المهندس عضو متميز جداً
عدد الرسائل : 1404 العمر : 35 تاريخ التسجيل : 03/12/2007
| موضوع: شوفوا مراحل نمو البنات (ياعني علي الرجالة) 2008-06-19, 8:46 pm | |
|
أولا: مرحلة الولادة ************ البنت في بطن امها بتعمل مشاكل وترفيس و حركات بهلوانيه وبعدين تولدها امها وهي
بتصرخ وعلى فكرة صراخ البنت يسمعه اللي فى اخر الدنيا لسانها طويل من يومها
بعكس الولد اذا طلع من بطن امه يطلع باحترام ومؤدب وبلطافه ماشاءالله على الشباب...................
ثانيا: مرحلة الرضاعة *************
البنت بتتعب امها بشكل رهيب والولد في المرحله دى طيب وحبوب ويقنع بالقليل
والبنت مستحيل تقنع بحاجة
حتى اللبن البنت تشترط ان يكون طبيعى اما الولد غلبان يشرب حتى النيدو البنت لو ماكنش طبيعى بتعمل فضايح
ثالثا: مرحلة الحبو ***********
البنت اذا وصلت مرحلة الحبو لازم تكلبشها أو تربط رجليها لان البنت اذا حبت
دورعليها تلاقيها يا
محشورة فى الدرج وا غطسانه في البانيو والا لو شافت صرصار تبقى وقعتة سودة
مش هتسيبة وراه لحد ماتجيبة من شنباتة..
أما الولد هادي ومطيع وغالب مايحب أن يقعد قعده رومانسيه او قاعدة سلطنة يسمع مزيكا يكلم نفسة اى حاجة يعنى بس مع نفسة
رابعا: مرحلة المشي *************
دى اخطر مراحل الطفولة ... وانصحكم اوعوا تخدوها محل الالعاب لان دة طبع فى
جنس الحريم هتخرب بيتك وتعيط و تهلل لو ماجبتش كل اللى هى عيزاة أما الولد غلبان يا عينى ممكن تضحك علية بأى حاجة ممكن كوز درة يسكتة
خامسا: مرحلة دخول المدرسة **************
المرحلة دى اخطر بقى ... صحيح البنت بتروح المدرسه تتعلم القراية والكتابه لكن
فى حاجات تانية بتتعلمها
مع القراية والكتابه ..حاجات اية...؟؟؟ أنا اقول لكم..............
البنت تروح المدرسه ونتيجة اختلاطها بالبنات يبقى من هنا تبتدى مرحلة التقليد
الاعمى فى الكلام و التصرفات و الاهم تبداء مرحلة الغيرة ,,,,, تبداء البنت تغير من زميلها من لبسهم ومن حاجتهم وتزعجك عشان لازم تجيبلها زى اصحابها ازاى تبقى اقل منهم....عيب
الولد طبعا هادي ولو صاحب اصحاب السوء يتصرف بأدب ويكون بلطجي بأدب
سادسا: مرحلة المراهقه *************
وفى المرحلة دى يبداْ دلع البنات.... اهم معالم المرحلة دى ان البنت بتبقى حساسة
زيادة عن اللزوم ازاى؟؟؟؟؟ البنت حساسه جدا في جسمها وفي مشاعرها.. يعني لوحد زقها زقة فى
الموصلات مثلا يبقى يوم اهلة مش معدى وممكن تعيط وتقلب الدنيا
و لو قلت لها كلمه جامدة شوية حتى لو مش قصدك تجرحها مفيش تفاهم على طوووول تزعل ..وتلوى بوزها
وحاجة تانية واضحة جدا فى المرحلة دى البنت تفرح اوى لو حد قلها كلمة حلوة و تصدق بسرعة و تفتكر انها خلاص كبرت و
بقت موزة و تبقى فى قمة سعادتها لو حد عاكسها فى الشارع يااااااااه دة يبقى يوم المنى عندها
لاداعي الكلام الان عن الولد فهو اصبح مسؤولا عن نفسه ....
سابعا: مرحلة العشرينات ( الشباب) *********************
المرحلة دى مرحله صعبة للبنت لانها في المرحله تبدا تعدل من اوضاعها وتبقى هادية
وتبدأ تعقل شوية
شوية .... مش كتير اوى يعنى؟؟؟؟؟
هنا بقى يبداء دور الام و معركة البحث عن ضحية قصدى البحث عن عريس تبداء الام تسحب بنتها معاها فى كل حتة و نبتدى وصلات الفشر المباشر و تقعد الام توصف فى شطارة بنتها فى الطبيخ تقولش واخدة دكتوراة فى البامية من جامعة عين امها لا مش بس كدة دى كمان معاها ماجستير غسيل ومكوى
والولد بيبقى طالع عين اللى خلفوة عشان يدور على شغل دة لو ماكنش مارمى فى
الجيش بياكل ظلط........
ثامنا: مرحلة الزواج *************
وهذي المرحلة بداية تعاسة الرجل .... ,, يدخل البيت تستقبله المدام
بريحة بصل و توم اوفى ايديها صابون لسة طالعه من المطبخ او تستقبله وهي بتزعق فى وشة عشان نسى يجيب كل الطلبات اللى قالتلة عليها ممكن يبقى مثلا جاب كل حاجة و نسى يجيب فلفل اسود مثلا يبقى مفيش اكل النهاردة جعان اطلب دليفرى او روح كل عند امك دة كلة وممكن تكون هى اللى نسيت تقولة على الفلفل دة كلة كان تلكيك ....لية بقى ؟؟؟عشان يروح يصالحها و اكيد مش هاتسمحة بسهولة لان غلطتة كانت كبيرة......نسى الفلفل الاسود ممكن بقى عشان يصالحها يدبس فى خاتم دهب او شنطة جلد تعبان او اى تدبيسة
محترمة بعد كل الطلبات دى و برضو هيروح يجيب الفلفل الاسود........
تاسعا : مرحلة الامومه **************** هنا بقى لازم نقف للراجل وقفة احترام وتقدير انة مستحمل و عايش بيبداء الراجل مرحلة الهروب من عش الزوجية بس هيروح فين وراة وراة ماهو يتقعد فى البيت يا تقولك خرجنى معاك لا...يبقى نقعد فى البيت باحترامنا احسن ولاحظ بقى الراجل طول مهو جوا البيت يبقى باين علية الزهق و الخنقة و وشه احمرررررررررر من الشخط فى الكتاكيت الصغيرين و اول ما يخرج من البيت وشة ينور و ينشكح على الاخر
يجى مثلا مرة يناغش مراتة تقولة استنى انا كنت عايزة اكلم ماما فى التليفون فى موضوع مهم و تقعد ساعتين تدش هى و امها فى كلام فاضى وفى حجرها كيس لب !!!و بعد المكالمة البالغة الخطورة يقوم يحاول معاها تانى تقولة ودة وقتة انت مش شايف الارض مليانة قشر لب انا هقوم اكنس!!!!!! يقوم المسكين ينام او يقعد يتفرج على مززالكليبات ويترحم على ايام العزوبية ومفيش على لسانة غير جملة واحدة كنتى فين يا لأ لما جيت اقول ال أه اه اه اه اه لا حول و لا قوة الا بالله
| |
|
*شهد* عضو جيد جداً
عدد الرسائل : 33 العمر : 34 تاريخ التسجيل : 06/06/2008
| موضوع: رد: شوفوا مراحل نمو البنات (ياعني علي الرجالة) 2008-06-20, 9:31 pm | |
| ههههههههههههههههههههههههههههههههههههههههههههههههههههه يعني البنات كدة مااااااااااااااااشي هههههههههههههههههههههههههه | |
|
فسفوسه عضو فعال
عدد الرسائل : 112 العمر : 33 تاريخ التسجيل : 08/05/2008
| موضوع: رد: شوفوا مراحل نمو البنات (ياعني علي الرجالة) 2008-06-20, 10:03 pm | |
| اللههم صلى على النبى يعنى طلعت البنات فيهم غلطات الدنيا كلها والشباب ياااى على الرقه والزوق والاخلاق مااااشى ليكوا يوم اصبروا علينا بس | |
|
المهندس عضو متميز جداً
عدد الرسائل : 1404 العمر : 35 تاريخ التسجيل : 03/12/2007
| موضوع: رد: شوفوا مراحل نمو البنات (ياعني علي الرجالة) 2008-06-20, 10:29 pm | |
| ههههههههههههههههههههههههههههههههه ده رد علي موضوع سنيوريتا هههههههههههههههههههههههههه عشان تعرفوا ان انكم مليانين عيب ومن صغركم ههههههههههههههههههههههههههههههههههه يلا احنا بنوضح حقيقة بس | |
|