قاموس روووش طحن لكلام الشباب

الأبلتين لدع في دهاليز الحياة
عبارة تدل علي الخواء أو الفوضى في الحياة ، وغالباً ما تأتى بقصد الفلس

أعمل دماغ
عبارة مشهورة لدى المدخنين ويقصد بها ضبط الحاله المزاجية عند المدخن

أديها جاز
عبارة تقال في مواقف المشاحنات بين الأصدقاء لزيادة حدة المشاجرة ، مثل " أدى الخناقة جاز علشان تولع أو شعللها " سواء بالكلمات أو توجية اللوم لأحد المتشاجرين لكى يثور علي الاخر

أختفى شوية
أى لا تجعل أحد يراك هنا أو أبعد الآن أو أمشى من هنا ، مثل " عاوزك تختفى شوية لحد ما الحياة تعدى " أى لا تظهر نفسك حتى تنتهى المشاكل . أو " أختفى من أمامى الأن .. أى أمشى وأترك المكان لأنى لا أريد رؤيتك

أيه النظام
عبارة بمعنى! أيه الموضوع ، ولقد أستغلت الكلمة في أحد إعلانات الموبيل فى نظام كروت الشحن و العبارة تدخل في العديد من الأحداث التى يتسائل فيه الشاب عن الأحداث الجديدة ، مثل " أيه النظام .. النظام في العظام " والعبارة الاخيرة تفيد الأعتراض علي الإجابة بإسلوب فيه عبط وإستهبال

أليط
لفظ بمعنى المتكبر ، الذى يتعامل مع الأخرين بأسلوب فيه تعالى او ينظر الى الاخرين نظره دونية متعجرفة

another stone
وتعنى بالروشنة " حجر أخر لشاربى الشيشة على المقاهى

أتشبح
مصطلح بمعنى الضرب لدرجة التعذيب ، وتقال "شبحته " أى أعتديت علية بالضرب المبرح

إتم
والأتامه حسب تعريف الروشنه تعنى الغلاسه والرخامه والتناحه ، وجميع الصفات السيئة التى قد يتصف بها شاب معين .. ويقولون " الإتم جه " أى استعدو لتحمل السماجه التى سوف تظهر من هذا الشاب

أزبهل
لفظ يدل علي الذهول الشديد ويقال " انت مزبهل كده ليه " أى مندهش لدرجة العبط

إحلق
وهو لفظ لا يعنى الذهاب الى الحلاق لقص الشعر ولكنه يفيد تجاهل الغير مثل " أحلق له " أى لا تفكر فيما يقول فهو لا يستحق........

يارب يعجبكم
صديقتكم مس ايجيبت

هههههههههه ايه يامس ايجبت الروشنه

الطحن دى .... جميله اوى ... شكرا

ربنا يزيدك ثقافه يارب

يا قمواميسك يا مصر

ربنا يزيدك علم كمان وكمان

القاموس حلو اوي
شكرا للافادة

الصراحة دى عبارات واقوال مش محتاجة قاموس

والفاظ خارجة بعتبرها انا هى كده

اظن المفروض نعمل قواميس للبنااااااااااااااااات مش قاموس واحد وانا بشارك زميلىفارس القلب الحزين الراى فى ردة

عدل سابقا من قبل في 2007-12-14, 11:26 am عدل 1 مرات

القاموس جميل يا ميس ايجيبت ربنا يوفقك

وبعدين لما البنات يتعملها قواميس الولاد يتعملها ايه بقى ياسعد ده هما اساس الكلام ده وهما الى بيطلعوا وبيقولوا والبنات مجرد مستمعين اعتقد بقى انه المفروض مش يتعمل ليكوا قواميس لا ده قواميس ومعاجم وتراجم وكله

ياسلام الولاد بس هما اللى بيقولوا كده والبنات ملايكه

انتوا نسيته ان اللى طلع ادم من الجنه حوا ولا ايه

ايه يا جماعه انتوا هتتخانقوا
خلاص خلاص
بس لما اوريك يا سعد
هههههههههههههه

القاموس ده يعبر عن

اننا قرين الماحى فى كل النواحى

بردة يا noda مش هتنازل عن راى اللى اخدتة عن البنات ماشى
وبعدين عندك حق يا سفير طول ما حوة ورانا مش هنتقدم بل بالعكس هنتاخر ياااااااااااااااااااامااااااااااااااا

اوك يا سعد هو انا قولتلك اتنازل عن رايك براحتك بس زى ما انت واخد فكرة عن البنات انا كمان واخدة فكرة عن الولاد 0

وبعدين يعنى هل رايك ده خلاك مش تقف مع بنات ولا تكلم بنات ولا تهزر مع بنات اعتقد ان ده مش بيحصل ولا ايه معلش يعنى0

المفروض مدام الواحد عنده راى يدعم الراى ده بالفعل مش يكون كلام وبس0

وعموما اختلاف الراى لا يفسد للود قضية0

وبعدين ايه الى دخل ادم وحوة فى الكلام ده 0

وياريت مفيش حد يعلق فشله او عدم تقدمه على التانى لو انت عايز تتقدم هتتقدم سواء بقى كان وراك حوة او مش وراك0

اوعى تنسى ان وراء كل عظيم امرأة 0

ليه كده يا نودا انتى وسعد احنا مهما كان زمايل فبلاش التشدد اللى انا شيفاه فى ردكم كل اللى بيحصل ده هزار فى هزار .

بس احب اوضح ان قبل ما نتكلم عن اشخاص بالغين الاهميه زى ابونا ادم وامنا حواء لازم نستندالى المصادر المصدقه والمسلم بها .

يعنى امنا حواء مش السبب فى اخراج ابونا ادم من الجنه دا هى كمان طردت معه منها لا الله سبحانه وتعالى امرهم ان يتمتعوا بها ولا يقربوا شجره معينه فى الجنه فلما وسوسهم الشيطان بالاقتراب من هذه الشجره وهم بالفعل اقتربوا منها طردهم الله لينزلوا الى الارض وكان الله سبحانه وتعالى دبر كل هذا لكى ينزل الاثنان الى الارض لينتشر الرخاء بها وتعمر.

يعنى كل اللى بيحصل لينا ومنا شغل شيطان ويا ريت با بنى ادم نكون اقولى من كده.

واتمنى انى كلامى يكون مش يزعلكم.

انا اقصد خير.

سلام.

شوفتوا الجديد 2007

بدل عليا الطلاق بالتلاتة

بقت

عليا الخلاط باليموناتة

هههههههههههههههههههههههههههههههههههه

طبعا يا شروق كلامك مش يزعل خالص ده كلام صح وعلشان كده انا قولت ايه الى دخل ادم وحوا فى الكلام والهزار ده0

سبحان الله ياخالد كل حاجة ليها حاجة على وزنها بس حلوة والله الجملة بتاعتك دى0

ربنا يخليكوا

و اللي عندوا كلام زايه يقول

مش فاهمه اصل عمر ما كان عندى الابتلين لدع فى دهاليز الحياه . ولا انت بتحب انك تديها جاز وخلاص.

هو ايه دا

» قاموس روش, أجمد الكلمات الروشه اللي بيقولوها الشباب
» قاموس المجردات
» .. قاموس الحب, بأحرف الهجاء ..
» الشباب والمصطلحات
» موضوع يهم كل الشباب