اللى بنى مصر فى الاصل حلوانى......عشان كده بقت كنااااااااااااااااااافه

اللى بنى مصر فى الاصل حلوانى... عنوان قريتة النهارده فى جريدة المصرى اليوم . ده مقال كتباة الصحفيه المحترمة امل منصور بس واضح انها كانت المرة دى شاربة حاجه او طلعت منها اوت .........اللى بنى مصر فى الاصل حلوانى
طب والله ممكن يكون ده السبب فى انها بقت كنافه والناس اتهرست جواها. الست امل بقى قاعده طول المقاله تتكلم عن جمال مصر وحلاوة مصر وطعامة ومصر ناقص تدور ليها على عريس شكلها سابت الصحافه واشتغلت خاطبه على فكرة احنا ياستى معندناش ما يمنع والله انك تنفخى اوى كده فى صورة مصر فى الجرايد بس هطلب منك طلب قبل تبقى ما تكتبى حاجه ابقى انزلى الشارع امشى فيه شوية على رجليكى ومعلش اتنازلى شوية انتى واللى زيك عن العربية اللى بنص مليون جنية والازاز الفاميه الاسود بتاعها اللى مدارى عنك فضايح الناس ومشاكلهم ابقى فوتى على اى فرن بلدى بتاع عيش وشوفى الناس ازاى ساحت على بعض من كتر السكر اللى فى مصر ....ماهو حلوانى بقى .ولا بلاش....اقولك روحى على اى نقابه او مجمع عام بصى انزلى مجمع التحرير كده وشوفى الست اللى بقالها 14 سنة واقفه عاوزة تاخد ورق تصرف بيه معاش جوزها اللى مات فى حادثة قطر ...ولا ابقى وانتى بتصيفى فى مارينا روحى على محطة خفر السواحل وشوفى فى السجلات كام الف جثة لشاب غرقوا السنة دى وهما بيحاولوا يهربوا من بلد الحلوانى بتاعك .....معلش اغبياء مبيحبوش الحلويات
ولا اقولك عدى على اى قهوة وخلى السواق بتاعك يتكرم وينزل يشوف كام واحد قاعد ومعدى التلاتين ولسة مجوزش ومرتبة لسه معداش 100جنيه ...............لالالالالالا بلاش تنزلى خالص انا خايفه عليكى وعلى تعبك
افتحى اى قناة اخبارية بس المهم انها تكون نضيفه مش واخدة فلوس عشان تقول كلام حلو زى.........شوفى فيها ايه شوفى مصــــــــــــــــــــــــــــــــــــــــــــــــــــــــــــر بلد الحلويات والسكر بتاعتك ايه اللى بيحصل فيها شوفى العرب كلهم سايبين الكلاب ينهشوا فى لحم اخوانا فى فلسطين وساكتين ومفيش اى رد فعل واضح يا مدام انهم من كتر اكل الحلويات بتاعتك جتلهم تخمه قصفت عمرهم وخرست صوتهم وعمت عنيهم وحجرت قلبهم

يا مدام وياكل اللى لسه عايش فى الوهم
الحلوانى مات من زمان والفراعنه انتهوا والاهرام هتقع من اول صاروخ هيضربها وابو الهول نطق بقى بيبكى علينا.....طب احنا بنفتخر بالفراعنه ياترى هم فخورين بينا ............؟
طب احنا بنفتخر اننا مسلمين ومسحيين يا ترى الانبياء فخورين بينا............؟
يا امة القرأن ...........يا امة الانجيل...........يا امة عيسى ومحمد وموسى
انتوا عملتوا ايه عشان تنصروهم
محمد اتهان ومخدناش حقنا ....الانجيل اداس عليه فى العراق بالجزم ومخدناش حقنا نساءنا بقوا عرايا امام الصهاينة ومخدناش حقنا اطفالنا بقوا هدف كل رصاصة ومخدناش حقنا ............مصر ام الدنيا ومنارة العلم ومهد الحضارات وكل الكلام الحلو ده اتهانت ومبقاش حد طايقها ولا هى طايقه اهلها .........وبرضة مخدناش حقنا

عارفين العيب مش فى اليهود ولا دول الغرب ولا الكلام الفاضى بتاعنا ده ...العيب فينا
احنا اللى ملناش حق ....ولو طلع لينا حق
ملناش حد يدور عليه وياخده
خلينا كده بايعين القضيه

عفوا اعذرونى لو كنت طولت عليكم بس دى اقل حاجه ممكن اعملها انى اكتب اللى جوايا مهما كان
وممكن كلامى ميعجبش حد بس
شوفوا الواقع
وهو اللى مش هيعجبكوا اكتر .........و اكتـــــــــــــــــــــــــــــــــــــــــــــــــر

اللى بنى مصر فى الاصل حلوانــــــــــــــــــــــــــــــــــــــــــــــى

لا أله ألا الله

جميـــــــــــــــل ما قرأتـــــه هنـــــــــا كلامك صــــح طبعاً وإلى يقــــول غيــــر كده يبقى حمـــــــار


بــــس فى مشكـــــــلة ولو قلتهــــــا كتيـــر هيزعــــــل برضــــه أن أحنـــا بــــلد بتــــاعـــــت كلام وبـــــس


عمـــــاليــــن يقـــولوا نحــــارب معـــــاكِ يا فلسطيـــــــن ويعمــــــلوا مظاهرات طــــيب تفتكــــــرى لو فتحـــلهم الحـــدود


كــــــام واحــــد من إلى عمـــال هيتكـــلم هيـــروح ومش تقنعيـــنى أن كــــل إلى بيتكـــلم هيـــروح لا مش كــل واحد عيفكــر فى

ولاده مــراته أمـــه أخواته حيـــانه لأســـف الشعـــب بتاعـــنــا مش فــالح ألا فى الكـــــلام وبـــس حتى لو راحـــوا تفتكروا لو

عــدوا الحــدود بكـــام متـــر ميــن إلى هيــكون عايش فيهـــــم قــدروا يغيروا أيـــه بموتهـــــم جميـــل الشهـــادة بس الأجمـــل منهـــا

أنك لمـــا تمـــوت يكـــون روحك غيرت حــاجه لبلدك مش رايح تمـــوت وخـــلاص لأســـــف علشـــان كلامـــك ده يكـــون صـــح

مش واحــد ولا مجمـــوعه من الناس ولا حتى ربعهم أو نصهم أو شعب بحاله ده عايز أتحــــاد عــــرب بجـــد أيـــد فى أيـــد مش

قمـــاشه مكتوب عليا نحـــارب وطبعــــاً علشان يحصـــل ده ويتــوحــد العـــرب تـــانى هتكــون القيـــامه قـــامت خــــلاص

لان مفيش غيـــر واحـــد بس هــو إلى هيقــدر يعمـــل كده المنتظر المهـــد المنتظـــر ولا كلامى ولا كلامك ولا كـــــلام الأخت إلى

بتشتغـــل فى محل الحلويـــات ده هتعمل حاجه لو قدمت الحقيقه وخليته محـــــل مخلل برضه هنفضل زى محنا شعب بتاع كلام وخلاص .


بس ده رأيه معلش بقى يا جماعه ربنـــا يستـــرها علينـــا وعلى غزه وعلى جميع الأمه الأسلاميــــــة يا رب العالميـــن



تحياتى لمــوضــــوعــــــك


دمتى بكــل خيــــر وأدام الله لـــكِ السعــــــادة





نهــــ الوفــــــا ـــر

مرسى يا نهر على مرورك لموضوعى
واشكرك اكتر على تعليقك
بس انا بقول ان
مش واحد ولا تلاتة ولاحتى شعب مصر كله هو اللى هيحرر فلسطين وهو اللى هيحررنا من الظلم والاستعباد
اكيد احنا العرب لو كلنا بقينا ايد واحده اكيد هنهزم اى شئ قدامنا بأمر الله
بس مش معنى كده اننا نقول لما د يحصل هيكون فى زمن المهدى المنتظر والقيامه هتقوم
ليه مندورش على المهدى المنتظر وعلى صلاح الدين وعلى خالد ابن الوليد جوانا
ولو عملنا كده يبقى لحد ما المهدى المنتظر يظهر هيبقى فى الاف قبله عملوا اللى عليهم والله اعلم يمكن يطلع المهدى واحد مننا وعلى ايده النصر باذن الله اى حد مننا مؤمن وموحد وعاوز نصرة الحق ليه منبقاش كلنا زية صدقونى
احنا كلنا جوانا المشاعر والقيم دى بس عاوزة اللى يحرك الصخرة اللى ثبتت فوقيها
ومش معنى اننا اكلمنا كتير يبقى خلاص احنا ناس بتاعت كلام
احنا عملنا نص المهمه اكلمنا ...فضفضنا ...لسه النص التانى ننفذ اللى احنا بنقوله وده محتاج زقة
محتاج وقفة بجد محتاج ناس عايزة تقول لا اله الا الله وهى قلبها كله ايمان وحماس وثقه بالله
وانا معاك ان الجيش المصرى كله راح لو يحارب مش هيساعد بكتير
بس صدقنى لو انت مكان واحد فلسطينى او عراقى او اى حد وقع ضحية حرب وقاعد فى بيتك وولادك معاك وفجأة لقيت البيت ده كوم تراب وبتلم لحم ولادك من الطريق صدقنى هتبقى محتاج ولو على الاقل واحد بس يدافع عنك او يبعد رصاصة عن ابنك
لازم نبدأ بنفسنا يا نهر عشان احنا كلنا افراد والافراد بيكونوا مجتمع والمجتمع بيكون امة

انا رغيت كتيييييييييييييييييييييييييييييييييير
اسفه جدا للاطاله

كلامك صح

يا انجل


البلد بقت كنافه


وبالنسبه لتحرير فلسطين او اى دوله اسلاميه


ده مش هيجيى من يد واحده


بل للازم العرب كلهم يد واحده عشان نقدر نحارب الاستعمار


وشكرا على الموضوع الجميل ده


ويريد الكل يدخل ويضيف رأيه

ـــــــــــــ

الامير

انا إلى آسف جداً لو كلامى وصــلك غلط أنا مبقولش أننا نستنى إلى يجى ينقذنا أو أننا ما نحسش بإلى بيحصل حولينا


بس بأيــــدك تعمــــل أيــــــــه هاتلى حـــل واحــــد أى حـــد يقــدر يعملــــه آخرنا أيه اساسا

زعلانين مش راضين عن إلى أحنا فيه أوك هنعمــل ايه هنتكــلم أوك هتوصل للناس كلها شيء جميــل

ومين إلى هيخـــلى صــوتك يوصــل اســاســا ده العيش دلوقتى بتجيبه بالعافيه عايز تجيب حقك فى الحياة أزاى طيب

تقــــدر تتكلم بحريــة فى بلــدك ول أتكلمت هيحصــلك ايه اساسا ده أنتى لو بصيتى على غزه هنـــــاك بيموتوا وعارفين بيموتوا ليه ولو ماتوا بيعتبروا شهده

أنت هنـــا لمـــا بتمـــوت بتمـــوت بدافع عن أيه ولو مت هتعبر أنك سكت عن الحق ولا لا ولو اتكلمت صوتك هيوصل ولا لا ولو وصــل هتلاقى نتيجه ولا لا ولا هتكلم لوحدك وتعتبر أنت البطل ومفيش نتيجه ويكفيك شرف التجربة


ياريت صوتى أتا قــدر يوصــلك إلى أقصده أننا شعب بتاع كلام حتى الكلام لما يطلع لازم يكون بحســـاب



مرسي جدا ليك ولموضوعك وىسف جداً على الأطــاله

مشكورة الامير على ردك ومشاركتك الطيبه فى موضوعى المتواضع



اختى ملاك الحب دايما منورانا بوجودك المتميز وردودك الراقيه

تسلميلى ياقمر
من بعض ماعندكم

يا جماعه دع الخلق لللخالق

مش مصر بس الي شعبها جعان

فيه شعوب كتير مش لاقيه تاكل ونرجع ونقول الحمدلله

وبلاش نتكلم علي مصر بالطريقه دي ويكفي انها مذكوره في القران الكريم

ارجو من صاحب التوبيك ميزعلش مني

ده رايي بصراحه

وتقبل مروري

مرورك مقبول حبيبتى من غير كلام


وحضورك ومشاركتك فى متصفحى زادنى شرف



ولكن لى نقد صغير


انتى ذكرتى ان مصر قد ذكرت فى القران



فهل هى الان تليق بهذا الشرف؟



تليق بشرف الذكر فى القران؟



اعذرينى
تلك الشعوب التى تحدثتى عنها وذكرتى ما بها من فجائع و مجاعات
نحن نراها هكذا من الازل
هذا هو حالها

ولكنها ليست مصر
قلب العالم ومنتصفه
ليست مصر منارة العلم
ليست مصر عروس النيل


انا لا اوبخ فى مصر
لكنى اشفق على حالها
واشفق على حالنا نحن من قبلها

اشفق على استسلامنا ورضوخنا
اشفق على كلمتك عزيزتى

دع الخلق للخالق"

ونعم بالله


ولكننا نحن الخلق
وهناك ايه فى كتاب الله الكريم

"لا يغير الله ما بقوم حتى يغيروا ما بأنفسهم"



تلك لم تكن منى كلمات للتوبيخ او المعارضة

تلك كلمات حزن والم

ربما تلمس قلب احدهم
ربما تحرك وطنية الاخر

الله اعلم



اسفه للاطاله


تقبلى كلامى بصدر رحب

ومرة اخرى

مرورك شرف متصفحى

كلامك صح يا

love angel


حال مصر حاليا ميفرحش اى مخلوق


بس لى امته هتفضل كده


تقبلى مرورى

وائل المهدى

والله دة السؤال اللى محيرنى


بقينا عاملين زى اللى بندور على


البيضة جت الاول ولا الفرخة



شرفت موضوعى بمرورك اخى الكريم



ومشكور لاهتمامك

كلام جميل يا love angel
بس قبل ما نقول عايزين نروح نحارب ونستشهد
وقبل ما ندعى ربنا انه ينصرنا على اليهود
المفروض الاول نغير نفسنا
نرجع لديننا
نرجه للقيم والمبادىء
الى خلاص راحت والله اعلم هترجع ولا لأ
كل واحد بيقول انا عايز اروح واعمل واسوى
بس يفتحوا بس يسمحوا لينا
لكن زى ما قال نهر الوفا
ساعتها كل واحد هيفكر الف مره قبل ما يعمل اى حاجه
وقبل ما نقول العرب المفروض يبقوا يد واحده
مش لما يتعلموا الاول يحبوا بعض
ويبطلوا يرموا التهم على بعض
وبدل ما كل بلد تقول القصور جاى من البلد التانيه
يقفوا مع بعض وجنب بعض
عمر كلام الصحفيه
سواء كانت بتمدح فى مصر او بتذم فيها
ما هغير حاجه
لازم كل واحد يبدا يغير
نفسه الاول
وساعتا هنقدر فعلا نبقى يد واحده
وبدل ما نجرح فى بعض
هنحمى بعض
وساعتها بس ربنا هينصرنا على اليهود
" يجب ان ننصر الله لكى ينصرنا "
مش بس بالكلام
تقبل مرورى