لعبة كرسى الاعتراف

موضوع: رد: لعبة كرسى الاعتراف 2008-06-15, 3:01 pm

انااااااااااااااااااااااااااااا وصلت تانى يا فؤش
و اولا ازيك اخبارك اية يا رب تكون القاعدة على الكرسى حلوة كدا وتكون مستريح
المهم خلينا ندخل فى الجد شوية
واستقبل منى حبة الاسئلة دول

هل تشعر بالندم على كلام قالتة قبل كدافى حق حد..........؟؟؟؟
الدنيا معناها اية عندك.........؟؟
وياترى هتقدر تعيشها زى ما بتحلم انك تعيشها..........؟؟؟
لحظات عشتها بتتمنى ترجع تانى....؟؟ولحظات تتمنى انها متكونش موجودة اساسا.... ؟؟ ممكن نعرف اية هيا دى اللحظات..........؟
امتى حسيت انك ظلمت حد بجد؟؟ ولية ظلمتة؟؟ واية شعورك دلوقتى......؟؟؟؟
امتى بتحس انك فاشل ومش نافع فى اى حاجة؟؟ امتى.................؟
اية معنى الحب فى نظرك........؟؟
واية رايك فى الحب من اول نظرة .............؟؟ وياترى جربتة قبل كدا الحب من اول نظرة....؟؟
اية نقطة ضعفك...............؟؟ ونقطة قوتك.....؟؟
واخر سؤال
اية رايك فى الاسئلة سهلة صح جميلة ايوة انا عرفة
يلا جاوب بقى
ومتنساااااااااااااش الصراحة ثم الصرااااااحة ثم الصرااااااااحة
نشوفك فى لقااااااء تانى انتظرونااااااااااااااااااااااااااا

موضوع: رد: لعبة كرسى الاعتراف 2008-06-15, 4:53 pm

اهلا يا من من
نورتى
نشوف بئا جيبا معاكى اية
هل تشعر بالندم على كلام قالتة قبل كدافى حق حد..........؟؟؟؟
طبعا لان ساعات كتير بكلم مع ناس
بكتشف فى الاخر انهما بيفهمو الواحد غلط
وكمان بيفهمو كلامى غلط
الدنيا معناها اية عندك.........؟؟
هى الحياة السعيدة اللى من غير مشاكل
هى انى بيدخل عليا الليل وانا مش ظالم حد ولا حد ظلمنى
هى انى بضحك مع اصحابي وبنحب بعضينا
هى انى اعيش من غير خوف من حد
واعمل كل اللى انا عاوزة
وهى انى اجى بالليل قبل ما انام واقول الحمدلله
وياترى هتقدر تعيشها زى ما بتحلم انك تعيشها..........؟؟؟
انا اللى بيدى اعيش الحياة زاى ما انا عاوز
يعنى انا اللى بتحكم ف حياتى مش حد تانى
لحظات عشتها بتتمنى ترجع تانى....؟؟ولحظات تتمنى انها متكونش موجودة اساسا.... ؟؟ ممكن نعرف اية هيا دى اللحظات..........؟
ايام الابتدائية لان مافيش حد يتصور انا كنت عامل ازى
لحظة لم عرفت فيها ان الدنيا فيها ناس وحشة
بس مش كل الدنيا فيها ناس كدة
امتى حسيت انك ظلمت حد بجد؟؟ ولية ظلمتة؟؟ واية شعورك دلوقتى......؟؟؟؟
انا الحمدلله عمرى ما ظلمت حد لحد دلوقتى
لانى بكل بساطة
اللى شاف الظلم قبل كدة من المستحيل انة يقدر يظلم حد
امتى بتحس انك فاشل ومش نافع فى اى حاجة؟؟ امتى.................؟
دية شتمية ولا سؤال بئا
ههههههههه
بصي ياستى
لم بكون عاوز احقق حلم ليا بس بكون مش عارف
فى الوقت دة بحس بالفاشل شوية
اية معنى الحب فى نظرك........؟؟
الحب حاجة جميلة فى الحياة
بكل مافية بالحظات السعادة اللى فية وكمان لحظات الفرق والحزن
دية كلها لحظات حلوة
واية رايك فى الحب من اول نظرة .............؟؟ وياترى جربتة قبل كدا الحب من اول نظرة....؟؟
اجمل حاجة فى الحب هو الحب من اول نظرة بجد
انا فعلا جربتة وكنت عايش اجمل لحظات حياتى فية
اية نقطة ضعفك...............؟؟ ونقطة قوتك.....؟؟
انى بحب اكلم على طبعتى مع الناس
وكمان انى انا لم ازعل بسرعة بروق اسرع
يعنى انتى لو زعلتينى ممكن اتعصب وكدة
بس يومين اورحع تانى اكلم معاكى وبنسي اللى حصل
ويمكن كمان انا اللى اجى اكلمك
نقطة قوتى
فى حبي لكل الناس
وناس كتير لم بتعرفنى بتحبي من اول لقاء لينا
زاى ما بتقولى كدة
انا من النوع اللى بدخل القلب بسرعة
والحمدلله

افتكر انى كدة خصلت الاجابات على اسئلتك
وانا تحت امرك فى اى اسئلة طول ما انا على الكرسي
واتمنى السلامة ليكى
يامن من
اوكية

موضوع: رد: لعبة كرسى الاعتراف 2008-06-15, 6:25 pm

وانا رجعت تانى
ونبدا تانى الاسئلة ونقووووووووووووووووووول

بتعمل اية لما بتكون مخنوق من الدنيا...........؟؟
قول حكمة اتعلمتها وممكن تفيد نا احنا لما نشوفها ...........؟؟ ممكن
اية هى عيوبك....؟؟ واية هى بردة مميزاتك....؟؟
اية الموقف اللى حصلك وانتا صغير ولسة فاكرة لحد دلوقتى.....؟؟؟
اية الغلطة اللى غلطتها فى حياتك واستفد منها بعد كدا....؟؟؟
امتى بتكون راضى عن نفسك وحاسس بى السعادة......؟؟؟
هل انتا بتحب نفسك ...؟؟ وبتحب اية فى نفسك....؟؟؟
مين العضو من الاعضاء اللى فى المنتدى نفسك حقيقى تشوفهم....؟؟؟قول على الاقل شخصين ومتقولش الكل
اخر سؤال
تقدر تحب حد مش بيقكر فيك....؟؟ ولو لا يبقى لا لية ....ولو نعم يبقى نعم لية

يلة جاوب يا عم فؤش على الاسئلة
ومتنساااااااااااااش الصراحة ثم الصراااحة ثم الصراااااااااحة

موضوع: رد: لعبة كرسى الاعتراف 2008-06-15, 8:26 pm

السلام عليكم
خد دول كمان بالمره

قول نصيحه لبنات المنتدي
ونصيحه تانيه للولاد ؟
لو في ايدك ورقه وقلم هتكتب فيها ايه؟
عشت قبل كده قصه حب طب انتهت بي ايه وليه انتهت كده ده لو عشت طبعا
طب لو معشتش نفسك تعيش وايه رايك في الحب قبل الجواز
هل تقبل انك تحب بنت وتعلقها بيك وتخليها تستناك سنين كتيره لمجرد انك انت بتحبها وتخليها ترفض فرص كتيره يمكن تكون مناسبه ليها اكتر منك علشان الحب ده يعيش وتكون انت بكده حققت احلي حلم في حياتك بانك حصلت عليها
تقبل تعمل كده ولا ايه وطبعا تقول السبب في الحالتين؟.
من رايك ايه هي الحقيقه اللي وجع قلوبنا ؟
ياريت تجاوب علي السؤال ده برضه
ايه رايك في الاعضاء دول كل واحد من خلال مشاركاته علي المنتدي
خالد المصري
المهندس
منمن
سمر
سفير الحب
مصراوي
الببيسي الكبير
هدير
فؤش
سنيوريتا
بنت مصر
ياااريت تجاوب علي السؤال ده عشان متكرررر وبرضه مجوبتش
ايه اكتر موضوع لماقريته علي المنتدي ضايقك اوي
ايه اكتر موضوع عجبك لغايت دلوقتي علي الحوار العام حدد موضوع واحد ؟
امتي اخر مره مسكت المصحف وقريت فيه؟
هل انت منتظم في الصلاه
ايه اكتر اغنيه عربيه بتحب تسمعها دايما اول ماتفتح جهازك؟
ايه اكتر اغنيه بتحس انها بتوصف مشاعرك؟
ايه اليل دخلك كليه تربيه نوعيه ؟
ايه هي مواصفات اللي بتتمنهاها في شريكه حياتك؟
اوصف فؤش بكلمه واحده؟
واوصفعه تاني بتلات كلمات ؟
ايه اكتر موقف محرج حصلك في الكليه ؟
بس كفايه دووووووووووووووووول لما افكر بقي في كام سؤال تاني ابقي اجي

موضوع: رد: لعبة كرسى الاعتراف 2008-06-15, 10:32 pm

اهلا بيكى تانى يا ست
من من
لم نشوف جبتى اية تانى
بتعمل اية لما بتكون مخنوق من الدنيا...........؟؟
بسمع اغانى فريق واما
قول حكمة اتعلمتها وممكن تفيد نا احنا لما نشوفها ...........؟؟ ممكن
ان بكرة هيكون احلى من انهاردة
عش اضحك ابتسم ..ربما لم ياتى الغد
عشان كدة انا بضحك على طول
اية هى عيوبك....؟؟ واية هى بردة مميزاتك....؟؟
لم فى حد يزعلنى بعمل تصرفات وحشة واى فى الوقت دة
لدرجة انى بقول كلام مش بعرف انا بقول اية
مميزاتى
ان ربنا بيحبب الناس فيا
يعنى اى حد يكلم معايا بيخد عليا على طول
كاننا اصحاب من زمان
اية الموقف اللى حصلك وانتا صغير ولسة فاكرة لحد دلوقتى.....؟؟؟
مرة كانت عند خالتى قطة
وانا بحب القطط اوىىىىىىىى
المهم كانت خالتى بتصلى ومامتي كمان
وانا كنت عامل ابص للقطة في عينية
ومرة واحد القطة خربيشتني بين عينيا
لحد انهاردة لسة موجودة الخربشة فى وشي
اية الغلطة اللى غلطتها فى حياتك واستفد منها بعد كدا....؟؟؟
ان الانسان لزم يغلط عشان بعد كدة يتعمل انة مش يغلط تانى
ان ربنا خلق كل انسان طاقة وميزة معينة
ولزم كل واحد يدور جوة نفسة عن الميزة دية
وانا لقيتها واستفد بيها فى معاملتى مع الناس بعد كدة
امتى بتكون راضى عن نفسك وحاسس بى السعادة......؟؟؟
لم مامتي وبابايا
بكون عاملت ليهم حاجة وهما فرحنين بيها
بكون فى الوقت دة سعيد اوى
هل انتا بتحب نفسك ...؟؟ وبتحب اية فى نفسك....؟؟؟
فؤش شخصية من يستهل انة يتحب
اكتر حاجة بحبها فيا
انى ان عامل لنفسي دنيا تانية ليا لوحدى
ومش فى حد يقدر يتحكم فيها غير
واكتر حاجة بيها فى نفسي
انى بسمع اغانى واما
وانى رومانسي جدا
ورمانسيتى مش بتظهر الا مع الشخص اللى اكون عاوزها تظهر معاها
مين العضو من الاعضاء اللى فى المنتدى نفسك حقيقى تشوفهم....؟؟؟قول على الاقل شخصين
بجد انا مش عاوز اشوف اى عضو
لسبب واحد ان كل واحد فى المنتدى
بيختلف خالص عن شخصيتة برة المنتدى بيكون واحد تانى خالص
انتى هنا بتكلمى معايا او مع حد بكل بسطة واخوة
لكن برة المنتدى بيكون فى فرق فى العاملة واختلاف مية درجة
فانا راسم لكل واحد هنا فى خيال شخصية او استيل معين
تقدر تحب حد مش بيقكر فيك....؟؟ ولو لا يبقى لا لية ....ولو نعم يبقى نعم لية
اقدر
عشان انا فى وقتها هكون عايش لحظة جميلة انى بحب حد
مش مهم هى بتحبينى ولا اية
بس انا سعيد انى بحبها وممكن هى كمان تحبنى لية لاء
لم اكون بحب حد بخاف علية
ولم اقولها
طب خالى الدنيا تضايق فى يوم وشوف انا هعمل اية فى الدنيا
عشانك انت انا هتحدى الكون ولا اشوف دموعك ولا ثانية
افتكر انها هتفكر فيا بعد كدة

يارب تكونى راضية على الاجاية
لم نشوف اللى بدة
اوكية

موضوع: رد: لعبة كرسى الاعتراف 2008-06-15, 11:24 pm

اهلا يا ست سينوريتا
منورة الله منورة
لم نشوف انتى كمان معاكى اسئلة اية
يلا بينا
قول نصيحه لبنات المنتدي
الحياة هى بتنعش مرة واحدة مش مرتين
عيشو الحياة زاى ما انتم عاوزين
مش زاى ما الناس عاوزة
ونصيحه تانيه للولاد ؟
عاكس فى البنات زاى ما انت عاوز
بس اعرف ان الحياة سالف ودين
لو في ايدك ورقه وقلم هتكتب فيها ايه؟
عيش واضحك
عشت قبل كده قصه حب طب انتهت بي ايه وليه انتهت كده ده لو عشت طبعا
كل انسان بيحب مش لزم انة بيحب بنت او شخص معين
انا عن نفسي وانا صغير كنت بموت فى حاجة اسمها قطط
طب لو معشتش نفسك تعيش وايه رايك في الحب قبل الجواز
لو مش كنت عيشت اكيد كنت احب اعيش
اصل الحب دة مش بسهولة ان الواحد يلاقية
وراى فى الحب قبل الجواز
طبعا لزم يكون فى حب امال انا هجوازها على اي اساس بالبركة يعنى ولا اية
لزم اعرفها ولم اعرفها اكيد هحبها
وهى كمان
هل تقبل انك تحب بنت وتعلقها بيك وتخليها تستناك سنين كتيره لمجرد انك انت بتحبها وتخليها ترفض فرص كتيره يمكن تكون مناسبه ليها اكتر منك علشان الحب ده يعيش وتكون انت بكده حققت احلي حلم في حياتك بانك حصلت عليها
[b]تقبل تعمل كده ولا ايه وطبعا تقول السبب في الحالتين؟.[/b]

لو انا عارف انى مش هقدر اعمل حاجة ليها
طبعا هقولها اقبلى بس خالينا اصحاب
لان انا لو فعلا بحبها وعارف انى مش هقدر احقق ليها الحياة السعيدة
اكيد هخاف عليها واتمنى ليها انها تعيش فى سعدة
مع شخص تانى يخاف عليها
الحب مش حكاية ان بحبك خلاص انتى ليا حتى لو انا مش عارف احقق حاجة لمستقبل
لا الحب ان الانسان يخاف على الانسان اللى بيحبة وضموة بين عيونة
وحاول دايما انة يعشية فى امان وسلامة مش فى عذاب واهاااات
لو العكس بئا
لو حصلى كدة انا اكيد هعمل المستحيل عشان اوصلها
واحاول اكتر اعملها حياة سعيد وامانة
واقولها
طب خالى الدنيا تضايق فى يوم وشوف انا هعمل اية فى الدنيا
عشانك انا هتحدى الكون ولا اشوف دموعك ولا ثانية

من رايك ايه هي الحقيقه اللي وجع قلوبنا ؟
انا كل انسان مش فاهم نفة
انتى عارفة لو كل انسان حب نفسة خاف عليها وحب غيرة
مش هيبئا فى مشاكل خالص
ايه رايك في الاعضاء دول كل واحد من خلال مشاركاته علي المنتدي
صدقينى انا هجاوب علية لان اصل اللعبة انى اجاوب على كل الاسئلة
بس مش هجاوب دلوقتى
خلاويص
ايه اكتر موضوع لماقريته علي المنتدي ضايقك اوي
لحد دلوقتى مش فى
ايه اكتر موضوع عجبك لغايت دلوقتي علي الحوار العام حدد موضوع واحد ؟
اكتب هذة الكلمة ولك اجر كبيييير
امتي اخر مره مسكت المصحف وقريت فيه؟
يوم الجمعة
هل انت منتظم في الصلاه
بصرحة مش اوى ويمكن دية اكتر حاجة م بحبها فى نفسي
بس انا بحاول دايما اكون قريب مع ربنا
واى فرصة تقرب من الى الصلاة بصلى فيها على طول
ايه اكتر اغنيه عربيه بتحب تسمعها دايما اول ماتفتح جهازك؟
انا بموت فى حاجة اسمها فريق واما
واكتر اغنية بحبها
مشوار طويل
ايه اليل دخلك كليه تربيه نوعيه ؟
بصي ياستى
انا اصلا كنت هروح فنون جميلة الى فى مصر
بس الاختبار كان صعب عليا
ودخلت الكلية التربية
بس الحمدلله لقيت فيها ناس اصحابي اوى
وناس كمان اتعرفت عليهم بيحبونى موت
ايه اكتر اغنيه بتحس انها بتوصف مشاعرك؟
مشوار طويل
لفريق واما
ايه هي مواصفات اللي بتتمنهاها في شريكه حياتك؟
بجد
اول حاجة لزم بتكون بستمع فريق واما
والله بكلم بجد
وتانى حاجة انها تكون بتحب فيلم تيتو لانى بموت فى الفيلم دة
وانها مش بكون بتسمع اغاني شعبية خالص
والاهام من دة كلة
انها بتكون تعرف تعمل محشي ورق عنب
انا بموت فى حاجة اسمها محشي ورق عنب
وطبعا شي اساسي انها تعرف ربنا
وبس ياستى
اوصف فؤش بكلمه واحده؟
اغنية
واوصفعه تاني بتلات كلمات ؟
دنيا تانية خالص
ايه اكتر موقف محرج حصلك في الكليه ؟
مرة كنت بوزع ورق فى الكلية اعلان يعنى المهم
وانا بوزع بالصدفة كان فى بنتين ادامى فانا بدى الاعلان ليهم
فاهى بتقولى انت فى المنتدى قولت ليها ايون
بتقولى انت مين قولتها فؤش ضحكت فانا كمان ضحكت
قاتقولى طب انت عارف انا مين
قولتها مش حصلى الشرف انى اتعرف عليكى لسة
المهم قالت اسمها
المهم البنت دية انا كنت لسة بكلم معها على المنتدى وبقولها لم اشوفك تعزمينى على حاجة ساقعة
فانا كنت مكسوف اوى لم عرفت ان هى البنت اللى كنت بكلم معها

ادينى جوبت اهوة على كل الاسئلة
اى خدمة

موضوع: رد: لعبة كرسى الاعتراف 2008-06-16, 8:25 pm

ازيك يا فؤش بجد منور الكرسى
وردودك كلها عجبانى
المهم نبدأ الاسئله
ايه هو الحلم اللى بتحلم بيه وياترى اتحقق ولا لسه؟
نفسك تشوف مين بقالك زمان مش شوفته؟
لما بتكون مخنوق بتعمل ايه غير انك بتسمع فريق واما؟
نفسك تكون ايه بعد ما تخلص ؟
ايه الشئ ممكن تكسرك؟
ايه رأيك فى الكلمات دى
الحب
الصدق
الخيانه
الموت
ياريت مكنش تقلقت عليك وجاوب يلا على ما احضرلك اساله ثانيه

موضوع: رد: لعبة كرسى الاعتراف 2008-06-16, 11:35 pm

كلمه من الدباح لفؤش انا مش هؤلك مين البنت الى انت عارفها من ورايا دى ولا هؤلك انا مش قضوتك ولا اى حاجه من الاساله دى انا كل الى هطلبه من وده طلب مش سؤال انك تحكى انت فهمنى احكى ومش ليك دعوه احجى وقطع قلبى احكى حكايه الشيخ رافعه الى كلم بنت ادته الوش الخشب وهوا كان نيته سليمه ونيته كلها خير احكى على الراجل الى تصور نفسه على انه وحده للشيخ ده وجرجره للرزيله واكتشف الشيخ انه واحد مش وحده احكى يا فؤاد حكايه صحبك وقطعنى قططيع

موضوع: رد: لعبة كرسى الاعتراف 2008-06-17, 4:02 am

اهلا وسهلا يا شوشو
انتى شرفتى ياستى
منورة والله
ههههههه
لم نشوف معاكى اسئلة اية
يلا نشوف
هو الحلم اللى بتحلم بيه وياترى اتحقق ولا لسه؟
انى اعرف نفسي وانا عاوز اية او انا اية
واظهر انة لسة مش اتحقق
نفسك تشوف مين بقالك زمان مش شوفته؟
توماسينا نفسي اشوفة بجد
لما بتكون مخنوق بتعمل ايه غير انك بتسمع فريق واما؟
بسمع فريق جيتارا
اصل انا مش بحب انزل وانا مخنوق
فابرتاح لم اسمع اغانى
نفسك تكون ايه بعد ما تخلص ؟
رجل اعمال
ايه الشئ ممكن تكسرك؟
تصورى مش فى
لانى بعرف اتعامل مع كل الظروف
ايه رأيك فى الكلمات دى
الحب
شي جميل وفية مشاعر جميلة
وهدفة نبيل جدا وراقى
الصدق
لزم تكون موجودة فى كل وقت وفى اى ظروف
الخيانه
شي صعب والانسان القوى بييقدر يتغلب عليها
الموت
اصعب فرق بين الاحباب
بس هو دة شي لبد منة

بس خلاويص ادينى جوبت اهوة
وياستى اسالتك جميلة خلاص
لم نشوف الاخر اللى بعدك عاوز اية هو كمان
ههههههههههه

موضوع: رد: لعبة كرسى الاعتراف 2008-06-17, 4:39 am

هههههههههههههه
ههههههههههههه
الله يهدك شوفت بئا
طب انا مش هحكى حاجة
شوفت بئا
ههههههههههههه
انت اصلا انا لم اشوفك هموتك
انا هنزلك بكرة الكلية وهفضل
انضرب منك ضرب
ههههههههههههه
ياجماعة هى انا هحكى بس مش مسؤليتى خالص
ماشي عشان لو اى حد كلمنى انا هروح
لا مش ضربة هعيط على طول
انتم حرين بئا
كان فى مرة بنت
صحابي كلم البنت دية فالبنت مش عارف كانت زعلانة يومها والله اعلم بئا بيها
المهم كلمت صحبي باسلوب وحش
وصحبي كان عاوز يتعرف عليها مش اكتر
اول ما كلمت صحبي بالاسلوب الوحش
فاصحبي كلمها عشان كان عاوز هى بترد علية كدة لية
المهم حصل شد بين الاتنين
كان صحبي كان بيكتب رقم تليفونة على الايمايل عادى يعنى
اتاخد الرقم واتصلت بيه بنت وكانت عاوزة تشوف صحبي وكانت عاوزة فى موضوع
فاصحبي المهم كان عاوز يعرف اية مالها البنت وعاوزة اية منة
المهم انا كنت فى اليوم دة تعبان جدا ومش كنت قادر انزل
فاصحبي قالى تعالى نشوف اية الحكاية انا قولتة انا تعبان ومش قادر
المهم خد معة واحد صحبنا فى كلية البحرية
راح صحبي يشوف البنت طلعت اية فى الاخر
ولد(ف) وكان مخالى بنت تفهمة انها عاوزة تشوفة كدة
المهم صحبي كان مستغرب فالولد (ف) بيعرف نفسة وكان فكر نفسة الشاب الملخص
فصحبي كلمة بوش جامد وعرفة على صحبنا التانى اللى فى كلية البحرية
فالولد(ف) بعد ماكنا بيكلم وبسلوب مش حلو
رجع فى كلامة واكلم بكل اداب ماهو خاف بئا
فالو(ف) بيقول لصحبي انت بكلم البنت اللى على الايمايل اللى كذا وكذا عرفة يعنى على البنت اللى قصدة عليها
فاصحبي قالة
قالة انا ياحبيبي البنت دية مش تهمنى فى حاجة
وانا بس كنت بكلم معها بكل ادب بس هى اللى مش كان ردها حلو
وكمان انا مش هخالى الناس تكلمنى بالعافية هى لو مش كانت عاوزة تكلمنى كانت تقولى
وانا مش كنت هكلمها تانى لكن هى كان اسلوبها فى كلام وحش جدا
المهم الولد(ف) سمع الكلمتين دول وجرى
ههههههههههههههه
طبعا دية مش مرجلة ان واحد يخلى بنت تعمل تتصل على واحد تانى وتضحك علية
ملحوظة
ب(ف) اللى بين قوسين اختصار لاسمة

وصحبي دةاللى بكلم عنة هو العضو اللى خلانى احكى
محمد الدباح على فكرة هو صحبي اوى
زاى اخويا بظبط
اما البنت مش هق5در اقول اسمها

وبس خلاص ياعم قولت الحكاية اهوة
عارف بكرة لو ضربت هموتك
هههههههه
وربنا امسح الكلام تانى
ههههههههههههه

موضوع: رد: لعبة كرسى الاعتراف 2008-06-17, 7:05 pm

لا يا عم فؤش مش هضربك ولا حاجه انت كده عداك العيب وجرى وانا مبسوط من
الكلام الى انت قلته وكان فى تكمله بس مش عارف انت تعرفها ولا لا المهم ياصحبى
انا بشكرك جدا على الكلمتين دول وأهنيك هتضرب من الاعضاء مش منى
وانتظر محمد الدباح بموسمه الجديد

موضوع: رد: لعبة كرسى الاعتراف 2008-06-19, 8:09 pm

خلاااااااااااص يا فؤش كفايه عليك كده
الاسبووووووووووع خلص
وكنت منور الكرسي بس لسه سؤاااااااااااااااال واااااااااحد مش جاوبت عليه
فاااااااكره
بتاع هديررررررررررر
يلا بقي جاوب عليه بسرررررعه
عشان تقوم ونختار عضو تاني
بس لازم تجاوب انت قولت انك هتجاوب عليه في الاخر
وادينا اهو في الاخر
يلا بسرعه مفيش وقت انهارده اخر يوم في الاسبوع

موضوع: رد: لعبة كرسى الاعتراف 2008-06-19, 8:15 pm

ايه يا سنيوريتا انا هختارك انتى تقعدى على الكرسى
ايه رايك؟

موضوع: رد: لعبة كرسى الاعتراف 2008-06-19, 10:58 pm

أوكى نختار سنيوريتا تقعد على الكرسى لتانى مره
هاااااااااااااااااااااااااااااااااااا
موافقين نقعد سنيورتا
هاااااااااااااااااااااااااااا
سنوريتا
سنيورتا
سنيورتا

موضوع: رد: لعبة كرسى الاعتراف 2008-06-19, 11:32 pm

ااااااااااااااااااااااااااه

س
ن
ي
و
ر
ي
ت
ا

تدينا سنيوريتاااااااااااااااااااااااااااااااااااااااااااا

موضوع: رد: لعبة كرسى الاعتراف 2008-06-19, 11:55 pm

ههههههههههههههههههههههههههههههههههههههه
ايه ايه في ايه
انا مش اقعد قبل كده اينعم قعد من نص سنه كده
بس الاسم اقعد
ولو عايزني اقعد تاني من عنيا والله عادي مش فارقه معايا

موضوع: رد: لعبة كرسى الاعتراف 2008-06-20, 2:17 pm

يا خساره يا فؤش كان نفسى
اظبطك شويه اسئله كده على الماشى
وانا جاى والله وكنت ناوى اقعدك على الكرسى لكن
انت سبقت بقى يا ريس
معلش يا فؤش
لالالالا ده معلش ليه انا
هههههههههههههههههههههههههههههه
هاااااااااااااااااااااااااا
مين اللى يقعد بقى عشان انا زهقت من الامتحانات
وعايز اطلع زهقى ده
الكل عايزك يا سنيوريتا
خلاص يا سنيوريتا وانتى عز الطلب والله
هههههههههههههههههههههههههه
قولى اوك
عشااااااااااااااااااااااان
نبدأ

موضوع: رد: لعبة كرسى الاعتراف 2008-06-20, 2:32 pm

ههههههههههههههههههههه
انتي ايه اللي جابك ياسفير انت مش بتمتحن
روح خلص امتحاناتك علي مااكون قومت من الكرسي يلا
ههههههههههههههههه
عمتاااااااااااااااا

ok

موضوع: رد: لعبة كرسى الاعتراف 2008-06-20, 2:50 pm

هههههههههههههههههههههههههه
سبحان الله بقى يا سنيوريتا
اليوم اللى اخلص فيه
انتى تقعدى على الكرسى
عشان اسألك كده شويه اسئله تمام
هاااااااااااااااااااااااااااااااااااا
معااااااااااانا ياااااااااااارب
يالا ابدأ انا

1- عرفينا أكتر بنفسك يا ستى سنيوريتا؟
يعنى اسمك وسنك ومن أين ؟ والفرقه الكام؟
ورسبتى كام سنه فى الكليه؟
هههههههههههههههههههههههههههه
يعنى كده عرفينا اكتر ماشى

2-ايه هى مميزات سنيوريتا وعيوبها؟
3 - طول سنتوريتا كام سنتى؟
4-ايه هى طموحات سنيوريتا ؟
5- حاسه كده انك هتشيلى كام ماده السنه دى؟
ههههههههههههههههههههههههه
6- ايه هى اكتر حاجه بتحبى تاكليها لما تخرجى مع زمايلك ؟
7-مين اكتر الناس قريبين ليكى؟سواء فى المنتدى وفى الكليه ؟
8- ايه شعورك لما دخلتى كليه التربيه النوعيه الرائعه دى؟
9- ايه هى مواصفات فتى احلامك؟
10- هلى مريتى بتجربه حب قبل كده؟حتى ولو من جانب واحد ؟

ويالا جاوبى بسرعه عشان اكمل باقى الأسئله
دى حاجه على الطاير كده يا سنيوريتا

اه وسؤال كمان ؟
ايه هو الحلم اللى بتتمنيه؟ يعنى حلمك الكبير ؟
اللى عند كل الناس....................؟ ولا ايه؟
طبعا شكلك فهمتى سؤالى
لو مش فاهماه اسألى هدير

يالا بقى جاوبى
انتى مش بتجاوبى ليه
هههههههههههههههههههههههههههههههههه

موضوع: رد: لعبة كرسى الاعتراف 2008-06-20, 3:55 pm

هههههههههههههههههههههههههههههههه
ايه براحه شويه انته مصدقته طب انا هقوم بقي
وياربي اول اسئله تيجي منك انت
ههههههههههههههههههههههه
حاضر هجاوب بصراحه بتسلي وانا قاعده لاني كنت قربت ازهق من المنتدي
بسم الله الرحمن الرحيم
- عرفينا أكتر بنفسك يا ستى سنيوريتا؟
يعنى اسمك وسنك ومن أين ؟ والفرقه الكام؟
ورسبتى كام سنه فى الكليه؟
هههههههههههههههههههههههههههه
انا اسمي سنيوريتا
عندي 19 سنه وعشرين يوم
من بلبيس تسمع عنها
هههههههههههههههههههه
الفرقه التانيه راحه تالته ان شاء الله
اعوذ بالله رسبت كام سنه ليه كده بس
انا الحمد لله عمري مارسبت خالص خالص خالص خالص
وبعدين مين دي اللي ترسب يعني انا ادخل كليه تربيه نوعيه وكمان اسقط ده والله حرام اوي كده
بس كفايه كده معرفه كويس لحد كده

-ايه هى مميزات سنيوريتا وعيوبها؟
مميزات سنيوريتا تقدر تقول انها طيبه اوي وعلي طبيعتها خالص مش مدح فيا والله
وانا شايفه طيبتي دي ميزه مش عيب فيا لان انا مقتنعه بحاجه
ان بطيبتي دي هجبر اللي قدام انه يعاملني برده بطيبه ويكون كويس معايا وحتي لو حصل العكس ده هيبقي عيب فيه هو مش فيا انا
عيوبي بقي كتيرررررررر اولها اني مابقدرش افهم اللي قصادي يقصد ايه بالضبط ولو حتي فهمت ببقي دايما حسنه النيه فيه وبخلقله الاعذار دايما وده غلط لانك المفروض اننا بنتعامل مع وجوه كتيره من البشر وزي مافيه الحلو فيه اكتر منه الوحش
بجد دي حاجه بتخنقني كتير اوي
وبرضه اني مابقدرش ومابعرفش اخبي حاجه عن الناس اللي حواليا واللي بحبهم دي حاجه بتبقي حلوه انك تبقي واضح وصريح في معاملاتك مع الناس بس برضه مش كل الناس اللي بيحبوك انهارده هيفضله يحبوك بكره يعني المفروض مش اي حد يعرف عنك كل حاجه
المشكله اني عارفه اني دي عيوبي بس للاسف مابعرفش اغيرها ودايما كتير بحاول بس للاسف الطبع دايما بيغلب التطبع
وعيوبي برضه اني دايما لما تلقيني مودي حلو وبضحك يعني متشائمه علي طول ودايما ببص للنص الفاضي للكوبايه
علي فكره صحابي بيستغربه اوي لما بقول كده لاني دايما في الكليه بضحك اوووووووووي ماببطلش ضحك وبقعد ازعقلهم لما القيهم منكدين علي نفسهم
بس بجد فعلا انا كده في البيت انا اصلا ياجماعه شخصيه ازدواجيه الجوزاء بقي اعذروني
اوبرضه ناس كتير قالولي ان من عيوبي اني صريحه اوي حتي قاولي اني صريحه علي المنتدي اوي في ردودي
بس معرفش هو انا كده مابعرفش اكون غير كده

وووووووووووووووووووووووووووووف

دي كلها عيوب
مش قولتلكه كتير ليه بفكروني بس
المهم بقي ندخل علي السؤال اللي بعده

- طول سنتوريتا كام سنتى؟
مش فاهمه اخر كلمه دي يعني ايه
بس علي ماعتقد انك قصدك طولي كام يعني
اسئلتك غريبه اوووووووووي
هههههههههههههههه
بصراحه مقستهوش قبل كده
اقوم اجيب المتر واقيسه

ايه هى طموحات سنيوريتا ؟
طموحاتي كانت زمان وانا في ثانويه عامه اني ادخل صيدله بس للاسف مجموعي مجبش صيدله والنصيب برضه
اووووووووووف كانت ايام سوده
بس فالحمد للله يعني دخلت نوعيه والطموحات استوب علي كده
اهم حاجه اني اجيب تقدير كويس عشان ارضي بابا وماما
دي طموحاتي العلميه
اما بقي انا دايما ونفسي اقرب من ربنا اكتر واواظب علي حاجات يوميا اعملها واخد منها حسانات
وساعات كتير بزعل من نفسي اوي لما بقعد علي المنتدي يوميا ومش بعمل حاجه لربنا يوميا ده طبعا غير الصلاه ياجماعه
بس فانا بطمح باني اعمل حاجه يوميه اخد منها حسانات

- حاسه كده انك هتشيلى كام ماده السنه دى؟
ههههههههههههههههههههههههه
ايه ياسفير في ايه هو حد قالك اني فاشله
مالك متاكد وواثق مليون الميه اني هشيل ماده كده ليه
هههههههههههههههههههه
الحمد لله انا متاكده اني مش هشيل
يالهووووي اشيل مره واحده طب قول الاول اجيب ض
وبعد كده اشيل
ههههههههههههههههههههههه

6- ايه هى اكتر حاجه بتحبى تاكليها لما تخرجى مع زمايلك

اكتر حاجه بحب اكلها لما بخرج مع صحابي
امممممممممممممممممممم
ده علي اساس اني بخرج مع صحابي يعني
هههههههههههههههههههه
بص هو فيه واحده صحبتي اوي كنا لما ننزل مع بعض دايما البلد لازم انا وهي ناكل كوكتيل
7-
مين اكتر الناس قريبين ليكى؟سواء فى المنتدى وفى الكليه

بوسي صبري ونوده وهدير
دول دايما معايا علي طول في الكليه
لكن علي المنتدي طبعا نوده مش بتدخل علي طول بت رخمه
هههههههههههههههه
وبوسي زيها ارخم منها
هههههههههههههههه
لكن هدير حبيبتي هي العسل اللي فيهم دايما انا وهي يوميا علي المنتدي
ولازم تسهرني معاها لحد الفجر عشان نصلي سوي وبعد كده ندخل ننام
بس هي للاسف مش بتتدخل غير بليل بس

وفيه برضه تويتي ورينادا وشوشو دايما معايا علي الاميل وبحبهم اوووووووي
وبنقضي مع بعض احلي الاوقات وعمري ماهنساهم خالص
ويارب كده نفضل مجماعين دايما مع بعض وماتحرمش منهم ابداااااااااا

- ايه شعورك لما دخلتى كليه التربيه النوعيه الرائعه دى؟
ههههههههههههههههه
شكلك كده بتتريق عليها عندك حق والله
بس انا عن نفسي اول مادخلتها يوووووووووووووووه علي دي ايام بتفكروني ليه بس
عيط عياط بصراحه كنت راحه بقي املي اني ادخل جامعه بقي وبعدين مش اي جامعه ده انا كان امنيتي اني ادخل صيدله كمان
يعني متخيلتش نفسي خالص بعد التعب ده كله في ثانويه عامله وسهر الليالي السوده دي وحرقه الدم والتوتر والاعصاب
بعد ده كله هو ده اخري اني ادخل المكان ده
اصووووم اصوووووم وافطر علي بصله زي مابيقوله
مش عايزه اقولكه بقي انا كانت حالتي عامله ازاي لما كمان صدمت انها مش في الجامعه كمان يعني ولا صحابي معايا ولا حلمي اتحقق ولا حتي مكان عدل
يعني دمار دمار دمار بجد والله
المهم كان شعور فوق الوصف ساعتها لكن هنعمل ايه هو ده نصيبنا
لكن اقسم بالله العظيم ومش عارفه ازاي بقت في عيني دلوقتي زي الجنه كده وبقيت بموت فيها كفايا اني ببقي مع صحابي وهي المكان اللي مجمعنا كلنا مع بعض فبجد انا حاليا حبيتها مووووووووووووووووووووت فوق ماتتخيله
- ايه هى مواصفات فتى احلامك؟
ياااااااااادي السؤال ده
هقوووووووووول كمان
انه يكون انسان بمعني الكلمه
يكون اهم حاجه عندي انه يكون عنده ضميرررررررررر
ضمير في كل حاجه ضمير في معاملاته مع الناس ضمير فيا ضمير في شغله
عشان لو عنده ضمير فعلا مش هيكدب هش هيظلم حد مش هيعمل حاجه يفقد بيها احترامه لنفسه
وبرضه انا بحلم انه يكون وسيم كده مش وسيم اوي يعني بس يكون عجبني انا شخصيا
وطبعا فيه حاجات اساسايه عند اي بنت انه يكون قريب من ربنا وعنده اخلاق وبيحبني اوي دي حاجات مفيهاش كلام اصلا
وبرضه بتمني ان انا اكون اول حب في حياته عارفه انها صعبه اوي بس اديني بحلم
وبحلم كمان بانسان يستاهل بجد اني اكون ليه صدقوني مش غرور والله بس انا عايزه انسان احس فعلا انه نصي التاني في كل حاجه
بس كفايه عليكه كده
- هلى مريتى بتجربه حب قبل كده؟حتى ولو من جانب واحد ؟

طبعا لازم تسال سؤال زي ده
مش انت سفير الحب برضه
ههههههههههههههه
عموما لاه مامرتش ومش عايزه امر خالص
لاني انا شايفه نفسي ماعرفش اعيش حدوته خالص لانه ماينفعش وعيب وغلط وحرام وحاجات كتير
وغير كده انا مابعرفش اعمل حاجه من وري اهلي واني للاسف لسه ضميري صاحي مامتش
اما بقي لو من ناحيه جانب واحد
دي ماتبقاش اسمها تجربه يا سفير الحب
دي انا شيفاها انها بتبقي محجرد مشاعر واحاسيس بتحسها ناحيه انسان معين لكن برضه انا شايفه ان البنت المفروض مش مشاعرها هي اللي تحركها ولازم تتقدر تتحكم فيها اوي عشان ماتفقدش احترامها لنفسها وللناس اللي حواليها

ايه هو الحلم اللى بتتمنيه؟ يعنى حلمك الكبير ؟
اللى عند كل الناس....................؟ ولا ايه؟
طبعا شكلك فهمتى سؤالى
لو مش فاهماه اسألى هدير

هههههههههههههههههههههههههههههههههه
هههههههههههههههههههههههههههههههه
لاه فاهمه هي دي حاجه تتنسي
فينك ياهدير
وبعدين انت لسه فاكر ياسفير انسي بقي كانت غلطه منها
هههههههههههههههههههههه
عمتا حلمي حاليا ان مايحصلش حاجه واسيب المنتدي ده
واني ماعملش حاجه اندم عليها بعد كده
وبحلم برضه اننا منتفرقش كلنا كده في يوم
والله فعلا هو ده حلمي لاني انا مقتنعه ان كل حاجه ليها بدايه ونهايه
واكيد هيجي يوم علينا ونتفرق ونسيب المنتدي ده
عشان كده انا بحلم اننا نفضل مع بعض لمده طويله اوي وحتي لو اتفرقنا في الاخر
وحد فينا ساب المنتدي اننا نفضل فاكرين بعض دايما بالخير والحب
ومانغلطش في حق حد خالص
بس هو ده حلمي

وطبعا في الاخر بحلم اني الاقي المواصفات اللي قولتها فوق في الانسان اللي هرتبط بيه في يوم من الايام

بس
اخيرررررررررررررررررررررا خلصت
يالهوووووووووووووي بقالي ساعه بجاوب ياسفير
سيبني شويه بقي هلعب علي المنتدي
اوووووووووووووكي

موضوع: رد: لعبة كرسى الاعتراف 2008-06-20, 6:22 pm

ودى حاجه تتنسى يا سنيوريتا
ههههههههههههههههههههههههههههههه

ايه الكلام الجميل ده يا سنيوريتا
لا بجد تسلمى فى ردودك

نكمل بقى

1- مش قولتى المقاس كام؟
هههههههههههههههههههههه
ده كله بتقيسى ولا ايه

2- اكتر حكمه سنيوريتا ماشيه عليها؟
3- واكتر حكمه تنصحى بيها زمايلك واصحابك ؟

4-ليه انتى مش مقتنعه بالصداقه بين الولد والبنت ؟
هل من باب انها حرام ؟ ولا علشان انتى فعلا مش لاقيه هذا الفتى؟

5- وهل جاء مره شخص وقال ليكى بحبك ؟
وكان ردك عليه ايه؟

6- اكتر حاجه عملتيها وندمانه عليها ؟
7- اوصفى يومك فى الاجازه ماشى ازاى؟ او بتقضيه ازاى؟
8- أكتر الاعضاء بتحسى فيهم بالرخامه؟ مش شرط رخامه رخامه كده يعنى
ممكن رخامه بضحك غيرى انا طبعا
ههههههههههههههههههههههههههههههه
9- سنيوريتا بتحلم انها تشتغل بعد ما تخلص كليه ؟
انصحك ما تحلميش مش هتلاقى ههههههههههههههههههه
لكن لو حاسب بالحصه ممكن
ههههههههههههههههههههههههه
10- الردود اللى انتى بتشوفيها فى المنتدى بتصدقيها؟
ومنها بتحكمى على الشخصيه ؟ ولا ايه ؟

بس كفايه عليكى النهارده يا سنيوريتا
عشان ادى فرصه لباقى الاعضاء يسألوكى
يالا جاوبى وأهم حاجه السؤال الأول
هههههههههههههههههههههههههههههه
رخامه بقى

موضوع: رد: لعبة كرسى الاعتراف 2008-06-20, 7:26 pm

سنيوريتا حبيبه قلبى قاعده على الكرسى مش تقومينى من النوم تقوليلى أنك على المنتدى قاعده لوحدك وسيبانى
أوكى نردهالك أنشاء الله
وكمان آيه الطحن اللى فوق ده
هههههههههههههههههههههه

يلى على العموم أستلمى منى هدير شويه أسئله

آيه رأيك فى المنتدى اليومين دول ؟؟ وليه بقى كده ؟؟

ليه يا سنيوريتا مش عامله توقيع صوره زى كل اللى فى المنتدى ؟؟

فى أمتحانات أخر السنه وأنت فى الخيمه ؟؟ هل بتغشى فى الامتحانات ولا بتعتمدى على نفسك ؟؟هااااااا ردى بقى يا أختى

آيه هى طبيعه مودك ؟؟ يعنى مودك ده بيحب آيه

آيه هى العاده اللى ضرورى بتعلمليها كل يوم ومش تقدرى تتخلى عنها ؟؟

ليه مش بتحبى تسهرى بليل زى واحده صاحبتك كده لغايه الفجر ؟؟
عارفه طبعا هتحكيلى حدوته بابا
هههههههههههههههههههه

أمتى أخر مره مسكتى فيها المصحف ؟؟

هل أنت متابعه على قرايه الاذكار ولا لا ؟؟ وعادى يعنى لو لسه هتبدأى تقريها ممكن تقولى آاااه ؟؟
هههههههههههههههههههههههههه

يلى يا سنيوريتا جاوبى يا ماما على الاسئله دى كلها عليكى شغل كتير أوووووووووى

موضوع: رد: لعبة كرسى الاعتراف 2008-06-20, 9:52 pm

انت تاني ياسفير
خبتتين في الراس توجع
هههههههههههههههههههههه
- مش قولتى المقاس كام؟
هههههههههههههههههههههه
ده كله بتقيسى ولا ايه
انا اصلا مش عايزه اعرف طولي كام
مش من اهتماتي يعني ياسفير
وعمتا انا مش طويله اوي ولا قصيره اوي عاديه يعني
2-

اكتر حكمه سنيوريتا ماشيه عليها
ليس كل مايتمناه المرء يدركه
يعني فعلا انا مقتنعه بكده
مش كل حاجه احنا عايزنها وبنتمناها بنقدر نوصلها
وعسي ان تكرهه شيئا وهو خيرا لكم
وعسي ان تحبه شيئا وهو شرا لكم
وبرضه انا ماشيه علي حكمه شبيه للاولانيه
اذا اردت شيئا بشده فاطلق سراحه
فان عاد لك فهو ملك لك للابد وان لم يعد فهو لم يكن لك من البدايه
ودي فعلا انا بطبقها في حياتي
بسيب كل حاجه لربنا واللي ربنا عايزه هو اللي هيحصل في الاخر
ولن يصيبنا الا ماكتب الله لنا
- واكتر حكمه تنصحى بيها زمايلك واصحابك ؟

معرفش هي حكمه ولا ايه بس مقوله انا بحبها دايما
وهي
اذا احببت فلا تنسي ان تسال حبيبك متي موعد الخيانه
يعني انا بنصحهم دايما انهم يحاوله علي قد مايقدره يبقه جامدين اوي في مشاعرهم ومش اي حد يستسلموله لمجرد انهم بس محتاجين للحب
لان اي حاجه بتبقي بدايتها حلوه وجميله وفي الاخر بتنتهي نهايه وححشه اوي وانتي ساعتها اللي هتخسري كل حاجه
واااااااااه في ناس كتير صادقين في مشاعرهم لكن الاهم من كده انهم يكون قد المسئوليه دي
وانا عن نفسي شايفه ان المفروض الولد مايفكرش انه يرتبط ببنت خالص الا لما يكون خلص تعليمه وقادر علي تحمل المسئوليه
ويوم مايفكر في ده لازم يدخل من الطريق الصح اللي احنا كلنا عارفينه
عشان كده انا بقول لكل اصحابي نصيحه مني ليهم
اجعلي قلبك كالقبر لا يدخله الا واحد
ولا تجعليه كالبئر يشرب منه كل واحد
والواحد ده اللي هو الانسان المناسب ليكي الانسان الصح اللي بيجي في الوقت الصح ومن الطريق الصح

4-ليه انتى مش مقتنعه بالصداقه بين الولد والبنت ؟
هل من باب انها حرام ؟ ولا علشان انتى فعلا مش لاقيه هذا الفتى؟

ههههههههههههههههههههه
يالهوي علي الاسئله ياناس
اروح انتحر احسن
ههههههههههههههه
بص ياسفير انا مش مقتنعه بيها رخامه بقي
هههههههههههههههه
بصراحه انا مش مقتنعه بيها عشان مقتنعه انها دايما وغالبا بتقلب بحب
لاما من احدي الطرفين
لا الولد هو اللي بيحب البنت وهي مش بتحبه
لا البنت هي اللي بتحب الولد وهو مش بيحبها
لاما هما الاتنيني بيحبه بعض والصداقه في الاخر بتتحول لحب لاه وايه مش حب وبس لاه ده حب فاشل كمان

وطب وليه بقي من الاول ونادرا جدا اصلا لما تلاقي حد بيعاملك كاخوه فعلا وحتي والله العظيم لو البنت بتعامله فعلا كاخ هو نيته مش بتبقي اخويه خالص
وانا عشان رافضه فكره الحب اصلا من الطريق ده فعشان كده مابحبش اكون صداقات
وبعدين غير كل ده انته شايفنها حلال يعني

5- وهل جاء مره شخص وقال ليكى بحبك ؟
وكان ردك عليه ايه؟
كتير موووووووووووت ياسفير ماتعدش انت بس
هههههههههههههههههههههههههههههه
بتريق طبعا لانه سؤؤؤال رخم موووت بصراحه
هههههههههههههههههههههه
عمتا انا اصلا مابسمحش لحد انه يتمادي معايا لدرجه انه يوصل ويقولي الكلمه دي
وحتي لو جه في يوم وحد قالهالي
هقوله اللي عايزني بجد هيجي يتقدملي في البيت

6-

اكتر حاجه عملتيها وندمانه عليها ؟
اني يجي عليا يوم واندم فعلا اني اشتركت علي المنتدي معاكه واقرر اني امسح كل مواضيعي وانسحب
وانا ندمانه فعلا علي اي صلاه فتتني ومش صلتها في وقتها
وندمانه اوزي علي مذاكرتي اللي ذاكرتها في الثانويه عامه
اصل انا كنت شاطره خالص كنت جايبه 93في الميه ونص كمان
والحمد لله دخلت نوعيه هههههههههههههههههههههههه
حتي مش تربيه عام ندمانه بجد اني كنت علمي علوم وقابلت الاحياء والفيزياء
اووووووووووووووووف
كانت ايوم وحشه اوي مع اني والله كنت بحبهم اوي بس انته عارفين لما تقعد تطلع تطلع تطلع فوق وبعد كده تنزل مره واحده علي ارض النوعيه
هههههههههههههههههههههههههههه
7- اوصفى يومك فى الاجازه ماشى ازاى؟ او بتقضيه ازاى؟
يوم ممل ورخم مووووووووووووووت يزهق يطهق يخنق
هههههههههههههههههههههه
عادي بصحي من النوم علي الساعه 1 الظهر كده او 12 علي حسب يعني الظروف
وبعد كده اقوم اعمل اللي عليا في البيت
شغل البيت معايا اصلا مابيخدش نص ساعه
ده طبعا من غير فطار لاني مابفطرش
المهم وبعد كده تبقي الساعه 2 كده اصلي الظهر واقعد بقي في الاوضه افتح الكمبيوتر واقعد علي المنتدي واكلم نوده وبوسي ونرخم علي بعض
بس لحد مايجي ميعاد الغدا اطلعمن اوضتي اتغدي وارجع تاني اكمل المسيره
لكن بقي لو النت فصل ماببقاش طايقه نفسي بس لحد ماتدق السابعه وهدير تدخل هي كمان ونقعد بقي سهرانين علي المنتدي مع بعض وعلي الاميل زي امبارح كده
وكل يوم نتخانق اول ماتيجي الساعه 3 الصبح عشان انا عايزه انام وهي بتموت في السهر لوحدها
هههههههههههههههههههه
وامبارح كده سهرت معاها لحد الفجر وصلينا الفجر ودخلت انا نمت بقي
اووووووووووووووف
يووووووووم ممل صح
عارفه والله من غير ماتقوله مفهوش جديد
يلا الحمد لله

8- أكتر الاعضاء بتحسى فيهم بالرخامه؟ مش شرط رخامه رخامه كده يعنى
ممكن رخامه بضحك غيرى انا طبعا
ههههههههههههههههههههههههههههههه

هههههههههههههههههههه
ههههههههههههههههههههههه
حلوه غيري انا طبعا دي
يعني انت عارف نفسك
هههههههههههههههههههههههه
طب انا مش شايفه انك رخم بقي
انا شايفه ان اسئلتك هي اللي رخمه
هههههههههههههههههههههههه
وخصوصا السؤال ده
يعني لو فعلا في حد رخم في نظري تفتكر هقول يعني ياسفير
ولا انت بتستغل صراحتي دي
طب انا بقي مش مجاوبه
هههههههههههههههههههه

- سنيوريتا بتحلم انها تشتغل بعد ما تخلص كليه ؟
انصحك ما تحلميش مش هتلاقى ههههههههههههههههههه
لكن لو حاسب بالحصه ممكن
ههههههههههههههههههههههههه
هههههههههههههههههه
هههههههههههههههههههههه
مين قالك اصلا ياسفير اني حلمي اني اشتغل بعد مااخلص
ده استحاله اني اشتغل مدرسه خااااااااااااالص
لاه ابدا ابدا ابدا
- الردود اللى انتى بتشوفيها فى المنتدى بتصدقيها؟
ومنها بتحكمى على الشخصيه ؟ ولا ايه د
بصراحه مش لازم يعني تحكم علي الشخصيه اوي من ردودها
بس انا دايما بصدقها وخصوصا اني عارفه معظم الي علي المنتدي
وساعات كتير بلاقي ان شخصيه سنيوريتا اللي علي المنتدي فيه منها كتير من شخصيتها الحقيقيه

الحمد لله هيه هيه هيه هيه
خلصت اخيرااااااااااااااااا
ايه ياسفير
انا مش ممانعه انك تسال بس
لو سمحت يعني
بعد اذن حضرتك
بليز
اسال واحده واحده يعني ممكن كبشه الاسئله دي تبعتها علي مرتين
حتي الواحد كده يحس بالراحه
مش كله ورا بعضه كده انا مش هطير والله
ههههههههههههههههههههههههههههه
هههههههههههههههههههههههههه
وبعدين يالهوووووووووووي لسه اسئله هدير
لاه بقي هلعب شويه واجاوب عليكي ياسكر
اووووووووووكي

موضوع: رد: لعبة كرسى الاعتراف 2008-06-20, 11:14 pm

هههههههههههههههههههههههههههههههههههه
ازيك ياهدير وحشاني موووووووووت
والله ليكي وحشه يابنتي
وسوري مردتش ازعجك وانتي نايمه مش زي ناس مابتخليش حد ينام خالص وتقعد تزن تزن عشان نونسها
ههههههههههههههههههههههه
حلوه طحن دي جديده
ده علي اساس يعني اني كنت بعجن فوق ياجميل
ههههههههههههههههههههه
المهم يارب تكون اسئلتك حلوه وخفيفه مع اني اشك في ذلك
يلا نبدا
آيه رأيك فى المنتدى اليومين دول ؟؟ وليه بقى كده ؟؟
اليومين دول بقي تعبان اوي وشكله خاسس علي الاخر بصراحه بفكر اوديه للدكتور تبقي تيجي معايا
ههههههههههههههههههههه
بقي كده نصيبه بقي انه يبقي كده
بصي ياهدير هي كل حاجه كده في الاول بتبقي حلوه اوي وفي الاخر بتضيع حلاوتها دي عشان خلاص اتعودنا عليها
وانتي طبعا عارفه ان المنتدي جت عليه فتره وكان في الضياع خالص بسبب المشاكل اللي حصلت عليه دي اللي كلنا عارفنها
بس الحمد لله اهي عدت واديني اهو بنحاول نرجعه تاني زي الاول
مش هطول في الاجابه اهو عشان خاطرك
هههههههههههههههههههههههه

ليه يا سنيوريتا مش عامله توقيع صوره زى كل اللى فى المنتدى ؟؟

هههههههههههههههههههههههههههههه
معلش بقي ياهدير
ابقي اعمليلي انتي هاااااااااااااااااا
وبعدين مانا حاولت كتير اعمل وللاسف فشلت لازم يعني تفكريني ماانتي عارفه اني منحوسه
هههههههههههههههههههه
والله العظيم حاولت كتير وماعرفتش خالص كل يوم احاول وافشل كل يوم ياناس
علي ايدك ياهدير صح

فى أمتحانات أخر السنه وأنت فى الخيمه ؟؟ هل بتغشى فى الامتحانات ولا بتعتمدى على نفسك ؟؟هااااااا ردى بقى يا أختى

يخرب بيت اسئلتك
ده سفير اهون علي كده
ههههههههههههههههههههههههههه
بصي ياهدير طبعا بعتمد علي نفسي لكن الترم ده بقي ومن حسن حظي ولاول مره يبقي حظي حلو كده
اتفقنا وقعدنا كلنا جمب بعض وانتي عارفه طبعا الاسئله قد ايه السنه دي كانت جايه لذيذه موووووووووووت تتاكل اكل
فكان لا زم يعني من مساعده الاخرين
اخرين ايه والله هي واحده بس
بس كانت بتخليني اسيب ورقه الامتحان واضحك عليها وعلي ونفسي برضه
يااااه بجد ووحشتني موووووووووووووت
آيه هى طبيعه مودك ؟؟ يعنى مودك ده بيحب آيه
مودي
ده بيحب وبيمووووووووووووووووووت وبيعشق في حاجه اسمها النكد
يااااااااه متعرفيش قد ايه ياهدير بيعزه
بيحبه لله في لله كده
هههههههههههههههههههههههههههه
آيه هى العاده اللى ضرورى بتعلمليها كل يوم ومش تقدرى تتخلى عنها ؟؟
اني ادخل علي المنتدي وافتح الميل بتاعي واكلم صحابي
واكلمك انتي ياسكر وتخليني اموت علي نفسي من الضحك
هههههههههههههههههههه

مش بتحبى تسهرى بليل زى واحده صاحبتك كده لغايه الفجر ؟؟
عارفه طبعا هتحكيلى حدوته بابا
هههههههههههههههههههه
ههههههههههههههههههههههه
يادي الفضايح
خدها يارب احسن
هههههههههههههههههههههه
ههههههههههههههههههههههه
انا بحب السهر ياهدير وانتي عارفه كده بس اعمل ايه
انا مابحبش اسمع كلمه من بااابا تضيقني
فهو طبعا لو صحي بليل كده ولقي بنته سهرانه لحد الفجر علي النت
هيضايق طبعا وممكن يزعق لاه ده اكيد مش ممكن
طب ليه بقي كل ده ماادخل انام انا احسن بكرامتي
ههههههههههههههههههههههههههههه
الحمد لله لسه مجربتهاش
بس مش عارفه ليه حاسه ان هجربها قريب اووووووووي ياهدير
وساعتها بقي مش هتلاقي حد يكلم ياختي لا صباحا ولا مساءا
هههههههههههههههه

أمتى أخر مره مسكتى فيها المصحف ؟؟
امبارح

هل أنت متابعه على قرايه الاذكار ولا لا ؟؟ وعادى يعنى لو لسه هتبدأى تقريها ممكن تقولى آاااه ؟؟
هههههههههههههههههههههههههه

ههههههههههههههههههههههه
طيب ماشي يارخمه
لاه ياجماعه لسه هبدا ان شاء الله من انهارده
خلاص ياختي كده ارتاحتي
اتبطيتي لما سالتيني السؤال ده
هههههههههههههههههههههههه

الحمد لله خلصه كمان بتوع هدير
اخيرا بقي هروح العب بقيت اللعب وانا بالي مرتاح كده ومش عليا حاجه لحد
هههههههههههههههههههه
سلام بقي

موضوع: رد: لعبة كرسى الاعتراف 2008-06-20, 11:53 pm

اهلا بيكى ياسنيوريتا على كرسى الاعتراف
1-شعورك ايه وانتى على كرسى الاعتراف ؟
2-هل انتى محبوبه ياسنيوريتا ؟ وليه؟
3-هل انتى شخصية ناجحه ؟ وليه؟

موضوع: رد: لعبة كرسى الاعتراف 2008-06-21, 12:06 am

اهلا بيكي انتي ياساندي
1-شعورك ايه وانتى على كرسى الاعتراف ؟
شعوري ببقي مبسوطه يعني
واديني بسلي نفسي وانا قاعده
اصل اللعب حاله واقف اوي اليومين دول
ههههههههههههههههههههه
-هل انتى محبوبه ياسنيوريتا ؟ وليه؟
اااااااااااه الحمد لله ياساندي
ليه بقي دي حاجه من عند ربنا
بس انا كل اللي بعرفني بيحبني علي طول يمكن عشان ببقي علي طبيعتي معاهم
-هل انتى شخصية ناجحه ؟ وليه؟
ناجحه امممممممممممممم
لو في الدراسه اه الحمد لله كل سنه بجيب تقدرير كويس
لكن لو قصدك شخصيتي ناجحه في تعاملي مع الناس
يعين مش اوي بصراحه
ناس كتير مابفهماش اوي يعني بصراحه ماعنديش ذكاء اجتماعي خالص

وشكرا ياساندي علي اسئلتك

موضوع: رد: لعبة كرسى الاعتراف 2008-06-21, 2:59 am

هههههههههههههههههههههههههه
ماشى ياسوسو

المهم أستلمى شويه أسئله تانى هو أنا ورايا الا أنت

هل أنت من الشخصيات اللى بتقف قدام المرايا كتير وهى بتلبس ؟؟

آيه رأيك فى بنات الكليه بتاعتك ؟؟ وفى أولادها برده ؟؟

هل أنطردتى من سكشن قبل كده ؟؟ وكان شعورك آيه لو أنطردتى ؟؟وكاااام مره أنطردتى ؟؟

آيه رأيك لو جالك عريس وفيه كل المواصفات الللى أنت بتتمنيها بس مدخن ؟؟

مين أكتر واحده لما بتبقى مخنوقه بتتكلمى معاها ؟؟
آيه هى أسهل ماده عليكى فى سنه تانيه وأصعب ماده برده ؟؟

آيه رأيك فى الزواج عن طريق النت ؟؟ يعنى ممكن تحبى واحد وأنتى بتكلميه على الاميل بس وتقبلى أنه يكون شريك حياتك عن طريق الايمل ؟؟

أمتى آخر مره بكيتى فيها من قلبك ؟؟وبرده أمتى أخر مره ضحكتى فيها من قلبك ؟؟

آيه هى أجمل لحظه عشتيها سنه 2008؟؟

أيه هى الطريقه اللى تتمنى أنك تتزوجى بيها ؟؟

هل أنت معترضه على السياسه والقوانين اللى أهلك حطوهالك تمشى بيها فى حياتك؟؟
وآيه هى القوانين دى بأختصار ؟؟ ولما تكبرى هتمشى القوانين دى على أولادك ؟؟

هااااااااااااااااا ياسوسو عايزه أصحى من النوم ألقيكى مجاوبه على ككل ده أوكى

موضوع: رد: لعبة كرسى الاعتراف 2008-06-21, 1:58 pm

الله اسئله تاني
ومن مين من هدير
ياسلام ايوه كده
الواحد يتسلي وهو قاعد كده لوحده علي المنتدي
اللعبه الوحيده اللي ينفع تلعبها لوحدك
وحشتيني ياهدير ياااااااه امتي بقي يجي بليل عشان تدخلي بفتقدك والله الصبح خالص انا عارفه انك دلوقتي في سابع نومه
اوكي ياجميل هرد علي اسئلتك
بسم الله الرحمن الرحيم
هل أنت من الشخصيات اللى بتقف قدام المرايا كتير وهى بتلبس ؟؟
امال يعني هقف قدام ايه
قدام الحيطه
ههههههههههههههههههههههههههههههه
ايوه طبعا ياهدير بقف قدام المرايا بس مش كتير اوي لدرجه الهبل
بس انا ساعات بلبس بسرعه وساعات بلبس براحه اوي ده علي حسب مودي يعني

آيه رأيك فى بنات الكليه بتاعتك ؟؟ وفى أولادها برده ؟؟
خلينا الاول في البنات ياهدير
حلوين والله بس فيه بنات كتير كده بيغظوني في معاملاتهم وبحس انهم مش عاملين حدود لنفسهم خالص وفاتحين العمليه علي الاخر
وفيه بنات تانيين مملين كده ورخمين لدرجه الخنقه من باب المدرج لباب الميكروباص او باب القطر

لكن في بنات كتير انا اعرفهم دمهم سكر خالص
وكل مكان اصلا فيه الوحش وفيه الحلو صح يا هدير

اما بقي الاولاد
بلاش احسن ياهدير
خلينا في حالنا وهما في حالهم
اصلنا مش هنصلح في الكون يعني

هل أنطردتى من سكشن قبل كده ؟؟ وكان شعورك آيه لو أنطردتى ؟؟وكاااام مره أنطردتى ؟؟
مش فاكره اوي ياهدير
بس لو علي الطرد الطرد يعني
هو اخر حاجه انا فاكراها في الترم ده
اطردت مره واحده من معيد كده طبعا عارفاه
كان شعوري كنت مضايقه بس مش اوي
اللي كان مضايقني ساعتها اننا كنا نازلين مخصوصو ليه وبعد كده يطردني وكمان اطرد ظلم والله
كنت قاعده عينيا وجعتني من اللينسيس بس فبوطي عشان اطلعهم من عنيا قالقيه ياهدير يقولي الانسه اللي نايمه دي تطلع بره
طب والنبي انا لو عايزه انام ايه يعني اللي جابني من بيتنا مانا كنت نايمه علي السرير
ههههههههههههههههههههه

آيه رأيك لو جالك عريس وفيه كل المواصفات الللى أنت بتتمنيها بس مدخن ؟؟
لاه طبعا خالص
انا بكره التدخين مووووووووووووووت
لانه بياثر علي حاجات تانيه وعلي شخصيته وبعدين انا بتخنق من السيجاره فمش معقوله يعني يكون الانسان اللي هرتبط بيه بتخنق منه
مين أكتر واحده لما بتبقى مخنوقه بتتكلمى معاها ؟؟
كتير والله انا زي ماقلتلك مابعرفش اخبي حاجه عن الناس اللي انا بحبهم
فمثلا انتي ياهدير كل يوم بخنقك معايا ههههههههههههههههه
وبوسي برضه بحب اكلم معاها ونوده ده غير صحابي التانيين من غير ذكر اسامي يعني
كتير والله
بس لما بكون مخنووقه اوووووووووي اوووووووووووي لدرجه غير طبيعيه بفضل اني اقعد لوحدي مع نفسي كده لحد ماهدي خالص

آيه هى أسهل ماده عليكى فى سنه تانيه وأصعب ماده برده ؟؟
انا فاكره المواد كان اسمهم ايه اصلا ياهدير
هههههههههههههه
بس فيه ماده عمرها ماتتنسي من اسمها كده كنت بحبها مووووووووووت
اسمها تصنيف ومكنتش بتاخد وقت كبير معايا في المذاكره
فاكراها طبعا ياهدير
حتي امتحانا كان جاي سهل اوي ربنا يستر بقي ونجيب فيها تقدير

اصعب ماده بقي
مواد التخصص دي بحس انها مش حفظ وبس لازم شويه فهم وانا نسيت الفهم من ايام الثانويه او بتنساه يعني
بس الحمد لله علي الامتحانات بكون فهمتها وبعد الاتحانات علي طول بكون نسيتها
هههههههههههههههه
آيه رأيك فى الزواج عن طريق النت ؟؟ يعنى ممكن تحبى واحد وأنتى بتكلميه على الاميل بس وتقبلى أنه يكون شريك حياتك عن طريق الايمل ؟؟
لاه طبعا مش ممكن خالص
لان انا ياهدير ممكن اطلعلك احلي كلام عندي علي الاميل
لكن بقي الاحساس والشعور ناحيتك منعدم خالص
وبعدين انا اصلا مابعرفش اتعامل مع مجاهيل علي الاميل
وانا شايفه اصلا ان الحب اللي بيجي عن طريق النت ده كله مجرد للتسليه وبس وبيكون فتره وهتعدي
لكنه استحاله يكون حب حقيقي وصادق
والحب اللي بيجي عن طريق النت والاميلات ده بيبقي مجرد احتياج للحب مش اكتر
وانا شايفه ان ممكن البنت تستريح لولد علي الاميل وتسمح لنفسها انها تكلمه علي الاميل لكن في الحقيقه لما تشوفه ممكن ماتقدرش تتعامل معاه خالص وجها لوجه
أمتى آخر مره بكيتى فيها من قلبك
من قريب اوي كده ياهدير
أمتى أخر مره ضحكتى فيها من قلبك ؟؟
هو فيه ضحكه من قلبي وفيه ضحكه من ورا قلبي
هههههههههههههههههههههههه
بصي ياهدير انا عاده لما بدخل المنتدي يوميا لازم اضحك ياما من ردود الاعضاء في اللعب او اضحك وانا معاكي علي الاميل
مش عارفه بقي دي ضحكه من قلبي ولا من وري قلبي
انت رايك ايه من قلبي ولا من وري قلبي
ههههههههههههههههههههه

آيه هى أجمل لحظه عشتيها سنه 2008؟؟
لحظه اممممممممممممممممم
لحظه لحظه يعني
طب ماينفعش ثانيه
هههههههههههههههههههه
اجمل بجد وقت ساعه ما كنا مع بعض اخر يوم في الامتحانات وخرجنا مع بعض
فاكره اليوم ده كان حته يوم تحفه مايتنسيش خالص

أيه هى الطريقه اللى تتمنى أنك تتزوجى بيها ؟؟
طريقه هاله
ههههههههههههههههههههههههههههههههههههههه
ههههههههههههههههههههههههههههههههههههههههههههه
ههههههههههههههههههههههههههههههههههههههه
اللي هي طريقه الفراعنه
ههههههههههههههههههههههههههه
فراعنه مين بقي وهاله مين
هههههههههههههههههههههههههههههههه
هاا اقول ولا بلاش
هههههههههههههههههههههههههههه
نكلم جد بقي شويه
بصي ياهدير انا كنت زمان بتمني اني اجوز عن قصه حب بس للاسف اكتشفت اني الطريقه دي ماتنفعش خالص معايا ودايما بتبقي فاشله واني ماقدرش اعيش حدوته وقصه بطريقه غير رسميه

بس فحاليا يعني بتمني اني اجوز عن طريق الرسمي علي طول

هل أنت معترضه على السياسه والقوانين اللى أهلك حطوهالك تمشى بيها فى حياتك؟؟
وآيه هى القوانين دى بأختصار ؟؟ ولما تكبرى هتمشى القوانين دى على أولادك
لازم يعين تختميها ياسكر بسؤال سياسي
انا مليش في السياسه خالص
بصراحه مش معترضه لان فعلا القوانين دي هي الصح واللي المفروض تتنفذ
بس احنا كطبيعتنا يعني مابنحبش حد يفرض علينا حاجه غصب عننا بس لو فكرنا بالعقل هنلقيها فعلا مضبوطه
وانا عن نفسي ماشيه معاهم في البيت علي مبدا
لاتقنعني لا اقنعك
يعني بجد لازم اكون انا مقتنعه فعلا بالحاجه دي انتي عارفه ممكن اعند معاهم شويه لكن بصراحه برضه هما بيكونه الصح واكيد اهلك مش هيكونه شايفلك حاجه وحشه او تتضرك
القوانين بقي كتيرررررررررررررررررررررررررررررررررررر
حلوه باختصار دي انا عارفه قصدك ايه اني مطولش يعني في الاجابه عشان اللي يدخل يقري مايملش ويكسل يقري عارفه عارفه هو ده قصدك صح
هههههههههههههههههههههههههه
ولادي
هههههههههههههههههه
مين ولادي دول انتي عارفاهم ولا ايه ياهدير
طب مش تقوليلي
ههههههههههههههههههههههه
معرفش ساعتها بس اكيد طبعا همشوهم علي النظام اللي انا متربيه عليه
بس مع اختلاف الزمان والمكان
وبرضه لازم اقنعهم بوجهه نظري

بس الحمد لله خلصنا
والله بقالي ساعه وربع بجاوب عليكي ياهدير

يلا يارب تدخلي ويعجبك اجاباتي ياسكر
عايزه حاجه مني تاني
سلاااااااااااااااااااام

موضوع: رد: لعبة كرسى الاعتراف 2008-06-21, 3:47 pm

مساء الانوار يا سنيوريتا
على فكره يا سنيوريتا انتى بدأتى تهربى من اجابات اسئله لكن معلش
هنعديها المره دى

1-اوصفى شخصيتك فى 3 كلمات ؟
2-مفيش اى حد اتقدم لكى فى فتره الدراسه؟
وردك ايه لو كان جيه وليه ؟
3-ايه اصعب لحظه مرت عليكى لحد دلوقتى ؟
4-أكتر ممثل بتحبى تتفرجى على افلامه؟
وليه ؟
5-اوصفى هؤلاء الاعضاء كل واحد فى كلمه...
هدير-المهندس- ماجور - سفير الحب-سمر- فوش- خالد المصري -امير الهدوء - امين اسرة شباب الغد - مصراوي - هدي العربي - شوشو - البلبيسى الكبير- رينادا-بطوووط-زيدان
رامى-فارس القلب الحزين- بنت مصر-بوسى صبرى- سنيوريتا-وائل-سيف الله
ولو عايزه توصفى حد كمان ماشى عشان والله هما كتير
6- ما هي اهدافك في الحياة؟
7-لو انتى ماشيه وحد عاكسك او غلس ؟ايه هو رد فعلك؟
8-متى شعرتى انك فى حاجة للكلام ومع ذلك صمت
؟
9- لو انتى واضعه موضوع ووجدتى احد الاشخاص دخل وبكل برود
قعد يضحك فى رده؟ شعورك بيبقى ايه وتردى عليه ازاى؟
10- وانتى عامله ايه دلوقتى ؟
يالا كفايه عليكى دلوقتى
يالا جاوبى بسرعه عشان اديكى شويه اسئله كمان
عشان مش هخش المنتدى تقريبا كام يوم كده
حظك يا سنيوريتا
لكن هلحقك متخفيش وانتى قاعده
ده انا مستحلفلك وانتى عارفه
لازم اردلك اى شئ كده من جمايلك عليه
وانا كنت قاعد
ههههههههههههههههههههههههههه

موضوع: رد: لعبة كرسى الاعتراف 2008-06-21, 9:31 pm

انت تاني ياسفير
قصدي تالت علي فكره انت كده تالت مره تسالني وانا قاعده علي الكرسي
شكلك كده بتخلص طار قديم
ههههههههههههههههههههه
يالهوي يعني بعد المعاناه اللي انا بعانيها كل ده
في الاخر بتهرب من الاسئله طب فين بقي الصفح اهي لسه الحمد لله موجوده مش طارت
اثبتهالي كده هاااااااااااااااااا
عمتا انا اللي هعديها ياسفير المره دي
ونبدا نجاوب علي الاسئله يارب يارب تبقي خفيفه ومااندمجش معاه كعادتي
1-اوصفى شخصيتك فى 3 كلمات ؟
امممممممممممممممممممم
طبيعيه محبوبه ازدواجيه
-مفيش اى حد اتقدم لكى فى فتره الدراسه؟
وردك ايه لو كان جيه وليه
سؤااااااااال غريب اوي
عمتا فيه اتنين والحمد لله مكانوش مناسبين ليا خالص
-ايه اصعب لحظه مرت عليكى لحد دلوقتى ؟
لحظه برضه زي هدير
طب انا بقي مابحبش اللحظات انا بموت في الثواني
ههههههههههههههههههههه
بصراحه اصعب لحظه بتبقي بنسبالي لما اودع حد عزيز عليا اوي ومش هشوفه تاني او هشوفه بس بعد فتره طويله او حسب الظروف
زي صحابي يعني اخر يوم في الامتحانات جربتها اللحظه دي

-أكتر ممثل بتحبى تتفرجى على افلامه؟
وليه ؟
اكتر ممثل رشدي اباظه بحبه اوي وبحب كل افلامه
ليه بقي معلش رخامه
وبرضه بحب افلام كريم عبد العزيز مووووووووووت كلها
ليه ؟ رخامه برضه ودمه سكررر خالص
-اوصفى هؤلاء الاعضاء كل واحد فى كلمه...
هدير-المهندس- ماجور - سفير الحب-سمر- فوش- خالد المصري -امير الهدوء - امين اسرة شباب الغد - مصراوي - هدي العربي - شوشو - البلبيسى الكبير- رينادا-بطوووط-زيدان
رامى-فارس القلب الحزين- بنت مصر-بوسى صبرى- سنيوريتا-وائل-سيف الله
ولو عايزه توصفى حد كمان ماشى عشان والله هما كتير
طب انا اقولك ايه دلوقتي
والله ياسفير انت فيك الخير دايما
طب بص هقولك علي فكره ماحودش ليه علي باقي المنتديات اللي علي النت بالمره عشان اوصف اعضاؤهم
هههههههههههههههههههههه
عمتا انا هوصف اللي هعرف اوصفه
خلينا في البنات الاول مننا وعلينا
هديرررررررررر دي بنوته زي السكر دمها عسل خااااااالص وانا بحبها مووووت ويارب مانفرقش بعض ابدا
ماجور انا لسه متعرفه عليها الترم ده برضه شخصيه بسيطه جدا ومحبوبه خالص من الدفعه وبتتحب دايما تتلامض علي المنتدي هههههههههههههه
سمر بحس كده والله ياجماعه انها بنت جدعه اوي
هدي العربي برضه اتعرفت عليها الترم ده بالصدفه وبقلها كتير مابتدخلش المنتدي وشخصيه محبوبه من الجميع
شوشو بقي دي حكايتها حكايه انا عرفتها انا وبوسي بالصدفه عن طريق البريد ولما شوفتها استريحتلها خالص واحنا دلوقتي خلاص بقينا صحاب اوي وانا سعيده فعلا اني اتعرفت عليها
رينادا بسيطه برضه وتحب تقعد وتكلم معاها وبتموت في المقالب وخصوصا فيا انا هههههههههههههههه
بطوط وبنت مصر معرفهمش خالص
بوسي صبري دي بقي صبحتي انا وهي دايما مع بعض في الكليه وهي دايما بتبقي ساكته قليل كده لما تلقيها اندمجت معانا والله يوم مابتكلم معانا بيبقي يوم عيد هههههههههههههههههههه
سنيوريتا
معرفهاش خالص حد عارفها هنا ياجماعه
هههههههههههههههههه
عمتا هوصفها واقول عليها خاضعه الدمووع
بس بقي كفايا كده
معلش مش هعرف والله اوصف الولاد لاني مليش تعامل معاهم غير علي المنتدي
وعمتا هما كلهم شخصيات محترمه مع اني فيه ناس فيهم كده بيحبه يرخمه شويه
اوووووووووووووف
سؤال طويل واجابته اطول منه
يارب تكون مبسوط بس ياسفير

6

- ما هي اهدافك في الحياة؟
اني اتخرج من الكليه بتقدير كويس ونفسي برضه اعرف كتير عن الكمبيوتر
وبرضه دايما بسعي ان يكون ربنا راضي عني

7-لو انتى ماشيه وحد عاكسك او غلس ؟ايه هو رد فعلك؟
ههههههههههههههههههههههههههههههههههههه
هههههههههههههههههههههههههههههههههههههههه
والنبي دي اسئله
مابعملش حاجه بسكت وبمشي بسرعه اكتر ومابصلهوش اصلا
بس طبعا ببقي نفسي اشتمه وزعقله واقوله كلام كتير بس مابقدرش طبعا فبكتم في قلبي لحد ما اوصل البيت بس والله العظيم دمي بيتحرق ساعتها مووووووووووووووت
-متى شعرتى انك فى حاجة للكلام ومع ذلك صمت
كتيررررررررررررررررر
وعمتا لما ببقي مخنوقه ومش طايقه نفسي وفيه حاجات كتير بتتطلب منا الكلام بس الصمت بيبقي في الاوقات دي احسن بكتير
ومثلا اخر مره من ثواني كده
عضو بعتلي رساله علي البريد بيقولي علي فكره دي المره المليون ببعتلك ها مش هنتعرف ولا ايه
انا طبعا ببقي نفسي ارد عليه وابعتله بس انا عارفه نفسي لو اتكلمت معاه مش هاقدر امسك نفسي وممكن اغلط فيه
فعشان كده بفضل اني اسكت ولا اكني قريت ولا شوفت حاجه
وبقول في سري ربنا يهديهم يارب
9- لو انتى واضعه موضوع ووجدتى احد الاشخاص دخل وبكل برود
قعد يضحك فى رده؟ شعورك بيبقى ايه وتردى عليه ازاى؟
يا سبحان الله
افتكر يا سفير ان انت اللي سالت السؤال ده يعني منتظر الاجابه
ههههههههههههههههههههههههههههههههههههه
اديك قولت بنفسك اهو بكل برود وزود عليهم كمان بكل رخامه وغلاسه
ببقي ساعتها خلاص مش طايقه نفسي ووممكن بالحركه دي اسجل انسحابي من المنتدي
لان انا بجد لما بتعصب مابقدرش امسك نفسي مع اني والله بهدي بسرعه
وبعدين لازم يبقي فيه احترام لبعض ونراعي مشاعر بعض
انا مش ممانعه علي الضحك عادي
انا اصلا بدخل المنتدي عشان افك عن نفسي وعن حاله الاكتئاب اللي ببقي فيها
بس لو الموضوع مايستهلش ضحك ومافهوش حرف واحد بس يضحك
ايه تفتكر هبقي في قمه السعاده ساعتها
اوووووووووووووووووووووف
انا الموضوع ده كل ماانساه بتفكروني بيه ليه
- وانتى عامله ايه دلوقتى
دلوقتي حالا
متنرفذه عشان افتكرت الموضوع ده تاني

ههههههههههههههههههههههههههههه
ههههههههههههههههههههههههههه
مع الف سلامه يا سفير
مش عايزاك تدخل اللعبه دي تاني
هههههههههههههههههههههههه
الحمد لله خلصت
شويه اسئله مايعلم بيها الا ربنا وخصوصا السؤال الاخير ده حرق دمي
اوووووووووف

موضوع: رد: لعبة كرسى الاعتراف 2008-06-21, 10:55 pm

انتى مين ؟

شغلتك ايه ؟

ليه دايما طول الوقت على ابناء النوعيه ؟

مصر تمثل ليكى ايه ؟

بلبيس تمثل ليكى ايه ؟

عاوزين لو سمحت تقرير يومى بتعتادى تعمليه كروتين ؟

تقديرك كامل الترم الاول يا ريت بالدرجات كجدول كده ؟

ويا ريت السنه اللى فاتت لو تكرمتى الترمين برده ؟

موقف مؤلم حدث فى حياتك واخدتى انطباع عام عنه من الحياه ؟ ناقشى

ماذا يمثل لكى اللون الاحمر
الابيض
البنفسج
الروز

لكى حريه الاختيار فى توجيه تلك الجمل لاعضاء محددين بالمنتدى

خليك/ى ف حالك
فكك منى
صبح صبح
بفلوسى يا كلاب
حسبى الله ونعم الوكيل
تاتا تاتا
طازا بطازا
حسبى الله ونعم الوكيل
خليك/ى ف كوزك لما نعوزك
السماح
انا غلطانه
اللى نفسك فيه اعمل/يه/ه

كفايا كده
نكمل بعدين

موضوع: رد: لعبة كرسى الاعتراف 2008-06-21, 11:54 pm

سوري
انت بذات بقي مش هرد علي اسئلتك

موضوع: رد: لعبة كرسى الاعتراف 2008-06-21, 11:58 pm

ههههههههههههههههههههههه
هههههههههههههههههههههههه
ههههههههههههههههههههههههه
ههههههههههههههههههههههههههههه
هههههههههههههههههههههههههههههههههه
ههههههههههههههههههههههههههههههههههههه
ههههههههههههههههههههههههههههههههههههههه
ههههههههههههههههههههههههههههههههههههههههههههه

طيب دا من ايه
؟

موضوع: رد: لعبة كرسى الاعتراف 2008-06-22, 12:13 am

بسم الله الرحمن الرحيم
السلام عليكم ورحمه الله وبركاته
اهلا بيكى ياسنيوريتاعلى الكرسى عقبالى
هههههههههههههههههههههههههه
نبتدى الاسأله هما مش كتير بس ياريت
الايجابه تكون واضحه وصريحه على قد مقدرتك
1-ايه اكتر حلم حلمتيه وكان نفسك انه يتحقق غير كليه صيدله؟
2-ايه اكتر حاجه نفسم تعمليها ومش عارفه؟
3-مين الشخص المقرب ليكى؟
4-هل فى يوم من الايام حصلك انك انخدعتى فى وحده صحبتك؟
5- هل حصلك فى يوم من الايام اتغريتى فى نفسك زياده عن اللزوم ؟
6-لو بأذن الله التجوزتى وخلفتى ايه الاسم الى هتسمى اولادك
بيه سواء كان ولد او بنت؟
7-احكى اغرب موفق حصلك فى حياتك؟واظرف موقف؟واجمل موقف؟واسوء موقف؟
وموقف حصل ونفسك انه يحصل تانى؟
8-سنيوريتا بتشم الريحه الى بنشمها لما بنكون رايحين العاشر او مصر ومعدين على
بلبيس ولا بتاخد طريق مختصر بلمكروباس؟
9- لالالا كفايه كده أسأله

موضوع: رد: لعبة كرسى الاعتراف 2008-06-22, 1:36 pm

Saifullah كتب:: انتى مين ؟

شغلتك ايه ؟

ليه دايما طول الوقت على ابناء النوعيه ؟

مصر تمثل ليكى ايه ؟

بلبيس تمثل ليكى ايه ؟

عاوزين لو سمحت تقرير يومى بتعتادى تعمليه كروتين ؟

تقديرك كامل الترم الاول يا ريت بالدرجات كجدول كده ؟

ويا ريت السنه اللى فاتت لو تكرمتى الترمين برده ؟

موقف مؤلم حدث فى حياتك واخدتى انطباع عام عنه من الحياه ؟ ناقشى

ماذا يمثل لكى اللون الاحمر
الابيض
البنفسج
الروز

وكفايا كده
نكمل بعدين

موضوع: رد: لعبة كرسى الاعتراف 2008-06-22, 3:21 pm

ازيك يا سنيوريتا منوره الكرسى والله

كده تمام
استمرى بقى
بصى يا ستى انا اسالتى سهله جدا
بس ياريت مش تتهربى من اى سؤال
نبدأ الاسئله
اسمك وسنك وعنوانك ورقم بطاقتك
ههههههههههههههههههههههههههههههه
ومش تسألى ليه
مريتى بتجربه حب قبل كده وهل مستمره فيها ولا لآ وليكى حريه الاختيار فى السؤال ده بالذات؟
رأيك ايه فى شباب وبنات جيلك؟
بتؤمنى بالحب من اول نظره؟
لو اتقدملك شاب كويس جد ومحترم جدا بس لسه الظروف مش مساعداه انه يجى وقالك استنينتى هل هتوافقى ولا هترفضى ولو رفضتى هترفضى ليه ؟
كنتى تتمنى تبقى ايه يعنى كان نفسك تدخلى كليه ايه وايه رأيك فى كليه التربيه النوعيه؟
احلامك اللى جايه ايه ؟
نفسك جوازك يبقى جواز تقليدى ولا عن حب؟
من اعز صديقه عندك ومتقدريش تستغنى عنها؟
مين اكتر حد بتحبيه فى الدنيا وبتثقى فى كلامه ؟
لما بتكونى واقعه فى مشكله من اول حد بتفكرى تكلميه او بتلجئى له؟
اخر سؤال ليه مش رديتى على اسأله سيف؟
مع انى عارفه ردك بس ياريت توضحى اكتر
ياريت الرد بصراحه وعلى كل اسألتى
خليكى شجاعه

موضوع: رد: لعبة كرسى الاعتراف 2008-06-22, 5:34 pm

هجاوب الاول علي شوشو ياجماعه عشان مش تزعل مني
واصلها زنانه موووت
هههههههههههههه
نورك انتي ياسكر
سهله اشك والله بكده لو سهله يبقي مش انتي شوشو اللي انا اعرفها
هههههههههههههههه
المهم نبدا بقي ونقول بسم الله الرحمن الرحيم
اسمك وسنك وعنوانك ورقم بطاقتك
اسمي سنيوريتا
لو قصدك اسمي التاني ده انتي عارفاه خليكي محتفظه بيه لاخر يوم في عمرك اوعي تضيعيه في يوم انا امنتك اهو امانه
ههههههههههههههههههههههه
انا عندي 19 سنه و22 يوم
عنواني بلبيس بس مش هاقولك شارع ايه عشان مش عايزاكي تيجي عندنا
هههههههههههههههههههههه
رقم بطاقتي دي بقي الحاجه اللي هقولهالك
اهو
26589932093
هو ده
علي فكره ياشوشو انا لسه معملتش بطاقه اصلا ومش ناويه اعمل مش بحطها في بالي يعني مش من اهتماماتي

مريتى بتجربه حب قبل كده وهل مستمره فيها ولا لآ وليكى حريه الاختيار فى السؤال ده بالذات؟
الله بجد ليا حريه الاختيار
والله ياشوشو نتي دايما فيكي الخير ياسكر
ماتعرفيش انا فرحانه قد ايه دلوقتي حسه كده اني حره فعلا
هههههههههههههههههههههه
وبعدين مادام ليا حريه الاختيار بتكتبيه ليه من الاول عشان تغظيني صح انا عارفاكي بتموتي فيا
فعشان كده هسمع كلامك واخد حريتي بقي ومش هجاوب علي السؤال
رأيك ايه فى شباب وبنات جيلك؟
خلينا في البنات الاول
بصي ياشوشو انا شايفه ان فيه بنات اليومين دول متحرره اوي علي الاخر لدرجه انهما خله فيه فكره عن الشباب اليومين دول ان معدش فيه حاجه اسمها بنت محترمه وكويسه الايام دي
معرفش هي وجهه نظري
اما بقي رايي في الولاد
بلاش احسن خالينا في حالنا وهما في حالهم
اصلنا مش هنصلح الكون يعني
صح ولا ايه
بتؤمنى بالحب من اول نظره؟
بصراحه اه
يعني فعلا فيه انسان ممكن تشوفيه من اول مره تحسي فعلا انه نصك التاني في كل حاجه من غير ماتكوني حته اتعاملتي معاه
بس وممكن يحصل العكس
يعني تقدري تقولي من رايي انه ساعات بيقي حقيقي واوقات كتير بيبقي مجرد اعجاب بالمظهر الخارجي بس
لو اتقدملك شاب كويس جد ومحترم جدا بس لسه الظروف مش مساعداه انه يجى وقالك استنينتى هل هتوافقى ولا هترفضى ولو رفضتى هترفضى ليه
بصي ياشوشو لو حصل ده فعلا ليا في يوم من الايام
هرفض وطبعا عشان انا مش هاقدر اوعده بحاجه عشان انا مش عارفه الظروف ايه والنصيب فين
واهم من ده كله اني بعمل حساب اوي لاهلي وطبعا لازم الاول اسالهم في البيت قبل ماوعده اني هستناه لان الكلمه مش كلمتي انا لوحدي فلو لقتهم مش مقتنعين بيه خالص وشايفين انه هو مش مناسب ليا انا لو ده رد فعلهم طبعا مش هقدر اعاند اهلي لاني ماتعوتش علي كده وتربيتي بتحكمني اوي فهفضل ساعتها اني انسحب مع العلم اني ممكن اوعده واقوله اوكي وانا في الاساس مش قد الوعد ده وانا اللي بشوفه ان كتير من البنات هي دي بتبقي اول غلطه ليهم وعشان كده القصه مش بتنتهي نهايه حلوه لا البنت هي اللي بتسيب الولد لاما الولد هو اللي بيزهق منها وبيسيبها في الاخر
وده كله اساسه الاحتياج للحب فعشان كده لا زم فعلا البنت علي قد ماتقدر تتحكم في مشاعرها كويس اوي عشان ماتعملش حاجه وتندم عليها في يوم من الايام

وانا ياشوشو مقدرش ومااستحملش اني احلم حلم واعيش فيه ومايكملش
اوووووووووووووووف
سؤال رخم اوي شفتي خلتيتيني اندمج فيه
كنتى تتمنى تبقى ايه يعنى كان نفسك تدخلى كليه ايه وايه رأيك فى كليه التربيه النوعيه؟
طول عمري بحلم اني ادخل كليه صيدله ياشوشو
رايي فيها حاليا جميله وعجباني انا شخصيا لاني بقضي فيها احلي الاوقات مع حبايب قلبي صحابي

احلامك اللى جايه ايه ؟
اممممممممممممممممممممم
بحلم بحاجات كتير والله ياشوشو
نفسي اغير الناس دول اللي حواليا وتفكيرهم
بحلم بدنيا تانيه خالص اعيش فيها
دنيا مافيهاش كدب وخداع ونفاق
وبحلم برضه اني افضل في الكليه من غير طبعا ماانزل سنه ازاي بقي معرفش اهو حلم وخلاص
بحلم اني الروتين بتاع كل يوم ده يتغير ويكون فيه حاجه جديده في حياتي
بحلم ان يكون ربنا راضي عني اوي وبحلم اني اقرب منه اوي
بحلم ان مايجيش عليا يوم واندم فيه اني اشتركت في يوم من الايام علي منتدي علي النت
بحلم اني اجوز عن قصه حب تكسر الدنيا خلي بالك انا بقول بحلم والحلم غير الواقع خالص

كتيرررررررررر ياشوشو
نفسك جوازك يبقى جواز تقليدى ولا عن حب؟
اللي نفسي فيه وبحلم بيه عن حب طبعا
بس الللي انا شايفاه في الواقع انه هيكون تقليدي بس برضه هيكون فيه حب يعني بس مش الحب اللي انا بحلم بيه
من اعز صديقه عندك ومتقدريش تستغنى عنها؟
صديقه واحده
لاه انا عندي كتير وكلهم بحبهم والله وماقدرش استغني عنهم
منهم اللي علي المنتدي
هدير ونوده وبوسي
وانتي طبعا ياسكر خلاص انا حبيتك خالص وانتي عارفه كده
وفيخ بقي كتير من الكليه وفيه تانينين من بره الكليه
قلبي كبيرررررررر بسيع كتيررررر من الحبايب
ههههههههههههههههههههه
مين اكتر حد بتحبيه فى الدنيا وبتثقى فى كلامه
انا بحب كتير لكن لو علي الثقه نفسها
مش عارفه بصراحه يمكن ماما عشان هي طبعا اكبر مني وخبراتها اكتر
وعلي فكره برضه هدير بحب اتكلم معاها اوي كلامها مقنع خالص وواقعي كده بحس فعلا انها فيها مني كتير مع اني بحاول استفزها احيانا واتلامض عليها بس ببقي مقتنعه برضه في كلامها وواثقه فيه
لما بتكونى واقعه فى مشكله من اول حد بتفكرى تكلميه او بتلجئى له؟
مشكله مشكله لو مشكله خطيره واول مره تعرض ليها
اول واحده برحلها هي ماما عشان ببقي فعلا محتاجاها جمبي لاني مابعرفش اخبي حاجه عليها وبحس اني لو خبيت عنها حاجه يبقي انا بعمل حاجه غلط وضميري بقي بيقعد يانبني لدرجه فظيعه
اخر سؤال ليه مش رديتى على اسأله سيف؟
مزاجي كده ياشوشو
ومابحبش اعمل حاجه غصب عني
وبعدين ياشوشو بصراحه دي اسئله مش طبيعيه خالص
وخصوصا اخر سؤال ده يروح يساله لواحد صاحبه في الشارع مش لبنت
الفااظ غريبه

الحمد لله خلصت ياشوشو
يارب تكوني مبسوطه بقي دلوقتي مني
عارفه لوشوفتك داخلتي اللعبه دي تاني
هقطعك هدبحك بالسكينه واقطعك حت حت واكلك هم هم هم هم
ههههههههههههههههههههه

موضوع: رد: لعبة كرسى الاعتراف 2008-06-22, 7:32 pm

واكمل بقي باقي اجابات علي الاسئله
وعليكم السلام ورحمه الله بركاته
ان شاء الله هتقعد لو عايز تقعد بس قاعدته علي فكره رخمه اوي ومش مريحه
ههههههههههههههههههههه
اوكي ونبدا الاجابات
بسم الله الرحمن الرحيم
-ايه اكتر حلم حلمتيه وكان نفسك انه يتحقق غير كليه صيدله؟
اممممممممممممممممم
كليه الصيدليه كانت زمان والحمد لله حلم وطار زي باقي الاحلام
بس حاليا الحلم اللي بحلم بيه وعارفه انه مستحيل وانه حلم بالنسبه ليا عشان انا عارفه نفسي كويس اوي
هو اني اعيش قصه حب تكسر الدنيا وتكون خاليه من المشاكل وتنتهي بجواز
هو بالنسبالي حلم يمكن يكون حقيقه بالنسبه ناس كتير
-ايه اكتر حاجه نفسم تعمليها ومش عارفه؟
اني ابطل ادخل المنتدي يوميا بجد نفسي اعمل كده مش عارفه لانها بقت عاده بالنسبالي
3-
مين الشخص المقرب ليكى
مفيش شخص معين
بس زي ماقولت قبل كده صحابي هما دول اكتر ناس قريبين مني وانا بموووت فيهم
؟4-هل فى يوم من الايام حصلك انك انخدعتى فى وحده صحبتك؟
لاه الحمد لله
ويارب ماتحصل عشان مش عارفه ساعتها هبقي عامله ازاي
لان انك تحس بالخداع من الناس اللي حواليك ده احساس فظيع اوي
- هل حصلك فى يوم من الايام اتغريتى فى نفسك زياده عن اللزوم
هههههههههههههههههه
ازاي يعني مش فاهمه
عمتا انا اصلا ماليش في الغرور ده خالص
دايما علي طبيعتي مع الناس
-لو بأذن الله التجوزتى وخلفتى ايه الاسم الى هتسمى اولادك
بيه سواء كان ولد او بنت؟
بحب اسم عماد اوي
وبحب هايدي
الاسماء الغريبه دي
ساعتها بقي هيبقي يحلها الف حلال
وبصراحه انا هبقي ساعتها اسيبها ليه هو
هو بقي وذوقه
7-احكى اغرب موفق حصلك فى حياتك؟واظرف موقف؟واجمل موقف؟واسوء موقف؟
وموقف حصل ونفسك انه يحصل تانى؟
هههههههههههههههههههه
ده كله
مابفتكرش بصراحه
يمكن مايكنش فيه اصلا
بجد والله مش فاكره خالص

8-سنيوريتا بتشم الريحه الى بنشمها لما بنكون رايحين العاشر او مصر ومعدين على
بلبيس ولا بتاخد طريق مختصر بلمكروباس؟
هههههههههههههههههههههههه
هو انته بتشمه ايه
اصل انا مافيش حاجه بشمها اصلا وانا راكبه الميكروباص

الحمد الله كده خلصت كل الاسئله اللي عليا
ياااااااااااااه
اخيرا الواحد هيرتاح بقي
يارب ماحد يدخل تاني اللعبه دي
سلاام بقي

موضوع: رد: لعبة كرسى الاعتراف 2008-06-22, 8:04 pm

اهلا ازيك ياقمر والله منوره
وحشتيني موووووووت يا سنيوريتا من زمان مش سالتك بس انا هسالك سؤال كده سهل عشان انا جايه تعبانه من السفر ومش فاضيالك
هههههههههههههههههههههه
جاهزه للسؤال
يلا 1
2
3
السؤال بيقول
انتي ان شاء الله لما تحبي
ولو اني عارفه انه مستحيل وانتي عارفه ليه
هههههههههههههههههه
فهماني طبعا
لو حبيبك ده لقدر الله اصيب بمرض
ياتري سنيوريتا هتتخلي عنه وتقول انا مالي بيه
ولا هتقفي جنبه لاخر يوم في عمره

موضوع: رد: لعبة كرسى الاعتراف 2008-06-22, 9:03 pm

ههههههههههههههههههههههههههههههههه
اهلاااااااااااااا رينادا مره واحده داخله حجره الاعتراف
مش ممكن مش معقوله
وحشتيني مووووووووووووووووووووووووووووووووووووووووووت
حمد الله علي سلامتك
جاهزه للسؤال
ههههههههههههههههههههههههههههههههههههههه
ههههههههههههههههههههههههههههههههههههههههه
فاهماني انتي يارينادا انه مستحيل
هههههههههههههههههههههههههههههه
لو حبيبك ده لقدر الله اصيب بمرض
ياتري سنيوريتا هتتخلي عنه وتقول انا مالي بيه
ولا هتقفي جنبه لاخر يوم في عمره
_________________
لاه طبعا عمري ماهتخلي عنه مادام انا بحبه ومقتنعه بيه
وهقف جمبه واصبره واعينه وحاجات كتير تانيه

علي فكره سؤالك سهل اوي يارينادا
واجابته واحده عند كل البنات
يارب كل الاعضاي يتعده منك ويجيبه اسئله سهله كده زيك ياسكر
سلااااااااااااااااااااام

يارب يارب ماحد يدخل تاني اللعبه دي
قووووووووووله امممممممين
هههههههههههههههههه

موضوع: رد: لعبة كرسى الاعتراف 2008-06-22, 9:52 pm

ليه كده بس يا سنيوريتا
عموما آمين

نبدأ الاسئله بقى

ـ مين أقرب الناس الى قلبك؟
ـهل حصل وحبيتى قبل كده؟
ـ ايه اكتر حاجه بتحبيها فى الدنيا؟
ـ أخبارك ايه فى شغل البيت؟
ـ يومك بيمشى ازاى؟
ـايه رأيك فى الحب الاول؟

كفايه كده النهارده

موضوع: رد: لعبة كرسى الاعتراف 2008-06-23, 3:15 am

هااااااااااااااااى يا سوسو
أستلمى يا قمر من هدير حبه أسئله كده علشان خاطر عيونك
هههههههههههههههههههههههههههه

آيه هى أكتر حاجه خايفه أنها تحصل فى حياتك ؟؟

هل سعات بتحسى أنك خايفه من المنتدى ده ؟؟
وآيه رأيك فى نظريه (لن أتزوج فتاه تكتب بالمنتديات ؟؟)

هل بتؤمنى بفكره الابراج يعنى برج القوس وبرج الجوزاء وكده يعنى ؟؟ وهل بتحبى تشوفى أخبار عن برجك ولا لا ؟؟

آيه رأيك فى البنات اللى قفلت على قلبها خالص ومنعت أى حب يدخله الا الحب النهائى وهو اللى هو التقليدى بتاع الفراعنه
ممكن تسميهيهم بنات قلبها ميت وآيه وجهه نظرك فى الموضوع ده ؟؟

مش بتفكرى تنزلى الزقازيق فى الاجازه وتروحى مع حد مطعم براديز تانى وتعيدى آخر يوم الامتحانات تانى ؟؟
هههههههههههههههههههههههه
لو جاوبتى بأيوه أنا أول واحده هاجى معاكى بس قولى آاااااااه؟؟

لو أتخطبتى لواحد هل تسمحيله يمسك أيدك قبل كتب الكتاب ولا مش هتوافقى ؟؟ وليه ؟؟

وكفايه يا سوسو كده النهرده بس جاوبى بقى لحد ما أصحى وأشوف أجابتك ده لو فتحت أصلا
ههههههههههههههههههههههههههههه

موضوع: رد: لعبة كرسى الاعتراف 2008-06-23, 1:13 pm

هههههههههههههههههههههههههه
هي جت فيكي انتي يابنت مصر
معلش والله مش عارفه ان انتي اللي بعدي
عمتا هجاوبك علي اسئلتك ياسكر من عنيا
ويارب تبقي سهله عليا

ـ مين أقرب الناس الى قلبك؟
صحابي بحبهم اوي ودايما قريبين مني

ـهل حصل وحبيتى قبل كده؟
نووووووووو

ـ ايه اكتر حاجه بتحبيها فى الدنيا؟
في الدنيا
بحب الحب نفسه بحب التجديد بحب اني افرح نفسي بنفسي
بحب اعيش نفسي بنفسي في حب بحب احلم كتير بس مابنساش اني صاحيه واننا عايشين في واقع اليم
بحب الناس اوي وبحب اعاملهم بطيبه وبمشاعر انسانيه
بحب اتعامل مع كل البشر واتعلم منهم وفيدهم ويفيدوني
بحب اعرف تفكير واراء الناس في مواضيع مختلفه
أخبارك ايه فى شغل البيت؟
زي اهرامي بالضبط
هههههههههههههههههه
اخبار وحشه اوي والله هتزعلك مني خالص يابنت مصر
ههههههههههههههههههههههه
بصراحه انا اه بشتغل طبعا زي اي بنت في البيت وبساعد ماما كتير في شغل البيت بس بتخنق اوي بسرعه ومابحبش الملل كل يوم نفس الحاجه
بس لكن عمتا انا بخلص شغل البيت اللي عليا بسرعه اوي انا عمتا والله سريعه في كل حاجه حتي المذاكره بذاكر بسرعه اوي وصحابي بيستغربه مني اوي ويقعده يقولولي لحقتي ياسنيوريتا تذاكري
احنا بقلنا ساعه نذاكر ومش فاهمين حاجه
هههههههههههههههههههه
قدرات بقي يابنتي
هههههههههههههههههههههههههههههههههههههههههههههههههههه
ههههههههههههههههههههههههههههههههههههههه
هههههههههههههههههههههههههههههههههههههههه

يومك بيمشى ازاى؟
والله يابنت مصر يوم مايعلم بيه الا ربنا
هههههههههههههههههههههه
يوم رخم ممل يزهق يخنق يطهق
بس هنعمل ايه يعني لازم نصبر
بيمشي زي اي يوم انهارده زي بكره زي امبارح لا جديد
وانا مابتخنقش في حياتي من حاجه قد مابتخنق من الروتين اليومي
مع اني برضه مابحبش الخروج وبحب اقعد دايما في البيت مع نفسي كده
بس انتي عارفه ساعات الواحد طبعا بيبقي علي اخره من كله
بس فهو يعني بصحي من النوم علي 12 كده اعمل اللي وراي في البيت نص ساعه بكتيره خالص وبعد كده بقي اصلي الظهرو اقعد مع نفسي في الاوضه وفاتحه الكمبيوتر مشغله اغاني والله بقيت كمان بزهق من الاغاني وافتح المنتدي واكلم صحابي علي الاميل بس واخر مازهق من الاتنين اشغل نجوم اف ام واقعد علي السرير انام ساعات
او ادنيني لحد ما واحده كده سكره خالص اسمها هدير ههههههههههه تفتح ونسهر بقي مع بعض طول الليل بس لحدما ازهق وادخل انام
وهكذا بقي استمري كل يوم نفس الحال
يوم رخم صح عارفه والله من غير ماتقولي
ههههههههههههههههههههههههههههههههههههههههههههههه
ـايه رأيك فى الحب الاول؟
انا بشوف ان الحب الاول ده بيبقي فعلا اصدق حب واكتر حب حقيقي في حياتنا
بس واوقات بيكمل وينتهي نهايه سعيده وكتير خالص بيفشل عشان ظروف الحياه او لاسباب تانيه كتيره
ومابيستمرش ومابيقاش غير ذكري بس بتبقي ذكري جميله اوي في حياتنا وعمره مابتنسي
ممكن انسي اسمي انسي الناس انسي اعيش بس اول مره احب مابتتنسيش

الحمد لله كده خلصت اسئله بنت مصر
واسئلتك كانت جميله وسهله الي حد ما
ارحم من اللي فوق شويه
ههههههههههههههههههههههه
عمتا نورتي حجره الاعتراف ياسكر
بس اوعي تيجي تاني هنا
اوووووووووووعي
ههههههههههههههههههههههههههههه
هههههههههههههههههههههههههههههههه

موضوع: رد: لعبة كرسى الاعتراف 2008-06-23, 2:33 pm

مين هدير
مش معقوله انتي لسه عايشه يابنتي ده انا قولت امبارح لبوسي انك موتي وكنا خلاص جايلنك انهارده نعزيكي
هههههههههههههههههههههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههههههههههههههههههههه
ماشي بس لما تفتحي بليل ليكي حساب تاني معايا
انا هجاوب علي اسئلتك بس هقرر حاجه كده علي حسب بقي اسئلتك
اوكي يلا بقي نبتدي
بسم الله الرحمن الرحيم
آيه هى أكتر حاجه خايفه أنها تحصل فى حياتك ؟؟
اممممممممممممممممممممم
من اولها كده
في حياتي عمتا خايفه في يوم من ايام اقابل حب حقيقي واصدقه لدرجه اني اوصل لمرحله اني اعاند اهلي
علي قد ماانا خايفه علي قد مانا نفسي مايحصلش عشان انا عمري مااتعوت اني اعاند هلي في حاجه ودايما راضيه بحياتي ومستسلمه للواقع اللي احنا عايشين فيه ومقتنعه اني مش هجوز الا جواز صالونات بس برضه هيكون طبعا عن حب وفيه قبول وارتياح للشخص ده والا مش هوافق بيه من الاساس
بس برضه انا مش خايفه قد كده لاني انا بطبعي شخصيه مش جريئه اوي كده
وعاقله موت وبتعمل حساب لاهلها اوي عشان اهلي بيكون باصين للمستقبل ولحاجات كتير انا مش واخده بالي منها
بس وصدقيني والله كل لما نقرب من ربنا اكتر ومش هيبقي في خوف من اي حاجه ونسيب كل حاجه لربنا

هل سعات بتحسى أنك خايفه من المنتدى ده ؟؟
وآيه رأيك فى نظريه (لن أتزوج فتاه تكتب بالمنتديات ؟؟)
اوقات كتير اوي فعلا بحس اني خايفه منه
وده دايما اللي بقوله علي المنتدي اني خايفه فعلا يجي عليا يوم واندم اني اشتركت علي منتدي علي النت
اه هو محترم وكل حاجه بس الولاد عمتا فكرتهم عن البنات اللي بشترك علي النت غلط ووحشه
بس كل اللي انا مقتنعه بيه اني عمري في يوم ماكنت هفكر اني اشترك في منتدي لولا ان المنتدي ده تبع كليتنا ومعمول لينا احنا وفيه صحابي اللي بحبهم وبقضي معاهم احلي الاوقات عليه
يمكن بخاف عشان انا شايفه ان كل حاجه حلوه لازم تبقي في الاخر وحشه وتتحول للعكس
معرفش والله ياهدير
اووووووووووووووووووووووف
انتي بتفكريني ليه بالموضوع ده
انتي اكتر واحده عارفه انا كانت حالتي عامله ازاي اول ما قريت الموضوع ده ومردتش ارد فيه عشان ماضيقش حد بكلامي
والموضوع بجد استفزني وكنت خلاص قربت اسجل انسحابي من المنتدي
لان الواحد ياهدير مايكنش مانع نفسه من حاجات كتير وعامل حدود في كل حاجه وفي معاملاته مع الناس
وفي الاخر برضه يتكلم عليه زي اي حد

هل بتؤمنى بفكره الابراج يعنى برج القوس وبرج الجوزاء وكده يعنى ؟؟ وهل بتحبى تشوفى أخبار عن برجك ولا
بصراحه اه بحب دايما اعرف كل حاجه عن برجي عشان اقدر اوصل لشخصيتي فعلا
وانا برج الجوزاء ولما قريت عنه لاقيت فعلا فيه كتير مني وحاجات كتير بتنطبق عليا
واهمها اني شخصيه ازدواجيه متقلبه المزاج
وعندي فضول فظيع بحب اعرف كل حاجه عن الناس اللي بتعامل معاهم
يعشقون الكلام والتحدث طبعا دي اكتر صفه انتي شايفاها فيا وبتعاني منها دايما
ههههههههههههههههههههههههههههههههههههههههههههههههههههه

وبحب برضه كل يوم لما بابا يجي الجورنال اقري برجي بيقول ايه واقري ابراج صحابي بس مش بعمل بيهم طبعا ومابتاثرش بيهم بس انا عندي حب استطلاع دايما
وعارفه ياهدير كتير بيصادف فعلا ويكون اللي بيقوله البرج حصلي في اليوم ده
والله بجد مابهزر

آيه رأيك فى البنات اللى قفلت على قلبها خالص ومنعت أى حب يدخله الا الحب النهائى وهو اللى هو التقليدى بتاع الفراعنه
ممكن تسميهيهم بنات قلبها ميت وآيه وجهه نظرك فى الموضوع ده ؟؟
اووووووووووووووف
انا قررت خلاص ياهدير القرار اللي قولت عليه فوق بسبب السؤال ده
هقولك القرار في الاخر ماتستعجليش
هههههههههههههههههههههههه
بصي يا هدير كل بنت ولها طبيعتها وشخصيتها وتربيتها واخلاقها كل ده بيحكم البنت وكل واحد عارف نفسه وعارف هو متربي علي ايه واهله معودينه علي ايه وهو متعود علي ايه
انا شايفاها ياهدير مش قلبها ميت يعني لاه تقدري تقولي عليها جامده اوي وبتعرف تتحكم في مشاعرها كويس اوي ومش مشاعرها هي اللي بتحركها
بس مش معني كده انها مش نفسها تعيش الحب ومش عندها مشاعر ولا احاسيس لاه بالعكس دي بتبقي عندها بس بتعرف امتي تطلعهم في الوقت الصح وللنسان الصح والمناسب ليها عشان مش تخسر اي حاجه تندم عليها بعدين
بصي هما ممكن بنات كتير تعتبرهم بنات معقدين عارفه ليه عشان الواقع اللي احنا عايشين فيه ده نادرا لما بيحصل فيه كده
طريقه الفراعنه
هههههههههههههههههههههههههههههههههههه
ايوه ايوه عارفاها بتاعت هاله دي
ههههههههههههههههههههههههههههههههههههه
لاه بجد طريقه ميه ميه انا قررت برضه امشي عليها وانتي كمان برضه تمشي معايا
اصلنا فراعنه
ههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههه

مش بتفكرى تنزلى الزقازيق فى الاجازه وتروحى مع حد مطعم براديز تانى وتعيدى آخر يوم الامتحانات تانى ؟؟
هههههههههههههههههههههههه
لو جاوبتى بأيوه أنا أول واحده هاجى معاكى بس قولى آاااااااه؟؟
هههههههههههههههههههههههههههههههههه
ههههههههههههههههههههههههههههههههه
حد
اممممممممممممممم
حد مين ده بقي ان شاء الله
ههههههههههههههههههههههههههه
ياختي ولا حد ولاسبت ولا حتي اتنين
هههههههههههههههههههههههههههه
اسكتي والنبي مش تفكريني
انتي عارفه طبعا انا عن نفسي نيفسي اخرج طبعا واروح برادايز وابو براديز وعيله براديز كلها
بس النفس بقي ياهدير
بصي لو انتي هتروحي ابقي قوليلي يمكن ساعتها نيفسي تتفتح
ههههههههههههههههههههههههههههههههههههههههههههه

لو أتخطبتى لواحد هل تسمحيله يمسك أيدك قبل كتب الكتاب ولا مش هتوافقى ؟؟ وليه ؟؟

هههههههههههههههههههههههههههههههههههههههههه
ههههههههههههههههههههههههههههههههه
انتي مالك انتي
اطلعي بس انتي منها وملكيش دعوه
بتحشري نفسك ليه في اللي ملكيش فيه
هههههههههههههههههههههههههههههههههههه
هههههههههههههههههههههههههههههههه
بصي ياهدير لما اتخطب ان شاء الله هوعدك
اني ادخل واجاوب علي السؤال
ههههههههههههههههههههههههههه

الحمد لله
خلصت كده كل اللي عليا

طبعا بقي انتي مستنيه القرار
لقد قررت انا سنيوريتا وانا في كامل قوايا العقليه
اني خلاص نهيت عقد الصداقه اللي بينا
انسي في يوم من الايام كان ليكي صحبه اسمها سنيوريتا
بسبب اللعبه دي
مكنتش اعرف ياهدير ان نهايتنا هتنتهي بسبب لعبه
ههههههههههههههههههههههههههههههههههههههههه
ههههههههههههههههههههههههههههههههههه
انسي بقي
يوووووووووووه
ماقولت انسي
طب يلا انسي كده وانا اللي اجي افكرك
ههههههههههههههههههههههههههههههههههههه
سلام ياقمر

موضوع: رد: لعبة كرسى الاعتراف 2008-06-25, 7:28 pm

منوره يا بسكوته
ايه اخبارك
؟
اخبار الجازه معاكى بتروحى فين فى الاجازه غير بلبيسس ال ولا بلاش ههههههههههه؟؟
وعايزه اقولك متزعليش انا بجد مش فضيه ادخل على النت
سلامى للجميع

موضوع: رد: لعبة كرسى الاعتراف 2008-06-26, 12:39 am

ولا يهمك يا مجور بس والله أنت واحشانا جداااااااااااا
ونفسنا تبقى معانا

عايزه أقول خبر هاااااااااااااااااااااااااااااااااااااااااااااااااام

دلوقتى مين قاعد على الكرسى؟؟؟؟؟
حبيبه قبلى سنيورتا

بس يا خساره سنيورتا سافرت مصيف وهتقعد هنالك خمس أياااام

وعايزين نقولها أنك هتوحشينا جدااااااااا يا سنيورتا
ونقولها كمان يا هرابه علشان هربت من على الكرسى
ههههههههههههههههههههههههههههه

ودلوقتى مش عايزين نسيب اللعبه عطلانه ولا زم نرشح حد تانى
وندعى كلنا أن سنيورتا ترجع بألف سلامه وأن المنتدى مظلم من غيرها

وأنا بقى أختار شوشو تقعد على كرسى الاعتراف
والله بجد نفسى أوووووووى تقعد على كرسى الاعتراف
يلا يا جماعه موافقين أننا نرشح شوشو
أدندهلها يعنى ولا آيه

موضوع: رد: لعبة كرسى الاعتراف 2008-06-26, 12:45 am

شوشو

الكرسى يا شوشو
اقعدى على الكرسى

يلاااا

موضوع: رد: لعبة كرسى الاعتراف 2008-06-27, 12:13 am

يلا يا شوشو أنت فين
يلا أدخلى قولى أنك موافقه يلا علشان نبدأ أسئله
يلا ياسكر مش فيه وقت
الامتحانات هتبدأ
هههههههههههههههههههههههههههههههههههههههه
ياشوشو
ردى
على الجماهير

موضوع: رد: لعبة كرسى الاعتراف 2008-06-27, 2:42 am

مااااااااااااااااااشى يا هدير بس ياه هتموتى للدرجادى واقعد
لا يا ستى احنا محتاجينك
هههههههههههههههههههههههههههههههه
اوكى موافقه بس انتى بالذات مش هجاوب على اسألتك
هههههههههههههههههههههههههههههههههههه
يلا يا سكر مستنيه اسئلتك
ربنا يستر
بس ادعى يا هدير انت النت عندى يكون كويس
انا على اتم استعداد

موضوع: رد: لعبة كرسى الاعتراف 2008-06-27, 5:05 am

اممممممم

مين هى شوشو

طيب ممكن ابدا
طيب

ممكن بعد اذنك يعنى وصف كامل لشخصيه العصو شوشو على ابناء النوعيه
ووصف كامل برده لشخص شوشو على ارض الواقع
ومقارنه بين الشخصين
؟

لو سمحت معلومات بطاقتك الشخصيه اللى تحبى اننا نعرفها عنك
اسرديها هنااااااا......
؟

لو حبيتى تغيرى اسمك ف منتديات ابناء النوعيه هتسمى نفسك ايه ....
؟

تفسرى بايه الظواهر الموجوده حاليا ف مصر

1 --- ظاهره الكثافه السكانيه
ومثال بسيط عليها
وفروض لحل المشكله
؟

2 --- ظاهره ازدحام السكان
ومثال بسيط عليها
وفروض لحل المشكله
؟

3 --- ظاهره العنوسه
المثال عندى اهه
هل لو انتى قعدتى ف مكان وحد من الشباب قال بنفس اللفظ -(والله انتم صعبانين عليا )- يا ترى ايه رد فعلك ولو سمحت بالتفصيل المُمِل
وفروض لحل المشكله
؟

4 --- ظاهره الغلاء وارتفاع الاسعار
ومثال بسيط عليها
وفروض لحل المشكله
؟

فاصل ونعود

» لعبة كرسى الاعتراف
» لعبة جديدة جدا بس..........(من غير اسم)
» كرسى الاعتراف يعنى ممنوع الكدب
» لعبة*********ماذا تفعل لو........ لعبة جميلة قوي
» لعبة احبك.................لعبة الحب...............