هل ترضي ان يصارحك احد بعيوبك؟؟؟

إن لكل إنسان مهما كان له أخطاء و عيوب , فهو محكوم في هذا بقدر من الله عز وجل أن خلق بشرًا

يعتريه النقص ' كل ابن آدم له خطاء ' .

وطبعاً أنا لا أقصد بالعيوب هنا ,, العيوب الخِلقَية ولكن أقصد

العيوب في التصرفات او الطباع ..

على سبيل المثال : لو كان لك صديق وهذا الصديق به من الصفات

الجميلة الشيء الكثير ولكنه نمّام

أو كذّاب أو كثير الكلام ,, هل ستواجهه ؟؟

واذا كانت هذه الصفات فيك ( مثلاً ) هل سترضى اذا واجهك بها .

بصراحة هل ستعتبرها هدية ؟؟؟؟!!!!!

أم ستعتبرها إهانة وتدخل فيما لايعنيني أم وقاحة؟

انتظر .. وفكر قبل الإجابة قليلاً .

إذا كنت تعتبر المصارحة بالعيوب هدية كما قال عنها سيدنا عمر بن الخطاب رضي الله عنه : ( رحم

الله امرأ اهدى إلي عيوبي ) . فما هو لون الغلاف أو شكل الغلاف ( أقصد هنا الأسلوب ) الذي تحب أن

تغلّف به هديتك ؟

هل تعرف عيوبك بشكل واضح وجلي ؟ وأيهما أكثر وضوحا بالنسبة لك . عيوبك أو صفاتك الحسنة؟

بصراحة :

هل أنت مع هذه المقولة .. هل ترضى أن يصارحك احد بعيوبك ؟

و أنــــــا أتمنى من الي يقرأ الموضوع إنه يقول هو مع هذه المقوله
و لا لأ....

يارب الموضوع يكون نال اعجابكم
وتحياتى لكم....

طبعا ارضى
بي اهم حاجة الاسلوب
انه يعنى يكون اسلوب مقبول
وصديقك من صدقك النصيحة

أكيـــــد لازم أسمــع رأى كــل انسان فيا حتى لو كانت عيوب فيــا

تســلم أيدك على مــوضوعك يا عمتوووووووووووووو

مفيش حد مش فيه عيوب
بس اللى يقول لحد عيبه تكون بطريقه شيك
بمهنى يوصلى اللى هو عايزه بطريقه متجرحش او بشكل غبى
يخلينى اتنرفز عليه
بس لو حد قالى عادى كلنا معرضين لكده

ثاتنكس ع التوبيك

انا ارضي ان حد يصارحني بعيوبي
بس اهم حاجه عندي الاسلوب اللي هيكلمني بيه
لو كان مستفز بجد هتعصب واتنرفز
لو الاسلوب الكويس
هرضي ومافيش مشكله
تسلمي الموضوع جميل
تقبلي مروري

الله يا جماعه ايه التفاؤل ده

جميل الموضوع وانا طبعا هرضي وباي اسلوب حتي لو كان شخص غير مقرب مني او حتي معرفوش

واسمحيلي يا زهره اعترض علي جمله

اقتباس :: اهم حاجه عندي الاسلوب اللي هيكلمني بيه
لو كان مستفز بجد هتعصب واتنرفز
لو الاسلوب الكويس
هرضي ومافيش مشكله

انا بس في حكايه صغننه معلش هقولها
----------------------------------------------------------------------------
كان في احد الايام احد الائمه الاربعه -غير متذكر مين بالظيط - دخل عليه رجل ولم يكن يعرفه وكان مع الامام صديق له وظل الرجل يصف الامام بصفات عجيبه مسيأه وباسلوب مستفز له من وجه نظر الصديق وكان يرد عليه الامام رد جميل وماذا ايضا وعندما انصرف هذا الرجل قال الصديق للامام مستفسرا عن تصرف الامام
فقال الامام للصديق وهل ذكر شئا في غير محله
----------------------------------------------------------------------------
ملوحظه الرجل لم يسب ولكن وصفه بصفات فقط

اسف للاطله والله انا حاولت اختصر ومذكرتش الحديث لاني بردو مش فاكره اوي

of course i do

the most important thing is to be honest and as ashape of agood advice
not like some kind of attacking

always true friends see our bad characteristis before good ones
and their duty to give atrue honest advice

thanks 4 ur topic

بصى يا بنوتة
انا يا متكر عيوبى
واغلب الناس حوليا بيقلولى عليها
وفى عيوب بيتقفوا عليها وعيوب لاء
بس بدايق اوى لما حد يجى يقولى انتى كذا وكذا وكذا ومن غير مايقولى لية شافنى كدة او شاف كدة فيا فى انهو موقف
يقولى بصى انتى كذا وخلاص
او مثلا ودى بتحصلى كتير الاقى حد يقولى انتى فيكى عيب كذا ولازم تغيرية
والاقى حد تانى يجى يقولى انتى فى عيب كذا ويكون عكس الاولانى ولازم تغرية
طب ازاى انا فيا دة وفيا عكسة
مثلا واحد يقولى بطلى غرور والتاتنى يقولى حبى نفسك شوية
ويفضلوا بقى يتخنقوا ويزعلوا لانى مش سمعت كلامهم
او حد مش يعرفنى مش عاشرنى ويقولى انتى فيكى عيب كذا
طيب عرفت دة امتى شوفتة فيا امتى وانت مش اتعاملت معايا
او حد يقولى عيبى من باب النقد مش النصيحة
بجد بتخنق
بس غير كدة وفى ناس حوليا الحمد للة مش كدة
وبتقبل منهم وبغير العيب دة
اة باخد وقت طويل عما اغيرة بس بيتغر
ومع ذلك
حتى الناس اللى قولت انهم بينقدوا نقد لاذع دول
بسمع منهم
وبفكر فى كلامهم واشوف انا كدة ولا لاء
مش بنفض بردوا لكلام حد

اسفة ع الاطالة

تحياتى
وناسف ع الازعاج

ممكن اقبل انى اسمع عيوبى من اى حد
بس الافضل ان يكون شخص قريب منى

منورين والله يا احلى الاعضاء
ميرسى جدا ع مروركم الجميل
الذى اسعدنى بجد

طبعا شكر خاص

لمصراوى
و عمووووو نهورة
وكمان ايمان
و زهرة
والرابط
ولايف انجيل
والاستاذة ناسف
وكمان ينت مصر

بجد ميرسى جدا ع مروركم الجميل ع الموضوع
ويارب فعلا يكون نال اعجابكم

» هل ترضى أن يصارحك احد بعيوبك ؟