قصه حب (1)نقاش....رساله

[/

>>>>>قبل ماتدخل في المناقشه أقرى القصه على الرابط التالي
https://abnaaelnaweia.yoo7.com/montada-f66/topic-t6093.htm#79763

لغه حوار مشترك


واضح ان ده كان سبب نهاية قصه حب (نسرين) و(فريد)

ساعات كتير مش بقتنع بالجواز التقليدي بين اتنين مش عرفوا بعض ابدا قبل كده
والسبب هو ان مافيش لغه حوار مشترك بنهم وديه كارثه
ممكن تلاقي اتنين مخطوبين مش بيتكلموا في حاجه غير الحب وبس والعيشه في حب طوااال العمر
بعد الجواز يكتشفوا انهم مختلفين تماما عن بعض ومعندهمش لغه حوار مشترك؟؟؟!!

وكل واحد يروح شغله او يعمل اللي عليه وخلاص ومالهوش دعوه بحياه التاني وممكن يتناقش مع صحابه وينسى مراته اللي في البيت نهائيا

عايز اعرف رأيكم في لغه الحوار المشترك هل فعلا لازم تبقى موجوده ؟!!
وهل فعلا لازم على الفتى انه يستمع للفتاه ويديها حقها في معرفه حياتها والدخول فيها ؟؟
ولا الراجل راجل والست ست وهيا المفروض انها تسمع حياته كلها اما هو مش مسئول انه يسمع حاجه ؟

يعني من الاخر يكون ليهم حياه مشتركه واحده بدل ماكل واحد في حياته وميعرفش عن التاني حاجه ؟؟
طيب وايه دور الثقافه اللي اتكلمت عنها نسرين في رسالتها ؟؟
وياترى وسيله الخطاب ممكن تكون اسهل في التعبير عن المشاعر احسن من المقابله والكلام وجها لوجه ؟؟وانت(ي) عملت كده قبل كده ؟؟

مستني اسمع رأيكم في القصه وهل نسرين معاها حق في نهايه العلاقه ؟؟؟ ولا المفروض طالما حاسه انها بتحبه يبقى امرها لله وتستحمل ؟ وان الموضوع مش يستحق انها تفسخ خطوبتها منه ؟؟ طيب انتي لو مكانها تعملي ايه ؟؟

تحياتي ليكم .......ومستني مشاركتكم

على فكره الجواز السائد حالياا هو الجواز التقليدى لاننا بغض النظر عن الجامعه احنا فى مجتمعنا مفصولين تماما عن اللى حوالينا احنا منعرفش جيرانا احنا ممكن كمان منعرفش اقاربنا اوى بنخرج فقط علشان الجامعه وناخد المحاصرات ونرجع علشان كده معظم الجواز بيكون جواز صالونات او تقليدى
وعلشان كده هما عملوا فتره الخطوبه علشان كل واحد يعرف التانى اكتر بوجود احد من الاسره معهم علشان يا دكتور ميتكلموش عن الحب اغلب الوقت زى ما قلت
ولازم يكون هناك لغه حوار مشترك بين الاتنين مش هو اللى يتكلم فقط طوال الوقت وميديش ليها فرصه انها تتكلم معاه او العكس
وده علشان يفهموا بعض اكتر
اكيد الراجل راجل والست ست بس فى النقطه ديه مينفعش انه يتحكم لانى الحوار وسيله للتفاهم وتبادل الراى
وعلى فكره اللى عملته نسرين كان صح جداااااااااااااااااااااااااااااا
تقبل مرورى

دكتـــور هــى مش أبتدت قصــة الحــب علشــان تتنتهـــى

لو ابتدت وحبـــت كـــانت تغير الأنســـان ده من أنســــان فــارغ لأنســان أحســـن

إل بحــب بغيـــــر إلى بيحبــــه لو يستــاهل أنه يغيـــره مشتقوله أنت أنسان فــارغ فارغ فارغ ده الواد زمانه بقى صندوق

كده بتهــرب منـــه .. ممكن تحــاول تغيـــره أو تحـــاول تخليه وسط حتى بين ده وده

وبعدين لو وجهته أو كتبت الرساله الأتنين يحمل المعنى واحــد ويحمــل الكلام نفسه

بس مش الغلــط كــله منهـــا لانه المفــروض الأهتمـــام منــه هو كمــان ويحــاول يغيـر من حياته علشانها

بس ده مش حــب من أوله علشان ينتهـــى فى آخـــره



ســلمـــت وســلم مــوضــوعـك

أخيـــك

يشرفني ان يكون اول رد من major girl ونهر الوفا

major girl

كلامك كله صح وانا بتفق معاه

اقتباس :

ولازم يكون هناك لغه حوار مشترك بين الاتنين مش هو اللى يتكلم فقط طوال الوقت وميديش ليها فرصه انها تتكلم معاه او العكس

وده اللي لازم نفهمه ان الحياه هتتبني على اتنين مش واحد
في بنات كتير فاكره انها بعد الجواز المفروض تتلغي شخصيتها نهائيا ومش تتناقش مع جوزها الا في مواضيعه مع ان ده هيخليه يزهق بعد كده منها

اقتباس :

اكيد الراجل راجل والست ست بس فى النقطه ديه مينفعش انه يتحكم لانى الحوار وسيله للتفاهم وتبادل الراى

اقتباس :

وعلى فكره اللى عملته نسرين كان صح جداااااااااااااااااااااااااااااا

شكرااا على رأيك ومشاركتك ودمتي بخير

نهر الوفاء
من اكتر الناس اللي بترد على مواضيعي مع اني مقصر معاك في ردي على خواطرك بس الحقيقه انا مبعرفش ارد اقول ايه لأنها لاتوصف

اقتباس :

دكتـــور هــى مش أبتدت قصــة الحــب علشــان تتنتهـــى

هيا فعلا كانت بدايات القصه واي قصة حب عايزنها تستمر لفترة طويله بتبدي نفس البداية ديه واحنا اللي بنختار تستمر ولا لأ
انا مش بصدق قوي بالحب اللي من يومين ويقولوا ديه قصة حب لاني شايف حواليا كله بينتهي بسرعه لأنهم مش بيتكلموا في حاجه مشتركه بينهم ولما يبدأوا يتكلموا جد بعد فتره يلاقوا كل حاجه خطتوا ليه كانت غلط والمشاكل محاصراهم

اقتباس :

إل بحــب بغيـــــر إلى بيحبــــه لو يستــاهل أنه يغيـــره مشتقوله أنت أنسان فــارغ فارغ فارغ ده الواد زمانه بقى صندوق

كلامك صح ممكن نسرين كانت حاولت معاه تغيره بس هيا حاولت تكلمه عن نفسها وهو مسمعش برده جايز ناس تقول يتجوزوا وممكن بعد كده تغيره في الجواز " عملا بالحكمه جوزك على ماتعوديه " بس هيا خافت انه مش يتغير حتى بعد الجواز

اقتباس :

بس مش الغلــط كــله منهـــا لانه المفــروض الأهتمـــام منــه هو كمــان ويحــاول يغيـر من حياته علشانها

بس ده مش حــب من أوله علشان ينتهـــى فى آخـــره

شكرااا على ردك ورأيك يانهر وبجد منور الموضوع برأيك الرومانسي كالعاده