حقيقة اكثر الناس على النت

السلام عليكم و رحمة الله و بركاتة

الحقيقة الموضوع الي حتكلم فيه حساس جداو
شائك جدا جدا لكن في نفس الوقت هو خطير جدا و ان دل علي شئ فانه يدل علي ان معظم
العرب علي وجه العموم و المصريين علي وجه الخصوص مصابين بمرض انفصام الشخصية ,
وبيدل ايضا علي انهيار القيم و المبادئ في المجتمع و ان الدين بالنسبة للمسلمين
ركعتين و حجاب و برنامج فتاوي علي الفضائيات 90% بتتكلم عن امور ثانوية جدا في حين
ان الامور و القيم الاساسية في الدين منهارة تماما.
دراسه:

اما بالنسبة
للدراسة هي دراسة عملها موقع جوجل عن اكثر المواضيع التي يبحث عنها الشباب المصري
علي الانترنت و اللي غالبا لا تختلف اهتماماته عن اهتمامات الشباب في اغلب البلاد
الاسلامية - الدراسة بتقول ان اكبر كلمه يتم البحث عنها علي الانترنت هي كلمة - .....
- يليها اغاني ثم افلام . طبعا انا متأكد ان الموضوع مش مفاجأه لنا و علي الرغم من
ده مثل لى اناشخصيا صدمة كبيره جدا و الحقيقه انا أتأكدت من ده بنفسي فيgoogle
trend و الكارثه الاكبر ان الدول الاسلاميه بما فيها تركيا و باكستان هم الاكثر
بحثا عن هذه النوعية من المواضيع في العالم كله.
بريد:
بالنسبة لبريد الجمعه
اللي نسبه كبيره جدا من المصرين بتتبعه من سنين طويله , في الفتره الاخيره احتوي
علي رسائل كتير مضمونها الخيانه عبر الانترنت من خلال ممارسة الرذيلة عبر برامج الشات
و المصيبه ان بعض اللي بيعملوا كده متزوجين يعني المفروض انهم مش محتاجين لمثل هذه
الامور


مواقف:


بالنسبة للمواقف اللي بتحصل من خلال برنامج
الما سنجر اكثر الشباب الا من رحم ربي متصور انه طالما بيتكلم مع بنت عبر الانترنت
يبقي كل شئ مباح و الغريب في الامر ان الشاب بيتصدم من موقف البنت الي بترفض تتكلم
في الامور دي و لو عليه حيقولها "امال انتي داخلة النتليه " و كأن المفروض علي كل
مستخدمي الانترنت انهم داخلين لممارسة الرذيلة علي الانترنت.

بعد ايضاح
اسباب فتح هذا الموضوع نبدأ في الحديث عن دلالاته
-1من المفترض ان المسلمين هم
اكثر الناس تمسكا بدينهم و عقائدهم والعلاقات الغير مباحه بمختلف اشكالها و
مسمياتها تعتبر من الكبائر في الدينالاسلامي و رغم ذلك انتشارها علي الانترنت يدل
علي عكس ذلك.
-2 الطبيعة القبليه في المجتمع العربي (القبائل و العائلات) تسببت
في جعل المجتمع العربي اكثر محافظه لان الناس عارفه بعضها و دايما بينسبه الشخص
لعائلته و قبيلته و طبعا ده بيجعل الشخص محافظ اكتر علي تصرفاته و افعاله طبعا ده
كله ادي الي ثقافه اجتماعيه عامه متعلقه بالمجتمع كله علي اختلاف اديانه و ثقافاته
, و بالتالي مش الدين وحدة المسئول عن المجتمع العربي المحافظ.
3- اذن من 1, 2
نستنتج اننا في مجتمع متدين بطبعه محافظ له تقاليده و عاداته الشرقيه التي تعتبر
الشرف من اهم مقومات الحياه وفي نفس الوقت 1, 2بيتعارضوا تعارض كامل عن الدراسة الي
طرحتها علينا جوجل و عن المشكلات اللى بيعرضها علينا باب بريد الجمعة:- و ده يجعلني
استنتج عدةاشياء:-

1- ان المجتمع العربي مصاب بمرض الفصام اي انه يعيش
بشخصية بين الناس الي يعرفوه و لكن مع الناس اللى مايعرفهوش له شخصيه اخري و طبعا
مرض الفصام بيكون مصاحب لامراض نفسية تانيه خطيره يعني المجتمع العربي مصاب بمجموعة
امراض نفسيه.
2- الشباب العربي يعاني من خواء الشخصيه لان اللى بيضيع كل الوقت
ده في البحث عن الاشياء دي صاحب شخصيه جوفاء ضعيفه مهتزه غير محدده المبادئ و القيم
والمعايير اي شخصيه منهاره.
3- اعتقد ان السببين 1, 2 كفيلين باننا نعرف ليه
مجتماعتنا منهاره سياسيا و اقتصاديا و فكريا و ثقافيا و دينيا و ليه مفيش ولا جامعه
مصريه ضمن قائمة افضل 500 جامعة في العالم.

اسئلتي الان و اللي بطرحها
للمناقشه
تفتكروا بعد كله ده هل فعلا الشباب العربي مؤهل لمشاركات السياسية
وتكون فعاله لو جائت له فرصه؟؟
هل فعلا هو مؤهل لتحمل مسئوليه بلاده؟؟
هل
المشكلة مشكلة تربيه و لا تعليم و لا اعلام و لا ايه؟؟
بعض الناس بيعتبروا ان في
ظل المغريات الحاليه من افلام و كليبات و ما الي ذلك , ممارسة الرذيله عبر الانترنت
هو افضل حل باقل خسائر علي اعتبار ان مفيش اولاد و ان ده حصل بشكل تخيلى؟؟ يا تري
حد يؤيد الرأي ده؟؟ و يا تري بعد الزواج الموضوع ده حيكون له تأثير علي العلاقه
الزوجيه والماديه و المعنويه؟؟ و يا تري اللي بيعمل كده, اييه هي القيم و المبادئ
الي حيعلموها لولادهم ؟

المشكله مشكله تربيه وتعليم واعلام يا علاء

والله بجد الواحد تصعب عليه نفسه لما يلاقى شاب مسلم بالتفكير ده
بس مش هما دول اللى النبى بكى عشانهم احنا زى ما عندنا الننوعيه دى فى شباب ربنا يحفظه
بس عشان بقي قليل بقي تاايه فى وسط الشباب التانى
شباب تافه لو سالته انت عايش ليه مش هيعرف يرد
الحكايه بسيطه ومش معقده الموضوع محتاج اننا نحط ربنا قدامنا فى كل فعل وكل وقت
بس الناس اللى انت بتتكلم عنهم ناس تحت مستوى العقل والتفكير والدين
انت عارف لو كل انسان كان رقيب نفسه مكنش ده كله هيبقي موجود
واضح ان الناس مبقتش تخاف عذاب ربنا ولا بقت تعمل للاخره
بس محدش فى دول هيحس الا بسوء الخامته بتاعهم
ومثل هؤلاء يستحقون الدعاء لهم بالهدايه

الغريب بقى واللى غايظنى

بصراحه يعنى ان فى عشرين قراءة للموضوع ده
ومع ذلك مفيش غير اتنين ردوا


وده برضه بيعكس وجهة نظرك اللى انت بتطرحها


بص يا سيدى
نتكلم بالصراحه اللى بتريح الناس وبتكون اقصر الطرق


انا عرفت الموضوع ده من فترة
بس بصراحه مستغربتش خاااااااااااااااااالص


ناخدها واحده واحده انت قسمت اخلاق المجتمع انها بتعمتد على حاجتين
الاولى الدين والتانيه العادات والتقاليد
نمسك موضوع الدين
اولا طبعا ان مش هفتى فى احاديث ولا اى شئ
لان حكم الدين فى الحاجات دى واضح
وحكم صيانه النفس واضح جدا فى الاسلام تمام

لكن انا هعلق على موضوع تانى شويه
موضوع رجال الدين
عاوز تقنعنى ازاى ان فى شاب هيهتم برجل دين قاعد ع الفضائيات وعمال يحلل ويحرم فى
الفسيخ وفى ممارسة الجنس فى الجنه والكلام ده انا والله بسمعوا وببقى بشد فى الشعرتين اللى باقينلى

قولى كده فى كام رجل دين او شيخ بيعمل انشطه اجتماعيه توعى الشباب
وتجمعهم حواليه وتلهيهم عن مغريات الحياة
قولى فى كام مثلا جمعيه دينيه بتطلع رحلات لمناطق دينيه
او بتعمل دورة لتحسين الاخلاق
او بحث عن مجال فى الادب
قولى ده بيحصل فين فى البلد
قولى كام شاب من اللى تعرفهم مشترك فى نشاط اجتماعى تبع جمعيه خيريه
وبيقضى وقته فى تلبيه احتياجات الناس
لو لقيت قولى وانا هروح معاهم


نيجى للشق التانى وهو المجتمع

احنا وبلا فخر من صغرنا بنعلم ولادنا ان جسمك ده عيب وكخ
عيب تلعب مع بنت خالتك لا متنزلوش تجيبوا حلويات سوا
اقسم بالله بعينى شوفت طفل عنده خمس سنين
بيمسك ايد واحده قريبته وبيشدها عشان تقوم من ع الكرسى
وقريبته دى فى اولى ابتدائى
اقسم بالله والده قام وراح ماسك الولد واداه قلم وقاله عيب تمسك ايد البنت ودراعها
عارف الطفل مش فاهم
بس لما يكبر هيفهم وهيكون عاوز يعمل الشئ اللى اتمنع منه

التنشئه الاجتماعيه اللى احن بنربى ولادنا عليها غلط من البدايه
لازم نفهم ان الممنوع مرغوب والكبت ليه حدود والحريه ليها حدود
لازم لما ولادنا يوصلوا لسن معين نتكلم معاهم بكل مصداقيه وصراحه وادب
ونفهمهم ايه الصح وايه الغلط

لازم نكون صريحين مع نفسنا قبل مانكون صريحين مع ولادنا واخواتنا
لازم نفهم ان الراجل راجل وليه مسئوليات ودور فى الحياة
والست برضه ليها مسئوليات ودور لا يقل عن الراجل فى الحياه
مش مجرد ارانب بيعيشوا مع بعض وبيخلفوا
ده التخلف بعينه

وبتقولى على موضوع ان مفيش ولا جامعه مصريه
اخدت مركز على مستويات الجامعات العالميه
انا شايفه ان ده برضه طبيعى
تعرف انى احترمت اسرائيل
لان فى الوقت اللى بنقول فيه اننا احسن منهم
هما اخدوا 6 مراكز على مستوى العالم فى الجامعات
واحنا مخدناش الا الهوا

تعرف ان اخر احصائيه اتعملت على الثقافه والقرايه
طلع فيها ان المواطن الاسرائيلى بيقرا فى المتوسط
كتابين كل اسبوع
او عشر ايام
بينما المواطن المصرى بيقرا فى المتوسط

84/ كتاب كل 10 ايام
يعنى حتى مش محصلين نكمل كتاب واحد

بص انا هسكت احسن
عشان انا رغيت كتير
واكتر من كده هغلط


مشكور ع موضوعك
واسفه لو كنت صريحه شويه فى كلامى
بس ده رأى

فى الاول كده احب اقول اننا احسن شعب ينقد نفسه بمنتهى الصراحة
ومع ذلك مش بيحاول يعدل من نفسه ابدااااااااااا

وديما محسسين نفسها اننا متخلفين

بعد كده نرجع للموضوع
انا فى الاول ملاحظ كده فى المواضيع اللى زى دى
اننا لما نيجى نقول عيب فينا نقول احنا كمسلمين
ولما نيجى قول ميزة نقول احنا كمصريين او متفتحين

ــــــــــــــــــــــ
فى الموضوع والمشاكل اللى فيه
انا شايف ان سبب كبير من التاخر ده هى حكومتنا والسياسة اللى ماشية بيها
ليه ؟
لان كل حاجة فيها روتين ممل جدا
يخلى الواحد يزهق على ما يعملها
واكيد عارفين بيحصل ايه فى الكلية لما نحب نعمل حاجة
ثانيا شوفوا الجامعة اللى برة بتصرف كام ع البحث العلمى واحنا بنصرف كام عليه
وكمان قارنوا كده باللى بيتصرف على رعاية الشباب
ـــــــــــــــــــــــــــــ
فى الموضوع النشأ والتربية
انا بجد مش شايف احسن من التربية اللى اتربينا عليها
بالنسبة للمجتمعات اللى برة

جميل انك تنتقد نفسك بكل صراحه يا مصطفى

واكيد مش كتير من الناس بيعدل من نفسه

بس لو ع الاقل فى عشرة مش عاوزين يعدلوا من نفسهم

خليك انت الوحيد اللى فيهم وابدأ بنفسك

انا او انت او غيرك
مهو لو احنا انتقدنا بنفسنا
وابتدينا بنفسنا وعدلناها

اكيد بعد فترة هنلاقى الحال اتصلح
ومبقولش ان الناس كلها متخلفه
لكن بقول ان فى بعض الناس عيشه من غير سبب

بعد كده نرجع للموضوع
انا فى الاول ملاحظ كده فى المواضيع اللى زى دى
اننا لما نيجى نقول عيب فينا نقول احنا كمسلمين
ولما نيجى قول ميزة نقول احنا كمصريين او متفتحين

انا اتكلمت عن الاسلام
عشان ده دينى
وده اللى يخصنى
لو لينا اخ مسيحى هنا هتلاقيه داخل يقولك
المسيح امرنا بتطهير انفسنا واجسادنا

ده بس للتوضيح

يا سيد مصراوى


انا فى كلامى عن التنشئه الاجتماعيه مقارنتش اصلا
بالمجتمعات الغربيه وزى ما قولتلك قبل كده هما مش الهه المفروض نقتدى بيهم

وكلامك ده

فى الموضوع النشأ والتربية
انا بجد مش شايف احسن من التربية اللى اتربينا عليها
بالنسبة للمجتمعات اللى برة




انا مش فاهماه انا مدخلتش المجتمعات الغربيه اصلا فى الموضوع

وكمان مش هسمح انى اربى ولادى عليها

يعنى مش هسمح لابنى انه يسهر مع صديقته مثلا برة ويرجعولى وش الصبح ويقولى حريه

لا طبعا

لا دينى ولا اخلاقى بيقولوا كده

انا اتكلمت عن نقص التوعيه ونقص الصراحه بين افراد الاسرة

واتكلمت عن الاسلوب الغير حضارى فى الفرقه بين الولد والبنت





ده كان مقصدى

???

خليفتك فى الاراء؟؟

طيب وماله


لا متقلقش انا ومصراوى متعودين ع الاختلاف فى الاراء
وفى الاخر باخد منه بريزة


بس لسه عليه 16 جنيه ونص

???

مفيش خناااااااااااق

انا ومصطفى دافنينوا سوااا

بس لسه عليه 16 جنيه ونص

انا لسة مش علقت على كلامك اساسا
ردى كان على الموضوع ههههههههههههههه

مافش غير عن التربية بس هى اللى لفتت انتباهى
لانك قارنتى كل حاجة بالغرب

على فكرة يا جماعة التربية هى اساس كل شئ
وانا معاكى فى اكثر كلامك يا حنان بسى انا مختلف معاكى فى حكاية
اجتماع الولد مع البنت لوحدهم
لان ما اجتمع رجل وامراة الا كان ثلاثهم الشيطان
وبالنسبة لكلامك يا ملك البوب ان فى ناس الموبيل بتاعهم كله ادعية دينية
فى ناس كتير بتدعى البراءة امام الناس وهى من داخلها بيعملوا حاجات وحشة كتير
وانا بجد شوفت بعينية ناس طلقين اللحية وبيعملوا حاجات وحشة غير متوقعة
وانا والله اول ما شفت كدة كنت فى زهول بسى انا من رايى
ان التربية ثم البيئة وبما فيها من الاصدقاء هى اساس كل شئ
وشكرا لكى حنان على كلامك الجميل وصراحتك
وشكرا لك صديقى مصراوى وحليم على ردكم
وشكرا لك ملك البوب على رايك

ليه الحوارات دى كلها والنزاعات
الامر بسيط
الحكايه محتاجة كام خطوة
نفهم دينا صح
نقرب من ربنا
نعرف الصح والغلط ونسال ونعرف ونتشاور
نعمل توعيه صح
وسائل الاعلام والتربيه والتنشئه الاجتماعيه تقرب من الشباب ويعرفو اسباب الى هما وصلو ليه
واكيد هيبقي فى حل
معادله فى علم النفس اهو

اناا مجبتش سيرة اجتماع الولد مع البنت وحدهم دى ابدااااااااا

ياريت توضح يا اهلاوى


وانتى كده يا ايمان مشكورة انك اختصرتى اللى انا عاوزة اقوله

شكرا على ردك الجميل جدا يا ايمان وانا معاكى فى كل كلمة قولتيها
وانا بضيف الى كلامك ان الاصدقاء لهم دور كبير فى حياة الفرد
فالصديق السوء دائما يضل صديقة
وشكرا على ردك الذى اسعدنى
وبالنسية لكلامك يا حنان ان كنت اقصد
ان الاسرة بتعمل توعية للطفل عن الشئ الصح والغلط فى مرحلة الطفولة
لان اهم مرحلة فى حياة الانسان هى مرحلة الطفولة
وشكرا على ردك واهتمامك بالموضوع حنان

انا فاهمه الموضوع ده كويس

واكيد فى توعيه بالصح والغلط فى الطفوله

بس المهم انى اخلى الطفل محتفظ بطفولته وببرائته
ومشغلش دماغه الصغيرة بحاجات بطبقها على نفسى انا
انا لما اتكلمت اتكلمت على طفل عنده 5 سنين يعنى لسه فى حضانه


ياريت تكون فكرتى وصلتك
وبشكرك انك سمحتلى بساحه رائعه للنقاش

Thank you so love angle
Your words on the wonderful
Who is delighted
by the

??

أنــا آســف أن هيكــون ردى فى جمـله واحده بــس

من يحتــــــــــرم أفعـــــــاله يحتــــرم ذاتــــــه


تســـــلم أهلاوى لطـرحك للموضــوع

دمت بكل خيــر وأدام الله لـك السعادة

هو كل واحد يحاول يشوف او يطرح مشكله فى المجتمع


يدخلها فى الدين


يا جماعه دا يرجع للتنشئه اى التربيه من البدايه من الاسره


وزى ما قال نهر الوفا


من يحترم افعاله يحترم ذاته


تقبلوا مرورى