بسم الله الرحمن الرحيم
الكلام اللى هقولة دلوقتى يا جماعه موجه لكل طلبة التربية النوعيه فياريت نفهمه وننفذة بصورة عقلانية ومتحضرة تليق بطلاب جامعه محترمين .فى عندنا فى الكليه حاجه اسمها وحدة تقويم الاداء وضمان الجودة . الوحدة دى بالبلدى كده عامله زى الرقيب على كل حاجه فى الكليه يعنى شغلها الشاغل هو تحسين وضع الطالب وتحسين مستوى الاداء والخدمه داخل الكليه
وطبعا كلنا عارفين ان مستوى الاداء او الخدمه داخل الكليه زى............... فعشان كده الوحدة دى اتعملت
انا كنت النهاردة مع المسئول عن الوحدة ومديرها داخل الكليه واكيد كتير مننا يعرفه هو
الدكتور ايهاب عاطف رئيس قسم موسيقية
وبصراحه كنت عاوزة اشتكى له حاجات كتير اوى بتحصل فى الكليه واكيد بتأثر على الطلبه
المهم انا لقيت منه رد ظريف جدا وعجبتنى الفكرة
هو قال انا مستعد انى اساعد بكل اللى اقدر عليه وصدقونى لو ثبت لينا بأجماع الطلاب ان فى حاجه مش كويسة او مش ملائمة بتحصل فى الكليه فوحدة الجودة من مسئوليتها انها تغير الحاجه دى وفورا
قلت له اوك بس احنا يعنى معظم الطلاب ميعرفوش اى حاجه عن الوحدة دى
ولا حتى يعرفوا يتواصلوا معاها ازاى لو حبوا يشتكوا من حاجه او كده زى مثلا اسعار الكتب او المصاريف او النتيجة او سوء القاعات الى اخرة يعنى وطبعا كلنا عارفين ان الشكاوى كتير
قالى الوحده عامله صناديق للشكاوى فى كل حتة فى الكليه وجنب كل صندوق لوحة عليها موقع الوحدة على الانترنت وكمان خط موبيل للشكاوى والاقتراحات للتواصل مع الوحده اتوماتيكيا
ومع الرغم من ذلك محدش بيقرب من الصندوق او حتى بيتصل على الخط او حتى بيشترك فى الموقع
انا عن نفسى اقتنعت بكلامة ولقيت منه قبول تام ومبدئى على اى شكوى او فكرة جديده ممكن انها تطور من الكليه
او من وضع الطلبه ولما روحت البيت فتحت الموقع بتاع الوحده وبصراحه اتصدمت لانة كان موقع زى المنتدى ده بالضبط واللى منفذة كمان هو الدكتور عماد سالم لكن الاختلاف ان الموقع كان فاضى تماما
مفيش ولا موضوع فيه مع انه فيه قسم للاقتراحات والشكاوى من قبل الطلاب
وقسم لمراسلة رئيس الجامعه شخصيا وقسم لمراسلة المدير الادارى للكليه او العميد
ومراسلة كمان كل الاساتذة والدكاترة اللى فى الكليه شخصيا
انا عن نفسى اشتركت فيه
وياريت كل اللى فى الكليه هما كمان يشتركوا ونفعل الموقع ده والمنتدى اللى فيه
ونتعلم ازاى نعبر عن رأينا وبصراحه بس بأسلوب محترم
اللى عنده مشكله او معترض على اى حاجه ممكن يقول عنها وان شاء الله تتغير
والله يا جماعه احنا مش محتاجين فى حياتنا غير الايجابية ونشيل الخوف اللى مودينا فى داهيه ده من حياتنا وسلوكنا الى الابد واكيد ان اللى هيشترك فى الموقع هيشترك بأسم مستعار يعنى مفيش عليه اى ضرر وعلى العموم انا جبت ليكوا اللينك بتاع الموقع وان شاء الله انا هنزل فيه اول مواضيع ياريت بقى نتكلم ونقول احنا مين ومحتاجين ايه
وعلى فكرة كمان اى موضوع هننزلة هنلاقى عليه رد فى خلال ساعات من الاساتذة المختصين بأدارة الموقع وحل كمان للمشاكل
يعنى زى ما احنا هنا بنتفاعل طلبه مع طلبه فياريت هناك نتفاعل طلبه مع اساتذة ليهم كل الاحترام واكيد هنتعلم حاجات كتير منهم ولازم نغير حاجات كتير ان شاء الله
ده اللينك بتاع الموقع
وياريت بقى نقول حاجه مفيدة يا جماعه
http://zuqaap2se.yoo7.com/index.htm عارفة انى طولت عليكوا
لكن الكلام ده كان امانة وكان لازم اوصلها
اللهم بلغت اللهم فاشهد
ليكوا كل الاحترام
2009-03-06, 11:29 am
