هل فعلا نحن جيل فاشل ؟

اتفرجى ع افلام ابيض واسود
ووشفى فيها الاهل وهما بيقولوا لابانئم
انتوا جيل فاشل
يعنى دى الكلمة المعتادة

والله مش عارف
كل زمن وفيه الحلو والوحش
احنا زمنا احسن من زمنهم فى حاجات ووحش فى حاجات
بس لو كان ع الشل فلا احنا مش فاشلين ولا حاجة
ويمكن احسن من الجيل السابق
ــــــــــــــ
فى كل حاجة
مثلا فى العلم عندنا عباقرة
فى الرياضة عندنا ابو تريكة
فى الدين عندنا ما شاء الله كتير

ممكن يا ناسف نكون جيل بيعتمد على غيره اكتر من انه يعتمد على نفسه
عاوزين نوصل لاخر السلم من غير منطلعه من البدايه
عاوزين كل حاجه جاهزه


مقتنعه جداااا يا مصراوى بالكلام الهايل ده كله
بس كان زمان كل واحد بيتعب وبيركز انه يعمل مستقبل احسن
وكمان كانت الحياه بسيطه اوى
وكان كل واحد عارف التانى بعنى دلوقتى تلاقى الناس مش عارفه الجيران اللى سكنه فى اخر الشارع لاه اخر الشارع ده بعيد
مافيش ود بينهم

عاوزه اراء اخرى

بس زمان
مكنوش شايفين كدة
كانوا شايفين
ان الحياة صعبة مش بسيطة
وكانوا عارفين بض لان العدد قليل
ودة كان بس فى الحوارى والارياف
ولسة موجود دة


صدقينى الزمن مش اتغير وواحد واللى احنا بنقولة على الزمن دة
هم كانوا بيقولة ع زمنهم
دة لان كل واحد شايف غيرة احسن
لانة مش عاش اللى عاشة

أولا تســلم أيـــدك على المــوضوع مــاجور

ثانيــاً : حمد الله على سلامة رجوعك للمنتدى ويارب تكون بخير


ثالثـاُ : ممكن ناخد نص جمله من نأســـف

وهى بتقـــول الزمن مش بيتغيــر فعلاً الزمـن مش بيتغير الناس هى إلى بتتغير

لــو بنتكـــلم على زمـــان والود بينهـــم كان مــوجـــود بمجرد أنهم بيعيشوا حيــاة كن تكون بسيطه وأرياف

بس كانوا بيحسوا بالجمــاعه والـود على بعضــهم يعنى تقدرى تقولى الحب متــواجد بينهــــــم بالرغم كانت الحياة صعبه برضه


دلوقــتى .. بيتـــــى وشغـــلى وأزاى أقدر أمن مستقبل أولادى لان الحيــــاة بقــت أصعــب وأصعب من الأول

حتى الوقــت الود بين الناس بقى قليل ولو سمــح الوقــت هــات فى سيـرة ده وده وده طلق مراته وده ضربها وده عمل خناقه

بقوا الود بينهــم علشان يجبوا فى سيرة بعــض ده لو فى وقـت يعنى ....


زمــان كان التعليــــم علشان تتخرج وتتوظف وتشتغل بشهــادتــك

دلوقتى تتعلم وتتخرج علشان لما تتقد تقول معايا شهادتى ويا رب بقى لو أتوظف بعد ما يكون طلع على المعاش

لو قارنت بين زمان وبين دلوقتى هتلاقى حاجات كتير اوى أتغيــرت فوق ما تتصـورى

بس الزمــن كل ما هــو دورة أن يمــر فقط والأنســـان كل ما هو دوره أن يتغيــر على مدار زمنه


هتــلاقى ناس من زمان دلوقتى وناس تانيه مش هتلاقى فيها حاجه اساسا وناس تانيه عايشه بين الزمنين


يعنى هتلاقى فى جيلنا فيه الفشل وهتلاقى برضه ما بين الفشل والنجاح وهتلاقى من لايعرفون بمعنى الفشل


اما حكاية أهلى يقولوا يا فاشل فأكيد هما عارفين الكلمه ديت هضايقك يعنى لما يكون مضايق منك يقولولك يا فاشل يا فاشل

أو ممكن يقولوا كده علشان همــا مش عايزينك توصل للفشل وتكــون أفضل منهـــــــــــــــم

أو اكون فاشل بجد وخــــــــلاص

تسلم يا نهر على ردك وزوقك والله يسلمك
وفعلاااا اصبح الزمن اللى عيشبنه خالى من الود
زمان كنت تسمع انى كان فيه ود بين الناس تسمع ستى وستك يقولولك كانت البيوت مفتوحه على بعض جارك يدخل بيتك وكانه فى بيته
كان فيه امان اوى عن دلوقتى فعلااا
بس مش معنى كده انى متحيزه للزمن اللى قبل كده رغم كل اللى فى زمننا هذا بس فعلاا يا نهر زى ماقلت انى هتلاقى الناجح والفاشل
وفيه تطورات اكتر عن اللى قبل كده
بس العيب الوحيد زى ما انا قلت
انى احنا كسالى جداااا وبنتكل على غيرنا انه بحقق لينا اللى عاوزينه

نحن ليس فى زمن فاشل بل نحن فى زمن العجائب
بمعنى ان احنا دلوقتى بنشوف حاجات كانت مستحيل تحصل قبل كده فى وقت غير وقتنا حاليا
واحنا اللى بنغير فى الزمان مش هو اللى بيغير فينا
واى حاجة بتحصل او اى تغيير بيبقي من صنع الانسان يعنى احنا
احنا اللى بنقدمه ونخليه احسن واحنا اللى بنخليه وحش
وعلى فكرة احنا دلوقتى بقينا نشوف حاجات بتحصل اى حد اكبر منا سنا بيقول ياااه عمر ما حصل كده ايامنا
والحاجت اللى بتحصل دى مننا يعنى احنا اللى بنغير وبنخلى ززمنا يتقال عليه فاشل
هو مش فاشل فى كل حاجة بمعنى اننا بنلاقى حاجت كتير كويسه
فى تقدم كويس فى مجالات مختلفه سواء دينيه او علميه او فى التكنولوجيا
ودى حاجة كانت مفقوده قبل كده
بس مع ان اللى فى الزمن ده هما اللى عملو حاجة تفيد نفس الحاجات دى بتضر
فهو زمن العجائب مش فاشل
عشان فى حاجات كتير كويسه
ولا زمن يخلو من العيوب


تقبلى مرورى

يا سلاااااااااااااااام طبعاااا اقبل مرورك هى دبه عاوزه كلام

وكلام مظبوط جدااا يعنى انتى رايك من راينا يا ايمى

تسلم ايدك على الرد الهايل ونورتى التوبيك

هو للاسف الزمن الى بنعيشه
فيه السيئات اكثر بكثير من الحسنات
بمعنى اننا اه فى حاجات كتير مش كانت موجوده زمان لكن للاسف
هنلاقى بردو
استغلال سىء لمعظم الحجات دى
كمان الاحترام والحياء والاخلاقيات الى كانت موجوده
مش موجوده دلوقتى زى زمان
وكمان التعامل مع الاهل
اختلف عن زمان
يعنى وحاجات تانيه كتير اختلفت
واغلبها بيكون للاسوء
عشان كده بيعتبرونا جيل فاشل
ده رايي
ويمكن اكون غلطانه
عموما
مشكووووووووووووره على الموضوع الرائع
تسلم الايادى

كلامك مظيوط جداااا
والناس من خلالها بنقول المجتمع ده ناجح ولا فاشل
هما اللى بايديهم بتقدموا ويطوروا المجتمع اللى عيشبنه

تسبم ردك يا بنت مصر نورتى الموضوع