انت مثال سئ ارجو الجميع الابتعاد عنه

دا عنوان حبيت يكون بدايه الكلام عن حمله توعيه ممكن نقوم بيها هنا عن انفلونزا الخنازير
طبعا المقصود من العنوان هو ان اي شخص مش همه الفيروس لازم نبتعد عنه

دا نقاش مفتوح ازاي انت هتحمي نفسك اولا

انا شخصيا نويت اشتري كمامه وامشي بيها صحيح الكل في الاول هيقول عليا العبط اهو
بس مش مشكله كلو في الاول صعب


يلا انا مستني كلو واحد يقول هوا هيعمل ايه عشان الكل يقلدوه ونحمي نفسنا

كنت انا وهدير لسه بنتكلم فى الموضوع ده امبارح
وقالت ليه انتى مالك مستهتره ليه بالموضوع
اصل يعنى الكمامات هتعمل ايه ولا ايه هههههههههههههه
هى اخرتى مناديل ورق ولا القماش اقيم ههههههههههه

شكراااااااا للرباط ع الاهتمام

كمامات ايه بس
لو وزعوها علينا ماشى ممكن فى المحاضرات
انما فى الشارع فلا طبعا

اعتقد انها المفروض تتلبس فى الاماكن الزحمة او المغلقة
فياريت يدونا المحاضرات فى ملعب الكلية

احنا هنلاحق ع الكمامات منين
الكمامة دى المفروض اخرها تستخم ليوم واحد
ومش كل يوم هنشترى واحدة خراب جيوب كدة

لا دلوقتى فى كمامات بتتغسل وتستخدم تانى على فكرة
بس مش دى المشكله
المشكله الاستهتار بالموضوع
وعلى فكرة الحكايه مش بالخطورة الاوفر دى
بس هى عايزة توعيه زياده بس
واعراض المرض معروفه واى حد يشك حتى لازم ياخد الاجراءات اللى مفروض تتعمل
وان شاء الله ربنا يستر لان المرض هيستمر كمان
يعنى مدته 5 سنين عدى منهم سنه او اتنين
ربنا يستر وربنا كبير
بس برضو احنا علينا اننا نكون واعيين كويس

انا ها رد بناء على تفكيرى انا
انا عن نفسى هاقرب اوى لربنا واى حاجة غلط كنت بعملها ها تركها ابتغاء مرضاته
عشان يحفظنى انما امشى بكمامه صعبه شوية
بس لو عايز يصبنى هايصبنى
والدليل ان فى البيت عندك وعندى ممكن تلاقى اخوك عنده برد وتلاقيه عده والدك وانت ماتعدتشى
سبحان الله تفتكر انت ماتعدتشى ليه يا رباط عشان ربنا مش عايز يصيبك
هو ده ردى مش عارف اصبت ام خبت

اسمحلى يا ابراهيم فى انى اناقشك

تمام احنا كلنا لازم نقرب اكتر من ربنا سواء دلوقتى او فى اى وقت اخر لان ده واجبنا تجاه الخالق سبحانه وتعالى
وطبعا كل شئ بأيد الله وحده عز وجل يعنى لو مكتوبلى انى اتصاب بالمرض ده اكيد هتصاب حتى لو عملت ايه عشان احمى نفسى
بس برضه ربنا هو اللى امرنا اننا نحمى نفسنا وناخد بالاسباب
مش قول ربنا هيحمينى ولو كاتبلى المرض هشوفه واكتفى بكده
طبعا احنا مصيرنا كله بأيد الرحمن بس اكيد برضه احنا لينا دور فى الحياة

انا عن نفسى وانا ماشيه فى الشارع بكون عادى بس بتجنب المناطق الزحمه واللى فيها تكدس
وشبابيك البيت والمعمل عندى لازم تكون مفتوحه طول اليوم

وفى المعمل على طول انا لابسه جوانتى فى ايدى وكمامه لان طبعا المكان خطر جدا
اما لما بركب اى مواصله او لو مسافرة بتكون معايا فى العربيه كمامه او منديل اغطى بيه وشى

وكمان منعت تماما الاكل من برة وبقيت دايما بشرب عصير برتقال وليمون وينسون

ممكن تقولوا انى مزوداها شويه
بس انا من اللى بشوفه فى المعمل لازم اعمل كده لان فى اكتر من حاله اشتباه بالمرض جاتلنا



مشكور يا رباط ع التوعيه

اما انا بقى انا مع لف انجل يافارس ان احنا نقرب ماشى من ربنا وكل حاجة بس لازم ناخد بالاسباب يعنى لازم نعمل اللى علينا وبعد كدة نقول اللى مكتوب هيحصل ....... مش نتقرب من ربنا ونهمل نفسنا ومنحافظش عليها

وانا عن نفسى لو الامر استدعى ان الكمامة تبقى فى المحاضرات موافقة جداااااااا لانه مكان مغلق وناس كتير انما بصراحة برا فى الشارع مش هينفع ممكن منديل ورق انما كمامة صعبة شوية

وشكرا للرباط على لفت الانتباه هذا

الموضوع ده طبعا مش فيه استهتار
بس اهم حاجه كل واحد يحاول يحافظ على نفسه والمفروض كل واحد يكون معاه استخداماته الشخصيه
وميستعملش حاجة حد ويتجنب الاماكن المزدحمه وايه المشكله ان كل واحد يكون معاه كمامه يلبسها فى الاماكن المزدحمه
وياريت ياجماعه بلاش السلام الكتير ونبعد عن اى حد عنده برد بس ياريت ده يتعمل هو مش صعب بس عايز ان احنا نتعود على كده وربنا يحمينا جميعا يارب

فارس فكرتنى بقصه رجل فى عهد الرسول صلى الله عليه وسلم
فوجد النبى بيصلى بالصحابه وبيقول درس
فقرر انه يدخل يصلى ويسمع للنبى
وكان الرجل ده معاه ناقه فتركها بالخارج ودخل ليصلى
وعندما خرج لم يجد ناته
فقال الرسول له وهل عقلتها بمعنى ربطها
فقال له الرجل انى دخلت متوكل على الله وتركتها ولم اعقلها
فقال له الرسول كنت
اعقلها وتوكل
اعمل اللى عليك الاول وبعدين توكل على الله
لانى اللى بيعمل عكس كده بيبقى تواكل وليس توكل

ربناااااااااااااااااا يحمينااااااااااا

أنا ليـا تعليق بسيط جداً

مش لام يكـون فى عدوى ولا مـرض علشان أتقرب من ربنـا مش معنى كده أنى مقطع الصـلاة وماسك القرآن 24 ساعة بس

نفسى اكون كده وبأذن الله ربنا يهدينى وأبقى كده بس أحنا فعـلاً لازم يحصـلنا حــاجه علشان نقول يارب لازم نحس بضعف علشان

نقول يارب لازم نحس بلم علشان نقول يارب مع أننا لو حصـلنا حاجه حــلوة بننسى نقول يارب ونحمده وبنتلهى فى الشيء الجميــل

إلى حصـلــنــــا وأنا واحد منهــــــــــــم ........


أما حكاية التواكل والتــوكل كلام مظبوط ومحدش يقدر يعلق عليه ....

بس برضه كل ما يصيبنا إلا ما كتبه الله لنــا ..

بمعـنى صاحب الناقة لو مش مكتوبله أنه مش يلاقيها كان هيلاقها ولو مكتوبله أنها يفقدها سيفقدها

أو بمعنى أنك لو عملت المستحيل علشان تهـرب من المرض لو مكتوبلك هيحصــل

بمعنى حافظت على نفسك وعملت كل حاجه .. بتروح الشغل . بتشرب فى كوبيات ... بتشوف الناس

طيب القليلين إلى أنت بتكلمهم بعد الشر مصابين طيب البيت بعد الشر مش ممكن مصابين طيب أنت نفسك بعد الشر الله يحفظنا

مش ممكن تكون مصــاب وأنت مش تعــرف ....

الحــاجة الوحيدة إلى تقلق مش المــرض الخــوف أن ساعة المرض بس بنفتكر ربنا وبننسى نفسنا لما يزول عنا

لو بنعمـل دايمـا للقرب من ربنا عمرنا ما هنخاف من المرض ولا الموت لاننا هنكون نتمنى لقــاء الله عز وجــل

المـرض الوحيـــد إلى نخاف منــه بجــــد هـــــو النسيان من أنت ونفتكر دائمـاً جمال الحيـاة وانا برضه واحد منهم وربنا

يحفظنـا جميـعــاً


بس انا بجد مش خايف من المـرض ولا العدوى ولكن خوفى على أنى عملت إلى عليا قدام ربنا وخوفى على اقرب الناس ليا


لو فى نصيبك هتشوفه حتى لو أمتنعت الخروج من الأساس من البيت ... النصيب مثل الموت لا يهمل ولا يمكن مقاطعته




تحيــاتى لصــاحب المــوضــوع



دمتــم بكل خيـــر وحفظكم الله وجعــــلكم برعايته وأمــانه

كل كلمكم جميل ومقتنع بيه

بس انا كان قصدى ابين حاجة تانية خالص

قصدى ابين ان الاول ما كنتشى فيه الامراض دى خالص ولا بنسمع عنها انما دلوقتى بقينا نسمع حاجات غريبة وامراض اغرب وكان قصدى ابين ليه السبب ده ان اغلبية عظمة من الخلق بعدوا عن الاسلام
وانا مبسوط قوووى بحواركم الهادف ده معايا وربنا يحفظنا جميعا يارب

واحنا كمان مبسوطين يافارس ونظرتك حلوة للموضوع بس مكنتش مبينها .........واة فعلا اكيد ربنا بيبتلينا بالمرض دة علشان احنا مقصرين فى حقه .......ربنا يهدينا جميعا ويبعد عنا الامراض ويحفظنا

كلام جميب يا نهر
بس نعمل اللى علينا بقى الاول نقدم حاجه يعنى فاهمنى
وطبعااا كل حاجه بتم بمشيئه الله
يعنى لو الناس كلها اجتمعت علشان ياذوك وربنا مش كتبه ليك اكيد مش هيحصل والعكس صحيح
بس برده لازم نعمل احتياطاتنا علشان مش نندم بعد كده

وربنا الشافى والمعافى

وانت يافارس بقى اللى فهمتنا غلط من الاول عامه حصل خير وربنا يبعد عن عباده الصالحين كل الامراض ويعافيهم

ااااااااامين يا قصاد ربنا يهدينا ويبعد عنا الامراض

معلشى يا ميجور انا اسف لو قصرت فى انى ابين

عندى الشاى ده

تمام يا فارس الله ينور عليك

بس انا برضه عندى تعليق

ان حتى زمان ايام الرسول ربنا ابتلى العباد بوباء الطاعون طب تفتكر انه كان غضبان على الصحابه؟
اعتقد لا

انا مش شايفه ان الامراض والاوبئه دى غضب من ربنا على قد ما هى ابتلاء منه عشان يشوف تحمل البشر وصبرهم
وايمانهم بيه

وكمان حتى قبل وجود نعمة الاسلام على الارض كان فى الكتير والكتير من الامراض المهلكه
وربنا هو اللى شفا الناس منها

ياريت بجد نكون مثاال مشرف لتحمل البلاء
وقل لن يصيبنا الا ما كتب الله لنا