انواع الولاد على النت

موضوع: انواع الولاد على النت 2009-11-18, 12:13 am

المرحلة الأولى : ( الي يدوبك لسه متعلم يدخل نت)

طبعا العمر يتراوح من 22 الى ما فوق ... وتلاقيه اول ما يدخل هاي ممكن
نتعرف انا فلان ومن الحته الفلانيه وتحسي ان فيه حنفيه معلومات اتفتحت
واي حاجة تقوليهاله يقولك يعني ايه مش فاهم وبعد كل كلمة يقولك اصل
انا لسه جديد في النت

والنوعية دي تنقسم
لقسمين :
1- يا اما متحمس وحط ف دماغه موضوع النت وعايز يتعلم
2- يا اما سمع من صحابه عن النت والبنات وجاي يجرب حظه

المرحلة الثانية: ( الي بيقعد على النت بس مش
كتير)
النوع ده كل كلامه انا مشغولياتي كتير ومبحبش النت والكلام ده وبعد ما
يكلم شوية يقولك ممكن نكمل كلام في التليفون انا اصلي مبدخلش النت
كتير ومليش خلق للكتابة والحاجات دي

والنوعيه دي تنقسم الى قسمين:
1- يا اما يبقى لحوح ويفضل يطلب نفس الطلب وصباح الملل
2- يا اما يبقى عنده عزة نفس وميلحش بس هيتعصب وهيقولك اعمليلي بلوك

المرحلة التالته : ( الي قاعد على النت ليل نهار)
ده بقى شرحه يطول وينقسم لعدة انواع
1- المقموص

ده بقى قاعد وحاطط ايده على زرار الزعل اي حاجة تقوليها تبقي بتقصديه
او بتقللي من شانه وبعد كام مرة كلام ممكن يقولك اديني نمرة تليفونك
ولما تعتذري هيقولك انا هحترم رغبتك وهيركبلك الوش الخشب ومن وقت
للتاني هتاخدي البلوك ف
وشك فنصيحه من اولها كده اديله بلوك وديليت

2- ابو دم خفيف
ده شلل مركز ومتعرفيش مين الي خدعه وقاله ان دمه خفيف وكل كلامه قفشات
وضحك والمفروض انك تكوني مجامله وتضحكي بس منصحكيش تيجي على اعصابك
3- المودي
دي بقة شخصية بتتنوع كل يوم على حسب المود وهتحسي انك بتكلمي واحد
عنده انفصام ف الشخصية النهاردة رزين وعاقل وبكرة لاسع وبعد يومين رخم
وبعدها كيوت وفريندلي طبعا الحكايه مش ناقصة
جنان كفايه الي الواحد فيه

4- اللزقه

والنوع ده عايز حزم ف التعامل معاه لأن كل كلامه انتي فين ؟ بتتاخري
في الرد ليه؟ انتي بتكلمي حد ؟؟ ياعم وانت مالك بتتحشر ليه ......ولو
قلتيله ثواني هيقولك ليه رايحة فين؟ متتاخريش ... ايه ده انتي لسه
مجيتيش ؟؟؟

5- الناصح
صباح الصداع مع كل جمله هتقوليها هتاخدي نصيحة وفيه عرض خاص قولي
جملتين وخدي اربع نصايح العرض مستمر حتى نفاد الكمية ........ولو على
منتدى زينا كده هتلاقيه بيقولك ليه حطيتي التوبيك ده وليه شيلتي
الصورة دي وحطيتي التانية انا انصحك انك تخليه يحصل اخواته الي فاتوا
يعني بلوك وديليت

6- الحبيب

انا فيا جاذبية وكل البنات بتعجب بيا ....... ايام ما كنت ف الكليه
كنت عامل ازمه والبنات بتتخانق عليا...... المصيبة بقى ان اي جمله
هتقوليها هيفهم ان انتي معجبه اصله مش بمزاجك هتحبيه يعني هتحبيه

7- حريقة بنات

ده بقى لو في منتدى او ميل جروب تلاقيه مركز على كل البنات ومبيعملش
اي حاجة تانية غير كده الكوميدي بقى لما يتلخبط ويعتقد ان الأسم ده
انثوي ويندمج وبعدين يطلع واحد صاحبه

8- الكداب

من اول الأسم والسن واي معلومة خدتيها كدب في كدب ومتعرفيش ليه ده بقى
انصحيه وخليه يغير اسمه على الماسنجر ويخليه مسيلمة الكداب

9- العبيط

ده هتلاقيه على طول حاطط صورته وذنب عليكي تتفرجي ويشيل الصورة دي يحط
التانية وكل شوية يفتح الكاميرا مع نفسه

10- بابا اوبح

ده ممكن يكون على النت من سنة 96 واتخرج واشتغل واتجوز وجاب عيال ولسه
قاعد يتعرف على بنات وكل ما يكلم واحدة يقنعها انه مش متجوز وبيدور
على عروسة وصباح السرحان ولو جربتي كل يوم تدخليله بايميل غير التاني
هتسمعي قصة حياته كل يوم مختلفة

موضوع: رد: انواع الولاد على النت 2009-11-18, 3:20 pm

القطة طلعلها سنان

موضوع: رد: انواع الولاد على النت 2009-11-18, 3:31 pm

ايوة طبعا ما لازم يطلعلها سنان

موضوعك جميل جدااا يا ايمان وبجد مضحك اخر حاجه
وحلو اوى موضوع الناصح والعبيط ده

بس برضه فى نوعيه متزنه وكويسه وولاد ناس بردوا

ولا ايه يا حاجه؟

موضوع: رد: انواع الولاد على النت 2009-11-18, 4:10 pm

ههههههههههههههههههههههههههههه
اية ياحنان
ههههههههههههههههههههههههههههههههه

موضوع حلو يا ايمى

بس فى مشكلتين
انى مش ينفع اعيب ع المودى
ولا العبيط
ههههههههههههههههههههه

اصل انا زيهم
ههههههههههههههههه

مش عبيطة
او حد يغلط

اقصد بحط صورتى كتير ع الامل وبغيرها باستمرار بس للاسف معنديش كاميرا
هههههههههه

وكمان اية انا من النوع المودى اوى
كل ساعة بحال

احنا بنجيب فى سيرة مودى لية
مالنا ومال مودى
سبيوا الراجل فى حالة

بالمناسبة
ادعولة ربنا يوفقة بالامتحانات دكتور مودى

موضوع: رد: انواع الولاد على النت 2009-11-18, 7:10 pm

اقتباس :: القطة طلعلها سنان

امال كنت عايشه ازاى
ههههههههههههههههههه
ثانكس على المرور يا عم مصراوى يلا وخلاص امرنا لله

مشكوووورة حنون حبيبتى انتى وناسف نورتو
واكيد فى ناس محترمه بس ابرة فى كوم قش
ههههههههههههههههههههههه

موضوع: رد: انواع الولاد على النت 2009-11-18, 7:29 pm

5- الناصح
صباح الصداع مع كل جمله هتقوليها هتاخدي نصيحة وفيه عرض خاص قولي
جملتين وخدي اربع نصايح العرض مستمر حتى نفاد الكمية ........ولو على
منتدى زينا كده هتلاقيه بيقولك ليه حطيتي التوبيك ده وليه شيلتي
الصورة دي وحطيتي التانية انا انصحك انك تخليه يحصل اخواته الي فاتوا
يعني بلوك وديليت

هههههههههههههههههههههههههههههههههههههه
ههههههههههههههههههههههههههههههه

جامدة جدا دى
بجد كلهم جامدين ع الاخر
تسلم الايادى يا ايمان ع موضوعك الكوميدى

موضوع: رد: انواع الولاد على النت 2009-11-18, 9:29 pm

مشكورة يا قمر على المرور

موضوع: رد: انواع الولاد على النت 2009-11-19, 1:54 am

حلو الكلام
وزى ما فى ولاد كده فى بنات كده بردك
يا ايمان

موضوع: رد: انواع الولاد على النت 2009-11-19, 4:10 am

هههههههههههههههههههههههههههههههههههههههههه

ربنــا يستــرهــا معـــــــــاك دنيا واخـره يا مــس أيمــــــــان

تســــــــلم أيــــــــــدك على المــــــــــــوضـــــــوع

موضوع: رد: انواع الولاد على النت 2009-11-19, 6:26 pm

ههههههههههههههههههههههههه
مشكوور على المرور يا نهر ويا فارس
واكيد فى بنات كده ولا تزعل
هههههههههههههههه

موضوع: رد: انواع الولاد على النت 2009-11-20, 12:51 am

انا لست بزعلان
هههههههههههههه

» اشتغالات الولاد للبنات
» حقيقة اكثر الناس على النت
» عريس من علي النت الجزء الثاني
» الحق دا البنات اللى بتعاكس الولاد مش تقولو مش عارف ايه
» عريس من علي النت