مصر تفوز علي رواندا وتجدد آمالها في التأهل لكأس العالم

فوزا ثمينا للغاية علي مضيفه المنتخب الرواندي بهدف نظيف في الجولة الرابعة للمجموعة الثالثة لتصفيات افريقيا المؤهلة الي كأس العالم وكأس الامم الافريقية ليجدد الفراعنة امالهم في التأهل لنهائيات المونديال.

ورفع المنتخب المصري رصيده الي 7 نقاط يحتل بهم المركز الثاني خلف المنتخب الجزائري الذي يملك نفس الرصيد ولديه مباراة علي ارضه امام المنتخب الزامبي مساء الاحد.

أحرز هدف المباراة الوحيد احمد حسن في الدقيقة 69 من زمن المباراة.

ووجد الجهاز الفني للمنتخب المصري نفسه في مأزق بعد ما اضطر إلي استبعاد محمد ابوتريكة من قائمة اللقاء بعدما شعر بآلام في الرباط الداخلي للركبة أثناء الإحماء ليدخل احمد حسن بدلا منه في التشكيل الأساسي.

وعلي الرغم من هذا الظرف الطارئ، بدأ المنتخب المصري الشوط الأول بثبات شديد وكان الطرف صاحب الأداء الهجومي الأبرز طيلة العشر دقائق الأولي.

وبرز السيد حمدي في الجانب الأيمن خلال بداية المباراة ولكنه فشل في إيصال الكرة بشكل مناسب إلي زميله في الهجوم احمد رؤوف.

وفي الدقيقة 9 أطلق احمد حسن تسديدة قوية مرت بجوار القائم الأيمن لمرمي أصحاب الأرض.

ثم جاء حسني عبدربه في الدقيقة 19 ليسدد الكرة برأسه بعد كرة عرضية متقنة من سيد معوض ولكن لسوء حظ لاعب أهلي دبي الإماراتي تمر الكرة بجوار المرمي بقليل.

واستمر سوء الحظ في محاربته للمنتخب المصري بعدما أصيب السيد حمدي في منتصف الشوط الأول واجبر الجهاز الفني علي تغييره وادخل دودي الجباس بدلا عنه.

وكاد رؤوف أن يضع مصر في المقدمة في الدقيقة 35 عندما استغل خطأ المدافع الرواندي في إعادة الكرة إلي الحارس لينقض عليها مهاجم انبي ولكن عدم توازن جسد لم يساعده في تسديد الكرة بشكل جيد لتضيع الفرصة.

وقبل نهاية الشوط الأول بدقيقتين، انطلق الجباس بالكرة من الجهة اليمني ولكنه فضل التسديد عن التمرير لرؤوف لتذهب الكرة بسهولة إلي الحارس الرواندي جون كلود ندوري.

واصل المنتخب المصري ضغطه مع بداية الشوط الثاني وكاد المدافع وائل جمعة ان ينوب عن المهاجمين في هز شباك رواندا عندما ارتقي في احدي الضربات الركنية في الدقيقة 48 وسدد الكرة برأسه ولكنها مرت بجوار القائم الايسر.

وفي اول تهديد حقيقي لرواندا علي مرمي مصر، سدد اوليفير كراكيتزي تصويبة صاروخية من خارج منطقة الجزاء في الدقيقة 51 ولكن عصام الحضري تألق وتمكن من اخراج الكرة باطراف اصابعه الي خارج المرمي.

وعاد الحضري ليتألق مرة اخري بعدها بقليل وينقذ مرماه من تسديدة صاروخية اخري.

وفي الدقيقة 68 ومن "دربكة" داخل منطقة جزاء رواندا، يتمكن حسن من تسجيل هدف التقدم للضيوف من متابعة أكثر من رائعة للكرة.

أعطي الهدف المزيد من الثقة للاعبي مصر وبالاخص دودي الجباس الذي قدم مستوي أكثر من رائع في الشوط الثاني وبرع في كسر مصيدة التسلل الرواندية مرتين ولكنه لم يجد المساندة الكافية من زملائه لإنهاء الهجمتين بشكل ايجابي.

ففي الدقيقة 78 انطلق الجباس من الجهة اليمني ومرر الكرة الي شوقي القادم من الخلف ولكن لاعب ميدلسبره الانجليزي سدد الكرة بطريقة عشوائية خارج المرمي.

ونجح المنتخب المصري في استثمار الوقت المتبقي من اللقاء بصورة ايجابية لينتهي اللقاء علي هدف احمد حسن الثمين.

الحمد لله
هدف غالى اوى لمنتخبنا
كنا ممكن نحرز اهداف اكتر من كده بس الحمد لله
الشوط الاول كانوا بيلعبوا ببرود جدا ومش كانوا لقيين بعضهم وكانت الكره بتتخطف منهم بسرعه
لحد مانزل بركات وعبد الملك
والواد بركات ده زى السكر بجد بيخطف الكره منهم فى منتهى الجمال
لاعب متميز
رغم انى احمد حسن هواللى احرز الهدف بس الهدف جيه نتيجه روح التعاون لانى احمد حسن مش كان فى الماتش ده كويس
والحضرى طبعااااا كان بيروح مع كل كره يعنى كنا مطمنين من الحضرى طبعااا الحضرى فى المنتخب يختلف عن الحضرى فى الاسماعيلى وده يرجع للدفاع
كان وائل جمعه هايل النهارده
واحمد فتحى كان كويس

ربنا يوفقهم فى المباريات القادمه

دودى الجباس ده ضيع يا عمرو شويه كور
انا حسه انه كان خايف او مش عارف يفكر يعنى كانت الكور اللى بتجيله كان بدل ما يضيعها كان ممكن يلعبها بشكل افضل
بس الحمد لله
هو اللاعب ده من بورسعيد بيلعب فى المصرى بس كانت اول مشاركه ليه مع المنتخب
ربنا يوفقه ويعمل حاجه فى المباريات القادمه
وبجد اللاعيبه كانوا صايمين انا بحسب ابو تريكه بس طيب والله فرحتنى اوى يا عمرو
وكده بقى عندنا 7 نقاط غاليين اوى وياااااااااااااااارب المزيد

اه فعلا ياساره هو ضيع فرص كتير كان ممكن يجرى احسن من كدا
وكمان ضيع انفراد وهو فعلا من بو سعيد كان بيلعب فى المصرى ودلوقتى بيلعب فى بلجيكا فى ليرس

هو انا كنت ناوى اقول كلام مش حلو بصراحه لان المنتخب فى الماتش دا مكنش كويس
بس اللى خلانى اسكت ان خالد الغندور قال اللعيبه
مفطرتش على الرغم من الفتاوى اللى طلعوها وصامو

بس لو هنقول
ففتحى مكنش كويس مفيش ولا رفعه طول الماتش
وكمان باصاته تقريبا كلها غلط بس اهه كان بيدافع شويه كويس
معوض معملش حاجه فى المتش غير كوره فى الاخر مع عيد عبد الملك
يعنى مشفناش معوض فى المتش دا
شوقى طبعا لا تعليق عليه بس عزره انه ملعبش من شهرين خالص
احمد رؤف طبعا معملش حاجه خالص ومعتقدش انه هيعمل بعد كدا لانه خد فرص كتير
وكمان احمد حسن مكنش كويس مكنش ظاهر خالص بس الحمد لله الكوره اللى شوقى كان بيشتتها
خبطط فيه ودخلت يلا دا ببركه الصيام
وطبعا مفيش ولا جمله اتعملت فى الماتش
الحمد لله مع اننا كان المفرض مع الفريق دا نكسب على الاقل 4
ربنا بقى يستر لما يروحو يلاعبو الجزائر فى الجزائر هيبقو حصاله

اه وعلى فكره الزمالك لعب مع طنطا واتعادلو 2/2 والزماك كان مسيطر طول الماتش
والجونين بتوع طنطا من هجمتين طول الماتش
والجونين ميدو اللى جابهم
اه الجماهير ملت استاد حلمى زامورا 7000
هتى فى الماتش الودى " يارب علاء يكون سامع "

الف مبروك وعقبال ماتش انهاردة

روح العب بعيد يا فؤش اهلاوى ايه يا عم وزملكاوى ايه
طيب والله كنت لسه بقول هو فين الكابتن احمد حسن مش شفته عمل حاجه الماتش ده لقيته داخل فى وسط الزحمه وما عليه انه صدر رجله للكره ودخل الجووووووووووول

عمرو للاسف مش اتفرجت ع الماتش الودى بتاع الزمالك
بس كويس انى ميدو هو اتللى احرز الهدفين
وفعلا سيد معوض كان معوق الماتش ده بطئ جدااااااااااااااااااااا

ايه يا مصراوى انت لسه فاكر انت سفرت مع المنتخب ولا ايه
وبعدين صدك ماتش النهارده بتاع الاهلى ولا ماتش زامبيا والجزائر
ويارب يتعادلوا او الجزائر تخسر

شوف احنا بنتكلم على ايه وفؤش بيتكلم على ايه
انا مش ضد احمد حسن كده انا بقول انه مش كان بيلعب حلو زى عادته
يعنى احنا متعودين من احمد حسن لعب مميز عن كده
يااااااااااااارب المعلومه تكون وصلت
وبعدين والله كل ما يلعبوا ضربه حره مباشره اقول فينك يا ابو تريكه
وبينى وبينك المنتخب مش كان حلو اساسا بس كتر خيره لانه كان صايم

كل سنه وانت طيب يا فؤش هههههههههههههه

اخيرااااااااااااااااااااااااااا يا بطئ يا بطئ

المهم انى المنتخب طلع ب 3 نقط مش مهم بقى مين اللى دخل الجول او مين اللى كان بيلعب كويس
بس احنا بنقول كده علشان نطمن على الفريق فى المباريات اللى بعد كده