علشان انت مصرى

والله انا نقلاها بس ضحكتنى اوى قولت اضحكم شوية




عشان انت مصرى لازم تعانى
وتفقد كرامتك بكل المعانى
وتحرق فى دمك سنين مش ثوانى
واوعى تصدق كلام الاغانى
بتاع الحضاره وكانى ومانى
ده كله هجايص مايدخل ودانى
عشان انت مصرى العذاب بيناديك
بتبدا فى يومك حاجات بترازيك
فى نومك فى قومك تعكنن عليك
تضايقك ولسه العماص فى عينيك
مافيش ميه تشطف صابونه فى ايديك
وجسمك ملزق وريحتك عاديك
فتلبس وتنزل وفيك اللى فيك
ورايح لشغلك حتحتاج مواصله
ادى المترو واقف وكهربته فاصله
وفى الميكروباص خناقه وحاصله
اوتوبيس فرامله عايزالها وصله
وتوك توك ده تايه ومحتاج لبوصله
بتوصل لشغلك بدم اتحرق
فى زحمه وكتمه وحر وعرق
رئيسك سايبلك كومه ورق
ده غير دمغه ضايعه وملف اتسرق
وفى كام مواطن عاملك قلق
بيشكى تقول له روح اندعق
وعركه وهوجه وشاى اندلق
ومخك خلاص من الصداع اتفلق
هترجع لبيتك ده لو كان فى بيت
هتوصل هتندم ياريتك ماجيت
مراتك بتصرخ خلاص استويت
عيالك بتطلب وهات كيت وكيت
تزعق تهاتى ياناس اتهريت
ولاحد سامعك مهما هاتيت
عشان انت مصرى وده للاسف
فلازم تاسى تعيش تتقرف
وكل الاساسى فى حياتك ترف
فتنسى الكرامه وتنسى الشرف
وتسرق وتنصب او تنحرف
ودمعك بيجرى وجرحك نزف
مش انت اللى مصرى؟؟؟ جتك القرف


محدش يعايب على الخط بقى سواء كبير صغير (( لانى مش عارفة اكبره ))

مش انت اللى مصرى؟؟؟ جتك القرف
هههههههههههههههههههه
ههههههههههههه
بصراحة الكلام كلة يضحك
تسلم نقلك يا جميل
بجد الكلام جامد اخر حاجة
والخط تمام جدا

تحياتى لكى....

ههههههههههههههههههههههههه
اكيد اللى كتبها خريج نوعية

لالالالالالالالالالالالالالالا
والمصحف كله الا مصر
دي امي ياجدعان
وانا اللي يشتم في امي ابهدله

لا بجد ياجماعه رغم ان الكلام ده بيضحك
بس والله كله الا مصر
انا من عشاق مصر بخيرها بشرها بحبها
كفايه انها ذكرت في القراءان
معلش ياقصاد النداله مبدا
وانا اخترت مصر
تقبلي مروري

ههههههه
هم يضحك وهم يبكى


تحياتى
وناسف ع الازعاج

هههههههههههههههههههههههههه




مش قصـــدها على مصــر يا زهـــرة قصــدهــا على القـــرف هههههههههههههه إلى جواهــا



تســـــــــــــــلم يا عيـــونـــتى على نقـــلك

بالظبط يافاهمنى هههههههههههههههههههه

نورتوا الموضوع وبذمتكم مش ضحكتم هههههههههههههههه

شكرااااااااااااااااااااااااااااااااااااااااااااااااااااااااااااااااااااااااااااااا لوجودكم يااحلى اعضاء بس ناقص فؤش بقى وميجور هههههههههههههههه يورونى را\يهم.............وسمعنى احلى صدى صوت للاحلى تحية للاحلى اعضاء اعضاء النوعية

i can't agree with that opinion

if this country became bad

i'm suer this is cause of us

believe me we who make the surroundings wrong or right

thanks 4 ur topic

انا معاكى يالوف انجل بس مين اللى خلانا كدة ممكن تقوليلى ؟؟ البيئة والمجتمع اللى عايشين فيها والحكومة نفسها احنا كبرنا لقيناها كدة هنعمل ايه بقى كل واحد جواه طاققة كبيرة اوى بس مين بيخرجها ؟ مفيش حد ينشط الطاقة دى علشان تخرج وبعدين لو كل واحد بدا بنفسه هيلاقى نفسه لوحده فبيكسل وطبعا عمل واحد مش هياثر زى ماكلنا نبقى بنعمل لنجاح حاجة واحدة

شكرا لردك ووجودك يالوف