عدد الرسائل : 465 العمر : 40 تاريخ التسجيل : 06/04/2008
موضوع: الامور الواجب مراعتها قبل شراء الهارد ديسك 2008-04-25, 12:50 am
إيه اللى بتفكر فيه قبل ما تشتري هارد ديسك أكيد السعة بتاعته ( كام جيجا ) وطبعا نوعه... فيه حاجات تانية كتير مهمة جدا في مواصفات الهارد ديسك.. الكثيرين منا يغفل عنها .... وهي:
1-Buffer Memory
وتعنى الذاكرة المخبئة أوالمؤقتة ؛ تسرع قراءة البيانات من الهارد ديسك وفكرتها بكل بساطة إنها بتقرأ البيانات المخزنة على الهارد ديسك عند طلبها لأول مرة وحفظها بشكل مؤقت على شريحة الذاكرة والمثبتة على بوردة الهارد. يعنى لما تيجي تشغل برنامج أو لما تحتاج للبيانات دي تقوم الذاكرة بتزويدها للكمبيوتر بشكل سريع جدا وأسرع من انها تقرأها من القرص مباشرة بدون هذه الذاكرة المؤقتة. (فاهمين يا شباب؟؟) سعة هذه الذاكرة قد تكون 2 ميجا أو 8 ميجا أو 16 ميجا. وكلما ذادت السعة كلما كان ذلك أفضل وأسرع.
ودي صورة ليها :
2-RPM Revolutions Per Minute
يعنى عدد لفات القرص فى الدقيقة كلما زادت سرعة دوران الديسك أصبح الأداء أفضل وطبعا أسرع. في أجهزة الكمبيوتر الشخصي الـ PC بتكون سرعتها: 5400RPM 7200RPM 10,000RPM 15000RPM
اما فى الكمبيوترات المحمولة (الاب توب) بتكون : 4200 RPM 5100 RPM 7200 RPM
3-واجهة القرص
وفى منه نوعين النوع الاول وهو : PATA (اللى الكابل بتاعه عريض)
اما النوع الثانى وهو : SATA وهو النوع الأحدث والساتا يتوافر منه موديلان وهم SATA 1 SATA 2
والـ SATA 1 سرعه نقل البيانات فيه 1.5gb/s أما الـ SATA 2 فتبلغ سرعة نقل البيانات فيه 3gb/s (جيجا بت في الثانية)
ودي صورة للتوضيح
الكابل إللى على اليمين هو الساتا والتاني هو الباتا (مش باتا بتاعنا يا شباب)
المكان اللى بيركب فيه كابل الساتا في المازربود
زي ما حضراتكم شايفين في الصورة فيه أربع أماكن للساتا فى المازبورد اللى موجودة فى الصورة أسود ، أورانج ، أزرق ، أحمر . ولازم تتأكد من وجود مكان للهارد الساتا في المازربود اللى عندك في حالة لو حبيت تشتري النوع ده.
صورة للهارد الويسترن الساتا
شايفين في الصورة إنه يختلف تماما عن شكل الهارد الباتا. (الوصلة إللى على الشمال هي وصلة الباور ولو مش موجود عندك الوصلة دي ممكن بكل سهولة تركب وصلة الباور القديمة فى المكان اللى على اليمين)
ندخل دلوقتي على مواصفات الهارد ديسك الويسترن ديجيتال ... وأنا اخترت الويسترن ديجتال لأنه من أشهر الأنواع إللى موجودة في مصر واللى عايز يعرف مواصفات أي نوع أخر يقولي.
قبل أن تشتري الهارد أنظر إلى موديله وتجده في المكان الموضح في الصورة التالي
وإليكم دلالة هذه الحروف والأرقام
Western Digital
WDx0ab
WD هي إختصار لـ Western Digital
X هي السعة التخزينية للقرص الصلب
0 (صفر) تقوم شركة ويسترن ديجيتال بوضع صفر إضافي بعد السعة التخزينية مثلا WD1600 يعنى سعة الهارد 160 جيجا
a حجم الذاكرة المؤقتة وعدد دورات أو لفات القرص فى الدقيقة حرف الـ a هيتبدل بأحد القيم التالية
B = 2MB 7200RPM سعة الذاكرة 2 ميجا وعدد اللفات 7200 لفة في الدقيقة
J = 8MB 7200RPM سعة الذاكرة 8 ميجا وعدد اللفات 7200 لفة في الدقيقة
K = 16MB 7200RPM سعة الذاكرة 16 ميجا وعدد اللفات 7200 لفة في الدقيق
G = 8MB 10,000RPM سعة الذاكرة 8 ميجا وعدد اللفات 10,000 لفة في الدقيقة
b واجهة الهارد ديسك وهتتبدل بالقيم التالية
B = PATA الواجهة القديمة (الكابل العريض)
D = 1.5 gb/s SATA ساتا 1 بسرعة جيجا ونصف بت في الثانية S = 3 gbps SATA ساتا 2 بسرعة 3 جيجا بت في الثانية
مثال
WD3200JB
يعنى السعة 320 جيجا بايت حجم الذاكرة المؤقتة J هو 8 ميجا بايت وعدد اللفات 7200 وواجهة الهارد ديسك B باتا (الكابل العريض)
بالنسبة للهاردات الماكستور
على فكرة شركة سيجيت إشترت شركة ماكستور ...وحتى الأن مازالت الهاردات تنزل إلى الأسواق تحت إسم ماكستور .. بالمناسبة بردو (حاجة ملهاش علاقة بالموضوع) شركة AMD إشترت شركة ATI عملاق صناعة كروت الشاشة بـ 5.5 مليار دولار
Maxtor
xayb0
xa خاصة بسلسلة موديلات الماكستور وتستبدل بالقيم التالية
6Y DiamondMax(DM) Plus 9 6B DM10 6L DM10 RoHS compliant version 7B MaxLine(ML)III 7L MLIII RoHS compliant 4R DM16 2F Fireball 3 6E DM Plus 8 5A ML II 7Y ML Plus II
Y
هي مساحة القرص الصلب .. في الأقراص التى تقل مساحتها عن 100 جيجا يتم وضع صفر قبل حجمها.. مثال الهارد الـ 80 يكتب هكذا 080 والـ 300 يكتب كما هو 300
B
هو حجم الذاكرة المؤقتة 0 ويستبدل بما يلي
J 2MB PATA with ball-bearing motor L 2MB PATA with fluid dynamic bearing (FDB) motor P 8MB PATA R 16MB PATA M 8MB SATA S 16MB SATA
مثال
Maxtor 6Y200P0
السعة التخزينية 200GB واجهة القرص وعدد اللفات في الدقيقة 7200RPM PATA حجم الذاكرة المؤقتة 8MB من سلـسلـة DiamondMax Plus 9
صورة توضيحية
بالنسبة للهاردات السيجيت
Seagate
ST3xya
ST اختصار لـ Seagate
3x تعنى أن مقاس الهارد هو 3.5 بوصة (مثل جميع أنواع هاردات الكمبيوتر الشخصي)
2008-04-25, 12:50 am
