الزمالك يتخطى عقبه بتروجيت

الزمالك يتخطى عقبه بتروجيت صاحب المركز التانى بالدورى بثلاثيه بس مش نظيفه هههههههه
اللقاء اللى كان مؤجل بينهم

بس الاول الف مبروووووووووووووووك بجد للزمالك
الجول الاول اده اده الحرفنه والجمال ده
بجد جول مزيكا فن

تمريره من الجهه اليسرى من شيكابالا لصبرى رحيل فى حدود منطقه الجزاء ورحيل رفعها حلوه اوى استقبلها
احمد جعفر وعلى طول الكره عارفه طريقها فى الشبكه

والجول التانى هدف التقدم واخيرا من مين من شيكا
والجول التات بقى برده عجبنى اوى

يعنى الجول الاول والتالت اكتر من الراااااااااائع
لعب وفن وهندسه

احمد غانم سلطان من الجهه اليمنى واستقبلها برده العملاق او القناص احمد جعفر

الف مبروك وبكده الزمالك ارتفع رصيده للنقطه 33 ويحتل المركز الرابع
وبكده الزمالك بقى قريب اوى بعد تعادل الاسماعيلى وخساره بتروجيت

مبرووووووووووووك ياماجور

ولكل الزملكاويه الف مبرووووووووك

اكتر حاجات ضايقتنى فى المباراه

جمهور بتروجيت
مافيش روح رياضيه بالمره وكمان بعد المباراه حطموا حافله الزمالك

واعتراضات المدرب مختار مختار
مش عارفه اصلا بيعترض على ايه
مش يحمد ربنا جابوا الجونين من فراغ كده
ضربتين جزاء مره واحده

مخرج المباراه
بجد قمه فى الرزاله

موجهين كاميرا مخصوص لحسام حسن علشان يبينوا للناس كلها انه اسلوبه عصبى

طيب وانتم مالكم كل واحد حر فى فريقه
نفسى اعرف هما ليه مش بيرتاحوا لما الزمالك بيكون ماشى صح
لاه لازم يطلعوا اى عيوب فى النادى ولازم الصحفيين يكتبوا كل كبيره وصغيره

اولا الف مبرووووووووووك

وهو يعنى كويس اللى عمله جمهور الزمالك فى الاستاد

ما زى ما بنقول كذا نقول كذاااااا

اقتباس :

وهو يعنى كويس اللى عمله جمهور الزمالك فى الاستاد

ما زى ما بنقول كذا نقول كذاااااا

لالالالالالالالالا كده الكلام اختلف

هو عمل ايه يامصراوي جمهور الزمالك اصلي مشفتش الماتش

ولع فى الاستاد والحكم وقف الماتش وكانت بهدلة
ههههههههههههههههههه
ومكنش حد شايف اللى جنبه من الدخانه

بس بجد صعبان عليا وح وح لما خد الطوبة ههههههه

اقتباس :

ولع فى الاستاد والحكم وقف الماتش وكانت بهدلة

يااااااااااااااااااااااااه ايه ده

مفيش روح رياضيه خالص

صحيح ياماجور الجمهور بتاع الزمالك ولعو في الحكم ولا انتي مشفتيش اللقطه دي

ههههههههههههههه
هههههههههههههههههههههههه

لا مش ولعوا فى الحكم نفسه

انا باقولك ولعوا فى الاستاد يعنى
والحكم وقف المباراة


وادى الخبر على يلا كورة
http://www.yallakora.com/arabic/yk_news/details.aspx?id=115055&Catid=1&region=

فيه الصور والفيديو

بس بصراحة الجمهور عمل شغل كبيـــــــــــر
ومش عارف انضبروا ازاى فى السويس مع انهم بيقولوا السوايسة زملكاوية
ههههههههههه

الف مبرووووووووووووووووووووووووووووووووووووووووووووك
كان ماتش صعب جدا بس الحمد لله كسبنا وفعلا ياماجور الجون الاول كان جمييييييييل جدا
على طريقه الجوهرى ههههه
بس احنا دلوقتى فى المركز التالت مش الرابع
بفرق الاهداف عن الاسماعيلى
8 لينا و5 للاسماعيلى

بس يادرش جماهير الزمالك لما ولعت الشماريخ مرمتهاش على حد
مش زى جماهير السويس اللى ضربت اللعيبه والجمهور

المهم اننا الحمد لله كسبنا
انا فاكر لما كنا فى المركز 14
كنت بقولك هناخد الدورى صحكت صحكه كبييييييييييييييييييييييييييييييييييييره
معرفش لو قولتلك دلوقتى هتضحك نفس الضحكه ولا هتعمل ايه ههههه

هههههههههههههه
ههههههههههههههههههههههههههههههه

دورى مين بس
كل دورى وانت طيب يا عمووووووووووور
هههههههههههههههههه

الله يبارك فيك ياعلااااااااااااااااااااء
والله جمهور الزمالك مش عملوا زى جمهور السويس
هو الماتش فعلا كان صعب بس كانت مباراه حلوه
وعبد الواحد السيد خد طوبه فى ظهره وزعلت اوى عليه يعنى مش لاقيين غير وح وح ويحدفوه بالطوب
مش كفايه ضربتين الجزاء عليه هيتحمل ايه ولا ايه

هههههههههههههههه
بس وربنا اول ماشفت عمرو الصتى وهو مسرح شعره قولت الماتش ده مش هيعدى على خير ابدا
وفعلاااااااااااااااااااا




يلا
ههههههههههههههه
الحمد لله

مصراوى
الله يبارك فيك مع انى حسه انك بتقولها من ورا قلبك كده
وعبد الواحد السيد بجد كان رجل المباراه هو ومحمود فتح الله وعجبنى فتح الله اوى لما كلم الصفتى وقاله مش تتكلم مع الحكم لانه خلاص صفر وهيدى ضربه جزاء مش ليها لزمه العصبيه او الكلام

وحسن مصطفى برده كان عامل شغل فى وسط الملعب ومحدش ينسى برده احمد غانم سلطان كان شغال
واحمد جعفر القناص وشيكابالا وحركاته

عمرو الزملكاوى
مبرووووووووووووووووووووووووك
وانت كان عندك حق لما قولت الزمالك هياخد الدورى
مع انه كان متأخر اوى بس دلوقتى الحمد لله قرب وحتى لو مش اخد الدورى يكفى انه وصل وحقق مركز كويس
واثبت ان النادى الكبير مهما كان بيعانى من ازمات هو مستمر وبيحاول لاخر نفس عنده

وعقبال القادم
ويارب المزيد من الانتصارات

كله بقى يعمل تعظيم سلاااااااااااااااااااااااااااااااااااااااااااااااااااام للزمالك
نادى الزمالك تعظيم سلام

اقتباس :

الله يبارك فيك مع انى حسه انك بتقولها من ورا قلبك كده

لالا انا فعلا من مصلحتنا كاهلاوية انكم تكسبوا وبتروجيت الاسماعيلى
بس ياريت تكملوا جميلكم وتتغلبوا من الجيش الماتش الجاى
هههههههه

ههههههههههههه
يلا الف مبروك للزملكاوية

وبالنسبة لكلام عمرو صعب اوى يا عمرو انكم تاخدوا الدورى السنه دى
انتم بسى حصلوا مركز تانى وقول الحمدلله على كده
وانا شايف ان حسين ياسر لعب مباراة جميلة جدا
دفاعيا وهجوميا ورغم ذلك ان الزملكاوية نسيونه
بسى بجد نجم المباراة هو وليد سليمان
اللى بتعوت الزمالك كسروه ده
ما فيش واحد اللى وضربه بسى بجد قطعهم

اعرب هاني العقبي المدرب المساعد لفريق بتروجيت عن دهشته من استنكارات مجلس إدارة الزمالك عن الشغب الذي طال حافلة فريقهم عقب مباراة الفريقين الأحد متسائلا عن عدم إصدار مثل هذا الاستنكارات بعد مباراة الدور الاول والتي شهدت احداث مماثلة ولكنها كانت تجاه لاعبي فريقه.
وقال العقبي في اتصال هاتفي بـYallakora.com " اين كانت استنكارات مسؤولي الزمالك عندما طاردت جماهير فريقهم كل من السيد حمدي ومحمد شعبان في شوارع القاهرة بعد مباراة الدور الأول الأمر الذي جعلها يختبئان حينها في احد المنازل حتى لا يتعرضا للاذي، بالإضافة إلي تحطم سيارتي احمد فوزي وعلاء إبراهيم!"
وأضاف " اندهشنا جميعا في بتروجيت من بيانات الاستنكار السريعة التي خرجت بسبب إلقاء بعض المتعصبين للحجارة علي حافلة الزمالك في الوقت الذي تعرض فيه اثنين من لاعبينا للمطاردة في الشوارع ولم يتحرك احد حينها ولم يصدر أي كلمة من طرف نادي الزمالك."
وصاحبت مباراتي بتروجيت والزمالك في الدوري المصري لهذا الموسم سواء في الدور الاول او في الدور الثاني احداث شغب جماهيرية.
ففي الدور الاول تمكن بتروجيت من هزيمة الزمالك في القاهرة لتحاول بعض من الجماهير البيضاء التهجم علي لاعبي الفريق البترولي.

اما في مباراة الدور الثاني والتي اقيمت الاحد وانتهت بفوز الزمالك في السويس، فشهدت القاء بعض من جماهير بتروجيت الحجارة علي حافلة الفريق الابيض مما تسبب في تحطم زجاجها.

واصدر نادي الزمالك بيانا استنكر فيه الاعتداء الذي تعرضت له حافلة الفريق بالاضافة الي القاء القوات الامنية القبض علي بعض من جماهيره.
وأكمل العقبي" نادي بتروجيت يشجب التعصب والعنف من أي طرف من الاطراف ولكن يجب ان يكون هذا الفكر عند الجميع وليس عند طرف واحد فقط."
وبرر العقبي تركيز الزمالك علي الاحداث التي اعقبت مباراة الاحد حتي يتم التغظية علي القاء جماهيره للالعاب النارية "الشماريخ" خلال الشوط الثاني للقاء وقال " لا اجد مبرر لهذا التركيز الا لسبب واحد فقط وهو التغطية علي الافعال التي صاحبت شوط المباراة الثاني عندما اشعلت جماهير الزمالك هذا الكم من الالعاب النارية."
وأضاف " الدليل الاكبر علي ذلك ايضا هو قول البعض ان جماهير الاهلي في السويس هي من رشقت حافلة الزمالك. اطلاق الاتهامات جزافا في اكثر من اتجاه دليلا واضحا علي ان الزمالك يريد التغطية علي افعال جماهيره."

ياااااااااااااااااااااااااااااااااااااااااااارب الزمالك ياخد الدوري السنادي

دعوة طالعة من قلب واحد اهلاوي صميم
قوله يارب يازملكاوية وانا معاكم