا بنهزر معاك مكناش نعرف ان قلبك ضعيف للدرجة دي
واخرون يقولون
الجزيرة خبر عاجل من ميدان التحرير : لقد قرر المتظاهرون يسمترون في الاعتصام اسبوع اخر ويسمونه باسبوع الرجوع ويعني انهم يطالبون برجوع مبارك الي الحكم ويقولون ( يعم احنا بنهزر معاك )
هههههههههههههههههههههههههههههه
| |
|
°o.OمصراوىO.o°
عضو متميز جداً
عدد الرسائل : 4203
تاريخ التسجيل : 03/10/2007
| | موضوع: رد: نكت 25 يناير 2011-02-23, 9:55 am | |
| ههههههههههههههه
حلويييييييين
يا عمرو | |
|
عفروتو
عضو متميز جداً
عدد الرسائل : 843
العمر : 37
تاريخ التسجيل : 19/10/2007
| | موضوع: رد: نكت 25 يناير 2011-02-25, 1:45 pm | |
| ههههههههههههه
بجد شعب تحفه
وثورة تدرس
ونكت من الاخر
تسلم يا عمرو طير انت
هههههههههههههههههههههههههههه | |
|
عمرو الزملكاوى 2
عضو متميز جداً
عدد الرسائل : 695
العمر : 73
تاريخ التسجيل : 09/02/2008
| | موضوع: رد: نكت 25 يناير 2011-02-25, 5:34 pm | |
| تسلم يادرش نورنى مرورك
ماشى يااسامه هطير انا هههههههههههه
ودا مش جديد علينا
نورنى مرورك | |
|
