السلام عليكم ورحمة الله وبركاته
أنا واحد من عشاق الرسم وكانت بتمر عليا أوقات فراغ كثيرة وفى وقت من هذه الآوقات بدأت أمسك الورقة والقلم الرصاصوبدات أرسم رسمة كاريكاتورية كانت موضوعة امامى وفى البداية كنت بشعر بملل أكثر لآن بعد فترة طويلة من رسمى بلاقى الرسمة بشعة كرسم الآطفال ولكن لم أيأس من الرسم وبدأت فى أول وقت فراغ جاء ليى ان أعيد ما رسمته فى المرة الماضية وبدأت أرسم مرة وأثنين حتى بدأ رسمى يتحسن وأحببت أن أرسم أشخاص وكانت كبداية صعبة بالنسبة لى فبدأت أرسم صورتى ولكن بعد مضى وقت طويل من جلوسى أمام صورتى اتضحلى ان الرسمة اليى رسمتها مش أنا خالص طلعت واحد ساكن فى شارعنا بس بدأت أرسم شخص واثنين كما عملت سابقا حتى بدأت أرسم رسما مقربا لصاحبها 0
اليى عايز أوصله ليكم من كل اليى قولته ده أن مافيش حاجة بتيجى من أول مرة ومش تيأسوا حاولوا مرة وأثنين وثلاثة وأكيد ربنا هيقدر تعبكم وقال الله سبحانة وتعالى ( أسعى يا عبد وأنا أسعى معاك ) ومادام الله سبحانه وتعالى سعى معاك فى الحاجة دى يبقى أكيد هتتحقق 0 وحاول أنك تقتل اليأس اليى جواك وضع مكانه العزيمة انا حبيت أقولكم كده لآنى شايف أن فى الزمن ده مافيش صبر ناس كتيرة أعرفها فشلوا اول طريقهم قاموا فضلوا واقفين فى مكانهم ويأسوا ومش حاولوا انهم يجربوا تانى (ده الصبر مفتاح الفرج ) كله عايز الحاجة تتحقق وهو قاعد فى بيته بيشاهد التليفزيون وبيشرب الشاى
أنا بس عايز من كل واحد كان نفسه يحقق شىء فى حياته وعمل المستحيل علشان يحققه وفعلا فى النهاية حققه أنه يحكى هو كان نفسه يحقق أيه وعمل أيه علشان يحققه علشان نزود روح العزيمة عند اليائسيين 0 وشكرا
2007-10-15, 8:11 am
