شباب ميدان التحرير الابطال

أحب اشكر كل الشباب اللى وقفوا وقفه تحدى وصمود مدافعين عن حقوقهم وعن الوطن من الخونه الاعداء اللى بنقول عليهم مصرييين وهما بياكلوا ويكنزوا من دم المواطن الغلبان اللى طالع عينه يكنزوا فى بنوك سويسرا وسايب الشعب ياكل ف بعضه حسبى الله ونعم الوكيل

وحسبى الله ونعم الوكيل ف اللى كانت مصر امانه بين ايديه ومش كان فيه عداله اجتماعيه ولا كان بيسمع للشعب وفاكر انه شعب ضعيف مش هيقدر يعمل حاجه فبيعمل اللى عاوزه ويورث الرئاسه لابنه الجبان اللى هرب من مصر وقال كان عاوز يمسكها يمسكها بقى ولا يكمل على خرابها وعلى راى المثل اللى بيقول هذا الشبل من ذاك الاسد مع انى الاسد وشبله انظف منهم مصر تحملت 30 سنه ومافيش تغيير واقفين محلك سر مع انى مصر فيها ثوره هائله كفايه قناه السويس ديه لوحدها تعيش المصريين ف هنا الله يسامحهم اللى كانوا واكلينها

والله يرحم الشهداء الابطال ويصبر اهلهم بجد الواحد كان حزين عليهم بس دلوقتى هما اكيد مرتاحين وان شاء الله ف الجنه وربنا مع اهلهم الواحد مش متوقع انهم يضربوهم حسبى الله ونعم الوكيل


الحمد لله الحمد لله الحمد لله
من يوم 25 يناير مصر عرفت معنى الديمقراطيه والحريه والتعبير عن الراى

محدش هيقدر يحبس مصر

نعم للتغيير ورحيل مبارك ومحسابه الفاسدين والقضاء على الفساد
بس كنت اؤيد ان يرحل بعد انتهاء فترة حكمه الشعب بقاله 30 سنه ساكت
مش قادر يصبر 6 شهور ويجى واحد يستلم السلطه فى امان بعدها .
رئيسك هو رمزك حته لو فاسد .. واعتقد ان مبارك كان ليه حاجات حلوة كتير
وبرده كان ليه حاجات وحشة بس برده هو رمز البلد وميصحش يمشى بالشكل المهين ده .
وتحيا للشباب اللى شارك فى التغيير .. انا مش مع مبارك بس مش ضده انا مع التغيير وللعلم انا نزلت المظاهرات اللى طالبت بالتغيير ورحيله.. بس برده كان يمشى مع انتهاء فترته كفاية انه مش هرب ومصر ربنا يستر عليها وميحصلش صراع على السلطه . "تفائلوا بالخير تجدوه"

ان شاء الله خير وانا كمان كنت معاك انهم يصبروا عليه 6 شهور كمان بس انا شايفه انهم صح علشان بعد كده يعرفوا انى الشعب ليه كلمه ومش ضعيف ويقدر يغير النظام اللى يتماشى مع مصلحته وبعدين هو ايه مش بيتفرج على تليفزيونات مش بيسمع اللى بيحصل ف وطنه ولشعبه بجد الشعب تعب وطاقته اتفجرت ده كل يوم عمرو الليثى كان بيجيب بلاوى ناس عايشه تحت الصفر وكانها مش عايشه على راى عمرو دياب انا عايش ومش عايش

بس كده كويس اوى الحمد لله وربنا يتممها ويكملها على خير ويكون اللى جاى افضل

اى واحد عايش على ارض مصر عارف وشايف الفساد بعينه من غير منتفرج

على برامج او نكون مع المعارضة دى حقيقة ظاهرة للكل عشان كده الناس

كلها طالبت برحيل مبارك وطالبت بالتغيير بس برده مينفعش تطرد رئيسك بالمنظر ده

حته لو كان فاسد وحرامى لانه برده كان ليه انجازات حته لو كانت قليلة ومننكرش انه برده

كان فيه فساد وسرقة كتير

واهو طلع قال انا مش هترشح تانى وقال هقعد ال6 شهور احافظ على الامن واسلم

السلطه فى امان بستغرب اوى الناس بقالها 30 سنه ساكتين ومش قادرين

يستنوا 6 شهور مع العلم انى ف ال6 شهور لو اى حد كان طلب ايه كان

هيتنفذ اجبارى شوفوا بقه اهو لسه حكومة جديدة هتيجى ورئيس جديد

وهيقولوكوا اصبروا على مطالبكوا عبال ماالبلد تقوم من الخراب

اللى حصل فى اقتصادها وتقف على رجليها تانى الناس فاكرة ان الرئيس

والحكومة اللى هتيجى هتوزع فلوس وتدى مرتبات بالالاف هو صحيح اللى

جاى هيكون احسن مش هيكون فيه فساد ومشاكل كتير هتتحل بس برده مش زى ما الناس

فاكرة انى البلد هتبقه مية مية ، انا عند كلامى اللى محتاج يتغير اكتر من النظام

هو شخصية كل واحد مصرى يراعى ضميره وربنا فى اى حاجة بيعملها فى

شغله فى بيته فى الشارع ميرضاش بالرشوة والمحسوبية

يتعامل انه فى يوم من الايام هيتحاسب ساعتها البلد هتتظبط .

واهو الرئيس تنحى والمتظاهرين زى مهما فى الميدان

مستيين التعديلات تحصل فى الدستور وبعد الدستور هيقولك مستنيين الرئيس

والحكومة الجديدة وبعدها يقولك مستيين الاصلاح من الحكومة

رغم ان اهم اهداف الثورة الشعب يريد اسقاط النظام واهو النظام سقط

للعلم انا مش مع مبارك نهائى ولا ضده برده انا مع الاصلاح والتعديل اللى مكنش ينفع غير

بالثورة العظيمة اللى حصلت انا مع التغيير للأحسن

انا مع مصر وامنها وسلامتها وتقدمها ورفاهيتها

لكى الله يامصر

كلنا مع التغيير للافضل والاصلاح لاعاده مصر للاحسن .
كلنا لازم نكون ايد واحده المرحله القادمه بالاحرى .
كلنا لازم نحس بالمسئوليه تجاه مصر والكل يعتبر نفسه رئيس ويحافظ على امان واستقرار مصر .
كلنا نقف قدام الفساد ومش نمشى اى مصلحه لينا بالرشوه لازم نحارب الفساد بكل اشكاله .
كلنا لازم نجتهد ف عملنا ونحث الناس المقصرين بالنظام واستقرار الوطن ووضع مصر دائما ف المقدمه .
وأخيرا وليس اخرا ...

كلنا لازم نبص للمستقبل وكل الناس المقصره اللى نهبوا وسرقوا من البلد نتركهم للمسئولين على عقابهم وحسابهم...

كلنا مع التغيير للافضل والاصلاح لاعاده مصر للاحسن .
كلنا لازم نكون ايد واحده المرحله القادمه بالاحرى .
كلنا لازم نحس بالمسئوليه تجاه مصر والكل يعتبر نفسه رئيس ويحافظ على امان واستقرار مصر .
كلنا نقف قدام الفساد ومش نمشى اى مصلحه لينا بالرشوه لازم نحارب الفساد بكل اشكاله .
كلنا لازم نجتهد ف عملنا ونحث الناس المقصرين بالنظام واستقرار الوطن ووضع مصر دائما ف المقدمه .
وأخيرا وليس اخرا ...

حلو الكلام دة جدا
لو كل واحد عمل كدا افتكر البلد هترجع تكون من اهم البلاد ع مستوى العالم
بعد ما عرفو ان الشعب المصرى شعب عنيد ومحدش يقدر يعاند فية ولا يضحك علية
وبجد طول ما البلد لسة كدا الواحد خايف تحصل اى حاجة
وخصوصا ان الاعداااء مستنين اللحظات اللى زى دى
واهم مستنين ع الحدود
ف بجد ربنا يسترها ومتحصلش اى حاجة وتكون فرصة ليهم
واننا نبدأ بقى نصلح كل اللى اتخرب ف البلد وكفاية كدا اوى وكل واحد يبدأ يركز بقى هيعمل
اية ف حياتة بعد كدا عشان اللى حصل دة ميحصلش تانى
واهو الحمدلله المطالب بدأت بالفعل تتنفذ يعنى بس هى الحكاية عايزة شوية صبر
وانا برضو معاكم ان الريس كان يفضل الـ 6 شهور دول
وبعد كدا يسلم الرئاسة للريس اللى بعدية
ويكون كدا فخور بنفسة واحنا ع الاقل نكرمة
وبجد زعلت جدا ع اللى حصل لان بعد العمر دة كلة يتهاان ومن مين من شعبة
بس هو اللى جابو لنفسة ومقدرش يعمل حاجة
بس ع الاقل مكنوش اهنوو كل الاهانات دى
بجد بجد قلة اصل جامدة منهم اوى
بس الحمدلله

وانا مع الاستقراااااااااااااااااااااااااااااااااااااااااااااااااااااااااااااااااااااااااااااار
مش مع اى حاجة تانية

وانا مع ان الدروى يرجع
كفاية بقى
ههههههه

والله يامنمن الواحد مش بقى عارف مين اللى صعبان على مين
مبارك يصعب علينا والطريقه اللى هو مشى بيها ديه بعد ماعاش 30 سنه وعارف انه ممسك مصر لناس نصابه وبعدين عاوز كمان ابنه اللى مش فاهم حاجه يمسكه البلد

ولا الشعب الغلبان اللى بيشتغل وطالع عينه ف الشغل وف الاخر بياخد ملاليم


بصى حاجه صغيره اوى اكيد ف كل بيت حد عاطل او مش بيشتغل بالشهاده بتاعته

نسميها ايه لما ابويا وابوكى يصرفوا على ولادهم اد كده علشان يطلعوا حاجه ويشتغلوا وف الاخر ياخدوا الشهاده ويقعدوا بيها ف البيت ويتعبوا لحد مايشتغلوا

عامه انا فرحانه بجد باللى حصل وعلى شباب مصر اللى اتمسكوا بحقوقهم والحمد لله انهم نجحوا
والله يرحم الشهداء اللى راحوا فداء للوطن

كل ده حصل علشان الزمالك اول الدورى ههههههههههههههههههههههههه


وانت ياكابتن مصطفى انا بتكلم دلوقتى بجد علشان مش بقولك يامصراوى هو ده اللى انت قدرت عليه علشان تقوله
ليه المنتدى كده بقى نايم ومش فيه مواضيع جديده ولا تعليقات ايه انتم كنتم ف ميدان التحرير ههههههه

وانا كمان عاوزه الحياه ترجع لطبيعتها والدورى يبدأ عاوزه اتفرج على مباريات

سنه نحس من ساعة المئوية اساسا
شكلها لا هتكمل دورى ولا دراسة ولا حياة
هههههه

يارب ان شاء الله الامور تهدى والشعب عقل ومصر ترجع احسن من الاول

ياااااااااااااااارب اللى جاى يكون افضل بكتير من اللى راح

بس انا عندى فضول اعرف انت يامصطفى كنت مؤيد الشباب ولا ليك وجهه نظر مختلفه ؟؟؟

كنت مؤيد لغاية ما بدات الحكومة تستجيب
بعد كده معارض