فسرولى حلمى

السلام عليكم
ازيكم يا حلوين

انا عارفة اننا مش خبراء فى تفسير الاحلام
بس كل واحد ممكن يقول رائة او اللى يعرفة
عن تفسير الحلم اللى هيتقال

اللى عندة حلم
ومحتار فى تفسيرة
او بيحلم حلم باستمرار ومش لاقى لية تفسير

يدخل يقولة

واحنا كلنا نساعد بعض ونحاول نفسرة لية



وانا هبتدى
واتمنى الاقى حد يفسرلى حلمى دة

انا بقالى يومين
بحلم
انى بقتل شخص عزيز عليا اوى
ويمكن يكون اقرب انسان ليا حاليا
بحلم انى بقتلة
او بعورة وبعملة جرح جامد
وكل مرة بيكون الجرح فى مكان غير التانى
حتى لو صحيت مثلا وجيت انام تانى احلم الحلم تانى
ولو انا صاحية وفايقة بس غمضت عينى وسرحت
تيجى قدامى صورتة وانا بجرحة
واكتر صورة انى مسكت سكينة وجبتة من اول رقبتة لحد نص جسمة
والجرح عامل دم بس شم دم سايل
لا كأن الدم ممسوح بس لسة فى شكل الجرح الدم

بيقولوا ان الدم بيفسد الحلم

بس معرفش الحلم دة ملازمنى اليومين دول لية
والحكاية دى خنقانى

حد عندة تفسير
للحلم الدموى دة
شكلى كدة بقيت سفاحة


مستنية تفسيراتكم واحلامكم


تحياتى
ونأسف ع الازعاج

انا مش بافهم فى الاحلام ولا تفسيرها
بس ان شاء الله خير

ممكن انتى عملتى موقف معاه ضيقتبه وحسيتى بالندم وعلشان دايمااا بتفكرى فى ده فاكيد هتحلمى بيه
بصى تبقى خلى المروحه على 3 ههههههههههههه
وخير ان شاء الله

طيب انا حلمت وده نادرااا لما بحلم
انى فيه ناس كتير اوى عندنا وكانوا لابسين اسود وقاعدين فى اوضه لوحدهم وكان كل شويه ناس تيجى ومش يدخلوا الوضه ديه كانوا بيدخلوا اوضه تانيه وفيها ناس فرحانه وعمالين يضحكوا وكل اللى ييجى يدخل على الاوضه اللى فيها الناس اللى عماله تضحك مع انى الاوضه اللى فيها الناي اللى لبسه اسود فى الاول

اية الناس الكتير ديت

وبعدين لاء ياستى مفيش اى مشاكل بينى وبينة
والامور بنا تمام وفل
ودة اللى مستغربة لية


وبعدين يا مصراوى
محدش فينا بيفهم
بس ممكن كل واحد يقول وجهة نظرة

يلة عندكم
حلمى
وحلم ماجور
فسروااااااااااااااااااااااااااا

مقدرش أفيدك والله يا نأسف بس خيــر أن شاء الله

تمنياتى باحلام سعيـــــــــــــــــدة

بصي انا جدتي بتقول دايما
اللي بيضرب حد في الحلم ان اللي بيضربوه ده
هيكسبه في كلام حصل
يعني اللي بيضرب ممكن يكون غلطان في حقه بعدم القصد

وبعدين الدم بيفسد الحلم مش هيتفسر

ولما تحلمي حلم وحش
ابقي قولي اعوذ بالله من الشيطان الرجيم

علي شمالك


بصي انا بقا من اولي ثانوي

بالظبط يوم 1 ابريل يوم وفاه اعز صديقه ليا
وانا بحلم بكابوس مبيلزمنيش روحت لناس كتير
لو اقولك قسما بالله بخاف انام بليل
لازم انام وفي حركه في البيت
عشان احس بالامان من اليوم ده بحلم بتعبان كبير عيونه عيونه واحد انا اعرفه مش قادره افتكره
كل ماافتكره بحس بيجيلي شلل في تفكيري متفهميش ليه

التعبان ده شفته حقيقي اكتر من مره وكنت فاكره انا اللي بشوفه واخويا كمان شافه معايا بس معرفش عايز مني ايه
من كتر خوفي منه مبقتش اخاف منه والله هههههههههههههه
ساعات بيجيلي كبير وساعات صغير
بس المشكله يااناسف انه بيجيلي في الحلم بيلف علي جسمي كله
كانه بيحضني بحنان بس زي ماتقولي حنان بغباء بشده
بقيت اقري قراءان قبل ماانام واعمل حاجات كتير
زي مايكون قريني معرفش

لوعندك تفسير قوليلي
رغم اني الشيخ اللي بيحفظني قراءان جالي وفضل يقري قراءان وقالي حاجات كتير
اعملها
وايه الكرسي باستمرار

ربنا يعمل اللي فيه الخير

اممممممممممممم
مش عارفة ياختى واللة
دة ممكن يكون اية
بس ممكن يكون قربك من ربنا مخليكى بتشوفى غلطك فى التعبان دة
يعنى بتتحاسبى ع غلطك اول باول
وكمان لان ربنا حنون فمخلى التعبان حنون عليكى
مش عارفة
بس خير



يااااااااااااااااااااااااااااااااااااا جمااااااااااااااااااااااااااااااااااااعة

انا عارفة ان اغلبنا مبيعرفش يفسر
بس يقول رائية كانة سمع قصة مش حلم وبيقول راية فيها
شايف معنى دة اية من وجهة نظرى


واحلام سعيدة

اتصلى بالشيخ سيد حمدى
راجل جدع
هيجوزك او هيجبلك عريس
كل تفسيراته حلوة
ههههههههههههههههههههههههههههههه

بصى انتى ممكن يكون رابطه موقف معين فى دماغك وبتفكرى فيه كتير
هو اللى بخليكى تحلمى بيه كتير كده
يعنى انتى مثلا حصل معاكى موقف وحسيتى انك دايقتى فيه حد اوى وانه اتجرح منك
فعقلك بقي بيصورلك الحلم ده كده
وممكن ميكونش ليه اساس من الصحه اهو افكار بتيجى فى بالك مش اكتر
وخير ان شاء الله
وعلى راى السيد حمدى الله اعلى واعلم

ههههههههههه
فعلا اللة اعلى واعلم

طب سبوكى من حلمى وفسروا حلم ماجور وزهرة معايا
او قولوا احلامكم

هو احنا حلصنا من حلم اما ندخلفى الباقى
انا باقول كل واحد يقول حلمه ونستنى حد ييجى يفسر
ههههههههههههههههه

من الاخر كده أحب أقولكم أنكم مالكومش فى التفسير ولا حتى فى التشفير
اليى انتوا بتقولوه ده شغل خلطبيطة بالصلصة
انا بقى هفسرلكوا أحلامك والله أعلم

فسر يا سيدى ما نشوف

عندك اهو 3 احلام
ورينا شطرتك

السلام عليكم ورحمة الله

بالنسبة للأنسة السفاحة

واضح انك كنتى تعرفى ناس بتحبيهم وبتثقى فيهم بس للأسف الناس دى جرحتك وواضح انه جرح كبيير

وماطلعوش قد الثقة دى مما عاد عليكى بأنعدام الثقة فى الناس اليى حواليكى

وواضح ان بعديها قابلتى الشخص ده وواضح انك حبتيه وبقى معزة كبيرة عندك وكمان ادتيله ثقتك وبمرور الوقت بدأ حبك

وثقتك فيه بتزداد ومن هنا بدأتى تخافى عارفة خوفتى من ايه لايطلع زى الناس اليى قبله ومايكنش قد الحب والثقة دى

ويجرحك زى ما تجرحتى قبل كده

وأكيد أنتى بتسألى دايما نفسك لو حصل وطلع الشخص ده زى الناس اليى قبله وجرحنى اكيد انا هدمر


وعشان كده أنتى بتحلمى أنك تقتليه قبل ما يقتلك فى الحقيقة بجرحه



بس أحب ألف أنتباهك أيتها السفاحة ان فيه مثل بيقولوه دايما

أن صوابع ايدك مش شبه بعضها



وانا بقولك

ان مش كل الناس زى بعضها



وده يرجع لآختيارك للناس اليى بتعطيلهم الحب والثقة



وشكرا

السلام عليكم ورحمة الله

بالنسبة للأخت زهرة زاد

أولا وقبل اى كلام اتمنى من الله سبحانه وتعالى الرحمة لصديقتك ولجميع المؤمنين

واضح انك اتأثرتى بتأثيرين الاثر الاول هو حزنك على وفاة صديقتك الله يرحمها

بس التأثير ده مش هو السبب فى الكابوس اليى بيجيلك ده

السبب فى الكابوس هو التأثير التانى وهو الموت واضح انك من ساعة وفاة صديقتك

وانتى بتخافى من الموت بطريقة شنيعة ومن هنا ظهرلك الموت فى الكابوس على هيئة ثعبان

وعشان كده بقيتى تخافى تنامى لوحدك لازم تنامى وفى ناس وحركة فى البيت

بس انا عايزك تحطى حاجة مهمة فى دماغك هى انك لو بين كل الناس اليى خلقها ربنا

ومكتوبلك الموت هتموتى صدقينى لو حطيتى الفكرة دى فى دماغك وثبتيها فى عقلك

هتلاقى نفسك بتنامى عادى وفى هدوء ولو كمان لوحدك ومافيش حد فى البيت

تانى حاجة انتى ليه خايفة من الموت بعد اليى حلمتيه ده ده المفروض بعد الحلم ده ماتخافيش منه خالص

عقلك هيئلك الموت فى صورة ثعبان تمام مافيش مشكلة وايه تانى الثعبان بيلف حواليكى وأكنه بيحضنك بحنان

عارفة ده معناه ايه ان ممكن ربنا سبحانه وتعالى من قربك ليه وحفظك لقرأنه الكريم

حب يوريكى انه هيكون حنين ورؤوف بيكى فى موتك يبقى ليه انتى تخافى من التعبان ده

انتى فعلا قولتى ان من كتر خوفك منه مابقتيش بتخافى منه لا يا ماما

ده مش من كتر خوفك منه ده من كتر ايمانك بالله سبحانه وتعالى

والله أعلم

أتمنى ان كلامى يكون أفادك فى شىء

وشكرا

major girl بالنسبة ل

هو باين من اولها كده ان الحلم ده مش كويس بالمرة مش خير يعنى

بس أنا عايز أعرف أنتى فين من ضمن الناس دى عشان اعرف احدد بس

يعنى انتى تبع الاسود ولا الابيض ولا انتى كنتى فى الاحتياطى
هههههههههههه

عرفينى وهرد عليكى

هههههههههههههههههههههه
لاه انت عارف يا باسم انا كنت لتفرج على الناس اللى بتدخل هنا والناس اللى بتدخل هناك
فاهم
بعنى كنت واقفه فى النص وبتفرج
فسر يا شيخ باسم هههههههههه

ههههههههههههه
الانسة السفاحة

تفسير غلط

التفسير الصح

انى هقتل الانسان دة فعلا

لانة يستاهل دة

بس عارف مش الغريب انى كنت بقتلة الغريب انى كنت ببقى مرتاحة بعد ما بقتلة مش مديقة

وشكلى هعملها قريب
ههههههههههههههههه



يلة ياجماعة
معانا الشيخ باسم
اللى عندة حلم عاوز يفسرة

واضح انك مابتعرفيش تقرأى يا نأسف

انا قولتلك فوق الكلام ده قولتلك انك هتكونى عايزة تقتليه قبل ماهو يقتلك

القتل ليه اوجه عديدة يا انسة انا عارف ايه نوع وسيلة القتل اليى تقصديها

واضح أنك عنيدة بصى اقتليه بطريقتك ولو عرفتى اصلا شوفى هترتاحى ولا لآ

وتبقى تيجى تقوليلنا على اخر اخبارك

عارفة يا major

لو كنتى قولتيلى انك تبع الناس اليى لابسين اسود كنت قولتلك دى جوازة تقليدية وبدون رغبتك

والكل فى الشقة كلها مبسوط وانتى اليى كنتى فى الاوضة دى حزينة

بس انتى قولتى انك انتى كنتى بتشاهدى الحدث اليى فى الحلم ده وغالبا المشاهدة فى الاحلام

بتبقى عبارة عن تنبيه للمشاهد اليى هو أنتى تعالى بقى نشوف التنبيه ده ممكن يكون أيه

ممكن لو الحلم واقعى فعلا زى ما بتقولى واكتملت فيه العناصر الصحيحة للحلم

ولو مش عارفاها قوليلى وابقى أقولهالك

المهم لو أكتملت العناصر دى ممكن التنبيه ده يكون من عند الله سبحانه وتعالى

انه ممكن يكون بينبهك ان برغم ان شقتكوا جميلة ومقبولة من جميع الاتجاهات

بس ممكن والله أعلم ان الآوضة دى بالاخص فيها شىء مش مقبول او حاجة وحشة

ممكن تكون صورة لشخص متعلقة على الحائط والمعروف ان الصور حرام

والانيل لو صورة شخص متوفى حرام حرام حرام

ومش شرط صورة بالاخص يعنى ممكن تكون أى حاجة وحشة او حاجة مش مقبولة

بصى يا ماجور انتى حلمك فى ارتباطات عجيبة ببعضها يعنى ليه كذا تفسير

بس على ما أظن ان اليى قولتله ده هو الاقرب ليه بس هو ليه تفسيرات كتيير

بس التفسيرات التانية دى لازم أعرف فيها شوية نقاط فى الحلم

يعنى مثلا الناس اليى كانوا لابسين أسود تعرفيهم والناس اليى برة تبعك ولا تبع مين

ولا دول جايين مع العفش ولا ايه بحلمك العجيب اليى بوظ دماغى ده


أتمنى انى أكون وصلت لحلمك بالظبط

وشكرا

لا ياسيدى بعرف اقرأ

بس بردوا انا عاوزة اقتلك
وهعرف متخفش
شوف انت بتقول انى بحلم بدة بسبب شكوكى وخوفى
بس لو يوم فعلا عاملها وبعد عنىى
هيتقل يعنى هيتقتل

حلمت حلم غريب
خير اللة ما اجعلة خير
انى قاعدة ع الجهاز وفجأة ببص لقيت اميلى مفتوح 5 خمرات
يعنى خمس اميلات قدامى
زى بعض ومفهمش اى اختلاف معاد واحد بس منهم فية اختلاف بسيط
وفى كل اميل فيديو بيعبر عن حالة او صفة
الاميل الاول فيديو عن الظلم
واحد ظالم والناس ملمومة حولية بتضربة عشان ظلمة

والاميل التانى عن النصب والسرقة
وفية بواب عمارة الناس دلقت علية مية سخنة وموتتة

والاميل التالت بيعبر عن الطيبة
لواحد طيب وغلبان وفى حالة

والاميل االرابع
مختلف اختلاف بسيط فى اميلاتة عن الباقيين

والخامس مش فاكرة كان عن اية

وكل اميل من دول بيعبر عن شخص
يعنى بعديها ظهر شخص لكل اميل

كانوا 4 اشخاص مصريين وواحد اجنبى

ال 4 المصريين فى مكان زى السجن زنزانة
بس بعاد عن بعد
والاجنبى فى زنزانة لوحدة

واحد من الاربعة اتكلم فراح التانى رد علية وراح التالت كمان كلمهم
فقالوا لبعض كويس اننا عرفنا اننا بنتكلم تعالوا نشوف الرابع دة
بيتكلموا فرد واتكلم هوة كمان
ففرحوا كلهم
وبصوا بعيد لقوا الاجنبى الخامس فى الزنزانة بتاعتة

فقالوا مالةة دة لوحدة لية كدة ما تيجة نشوف هيتكلم ولا لاء
فضلوا يتكلموا مردش
فقالوا خلاص سبونا منة وتعالوا نخرج من هنا
فالطيب دة مش ردى وقال لاء هساعدة وكلمة انجليزى فرد علية وراح الطيب مادد ايدة لية وجابة معاهم

المفروض ال 5 دول اخوات بس لسة اول مرة يعرفوا بعض

وانا عمالة اتفرج ع اللى بيحصل دة كلة
والمفروض انى هكون حد فيهم
هكون ياما الاجنبى يا الظالم يا النصاب يا الطيب للخامس اللى مش فكراة

بس مش هختار هيتعرف انا ابقى انهى واحد من تصرفاتى وبناءا علية
هتحدد الحكم او اللى هيحصل معايا

وانا فضلت اتفرج عليهم وافكر ياترى هبقى مين الطيب الغلبان اللى مضحوك علية
ولا الظالم اللى الناس بتضربة
ولا البواب اللى هيموت بالمية الشخنة
ولا الاجنبى اللى ملهوش غلى واللى بعد ما انقذة الطيب انضم للباقين وسابة
ولا هكون الخامس

بس وبعديها بابا صحانى
ومش فاهمة معنى الحلم اية


فى حد يفسرهولى؟؟؟

ده حطيه علي سي دي ياناسف

وقولي يا سي دي يابن الهارد
فسرلي حلمي ههههه

مش عارفه معناه ايه بصراحه

انما انا بشكر باسم جدااااااااااااااا
بجد انت وضحتلي حاجه كنت بهرب منها

تسلم ايديك وعقلك
النابض دائما

هههههههههههههههههههههه
ايه اللغبطه ديه انت لغبطنى
بس تصدق كلامك منطقى جداااااااااااا

ايوة أعملى يا نأسف زى ما زهرة قالتلك حطى الحلم فى سى دى وكل حاجة هتبان قدامك ههههههههههه

لا بجد حلمك بسيط جدا يا نأسف هفسرهولك بس بعدين لآنى لسة صاحى دلوقتى ومش رايق

انما لماجور

فأنا مش شيخ ولا حاوى ولا عالم تفسير انا كل اليى بعمله انى بحاول أقرب الحلم لآقرب صورة ممكنة

وده بيرجع لخبرتى فى قرأة كتب الاحلام وتفسيرها بس الكلام ده زمان

وانا قولتلك أن حلمك يلغبط لانه ليه كذه تفسير ولان الحلم مش كامل

احطة ع سى دى

امال لو كنت حكيتة كامل كنتوا هتقولوا اية


عمتا مستنية تفسيرك

بصى يا نأسف كل واحد فينا جواه كذا شخصية والشخصيات دى بتتكون من تجارب الفرد فى حياته

وكل فرد فينا بيتحكم فى أخفاء أو ظهور كل شخصية على حسب كل موقف يتعرض له الفرد منا

وطبعا بأستثناء كل هذه الشخصيات اليى اكتسبناها من تجاربنا فى الحياة فيوجد لكل فرد

شخصية واحدة حقيقية وهى الشخصية التى يولد الفرد بها وهى التى تسيطر عليه اكثر

من الشخصيات اليى اكتبسها فى حياته

أظن أنتى فهمتى يا نأسف أنا اقصد ايه انا عايز أقولك انك مش مجرد واحدة من الشخصيات

اليى حلمتى بيها دى لا كل الشخصيات دى جواكى أنتى والشخصيات دى بتتصارع جواكى

فى شىء معين أو عدة أشياء شاغلة تفكيرك واليى عايزك تعرفيه أن شخصيتك الآصلية هى اليى بتتفرج

على هذا الصراع ومحتارة تأخذ برأى مين فيهم لان شخصية الفرد الحقيقية هى اليى بتحدد

ظهور اى من الشخصيات الفرعية دى على حسب كل موقف

أنتى فى موضوع معين شاغل تفكير جدا أو عدة مواضيع مش مهم عدد المواضيع

المهم أنك محتارة تعملى ايه فى الشىء ده

حاولى تفكرى بهدوء واستخدمى عقلك اكتر من قلبك وخدى وقتك فى التفكير

وماتستعجليش عشان ماتندميش

وان شاء الله خير

تصدق
تفسيرك حلو
ومقنع
فعلا انا المفروض هبقى واحدة من الشخصيات دول
وع حسب ما هكون هتحاسب



ربنا يستر لان مفيش ولا شخصية عجبتنى


تحياتى
ونأسف ع الازعاج

يا مفسر الاحلام



هوة مش حلم حلمتة


هوة حاجة ديما بتكون باحلامى



ديما او فى الغالب
من وانا صغيرة
احلم انى ماشية عادى وفجأة بدأت اطلع لفوق اوى وانا فوق الاقى نفسى بقع فجأة
بس مش بوصل للارض ولا بشوفها وانا بقع
او وانا فوق الاقى نفسى بتخانق مع ناس وافضل اطلع وانزل
او اكون عمتا فى مكان عالى واقع منة فجاة
وقلبى يفضل يدق جامد
واصرخ من غير صوت
وساعات ببقى ساكتة خالص



الحلم دة من وانا صغيرة ملازمنى
ساعات اشوف دة فى حلم حلو او وحش
وساعات يبقى دة ملهوش اى علاقة خالص بالحلم اللى بحلمة
تتدخل الجزئية دى ع حلمى وتبوظة ومهما احاول ارجع للشىء اللى كنت بحلم بية معرفش


ياترى تفسير دة اية؟؟؟

رد يامفسر الاحلام وقول ايه الكلام يا فنان

اقول انا حلمى يمكن حد يعرف يفسره
دايما بشوف نفسى ماشى فى شوارع كتير بس ماعرفشى فين
وبقابل ناس كتير ولاقى الناس دى يحبونى وانا احبهم اووووى
لكن بلاقى واحد فى شكل اخويا يطلعلى بس مش فى جسم اخويا يفضل يقولى ابعد عن الناس احسلك
مش عارف ليه بيقولى كده

ده علشان يا فارس ما كنتش متغطى كويس
تغطى كويس وانت مش هتشوف حاجة خالص
هههههههههههههههه
وبعدين الحلم من الشيطان
اما الرؤية من عند الله
وعليكم بقراءة القران قبل النوم

بالنسبة لنأسف

بصى أنا بصراحة مش مركز اوى فى حلمك ده لآنى بعتبره مش حلم

بس يمكن ده لانك من النوع اليى بيحب يوصل لآى شىء بسرعة

بمعنى أنك متسرعة فى حياتك متسرعة فى ردودك متسرعة فى وصولك للاشياء

حاولى تكونى متأنية فى تصرفاتك وده بأنك تضعى الآولوية لعقلك قبل قلبك

ده هو تفسيرى

والله أعلم

اما بالنسبة لآستاذ فارس

فموضوعك انك مابتتغطاش كويس زى مش اهلاوى قالك


ده بس من لفك طولة اليوم ومن كتر الوشوش اليى بتشوفها

لما بتيجى تنام بيطلعولك فى الحلم

وعشان كده أحمد ربنا انك بتشوفنى كل يوم

والا كان زمانك غرقان بالكوابيس

هههههههههههههههههه
فعلا عندك حق انت وعلاء يا باسم وانا لزم اغير الوشوش العكرة دى خالص
واستغطا كويس عشان مشفهاش
سلام يا حبيبى