ايه رايك فى الموضوع ده؟

سلام عليكم
وعليكم السلام


هل اللى بيتكسف يبقى مؤدب واللى مش بيتكسف يبقى مش مؤدب


كتير بنشوف شباب بيتكسفوا من نفسهم

يعنى حتى لما يجى يكلم نفسه بيتكسف

حاجه تغيظ بصراحه
ليا واحد صاحبى خجول جدا لدرجه تغيظ وتجيب الضغط

لما بكلمه بحس انى مش مؤدب هل الانسان لما يكون زى ما بيقولوا كده مدردح يبقى مش مؤدب

الكسوف والحياء شى جميل بس الحياء ده لما تكون بتتكلم فى مواضيع عيب انت يكون عندك حياء ووشك يحمر

بس لما تكون هاتكلم واحد مش عارفه او حتى رايح انترفيو او حتى رايح تتفق مع تاجر هاتشترى منه حاجه

ده يبقى سورى فى اللفظ عبط

اه والله عبط

يعنى لو حصل بينك وبين واحده حاله تصادم فى الشارع وقالت لك سورى

طبعا فيه شباب هايطيروا من الفرح ويحاولوا يتعرفوا

وفيه شاب هتلاقيه ياخد المووضوع عادى ويقولها بروح اولاد بلبيس ابن البلد ولا يهمك يا انسه
وفيه واحد تلاقيه يتكسف ووشه يحمر اسبوعين


الشاب والشابه برده لازم يكونوا عندهم حضور

يبقوا بيعرفوا يتكلموا حتى لو جالك ضيف تعرف تقابله تعرف تضايفه

انما تكون خجول حتى مع نفس جنسك
يعنى اوك خليك مكسوف بس مش اوى مع البنات
وانتى خليكى مكسوفه اوى مع الشباب


بس اوعى تتكسف حتى وانت بتشترى ربع كيلو جبنه هاتتكسف ليه مش فاهم \
\فيه ناس كده وربنا


انا بقه عن نفسى بحب البنت اللى بتتكسف جدا بس فى نفس الوقت تعرف تتكلم \مش معنى كده انها تكلم طوب الارض
لا على الاقل لو خطبتها تعرف تلاغى معايا تشجع يعنى


واحب الشاب اللى مسحوب من لسانه
بس يكون مؤدب ومش غلاط يغلط فى الناس

يعنى يعجبنى فى واحد صاحبى اسمه سيف انه كلامنجى شويه
عنده تعليقات حلوه فى اى كلام تحسه عنده حضور كده

طبعا كلنا عارفين اخلاقه


وعلى راى المثل
اللى يتكسف من بنت عمه ميجبش منها خضار

واحنا طبعا عاوزين نجيب خضار

لان الخضار مفيد ومغذى

اشوفكم فى مووضوع جديد

وسلام