الكلمه الطيبه

موضوع: الكلمه الطيبه 2009-03-01, 11:42 pm

صباح الخير
ومساء الجمال
وكل لحظه وانتم بخير وطيبين وحلوين ومبسوطين
عاملين ايه فى البرد (وحشنى البرد اوى والله)المهم ما علينا

سمعنا طبعا وسمعتوا معايا عن مثل شعبى لذيذ اوى كانوا دايما يقلوه لينا واحنا عيال صغيره
"لسانك حصانك ان صنته صانك وان هنته هانك "
مثل جميل اوى وعجبنى اوى اوى

المثل ده فعلا موجود فى حياتنا كتير اوى ومش بيختلف عليه تلاته
سبحان الله الشفايف نفس الشفايف والبوء نفس البوء
واللسان نفس الشكل بس بيختلف بقه
فيه لسان بينقط عسل وشهد وفيه لسان بيحدف دبش

الرسول صلى الله عليه وسلم
قالنا وهوه بيعملنا اصول التعامل مع بعض

الكلمه الطيبه صدقه

شوفتوا بقه احنا وصل بينا البخل لحد فين مش بنرضى نتصدق بالفلوس والاموال
وكمان حتى بالكلمه مش بنتصدق بيها
فيه كلمه ترفع انسان سابع سماء
وفيه كلمه تنزل انسان تاسع ارض

ليه الكلام الحلو والمزوء بيتقال فى المواقف اللى جايه دى بس

واحد مع واحده بيحبها الكلام بيطلع ليها حلو اوى

واحد بيحاول ينصب على الناس فا بيحاول يطلع فى نظرهم الراجل اللى لسانه بينقط سكر

ليه الكلام الحلو حتى لما بنطلعه بنطلعه فى حالات نفاق او حالات مدح لحد عاوزين منه مصلحه

ليه مش بنقول كلمه حلوه لواحد مسكين مش لاقى حاجه ياكلها
ليه مش بنقول كلمه حلوه لطفل يتيم اتحرم من حنان الاب والام
ليه مش بنقول كلمه حلوه لحد تعبان ربنا ابتلاه بالمرض
ليه مش بنقول كلمه حلوه لراجل او ست كبار فى السن محتاجين مجرد ابتسامه فى وش حد فيهم

ليه مع نفسنا مش بيطلع مننا كلام حلو لبعض
يعنى تشوف واحد (مش محتاج منه مصلحه)تقوله وحشتنى حتى لو انت مش عاوز تشوفه
الكلمه نفس الكلمه والحروف نفس الحروف
مش هاتخسر حاجه لو حد ظلمك انك تسكت
ومش هاتخسر حاجه لو حد غلط فيك انك تقوله ربنا يسامحك

مش هاتخسر حاجه لما تقول كلام حلو فى حق الناس اللى يعرفوك واللى مش يعرفوك

ليه مش بنحاول نتصدق حتى بالكلام
الكلمه الحلوه

ليه لما بنحس ان حد غلط فينا مش بنسكت لا بنتسحب من لسانا ونغلط

عارفين
كان فيه واحد زمان صاحب واحد صاحبى
على طول بيضحك حتى لو هوه فى مصيبه بيضحك
على طول كلامه حلو اوى عمرى ما سمعته غلط فى حد
تعرفوا
ناس كتير كانو بيقولوا الواد ده بيمثل معقوله فيه حد كده
فيه حد مش بيعرف يغلط فى الناس حتى لو غلطوا فيه

مفتكرش بس بحاول اكون كده

مش كده ولا كده
ايه رايكم فى كده

موضوع: رد: الكلمه الطيبه 2009-03-03, 4:32 pm

بجد موضوع جميل وياريت الكل يتعلم منة
وانت عندك حق فى كل كلمة تسلم ايدك

موضوع: رد: الكلمه الطيبه 2009-03-03, 5:34 pm

مفيش أحــلى من كـــــده

بجــد تســلم أيــدك يا كبيــــــر

ســلمـــت وســلمــت كلمــــــاتـــك

دمــت بكــل خيـــــر وأدام الله لـك السعــادة

أخــيــك

نهــــ الوفـــا ـــر

» الكلمه دى بتمثل لك ايه
» اكتب هذه الكلمه ولك اجر كبيييير
» خواطر رومانسيه بمعنى الكلمه ادخل وشوف
» الكلمه سلاح خطير يجب أن نتعامل معها بكل عنايه