عدد الرسائل : 2703 العمر : 35 تاريخ التسجيل : 21/10/2007
موضوع: الفرق بين باباكي وجوزك 2008-04-01, 7:21 pm
مع بابا.. دخلتى المطبخ ما دخلتيش .. كله واحد وممكن باباكى يساعدك انما مع جوزك ..مش بمزاجك .. ها تدخلى .. هاتدخلى
.
مع بابا.. بتشترى هدومك ومكياجك وكل اللى انتى عايزاه .. ويقولك حلو قوى عليكى مع جوزك .. بيشترى لك برضه .. لكن ما قل ودل .. ويقولك .. فلوووووووووووووووووسى والمرتب
مع بابا لو حصل حاجه مثلا و كنتى زعلانه .. بيزعل عشانك .. مع جوزك .. بيزعل منك .. ويلومك ازاى تزعلى اصلا
باباكى .. كلمه حلوه ترضيه .. وجوزك .. طول الليل تحايلى فيه
باباكى وانتى عيانه .. سهران جنبك طول اليوم انما جوزك بيروح ينام فى الاوضه التانيه.
بابا .. لما تدلعى عليه .. بيفرح بيكى انما جوزك .. بيقولك ..اكيد عايزه حاجه ******* باباكى.. لما تقولى له .. ده حصل كذا وكذا .. بيهتم ويصدقك انما جوزك .. بيقولك .. الموضوع دا وراه ان .. ويشك فى كلامك ****** بابا .. لو شافك بتعيطى ها يمسح دمعتك انما جوزك .. ها يقولك يادى النكد
مع بابا .. لو حاطه ماكياج فاقع شويه.. ها يقول لك الهادى عليكى احلى .. وانت احلى من غيره خالص لكن جوزك .. ها يقولك شكلك زى عروسة المولد
مع بابا .. لو طلبتى دوا من الصيدليه . جرى ها ينزل يجيبه لكن جوزك ها يسالك بكام الأول؟
بابا .. لو طلب منك كوباية ميه .. بيقولك لو سمحتى عايز ميه انما الباشا يقولك قومى هاتى ميه ****** لو بتتفرجى مع بابا على التليفزيون ... ها يسيب لك الحريه تتفرجى على اللى انتى عايزاه لكن المحروس .. مافيش قدامك غير يا الاخبار يا الكوره .. يا ميلودى
بابا لو نازل مشوار .. بيعمل ليكى اعتبار ويديكى خبر لكن جوزك .. بيختلس عدم وجودك قدامه عشان ينزل من وراكى ولو قفشتيه يقولك انا نازل ويقفل الباب بسرعه **** لو محتاجه فلوس فى حاله طارئه .. بابا ها يديكى من عينيه لكن جوزك .. ها يقولك خدى من بابا
لو جالك مكالمه غلط على موبايلك.. بابا ها يقولك حصل خير لكن جوزك .. ها يتهمك بالخيانه ... لو ما فيش فى التلاجه غير ازازة بيبسى واحده ..بابا ها يسيبها لك بنفس راضيه لكن جوزك ها يقول معلش انا لازم ابلع او ها يقسمها معاكى ******** لو اتزحلقتى على الارض ..باباكى ها يجرى يشيلك جوزك ها يقعد يضحك ويقولك ما انتى اللى مش منشفه الارض كويس
لو نفسك تغيرى مكان السجاده ..باباكى ها يقوللك عنك دى تقيله عليكى لكن جوزك ها يقولك مش ضرورى وجع القلب دا
لو حكيتى ل بابا على واحد عاكسك .. ها يقولك معلش .. وبعدين عنده حق . مانتى جميله انما جوزك .. ها يقولك انتى اللى ماشيه مش محترمه
لو مقدمه على شغل ..باباكى.. ها يوصى عليكى طوب الارض لكن جوزك .. مش ها يتعب نفسه ولا يهمه اصلا وها يقولك يعنى انتى ها تشتغلى وزيره
باباكى لو لاحظ انك متخانقه مع اختك .. ها يصالحكوا على بعض لكن جوك هيقولك خليهم يولعوا دول عيله عجب
مهما باباكى كان متضايق .. لا يمكن تكلميه وتلاقيه مكشر لكن جوزك.. لو متضايق .. مصر كلها هتنكد عليكي استحملى بقى
سفير الحب عضو متميز جداً
عدد الرسائل : 4003 العمر : 38 تاريخ التسجيل : 02/01/2008
موضوع: رد: الفرق بين باباكي وجوزك 2008-04-01, 8:26 pm
هههههههههههههههههههههههههههه ماهو ده الواقع يا سنيوريتا هنخبيه يعنى ومش كل البهات كده بردون لاحظى ذلك لكن موضوعك جميل
tweety عضو متميز جداً
عدد الرسائل : 1806 العمر : 35 تاريخ التسجيل : 13/11/2007
موضوع: رد: الفرق بين باباكي وجوزك 2008-04-01, 8:28 pm
هههههههههههههههههههههههههههههه جميل اووووووووووووووووى يا سنيوريتا
البلبيسى الكبير عضو متميز جداً
عدد الرسائل : 2711 العمر : 36 تاريخ التسجيل : 22/12/2007
موضوع: رد: الفرق بين باباكي وجوزك 2008-04-02, 12:07 am
هههههههههههههههههههههههههههههههه موضوع جميل ياسنيوريتا الكلام ده معظمه على بابا بجد موضوع هاااااااااااااااااااايل
د.لمياء الهادى عضو متميز
عدد الرسائل : 151 العمر : 39 تاريخ التسجيل : 08/02/2008
موضوع: رد: الفرق بين باباكي وجوزك 2008-04-03, 8:04 pm
هههههههههههههههههههههههههه دا مش زوج دا انتقام بس بجد تسلم ايدك على الموضوع
ملاك صالح عضو متميز
عدد الرسائل : 247 العمر : 37 تاريخ التسجيل : 22/10/2007
موضوع: رد: الفرق بين باباكي وجوزك 2008-04-14, 3:11 pm
ههههههههههههههههههههههههههه ربنا يخليك ليا يا بابا يا حبيبى وماتحوجنيش لحد ابدا .... حلو كتير يا سينيوريتا الموضوع .. تسلمى يا قمرى
بوسي صبرى عضو متميز جداً
عدد الرسائل : 648 العمر : 35 تاريخ التسجيل : 22/10/2007
موضوع: رد: الفرق بين باباكي وجوزك 2008-04-14, 4:28 pm
موضوعك حلو اوى يا سنيوريتا بس مش كل الابهات كدة ومش كل الازواج كدة وعموما ربنا يخلليالك باباكى ويرزق بزوج فى الصفات الى بتتمنية وميرسي
major girl عضو متميز جداً
عدد الرسائل : 3773 العمر : 35 تاريخ التسجيل : 17/10/2007
موضوع: رد: الفرق بين باباكي وجوزك 2008-04-14, 7:28 pm
الموضوع بجد جميل جدا وزى م قال البلبيسى ده بباكى انا بقوله مش بباها هى بس وفعلا ده الواقع اللى احنا فيه ومادم هو كده كده زعلان فاحنا نعمل للى احنا عايزينه
major girl عضو متميز جداً
عدد الرسائل : 3773 العمر : 35 تاريخ التسجيل : 17/10/2007
موضوع: رد: الفرق بين باباكي وجوزك 2008-04-14, 7:31 pm
ايه رايك يا سنيوريتا فى الصوره اللى انا حطاها اصل بحب جدااا صور لاطفال المتشردين هههههههههههههه