صحفي يرتدي نقاب ويأخد جولة في القاهرة "3ساعات "

طبعا اللي شاهد برنامج البيت بيتك امس شاف اللي انا شفته
وكل ما اثير حول النقاب في الفترة الاخيرة
قام الصحفي "محمود صلاح رئيس تحرير "اخبار الحوادث بارتداء النقاب واخد جولة مدتها ثلاثة ساعات طاف من خلالها احياء مدينة القاهرة وفعل اشياء كثيرة
ولكن هذه المغامرة انتهت حينما وقف يتحدث في احدي كبائن التليفون في الشارع وشك فيه عسكري بسيط من الدورية وشاب

وسأله العسكري عن بطاقة الهوية وحينها دقق شاب ايضا في ملامح الجزي الظاهر منه

واخذ يصرخ وقال له يا عدو الاسلام

انا امي ترتدي النقاب واختي كذلك
ولكن ما هي الدروس المستفادة من هذه التجربة لنغلق افواهنا بعد ذلك ولا نتحدث عن النقاب

ما هي ؟
كل واحد يقول اللي عنده
سلام

جعلتني هذه التجربة الا يفوت علي شيئ سواء نقاب او غير نقاب

الكل متهم لحين تثبت برائته

بص انا مليت من كتر الكلام عن النقاب بصراحة
ومش عارف ايه الهجوم ده
فيه ناس تافهة وبتحب الشهرة وبتيجى فى الهايفة وتتصدر

بجد انا كمان زهقت من الكلام في الموضوع ده
لدرجة اني كنت بتكلم امبارح مع واحد مش اعرف من الاخوان ولا انصار السنة وجيبنا سيرة النقاب قالي كلمة غريبة قالى النقاب فريضة واي بنت مش تلبسه تبقي مذنبة طبعا انا بلمت من الكلام الى قاله ده قولته انت بتقول ايه ياعم كل الدنيا وكل الشيوخ وكل العالم بيقول ان النقاب فضيلة وليس فريضة قالى لا وقعدنا نجادل في بعد وقولته طب لو هو فرض طب ليه الستات الى بيحجوا مش بيلبسوه وقالى كمان حاجة غريبة قالى ان اللحية فرض والشاب الى مش يربي لحيته يبقي مذنب وربنا هيحاسبه انا طبعا قمت ومشيت من قدامه لاني كنت هتنرفز عليه

نرجع بقي للنقاب انا من راي شايف ان هو مش له لازمة وعادي يعني يعني في الخمار ولا الاسدال بجد حلوين جدا وتحشم واحترام وانا اساسا بجد مش بحب اتعامل مع الناس الى بتلبس نقاب لاني بجد بشوف بنات كتير لبسينه وبجد مسخرة خالص يعني اشوف البنت لبسة نقاب وقاعدة تهزر مع الولاد وتضحك وتسلم عليهم بالايد طب ايه لازمة النقاب بقي واكيد مش كل الناس طبعا
انا عن نفسي لو هتجوز مش هتجوز واحدة منقبة مالهم الى لبسين خمار ولا اسدال

وشكرا

اتعلمت ان البلد دى

بلد افواه وارانب


لا تعليق

يا مهندس ماهو العيب مش فى النقاب فى حد ذاته
يعنى واحدة لابسه نقاب ومش محترمة ده شئ يعيبها هى مش يعيب النقاب
ومثلا برضه لو واحدة مش محجبة خالص ولابسة لبس مش كويس بس ماشية محترمة
مش هتكون مثال نقتدى به برضه
يعنى العيب فينا مش فى النقاب

صح يامصراوي احنا بنعمل من الحبة قبة
وبنيجي في الهايفة ونتصدر

المهندس
تعليق اولا لاع النقاب
فى الحق مفيش نقاب
عشان الست اللى بتروح تحج بتروح بيت اللة بمعنى تقابل ربها هناك فى بيتة وبيكون ساعتها زى الصلاة مفيش نقاب ولا ساتر يمعنها او يفصلها عن اللة
وان كل اللى رايحين يحجوا متدين جدا وبيغضوا بصرهم ع عكس الشارع
دة غير ان ربنا قال انة ممكن يتلبس النقاب فى الحج فى الضرورة لو وجد فى خلعة هناك ضرر
ومع كل دة انا متفقة مع ان النقاب فضيلة مش فريضة
بس بردوا ثواب المنقبة مش هيكون زى ثواب اللى شم منقبة

ثانيا
موضوع اللحية
اللحية برضوا مش فريضة دى سنة عن النبى صلى اللة علية وسلم
ولكن اللى شم ربيها مذنب لاء
بس الافضل ان نتشبة بالرسول
وانا سمعت ان الحلاق اللى بيقوم بحلق اللحية للزبائن هيتنحاسب ع دة
وسمعة من اكتر من شيخ واكثر من قناة
بس فعلا هوة مش فريضة هوة سنة بس




اما عن المضووع والصحفى فأى كان سبب ارتداءة النقاب فانا لا اتفق مع هذا الشىء

بقولكوا ايه

ما تيجوا نقفل الكلام فى المواضيع دى خالص

بجد عشان كده كتير

ياادى النقاب
الواحد مش هيقول غير اننا ملناش الا ربنا يحللنا الموضوع ده
المسلنين مبقوش يثقو فى المسلمين اللى زيهم
لا حول ولا قوة الا بالله وحاجة زى دى تدايق
لانها فى وش الاسلام والمسلمين
لييييييييييه كده يا بلد
والله الواحد مل من الكلام
السكوت افضل وسيله

ثانكس على الموضوع