السلام عليكم ورحمة الله وبركاتة
النهاردة معرفش السبب اللى خلانى اكتب الموضوع بس حسيت ان اكيد بيعدى علينا شعور زى دة بالضبط اكيد
امى الكريمة اللى اعطتنى كل حاجة ولم تبخل على ولو فى ابسط الاشياء منذ ولادتى وهى تمنحنى وتعطينى كل حاجة اجد فى معظم الاوقات تبخل على نفسها لتعطينى او تعطى لاخواتى كل حاجة والله امى وامك لو بوست رجليها ما هتوفيها حقها قوم _قومى بوس ايد امك دلوقتى مكسوف مكسوف من اية من امك اللى نفذت لك كل حاجة طب اقولك حاجة متكملش الموضوع اقعد فكر خمس دقايق فى اللى امك عملتهولك والله هتلاقى انك تقوم تبوس رجليها مش ايديها شوف مين اللى نصحك من غير مصلحة شوف مين اكتر واحد كان بيحس بيك ويقولك مالك رغم انك مكلمتش ركز شوية مين قول مين امك [/size]
مين اللى بتحاول تسعدك بأى طريقة اكتر حاجة تزعل الام بعد متربى ابنها انها تلاقية بيرد عليها ويقول كلام مش حلو خالص فى حقها والله انا شوفت دة وشوفت رد فعل الام لما بكت واللة تبكى من ابنتها انا مبقتش مصدقة الام تبكى من ابنتها حرااااااااااااااام والله حراااااااام بس للاسف دة بيحصل وبيحصل اكتر من كدة انا مقدرش اقولة ابدا وشوفتة والله وسمعتة ربنا يهدى
على فكرة الموضوع دة ليا وليكم
نصيحة اخيرة فكر كل يوم قبل متنام اية اللى أنت عملتة فى امك واية اللى هى عملتة من اجلك كل يوم وأنت تعرف انها متستحقش ابدا اللى احنا بنعمله فيها ونقول اصلنا كنا مضيقين ومتعصبين معلش مش هعمل كدة تانى ويتكرر وهى تسامح
احذر
من غضب الام والله على رغم حبها ليك اوعى توصلها لانها تقولك لا أنت ابنى ولا اعرفك الكلمة دى لما بتطلع من الام اعرف انك كنت سئ اوى معاها [/size]
2007-10-20, 11:30 pm
