لعبه الصراحه في الحب

السلام عليكم ورحمة الله وبركاته
الى اعز اصحاب واحسن اعضاء فى الدنيا
اعضاء منتدىا بناء النوعيه
إن شاء الله الفكرة تعجبكوا


انهاردة انا معايا لعبة
بس لعبة جميلة اوى
هنلعب مع بعض لعبة الصراحة
بس مختلفة عن اى لعبة الصراحة اللى نعرفها
اسمها
الصراحة فى الحب
يعنى انا هسأل سؤال فى الحب وعن الحب فقط
والى بعدى يجاوب عليه ويسأل سؤال عن الحب
وهتبقى زى لعبــــه الصراحه كدا
بس الاسئله هتبقى فى الحب وبس
ودة سؤالى للى بعدى :
لو انت مرتبط بواحده وسالتك انك حبيت قبل كده وانت فعلا حبيت
هتقولها اه ولالأ ؟

ويااااااارب اللعبه تعجبكوا

بتفكريني بأغنية عمرو دياب قالتلي قول حبيتها ولا

اقولها اه لو كنت حبيت قبل كدة و هي اكيد هتفهم و تقدر

السؤال بتاعي

لو شوفت حبيبتك بتهزر مع صحابك بطريقة مش اللي هي مع انك قولتها قبل كدة

تعمل ايه ؟

يلا جاوبوا يا شباب

يلا جاوبوا يا شباب

عاادي مش هظن ظن سئ غير انها حره علشان مفيش ارتباط

لو بتحب واحده او واحده بتحب واحد اخر حبك ده ايه
ولو مجرد حب وخلاص وبكره تشوف حد تاني هل ده اسمه حب في نظرك

لعبه لذيه قوى يا سنيوريتا وفكرتها جامده تسلم أفكارك

ده لو بحب واحده (طبعا أخرة الحب عندى الزواج )

لو انت (انتى) بتحب واحده وهى مش عارفه
هل هتعترف لها ولا هتعمل ايه ؟

لا يا سفير مش هعترف لاسباب كتير
اولا الحياء وبعد كده الكرامة وعزة النفس
لو بتحب واحده و ونفصلت عنك لمجرد ان واحد احسن منك ماديا او لى اى سبب وحبت ترجعلك تانى ترجع ولا لأ

سؤالك مش واضح قوى يا شمس انفصلت وتزوجت ولا كلام ولا خطوبه

أنا هجاوب انه لو كان مجرد كلام
مدام بحبها يبقى هسامحها ورجعها وأخطبها عشان ما تضعش منى

واحد صاحبك قصدك فى خدمه (تكلمله وحده وتقولها ان صاحبك بيحبها ) ماذا تفعل

طبعا انا مش ينفع اجاوب
بس من رايي بلاش صحبه يقولها
ويقول لصحبه لازم لازم تبقي جرىء في تعبيرك عن الحب ويقولها
هو بنفسه

لو بتحب حد ومش عارف هو بيحبك ولا ايه
تعمل ايه

ننتظر القدر
البنت مينفعش تحاول مجرد محاوله زى ماقالت شمس الضحى الحياء والكرامه وعزه النفس
ايه هو اكتر موقف ممكن يخليك تنفصل عن حبيبتك او عن حبيبك

لوحسيت ان حبه ليا قل

لو حبيت حد قووووووي وعشتوا قصه حب جميله مع بعض
وفي الاخر قالك احنا مينغعش لبعض ومفيش نصيب رد فعلك هيكون ايه ؟

هنهار نفسيا طبعا وسعتها قلبى عمره ما هينفتح لحد تانى أبدا وأكيد هنجرح أوى وهحس بالاهانه

وهكره الشخص ده


تعمل آه لما تكون فى حد معجب بيك أو بيكى وأنت كمان ممكن تكون معجب بيه بس أنت مش قادر تحبه لانك مجروح من القصه اللى قبله ؟؟؟ تعمل آه

لعبه ممتازه يا سينوريتا

احاول افصل ما بين اللى حصل فى الماضى وبين الحاضر

يعنى لو انا بحبها بجد الاقى نفسى بحكيلها القصه ولو هى بتحبنى هتحاول ان تناسنى الماضى

ونبدا صفحه جديده

ـــــــــــــــــ
لو بتحب او معجب بواحده بس عن طريق كلامها واسلوبها

ولا هى تعرفك ولا انت تعرفها تعمل ايه علشان توصلها

ازاي يعني متعرفهاش ياو ائل
عمتا لازم تعرفها عشان تشوف رد فعلها ايه

وبلاش تقولها حاجه عن حبك الا لما تتاكد من مشاعرك ناحيتها كويس قوووووي ؟

لو شاكك ان حد بيحيبك بس مش قادر يقولك
وانت كمان برضه بتحبه بس مش ينفع تقوله عشان لازم والمفروض هو اللي يبدا
ياااااتري هتعمل ايه ؟

الحب اللى بتمناه اللى يكون فى النور وبعلم أهلى ويكون حب صادق وحقيقى مش تسليه وخلاص

أيهما أحسن الى الاحساس الحب عن طريق النظرات أم الحب عن طريق المواجهه

مافيش احلي من المواجهه
لان ساعتها هتكون متاكد انه حب فعلا مش مجرد اعجااااب

بتحب تتزوج من اللي بيحبك ولا اللي انت بتحبه وليه ؟

بصراحة انا احب اتزوج من الى يحبني واحبه لان مفيش حب من طرف واحد


الي بعدي هقولك انت حبيت قبل كدة ولو كنت حبيت اوصفلي الحب ده كان عامل ازاي؟؟؟؟؟؟؟؟

لما احب هبقى اقولك يا باشا

اللي بعدي اقوى قصة حب ممكن تتفرتك ولا ممكن تكمل ؟

انت بتقول اقوي قصة حب يبقي ازاي تتفرتك اكيد هتكمل وتكون نهايتها سعيدة وفي النهاية العملية نصيب


الي بعدي

ما هو مفهومك عن الحب وايه رايئك فيه؟؟؟؟؟؟؟؟؟؟

انا شايفه اني لما احب لازم يكون قلبي فرحان وبالي مرتااااااااااااااااااااح
وانه يكون بشكل رسمي حقيقي مش مجرد احلام وبعد كده تبقي ذكريااااااااااااااااااااااات
ورايي في الحب انه حيااااااااااااااااااااااااااااااااااااه


لو حبيت حد بس مكنش الحب الاول في حياتك هل هتصرحه بحبك الاولاني وليه؟

اكيد هصرحه بحبي الاولاني وكل الى حصل في حياتي لان الحب هيكون مبني علي الصراحة والصدق واما مايكنش حب

السوال

هل تريد او تريدي ان تتزوج عن قصة حب ام زواج تقليدي ؟؟؟؟؟؟؟

لا طبعا انا نفسي اجوز عن قصه حب تكسر الدنيا كمان بس يكون اساسها الاحترام والصدق

هل جربت قبل كده عذاب الحب ؟

ااااااااااايوة جربت عذاب الحب لم يكون فى مشكله كبيرة وزعل بين الطرفين

ممكن يكون فى عذاب حب تااااانى لم تحبى واحد ويكون هو مش حاسس بيكى دة اسمه عذاب
اااايه اكتر اغنيه ممكن تهديها لحببتك او حبيبك ؟؟
ااااااايه اكتر اغنيه تهديها فى حالة حب من طرف واحد؟؟؟؟

اااايه اكتر اغنيه ممكن تهديها لحببتك او حبيبك ؟؟
بحبك قد عمري قبل عمري بعد عمري حبي ليك فوق المشاعر والحدود
بحبك قد روحي قبل روحي بعد روحي مش هلاقي زيك انت في الوجود
مستحيل استغني عنك مستحيل ده انا كلي منك ياحبيبي ان سيبت حضنك يومها امووووووووت
انت اكتر من حبيبي انت كل مافيك حبيبي
نفسي اقولك اني عاشقه ودايبه مووووووووووووت


اكتر اغنيه تهديها فى حالة حب من طرف واحد؟؟؟؟
اصعب حب لما تلاقي اللي انت تحبه مابيحبش
ولا تحس مهما عيونك تنطق قلبه مابيحسكش

قول انك عايش وحدك متغرب جوه حكايه
تايه مجروح مش عارف
خايف من اي نهايه


_

لو مجروح قوي من حبيبك ومش عارف تنسي جرحه تعمل ايه ؟

مفكرش فيها و بكدة هانساها و احاول اني اشغل نفسي بأي حاجة مع صحابي او الشغل كدة يعني

لو نفسك تعيش قصة حب بس مش عارف تعشها زاي مانت عايز
تعمل ايه ؟

هبحث عن الحب الى انا عاوزه وانشاء الله هلقيه لو مش لقيته دلوقتي هلقيه بعدين


مين هو فتي او فتاة احلامك؟؟؟؟؟؟؟؟؟؟؟؟؟؟

ان شاء الله

فتاة احلامي و هي اميرتي و دنياي و ان شاء الله مراتي في الاخرة

نفسي ان تكون

1- متدينة
2-محترمة و اخلاق عالية
3-رومانسية لدرجة عالية و رقيقة المشاعر
4-تقدس الحياة الزوجية
دول اهم اربعة عندي
و الباقي هوامش

الصراحة مش لاقي سؤال في بالي حاليا

بس ادي السؤال ده اللي بعدي هو اللي يسأل

ازاي تعرف اني اللي انت بتحبه بيحبك هو كمااااااااااااااان ؟؟؟؟؟؟؟؟؟؟؟؟؟؟؟

لما تصارحه بحبك تجده فرحان ومزقطط هههههههههههههههههه

لو واحده أو واحد زميلك خاطب عن حب لكن هو كل شويه فى مشاكل
يتخانقوا على أقل سبب ويرجعوا تانى وهو بيحكيلك على الرغم من انهم
مخطوبين عن قصه حب تنصحه بإيه؟

انصحه ان هو يحاول يزيل المشاكل دي ويكمل مع خطبته دي لو بيحبها وربنا معاه


السؤال

لو انسان بيحب واحدة قوي وهيا مش حاسة بيه وعاوز يحسسها بحبه ده بس هو مش بيكلمها وعاوز يحسسها بحبه من بعيد يعمل ايه؟؟؟؟؟؟؟؟؟؟

لا يا مهندس صدقنى مش هينفع النظرات و....... والحاجات اللى الشباب بيعملوها دى
مدام بيحبها يبقى مفيش غير انه يتجرأ شويه ويروح لها ويقولها عن حبه أو يبعت عن طريق واحده صاحبتها أوى ويشوف الرد عشان يريح نفسه بس أنا أرجح ان هو اللى يروح.

لو واحده زميلتك بتحبك وانت موضح لها أكثر من مره انك مبتعترهاش أكتر من صديقه وهى ترجع تقولك انها بتحبك بردون أكثر من مره بس مش بطريق مباشر ممكن فى رساله موبايل أو من تصرفاتها معاك تعمل ايه ؟ هتقولى قولها وأنا موضحلك انه قالها لا شوف حل غير ده (على فكره هى محترمه جدا
)

بصراحه ياسفير ومن غير زعل الموضوع من الاساس غلط في غلط
لان ببساطه شديده مفيش حاجه في زمنا ده اسمها صداقه بين الولد والبنت
لانها دايما وغالبا وعادة بتقلب بحب
لاما من طرف واحد او من الطرفين
والاصعب طبعا ان يكون الحب ده من طرف واحد
وانا من رايي ان الحل الوحبد انك تحاول بقدر الامكان ميكنش فيه مجال للكلام معاها خالص وحبه في حبه هتلقيها هي من نفسها ملت وزهقت وصعبت عليها نفسها كمان
ولو علي الموبايل غير الخط خالص
هههههههههههههههههه
مع العلم يا سفير ان البنت دي جريئه اوي اوي

....................................


هل تقبل انك ترتبط ببنت مرت بقصه حب قبليك وفشلت ؟

اقبل طبعا لو الانسانة دي نسيت الانسان الى هيا عرفته ده ومش بتفكر فيه وانا مليش دعوة بالماضي



هل لو الواحد حب انسان قوي بس هو مش بعرف احساسها ايه من نحيته وهو حاسس انهاممكن ترفضه وهو خايف ليخسر كرامته ويخسر الانسانة دي فالانسان ده عمل ايه يقولها ولا لا ويدنيه كدة احسن؟؟؟؟؟؟؟

بكل سهولة اكيد

لان الحب هو التسامح ايضاااااااااا

لو بتحب حقيقي و حبيبك سابك اول مرة ممكن ترجعله تاني ؟

الله اعلم الموقف ايه


خيروك بين اهلك وشريكك

طبعا الاهل

لو عاوز توصل للى انت بتحبه
حبك تعمل ايه

?????????????????????

أولا بسم الله الرحمن الرحيم

أولا أنا بحيى كل الاعضاء اللى فى المنتدى وبصراحه ببقى سعيده جدا لما بحس أن الدنيا لسه بخير ولسه فيها ناس كويسين
وبحيى كل من عمرو الزملكاوى ومحمد ابراهيم على كل الكلام اللى قولوه
بس ممكن يبقى ليا تعليق صغير من غير ما أى حد يزعل منى
أنا كان ننفسى أقول أن فى أسلوب أحسن من كده فى الكلام ده
يعنى أسلوب أحسن من كده فى هدايه الناس الى الدين
لو كانت نيتكم أنكم تهدوا صاحبه اللعبه كان ممكن بهدوء ومن غير أحراج ليها تبعتولها رساله على البريد وتقولوا ليها الكلام ده بدل ما تسببوا ليها أحراج فى المنتدى
وأفتكر أن ده هيبقى أسلوب أفضل وكاننت ممكن تحذف بنفسها اللعبه لو هى عايزه
بس فى حاجه برده مش معنا أن سنيويتا عملت مسابقه زى دى ده معناها أنها بتطبق الكلام اللى بيحصل فى المسابقه
لالالالالا طبعا سنيويتا دى صحبتى وأنا عرفاها كويس جدا وهى محترمه جدا وأنا شخصيا أتضايقت أن أنتوا بتقولوا عليها الكلام ده
وخصوصا لاخ عمرو الزلكاوى يعنى آيهكلمه (بوش فى بجاحتنا ) يعنى هو بيشتمها وهى أصلا بنت محترمه جدا وده طبعا مع أحترامى ليكم جدا والله وأنا مش بقول أن كلامكم غلط لا أنتم صح بس فيه أسلوب أفضل من كده من غير ماتحرجوها وتحرجوا أى حد فى المنتدى
وده منتدى يعنى دى مسابقات وهزار وتسالى ومش معنا كده أن كل الكلام اللى بتقال فى المسابقه دى بيطبق فى حياتنا
لا أنا بقول لكل فى المنتدى أن سنيويتا دى بنت محترمه جدا جداوأنا زى مش أقبل الكلام ده على نفسى مش أقبلوا على صحبتى
وده طبعا مع كل أحترامى لاخ عمرو ومحمد بس أنا مش حبيت أسمع الكلام ده بتقال على صحبتى وأسكت وهى بنت محترمه وأنا مش بحب الاساءه لاى حد محترم أو غير محترم
وأنا لو مكانكوا والله من غير ما أكذب ولو كانت نيتى فعلا الهدايه لاى حد على المنتدى كنت أبسط حاجه أبعت ليها رساله على البريد علشان عدم الاحراج ليها وهى زى أختكم برده وأنتوا مش ترضوا الاحراج لاخت ليكم ومش بس أخت لا وأخت محترمه
وخصوصا كلمه عمرو الزلكاوى بتاعه (بوش فى بجاحتنا ) أفتكر برده أنها كلمه صعبه شويه
واللى بيقولها يبقى مش بيهدى أعضاء المنتدى لا ده بيشتم أعضاء المنتدى
بطريقه صريحه
وأنا والله العظيمم مش بضايق أى حد منىولا أغلط فى اى حد لان ده مش طبعى بس انا كنت بوضح الموقف وده

طبعا مع أحترامى لكل اللى فى المنتدى ودى فى الاول والاخر لعبه يعنى حاجات مش صريحه
وأتمنى أن كلامى يكون مش يكون ضايق أى حد منى بس ياريت بعد كده يبقى فيه أسلوب أفضل من كده فى الكلام وفى هدايه الناس رغم أن سنيوريتا أصلا بنت كويسه جدا بس أنا بقول بصفه عامه

وشكراااااااااااااااااااااااااااااااااااااااااا

طبعا يا هدييير انا موفقاكى فى كل كلمه قولتيها
وسنيوريتا حبيبت قلبى يارب متكونيش زعلانه هما بردو اكيد ميقصدوش حاجه وياريت ياعمرو انت ومحمد تراعو شعور الاخرين
وشكرا على وجه نظركم

/??????????????????

بسم الله الرحمن الرحيم

أولا يا أخ عمرو أنا مش قلت كلام وحش خالص علشان تزعل

ومش سمعتك كلام وحش خالص وقبل ما أقول أى حاجه أظهرت أحترامى ليكوا وكمان أنا مش قلت أن كلامكوا غلط أنا قلت الاسلوب

وكمان عايز تحذف كلمه (بوش فى بجاحتنا )بعد أساسا ما كتبتها وقلتها

وكمان أحنا بنفكر فى الموضوعات اللى بنحطها بس لو تلاحظ أسلوبك فى الرد على كل الاعضاء تلاقيه زى مارديت فى المسابقه دى يعنى ردرودك بالمنظر ده على كله وأنا مش قلت مش تشارك برأيك أنا قلت شارك بس حتى يبقى بأسلوب كويس زى كل الاعضاء ما بترد وحتى على الاقل زى صاحبك محمد أبراهيىم رد بأسلوب دينى مش شتم
وكمان أنت قلت أنك مش بتدعى أى حد للهدايه أمال الكلام ده غرضه آيه ؟؟؟؟؟؟؟؟؟

وفى الاول والاخر أحنا أخوات على المنتدى وفى الاسلام

وزى مش ترضى أن الكلام ده يتقال على أخت ليك وهى محترمه مش تقبل الكلام ده يتقال على كل المنتدى برده لانهم اخواتك وبرده محترمين
وأنا أسفه أذا كنت غلط من غير ما أقصد وأنا كمان ولا سنيوريتا نعرف أنت مين
وفى الاول وفى الاخر دى مسابقه زى كل المسابقات رغم أنى أساسا مش بشارك فيها خالص
بس أنا قلت الكلام ده علشان أخواتى اللى فى المنتدى

وأتمنى مش يبقى فى زعل خالص وزى ما قلت أحنا أخوات على المنتدى وفى الاسلام ومش أكتر من كده

وكلنا محترمين زى ما أنت أكيد شخصيه محترمه

???????????????????

انا بشكرك جداا يا عمرو وطبعا يا جماعه عمرو بيقول كده لمجرد انه مش عايزكم تتكلموا وتشغلوا وقتكم فى موضوع تاه ونهايته معروفه والكلام ده لمجرد النصيحه والافاده
انا عايزه اقول لعمرو
انت الاخ الروحى فى هذا المنتدى
وارجو عدم مقوله اصل ده صحبى اصل ديه صحبتى احنا كلنا اخوات قبل ما نكون اصدقاء فى هذا المنتدى
للى بسميه منتدى الاهل
وانا قلت رايى وبصراحه لانى اعرف هديييير وسنيوريتا وعمرو الزملكاوى