واتمنى كل واحد يسأل نفسه السؤال ده ؟؟؟؟

قرا الموضوع للأخر وشاركنا برأيك لأنه يهمني جداااا

حياتنا كلها متوقفة على 3 أيام
الامس واليوم وغدا
سكان العالم كلهم منقسمون في التلتة ايام ديه
في ناس عايشه في الحاضر وناس عايشة في الماضي وناس في المستقبل
في احتمال كبير انا منكنش عارفين احنا عايشين في انهي زمن من دول
وهو ده اللي هيخليني وهيخليكي نعمل نقرا الموضوع ونعمل دراسة متأنية علشان نعرف بيها احنا عايشين في انهي زمن

نبدأ بالناس اللي عايشين في الماضي ..... عايشين على ذكريات الماضي مع انهم عارفين انها مش ممكن ترجع أبد " مستحيل انهم يرجعوها "كنت في رمضان اللي فات بزور ناس واستوقفني مشهد لست جوزاها مات من سنة
دخلت الشقة شوفت كل الشبابيك متقفلة .... بتسمع صوت ازاعة القران الكريم ..المكان شبه مظلم ...وتقريبا كل حاجة في مكانها من قبل وفاة جوزها
الست ديه كانت عايشة في الماضي ...كل الفرح وكل الامل وكل السعادة والحب كانوا في الماضي
الحاضر مش يفرق معاها في حاجة والمستقبل مفيش امل منه
في ناس كتير ذي الست ديه مع اختلاف المكان والروف والاوقات
هنلاقيهم جزء في حياتنا...... اقدر اقول حياتهم ماشية عاكس عقارب الساعة
سبوا كل الفرح والحب في الماضي وشالوا الحزن معاهم
نفسي اوصل للناس ديه كله كلمة ... ان سعادة امبارح علشان يبقى ليه طعم لام نخليها للنهارده والحاظر
خلينا بقى نمسح كل دموع الماضي ونبص للحاظر ..ونعرف ان بعد الظلام لام يجي النور وبعد مطر الدموع لازم تهر شمس جديدة علشان الحياة تستمر
We should let yesterday be yesterday

القسم التاني من الناس هما اللي عايشين في المستقبل
كل سعادتهم في المستقبل فرحتهم كلها في المستقبل ... لسه بيترقبوا السعادة في مخيلاتهم وفي احلامهم
لاكن مش في الواقع
الاحلام اللي بنحلامها لمستقبنا بتخلينى نبقى سعداء لاكن مش لازم صورة بكرة تخلينا ننسى نخلي السعادة حقيقة النهارده لان في احتمال مش صغير ان احلامنا متتحققش

مش شرط نفكر اكتر من الازم في المستقبل والا كده هننسى الحاضر ومعناه واهميته
الصورة اللي بنرسمها للمستقبل وبنجمل فيها هي صورة خيالية فمش لازم تاخد اكتر من حقها وده ديما الفرق بينا وبين الغرب
اننا ياما بنفكر في الماضي والتاريخ بتاعنا ياما بنفكر في المستقبل وبنخطط ليه اكتر من الحاضر مع اننا مش ضمنين نعيش ساعة كمان من حياتنا

بس ده الجانب المشرق للناس اللي عايشة في المستقبل
بس للأسف الاغلبية مش بيفكروا في المسقبل كده خالص
اقدر اقول انهم مش عارفين يعيشوا النهارده لأنهم ملوا المستقبل بكوابيس ليل نهار
خلوا المستقبل ضلام واشباح ....اكتر مثال ممكن اقوله عليهم انهم عاملين زي واحد ماشي بالعربية في طريق طويل
طول الطريق بيفكر هو ايه نهايته وخايف لحسن الطريق يكون مسدود وبسبب خوفه ده مبصش حوليه وشاف الجمال اللي موجود في جانب الطريق
مسمعش الطيور وهي بتغني ومشفش الورود اللي في كل مكان حوليه
كل تفكريه في نهاية الطريق او الجسر اللي هيعديه للمستقبل اللي مستنيه
معدش عنده ودن ولاعين يسمع ويشوف بيهم النهارده
Whittier says,
"No longer forward or behind I look in hope or fear, But grateful take the good I find— The best of now and here."
كاتب تاني قال ان اننا لازم نبتسم بكره اكتر بكتير من قلق النهارده
طيب ليه منبدأش من النهارده بدل بكره هي ديه النظرة الفيلسوفية اللي محتاجين نوصلها كلنا

علشان كده لازم بدل مايبقى تركزنا كله في المستقبل الاحسن يكون في الحاضر علشان لما يجي المستقبل اللي احنا خايفين منه نكون اقوى ونقدر نتحدى اي صعوبات فيه

مش شرط اننا نفكر ازاي نحل مشاكل المستقبل بتاعنا بدل مانشوف اللي عايشين فيه في الحاضر
أخر الكلام مش واجب عليك انك تعيش بكره دلوقتي او انك تفكر ازاي هتتحمل بكره دلوقتي
الحل الصح انك تفكر ازاي تتأقلم دلوقتي مع الجو اللي انت عايش فيه وصدقني لو فكرت في الحاظر زي مابنفكر في بكره هنقدر نحل اي مشكلة مهما كانت صعوبتها وهنقدر نتغلب على اي حزن
فليه تفكر ان الصعوبات بكره هتزيد عليك بدل ماتحاول تحل صعوبات النهارده
فكر في النهارده لان اغلب الصعوبات والحزن اللي في الحاضر بيروح تاني يوم ومش هتحتاج انك تشيل معاك احزان للمستقبل

اخيرا خلينا نعيش النهارده نعيش بكل قوتنا وارادتنا نعيش واحنا مش خايفين من بكره لان ربنا معانا نعيش واحنا مش شايلين احزان الماضي معانا
نعيش وبلاش نبص لشمس بعيدة قوي عننا او لضلمه بعيد عننا سواء في الحاضر او المستقبل

اسف اني طولت في الموضوع بس اتمنى اني اكون وصلت فكرتي لاني مش بارع في الكلام
واتمنى كل واحد يسأل نفسه السؤال ده ؟؟؟؟

انت طولت اوى فى موضوعك بس يستحق انك تتكلم فيه لاننا كلنا بنهرب من السؤال دة وعندك حق فى كل كلمة قلتها

وخاصة علشان كده لازم بدل مايبقى تركزنا كله في المستقبل الاحسن يكون في الحاضر علشان لما يجي المستقبل اللي احنا خايفين منه نكون اقوى ونقدر نتحدى اي صعوبات فيه

بس هقولك حاجة مش كل الناس خايفة من المستقبل هم بيبصوا لمدى التعب اللى هيتعبوه لغاية امايوصلوا لهدفهم فعشان كدة مبيفكروش ويقفوا فى مكانهم خايفين لحسن تكون اخرت التعب دة من غير نتيجة ترضيهم وكمان حاجة الماضى دة حياتنا ودة اللى احنا بنتعلم منه يبقى مينفعش ننساه خااااااااااااالص اما بقى للحاضر اهه مقضينها وبنحارب مع الدنيا علشان نبقى اقوى منها بس اوقات بتتحكم فينا لحظات ضعف بتوقفنا عن تحقيق اهدافنا وامكانيتنا فى التفكير فى الحاضر اما بقى المستقبل فدة بردو بنسعى ونحدد اهداف ونسعى ونسعى ونسعى بس خايفين لحسن منوصلش بس لازم جوانا يبقى فى ثقة فالله انه هيحقق لنا رغباتنا مادمنا قدمنا كل مجهودنا وسعينا وعملنا اللى علينا .....

خلينا نعيش النهارده نعيش بكل قوتنا وارادتنا نعيش واحنا مش خايفين من بكره لان ربنا معانا نعيش واحنا مش شايلين احزان الماضي معانا
نعيش وبلاش نبص لشمس بعيدة قوي عننا او لضلمه بعيد عننا سواء في الحاضر او المستقبل

.شكرا على موضوعك

والله يا دكتور ده موضوع جامد بس يار يت مش تتطول تانى

انا من رائى
انك لازم تعيش الماضى والحاضر والمستقبل سوا
مش تهمل اى جزء منهم
ولا تعلق على جزء واحد منهم

موضوعك طويل
بس كويس
وبرغم انى مش بحب المواضيع الطويلة
بس مواضيعك اللطويلة بتشدنى وبتخلينى اكملها كلها وارد عليها كمان

تحياتى
وناسف على الازعاج

قصاد عيني بجد عجبني ردك
فعلا احنا مش هننسى الماضي لأننا بنتعلم منه بس ننسى احزان الماضي لو هتأثر علينا ننساه ننساها
مرسي على مرورك وردك

kinglove مااااشي علشان حبيبي بس مع اني عارف انك مش قريت الموضوع اصلا بس ربنا يوفقك ويرجعك بالسلامه

نأسف على الازعاج "انا من رائى
انك لازم تعيش الماضى والحاضر والمستقبل سوا
مش تهمل اى جزء منهم
ولا تعلق على جزء واحد منهم"

اوك انا موافق على كلامك بس مش نركز على حاجه ولو لازم نركز في زمن محدد يبقى الحاضر

وبجد ان فرحت لمشاركتكم في الموضوع مع انه طويل وعارف ان الكل هنا مش بيحب الموضوعات الطويله بس انا عايز اوصل فكرتي ليكم

شكراااااااااا بجد

اولا مشكور على موضوعك يا دوك

بغض النظر عن الموضوع طويل ولا قصير
المهم انه بيوصل حاجة
الانسان اصلا بيتكون من امس واليوم والغد
يعنى احنا عايشين النهارده على ذكريات امبارح وعشان نحقق بكرة
فاالتلاته مرتبطين ببعض ومينفعش من وجهة نظرى اننا نكون عايشين على حاجة وحدة بس
لان الذكريات فيها الحلو او الوحش اللى هيدينا خبرة للحاضر والمستقبل
فلازم يبقي عندنا خلفيه منه
والحاضر ده اللى احنا عايشينه عشان نفكر للمستقبل
والمستقبل ان شاء الله هنشوف فيه ناتج كل من الحاضر والماضى

وفى الاخر دولوقتى وامبارح هيبقوا ماضى مع الزمن

مشكووووووووووووور جدا على التوبيك

الشعب المصرى عامه عايش على ذكريات الماضى
بيفتخر باجداده والاعمال العظيمه اللى قاموا بيها
بدون ان يتحرك من مكانه اويطور من نفسه لاه هو يكفيه فقط اعمال اجداده العظماء
واللى يساله مين اللى بنى الاهرانات يقوله احنا اللى بنينا الاهرامات بكل فخر
اوك احنا مبنقولش انه ميفتخرش باجداده بس لازم يقفوا مع بعضهم زى اجدادهم ماعملوا ويحققوا انجازات اخرى بس ميقفش كده محلك سر
وعلى فكره احنا كلنا عايشين للمستقبل مهما قلت ومهما عدت هو برده عايش من اجل المستقبل
رغم انى المستقبل بيد المولى عز وجل
احنا بنتعلم علشان المستقبل
احنا بنشتغل علشان ولادنا فى المستقبل محدش ضامن الظروف
الخ الخ الخ
الحاضر منعرفش عنه حاجه ودايمااا بنحب العجله عاوزين الايام تجرى بسرعه
تسلم ايدك على التوبيك الجميل ده

تعــلم من مــاضيـــــك وأنظــــر أمــــامـــك حــتى تــوصل لهــدفــك مستقبــلاً

رأى من رأى نــأسف على الأزعــاج

ســلمــت وســلم مــوضــوعك يا دكتــور

دمــت بكــل خيـــــر

» هل انت شخص واثق من نفسه ام لا
» فوازير مين هيورنا نفسه(للازكياء فقط)
» قصة تجعل الشخــــــص يحقر نفسه
» اذا ضاق صدر المرء عن سر نفسه : فصدرالذى يستودع السر اضيق
» يقتل زوجته "النكدية" ويصلي شكرا لله ثم يسلم نفسه