عالم طفشان

النهاردة انا كنت فى حتة تبع ابو حماد اسمها عرب زيدان واحنا جايين نروح فضلنا حوالى ساعتين
مش لاقين مواصلة نرجع بيها الزقازيق
قام وقفلنا راجل ابن حلال بعربية عال العال وقالنا تعالوا اوصلكم فى طريقى
ركبنا معاة راجل زوق محترم ابن حلال
عايش بقالة 10 سنين فى عمان وراجع بقالة 15يوم اجازة هوة والعيال وياعنى العيال خلاص مش طايقين ولا مستحملين يفضلوا هنا اكتر من كدة من كتر الحماقات اللى وجهتم وهما مش واخديين ع العيشة فى بلدهم تعبانين

واحنا فى الطريق قولنا نتكلم ونتسلى فى حوارات تحلى اللمة


الهم فتح الراجل الطيب
حكاية العالم الدكتور اللى من ضمن الكوم اللى بتخسرهم بلدهم

وحكاية العالم دة موضوعنا
تعالوا معايا احكهلكم
وبامناسبة قبل ما احكيها وارويها
دى حقيقة وحصلت الايام ديت
الهم
ندخل فى الرواية

العالم دة كان عايش فى امريكا
وسط حيتان السيطرة ع الفكر والافكار

عالمنا المصرى الجميل
عالم مخترع ملهوش مثيل
اخترع دواء لعلاج فيرس سى
مفعولة بيوصل لنسبة 95 % يعنى دواء رائع وجميل
وطبعا الامريكان
اللى مش ولاد حلال
لما عرفوا الحكاية ديت
منعوة من الرحيل قبل مرور 10 سنين على القليل
ويعنى العالم الغلبان زعل ع الظلم والاستبداد
كان نفسة يرجع لبدة يفدها
ويعالج فقراءها
بس هيعمل اية ماباليد حيلة
يصبر ويستنى ينزاح عنة الحكم النيلة
المهم ال 10 سنين فاتوا ورجع العالم فرحان
راجع افيد بلدى واعالج كل فقران
واول مارجع راح للمسؤلين
دخلهم عليعم والفرحة فى عنية
وحكالهم وقالهم عن مخترعة
ووراهم اوراقة واثبتاتة ع صحة كلامة ومشوار حياتة
فردوا علية وقالوا
استنى دورك ياجميل
قال مش مهم استنى اسبوع ولا اتنين
قالوا اييييييية هوة انت مش من هنا ولا اية
انت هتستنى 5 سنين
وبعديها هنسيبك تجرب اختراعك
وبعديها هنشوف هنوافق علية ولا اية
ايووووووووة ياجدعان
الراجل اتعقد حرام
قام خد بعضة
وقال يافكيك
امريكا والحيتان
اولى بيا من هذة البلد اللى مش بتقدر فكر الانسان
وياعينى
بعد ما كان جاى عالم فرحان
راح وهوة عالم طفشان


الامريكان خدوا الدواء المخترع وخصوة فقط للمستشفيات كى يتحكموا بارتفاع سعرة
اما هنا بمصر
رفضوا الموضوع اصلا
لان فى 5 انواع ادوية تعالج هذا المرض مع انها بتتعب اكتر ما بتشفى ونسبة تاثرها بسيطة
ولكن مش هيلغوا 5 ادوية وينزلوا دواء واحد
دة خسارة فى الاقتصاد
تولع الناس والعيانين
ويعيش الاقتصاد والمفتريين




تحياتى
وناسف ع الازعاج

سورى الموضوع طلع طويل بس اوصلة لاخرة هيعجبكم وهستنى ردودكم


تحياتى
وناف ع الازعاج

للاسف عندنا محدش بيهتم بالحاجات دى
والروتين الممل ده هو سبب تخلفنا
ربنا يجازى اللى منه السبب

اى حد ليه حق يطفش من البلد دى
عندك حق والله

يا ريتــه ما رجـــع أحســنلـه

علشان يعــرفوا سبب حضارتنــا وتقدمنــا هههههههههههه

لا بلد تمــام الحمد لله


تسـلـــم أيـــدك على المـــوضـــــوع

دمــتِ بكــل خيــر

هو دا الشعب المصرى

ميحبش يوجع دماغه

هى هتيجى على العالم دا

ما ياما علماء من مصر ملقوش فرصه فيها فرحلوا عنها

وبصراحه عمر ما مصر تتقدم بالنظام دا

بقول فى حاجه احنا فلحين فيها شوى

هههههههههههه

لعب الكره

والاكل

وبس
ههههههههههههههههههههههههههههههههههههههههه

حاجه نحزن عليها كتير

ولا بقى فى تعليم


معلش طولت

بس بصراحه الموضوع دا
محتاج سنين عشان الواحد يقول اللى عنده

بس مين اللى يسمع

ههههههههههههههههههههههههههه

مصراوى
فعلا ربنا يجازى كل ظالم

ساسو
المشكلة انة بكدة مش هتبقى فية بلد

نهر
فعلا ياريتة
حاجة تضحك بجد


وائل
ملك دعوة بالاكل اولا
هههههههههه
ثانيا
عندك حق مين اللى يسمع



هم يبكى وهم يضحك
تحياتى
وناسف ع الازعاج

انا واحد من الناس اول ما اخلص دراسه

هشوف لى اى سفريه


كدا وابعد شوى يمكن الواحد يعمل حاجه

ياريته فعلا مكنش رجع
بجد مش عارفه المصريين فيهم ايه مش عاوزين نفوق من الغيبوبه اللى فينا ونرجع زى زمان من البلاد المتقدمه
وفعلا عيبنا اننا مش بنحب نتعب نفسنا ومش بنحب نفكر ماجلين عقولنا لحاجات تانيه تافهه
ربنا يهدى

هو دة حال الدنيا اية الجديد اللى فيها
وبترجعو وتقولو هى الدنيا اللى عمالنا فينا
واللاسف مش عارفين انا العيب فى اللى عايشين فى الدنيا دى
بس بجد عندة حق الراجل دة انو يرجع طفشان وطبعا رجع تانى ع امريكا وهو بيدعى ع البلد
يعنى الواحد بجد ميلومش العالم دة ع اللى عملة
وميلومش اى عالم ادى الاختراع بتاعة لحد برة لان البلد هى اللى عايزة كدا
يلا ربنا يسترها ع السنين اللى بعد كدا
وطبعا تسلم الايادى يا نأسف ع موضوعك

هو هنروح بعيد ليه هى فين الامكانيات اصلا اللى هتساعد

اى مخترع لو عندنا نصف الامكانيات اللى فى اميريكا

مكنش حد خرج يكمل دراسته فى الخارج


كانت البلد وفرت كل ما يتطلبه

وحاجه تانيه

تخص التعليم

قصدى ان مفيش اى جديد في التعليم ولا اى تطوير

يعنى كل مدرسه او كليه او معهد

ايه اللى متوفر فيهم من التطوير التكنولوجى

والاهتمام بالحياة العمليه



ربنا يستر على السنين اللى جايه

احنا فى زمن لا يحترم
لا يحترم فيه الوطن
بل السيادة للانانية

وائل
ماجور
مون مون
فارس
جميل هذا النقاش لكن للاسف ملهوش فايدة
ياما غرنا قالوا ومفيش حاجة اتعملت
زى ما فارس قال
السيادة للانانية
للاسف



تحياتى
وناسف ع الازعاج

هو دا الروتين في بلدنا هو المضيعنا انا كنت عايش في السعودية 13 سنة هناك عمري ما شفت البحصل هنا في مصر سؤا مصالح حكومية ولا بنوك ولا مدارس ولا ولا ..........إلخ

بس هنعمل ايه هي دي بلدنا

عظيما يا مصر

كلامك صح ناسف


بس اهو بعمل اللى نقدر عليه

يابنتى بعد ما قريت موضوعك


افتكرت غنوة


بتقول

يبقى انت اكيد اكيد فى مصر

هو صحيح الحال فى البلد يطفش
بس مش كان لازم يستسلم كده على طول
لو فعلا عايز يعمل حاجه لبلده
كان لازم يصبر ويعافر
وطالما عايز يعمل حاجه بجد
يبقى هيوصل
عموما
مشكووووووووووووووووووره على الموضوع الجميل
تسلم الايادى

كريزى بوى
لو هنقارن بين هنا وبرة
هنكرة حياتنا
وائل
فعلا هنعمل اية ما باليد حيلة
حنون
اكيد اكيد فى مصر
بنت مصر
حلو التفائل والامل دة
حلو ان الانسان يتمسك بية
بس ساعة كتر التفائل يجيب احباط



تحياتى
وناسف ع الازعاج

الاجمل يا عثل
هوة انك دخلت ورديت
يالهوى
مودى عندنا بالموضوع
يامراحب يامراحب

الفلوس جزء من المشكلة وليس كلها
فى بجانبها ايضا النفوس

هى منظومة معقدة من الفساد


تحياتى
وناسف ع الازعاج