عدد الرسائل : 5734 العمر : 34 تاريخ التسجيل : 19/10/2007
موضوع: ازمة 2009-06-04, 8:22 pm
ازمة الموضوع بيناقش ازمة بس ازمة اية
نقول ازمة الاهلى ازمة رحيل جوزية للحق ليس لدى وعى كبير بهذا المجال وبصراحة ومن الاخر مليش اوى او خالص بالكورة بس ع حسب ما بسمع ان جوزية حقق كتير من الانتصارات مع الاهلى والاهلى شهد عصر ذهبى معاة طيب دوقتى مين اللى هيدرب الاهلى وياترى هيكون فى نفس الكفاءة واية مصير الاهلى الفترة القادمة فعلا ازمة لكل الاهلاوية
ازمة
ولكن مازالت هناك ازمة اخرى ازمة اكبر من ازمة جوزية ؟؟؟؟؟
مازلت الازمة مستمرة تابعونى
نأسف على الازعاج عضو متميز جداً
عدد الرسائل : 5734 العمر : 34 تاريخ التسجيل : 19/10/2007
موضوع: الازمة الاكبر 2009-06-04, 8:28 pm
الازمة الاكبر من ازمة جوزية ياترى اية هى
عارفين هى اية هى ازمة انفلونزا الخنازيييييير
اة دى فعلا ازمة ازمة مش لازم نتهاون بيها بردوا انا مش بسمع التلفزيون كتير فبالتالى مش بسمع كتير عن المرض بس اللى اعرفة ان سريع الانتشار وسريع العدوى وخطير ولكن بصرف النظر عن اعراضة وخطورتة ففى خطورة تانية بيمثلها غير خطورة ع الصحة وهى خطورة ع الامن والامان المصرى الفتنة اللى حصلت بين الاسلام والسميحية بسبب هذة الازمة بعد قرار عدم الخنازير وما شيع ان وراءة اسباب دينية عمل ازمة وفتنة بين البعض واتكلمت فيها قنوات وجرايد كتير فعلا ازمة الخنازير ليها تاثير ع الصحة وع الامن
ولكن بردوا لسة فى ازمة تانية ازمة اكبر ازمة بتزيد يوم عن يوم بتنموا بسرعة رهيبة الا وهى ازمة ؟؟؟
مازلت الازمة مستمرة تابعونا
نأسف على الازعاج عضو متميز جداً
عدد الرسائل : 5734 العمر : 34 تاريخ التسجيل : 19/10/2007
موضوع: الازمة الكبيرة 2009-06-04, 8:37 pm
عارفين الازمة اللى اكبر من دول اية الازمة الكبيرة اية
اللى لازم نخاف منها بجد ونعملها حساب لانها بتزيد يوم ورا التانى بصورة بشعة والمشكلة اننا اتعودنا عليها وبقينا شايفنها عادى
عارفين ازمة اية ديت هى ازمة اخلاق الاسرة
اة ازمة اخلاق الاسرة شوفوا كل يوم بنسمع عن كام حدثة بتحصل فى الاسرة المصرية كام واحد قتل امة او ابوة او اخواتة كم واحدة قتلت عيلها ولا كام واحد دبح اولادة الاخوات بيتخانقوا ويقتلوا بعض عشان ورث وفلوس والاب والام يقتولوا ولدهم عشان ينتقموا من بعض بقت جرايم بنسمع عنها كل يوم وبقت عادى بالنسبة لينا لو مسكنا جرنان احداث هنلاقى اغلبة حوادث اسرية اية اللى حصل للاسرة المصرية
فى الازمة ديت هسبكم مع قصة تعبر عنها
والقصة هى
ولد تشاجر مع امة ووصلت بية الخناقة انة جاب سكينة من المطبغ وطعن بيها امة ولما شافها كدة شد السكينة وجرى خايف وهوة بيجرى اتكعبل ووقع وكانت السكينة هتدخل فية وامة ساعتها كانت لسة فيها الروح لما شافتة وقع صرخت وقالت ياقلبى يا بنى
شوفتوا الفعل وردة يعنى لا تعليق منى ع هذة القصة
لكن استنوا هنا لسة فى ازمة تانية ازمة سبب اغلبية ازمات حياتنا وهى؟؟؟
تابعونا مازلت الازمة مستمرة
نأسف على الازعاج عضو متميز جداً
عدد الرسائل : 5734 العمر : 34 تاريخ التسجيل : 19/10/2007
موضوع: الازمة الحقيقة 2009-06-04, 9:01 pm
الازمة الحقيقة اللى بجد هى بجد ازمة
ازمة الانسانية
ايووووووووووة
ازمة الانسانية
الانسانية اللى بقت مش موجودة بداخل الكثير وانعدمت بداخل الاكثر
واصبح من العادى ومن المباح ارتكاب الجرائم جرائم كثيرة وعددية لا اعلم اذا كان بقولب هؤلاء حجر او قلوب مثلنا ام ماتت قولبهم ماتت ضمائرهم ماتت انسانيتهم جرائم سرقة الاعضاء جرائم الاغتصاب جرائم النصب واللعب باحلام بل ارواح البشر جرائم العبارات وغيرها الكثير والكثير من الجرائم جرائم تعبر عن ازمة الانسانية بحق
وساتركم ايضا مع قصة وجيزة لشخص فى نطاق عائلى قريب منى
شاب عمرة 27 عاما متزوج ولدية طفلة عمرها سنتان وطفل اخر عمرة شهر كان عاوز يسافر لاخوة برة لكن اتنصب علية زى العادة فرفع قضية ع اللى نصبوا علية قاموا بعتولوة اتنين ضربوة 4 رصاصات اصيب بحالة سيئة واجريت لة عدة عمليات وفى الاخر توفاة اللة من اسبوع
ادعولة بالرحمة واعدعوا لاهلة بالصبر
دة مثال لازمة الانسانية اللى مش عارفة هتوديبنا لفين
مستنية مناقشاتكم فى هذة الازمات
تحياتى وناسف ع الازعاج
نأسف على الازعاج عضو متميز جداً
عدد الرسائل : 5734 العمر : 34 تاريخ التسجيل : 19/10/2007
موضوع: رد: ازمة 2009-06-04, 9:02 pm
الموضوع كبير بس يستاهل ان تقراة نزلتة ع اجزار حتى لا تصاب بممل لو كان كلة ع بعضة
مستنياكم
تحياتى وناسف ع الازعاج
وائل المهدى عضو متميز جداً
عدد الرسائل : 2927 العمر : 36 تاريخ التسجيل : 31/01/2008
موضوع: رد: ازمة 2009-06-04, 9:06 pm
بجد موضوع فعلا يستاهل تعبك يا ناسف
تسلم الايادى وفعلا ازمات
وبصراحه حياتنا كلها ازمات هى دى الحياه
غير معرف عضو متميز جداً
عدد الرسائل : 721 العمر : 37 تاريخ التسجيل : 16/10/2008
موضوع: رد: ازمة 2009-06-06, 3:38 am
موضوع اكتر من رائع يا نأسف
اكتر ازمة ضايقتني ومستمرة هي ازمة الاسرة وازمة الانسانية
عالم اصبحنا فيه في غابة من الوحوش وليس البشر
مابقاش فيه انسانية عند ناس كتير
المشكلة فعلا انهم بعدوا عن الدين والاخلاق والضمير
الضمير اللي كل يوم بيموت في قلوب الناس ومش عايزة تصحيه او خايفة انه يصحى
بصراحة موضوع جميل جداااا
ثانكس
monmon عضو متميز جداً
عدد الرسائل : 5753 العمر : 33 تاريخ التسجيل : 19/01/2008
موضوع: رد: ازمة 2009-06-07, 9:14 pm
بصراحة احييكى ع موضوعك لانة موضوع مهم جدا هو مش موضوع واحد بصراحة كل الازمات اللى قولتلها كلهم فى الصميمم ودة فعلا اللى موجود فى البلد وخصوصا بتاعت ازمة اخلاق الاسرة دى بسمع عنها كتير وخصوصا القصة اللى علقت معاية اوى لما اب خلص ع كل اسرتو بسبب البورصة لما خسر فلوسة كلها فى البورصة قتل زوجتو والاولادة كلهم وفى الاخر اتحكم علية وتقريبا خد اعدام يعنى دى من المصايب اللى بتحصل فى الدنيا عايزة اكتر من كدا ازمة
وبرضو ازمة الخنازير دة ازمة كبيرة جدا وخصوصا انهم قالو ان مصر مافيهاش ولا اى حد مصاب بالمرض دة بس سمعت بعد كدا من يومين انهم بدئو يكتشفو حد مصاب بالمرض يعنى معنى كدا انو دخل مصر وربنا يسترها
وبرضو ازمة الانسانية ازمة الضمير والانسانية اللى بقت عند معظم البشر انعدمت خالص من عندهم وبجد الحكاية اللى قولتيها حكاية صعبة ع اى حد وبجد ربنا يصبر اهلة رحمه الله وسكنة فسيح جناتة
بجد موضوعك جامد جدا ويستاهل ان الواحد يتناقش فى اكتر من كدا بس انتى جبتى كل حاجة ومسبتيش اى حاجة فا شكرا يا ناسف ع موضوع ومنتظرين منك كل جديد
نأسف على الازعاج عضو متميز جداً
عدد الرسائل : 5734 العمر : 34 تاريخ التسجيل : 19/10/2007
موضوع: رد: ازمة 2009-06-12, 6:03 pm
وائل مش مهم التعب فى انك تكتب موضوع المهم انك تتعب عشان تحل ازمة من الازمات وفعلا حياتنا كلها ازمات مش بس الازمات ديت لا الازمات دى بيطلع منها ازمات شخصية وفردية اى مشكلة عند واحد فينا بردوا ازمة بس ازمة صغيرة نواة او حفيدة للازمات الكبيرة ربنا يحلها ع خير
مودى عندك حق هوة دة السبب البعد عن الدين والاخلاق والضمير انت وقفت ع اسباب الازمات ولكن باقى كيفية حلها