فزورة يادوووب ... بس بتدينا بصيرة وحكمة في إتّخاذ القراراتِ تعالى اسمعها *************************** لو كان في مجموعة من الأطفال بيلعبوا جنب (مسارين منفصلين) للــ سكة الحديد واحد منهم متعطل ... والتاني شغال كويس عادي وكان في طفل (واحد بس) راح لعب على المسار المتعطل وبقية مجموعة الاطفال راحوا يلعبوا على المسار اللي شغال وأنت واقف جنب محول اتجاه القطر وشوفت القطر جـاي ... وشوفت الاطفال اللي بيلعبوا وهما بـُـعـاد عنك ومش هيسمعوك ومفيش قدامك الا ثواني بس تقرر فيهم هتخلي القطر يمشي على انهي مسار..؟؟؟؟؟ هل هتخليه يمشي زي ماهو ويقتل مجموعة الاطفال..؟؟ ولا هتغير اتجاهه للمسار المتعطل ويقتل الطفل الواحد اللي عليه..؟؟؟ وياترى ايه هي النتايج على قرارك ده ايا مايكون ..؟؟؟
************************** طيب خلينا كده نحلل القرار معظمنا هيقول نضحي بالطفل الواحد احسن ما نضحي بالاطفال الكتير طيب هل القرار ده هو الصح..؟؟ الطفل الواحد ده .. مش كان هو الوحيد اللي سمع الكلام ولعب على المسار المتعطل..؟؟ ..... عشان يتجنب القطر..؟؟
ومع ذالك قرارك ده يبقى معناه ايه..؟؟ معناه انه لاااااااااازم يتحمل نتيجة انه مشي صح وسمع الكلام ولازم يكون هو الضحية ضحية في مقابل ايه..؟؟ في مقابل حماية الأطفال التانيين ... الـ مستهترين وغير مبالين واللي اصروا على اللعب في المسار الشغال
************************** في اغلب قرارتنا المصيرية والديمقراطية والسياسية بتسيطر علينا الفكرة دي بنضحى بمصالح الأقلية مقابل الأكثرية بغض النظر عن قرار الأغلبية حتى ولو كانت هذه الأغلبية غبية وغير صالحة لابداء رايها والأقلية هي الصحيحة وصالحة ****************************** هنا بقى نقول ايه اللي المفروض يكون هو ده القرار : هنا نقول القرار الصحيح هو مش من العدل اننا نغير مسار القطار وذلك للأسباب التالية : 1 - الأطفال اللي كانوا بيلعبوا في المسار اللي شغال عارفين ده (انه شغال) واكيد هيهربوا بمجرد انهم يسمعوا صوت القطار ! ******** 2 - لو غيرنا مسار القطر للمسار المتعطل اللي عليه الطفل الواحد هيموت بالتأكيد لانه مدي لنفسه الامان بان القطر هيكون بعيد عنه لانه سمع الكلام ولعب على المسار المتعطل فمش هيتحرك من مكانه لما يسمع صوت القطر
******** 3 - مافكرتش ان المسار المتعطل ده متعطل عشان هو اصلا غير آآمن للقطار وانك لما تغيير مسار القطار من المسار اللي شغال للمسار التاني انت بكده مش هتموت طفل واحد بس لا انت هتموت كمان الناس اللي في القطر كلهم اوهتتسبب بكارثة كبيرة ؟؟؟؟ فتبقى انت بدل ما انقذت مجموعة الاطفال هتحول الموضوع لقتل مئات من الناس مالهومش ذنب في لعب الاطفال على المسار اللي شغال
************************* حياتنا مليانة بالقرارات الصعبة اللي لازم نقررها القرار المتسرع اوقات كتيرة بيكون مش صح ولا عادل الصحيح ليس دائماً شائع و الشائع ليس دائما صحيح قال تعالى : (وَإِن تُطِعْ أَكْثَرَ مَن فِي الأَرْضِ يُضِلُّوكَ عَن سَبِيلِ اللّهِ إِن يَتَّبِعُونَ إِلاَّ الظَّنَّ وَإِنْ هُمْ إِلاَّ يَخْرُصُونَ) (الأنعام : 116 ) صدق الله العظيم وأخيرا بعلو الصوت هنتكلم ان شاء الله نموت هنتكلم ويارب تكون الفكرة وصلت اخوكم في الله
2009-03-21, 10:37 pm
