| | ههه-لو ربنا نفخ ف صورتك واتخطبتى-ههه |  |
|
+7امير الظلام STAR_DREAM bint maser نأسف على الازعاج °o.OمصراوىO.o° saso saifullah 11 مشترك |
| كاتب الموضوع | رسالة |
|---|
saifullah
عضو متميز جداً
عدد الرسائل : 1371
العمر : 114
تاريخ التسجيل : 08/04/2008
 | موضوع: ههه-لو ربنا نفخ ف صورتك واتخطبتى-ههه  2008-11-25, 1:35 am | |
| بسم الله الرحمن الرحيم
حتى تأخذي بخطيبك من مركب الخطوبة إلِّي محدش عارف هاترسى على إيه.. إلى
مثوااااه الأخير في قفص النسانيس قصدي قفص الزوجية السعيد ..
أجمل ما في الخطوبة العزومات الرومانسية.. على أحلى محلات
أكل في البلد.. واللي عمرك مانتي شايفاها بعد الجواز.. المهم
نصائحي لك عند أي عزومة مع خطيبك..
- الأول لازم تعرفي إن الشوكة والسكينة بيتمسكوا من إيديهم من
الطرف يعني مش من الوسط ولا من البوز زي الخنجر ولا من فوق طبعًااا
2 - العيش أوعي تفضحينا وتقطعيه بسنانك.. ولا الرغيف نصين بإيدك
وكل نص لقمة وتحشري.. أوعي.. العيش بيتقطع بالسكينة في
الطبق.. وبعدين تاخدي لقمة.. لقمة .. بالعافية.. قال يعني نفسك
مسدودة.. اضغطي على أعصابك جدااا وبعدين لما تروَّحي.. إبقي
اطفحي زي ماانتِ عايزة
- الشوووربة.. أبوس اييييدك.. بند الشوربة ده مهم جدًاااا
الشوربة تتشِرب من غير صوت خالص.. ومن غير ماتقعدي تنفخي
فيها.. زي القهوجي اللي بينفخ في الحجر للزبون.. وطبعًاااااا عايزِك
تنسي تمامًا.. الطاسةاللي بتحطيها في بقك في البيت
بالمعلقة وبدون صوت.. سخنة, ولعة , برضه بدون صوت
وتسيبي تلت الطبق ع الأقل.. مش تميليه.. عشان تلهفيها لآخر نقطة
- الرز طبعاً .. بيتّاكل بالشوكة.. أوعي إيدك تتمد على المعلقة
وتغرفي من طبق الرز وتعبّي.. إوعي.. الرز بالشوكة.. وكإنك
بتبوسيه مش بتاكليه
- المكرونة.. الاسباجتي.. برضه بالشوكة.. تتلف على طرف
الشوكة.. لحد ما تخلص وبعدين تحطيها ف بؤك من سكات.. مش
تشفطي المكرونة عود عود
- السمك.. مشكلة.. شوفي.. بتفصلي اللحم عن الشوك
إزاي..؟؟ تقطعي اللحم من النص.. بالطول وبعدين تفردي اللحم على
الجانبين ولما تخلصي ناحية.. متقلبيش السمكة.. بلاش فضااايح
شيلي السلسلة بالشوكة والسكينة وحطيها في جنب الطبق
وكملي أكل النص التاني.. وبدل الفيلم الهندي ده.. نصيحة
ماتكليش السمك خالص.. قولي مابحبش السمك وخلصي نفسك
- الجمبري.. -إذا كنتي عارفاه-.. أول ماطبق الجمبري ينزل.. بصي للجمبري
بطريقة قال يعني زهقانة من كتر أكل الجمبري واتنهّدي جامد وقولي.. برضه..؟؟؟
وتروحي قاطعة راس الجمبريّاية.. بالشوكة.. أنا ف عرضك إنسي المصمصة دلوقتي
- البطاطس سواء مسلوقة أو محمرة.. أوعي تهرسيها وتدبيها على
الرز وتدّي ...لا..لآ...لآ...بالشوكة حتة حتة وإنت زي ما تكوني
هاتعيطي من كتر ما البطاطس صعبانة عليكي
9 - الفاكهة.. لو الفاكهة فيها بذر.. طلعيه من بؤك بالراحة وحطيه في
إيدك وهي مقفولة.. وبعدين في طفاية السجاير اللي ع الترابيزة
أوعي ياحبيبتي من نظام التفتفة للبذر.. إنسي
- ولما تخلّصي أكل تحطي إيدك على بطنك.. -اللي عصافيرها
بتصوصو من العينات اللي كلتيها-.. وتقولي له مش ممكن.. أنا
عمري ما اتفجعت كدة.. أنا قدامي أسبوع.. هابطّل أكل فيه
وبعدين تمسكي الفوطة اللي دايمًا موجودة على التربيزة من غير
لزمة.. وتبوسيها.. آل يعني بتمسحي بؤّك
وبعدين تستأذني منه لإصلاح ماكياجك.. تدخلي التواليت
وتطلعي من شنطة إيديك.. لفة الفول والفلافل اللي جايباها
معاكي.. وبالهنا والشفااااااااااااا
| |
|
 | |
saso
عضو متميز جداً
عدد الرسائل : 1770
العمر : 33
تاريخ التسجيل : 24/02/2008
| | موضوع: رد: ههه-لو ربنا نفخ ف صورتك واتخطبتى-ههه 2008-11-25, 4:27 pm | |
| ههههههههههههههههه حلوة منك المعلومات دى | |
|
| | |
°o.OمصراوىO.o°
عضو متميز جداً
عدد الرسائل : 4203
تاريخ التسجيل : 03/10/2007
| | موضوع: رد: ههه-لو ربنا نفخ ف صورتك واتخطبتى-ههه 2008-11-25, 5:57 pm | |
| | |
|
| | |
نأسف على الازعاج
عضو متميز جداً
عدد الرسائل : 5734
العمر : 34
تاريخ التسجيل : 19/10/2007
| | موضوع: رد: ههه-لو ربنا نفخ ف صورتك واتخطبتى-ههه 2008-11-25, 11:29 pm | |
| هههههههههههههههههه
لا كدة مش يعزمنى احسن
مالة اكل البيت | |
|
| | |
bint maser
عضو متميز جداً
عدد الرسائل : 1765
العمر : 34
تاريخ التسجيل : 25/02/2008
| | موضوع: رد: ههه-لو ربنا نفخ ف صورتك واتخطبتى-ههه 2008-11-26, 12:38 am | |
| ههههههههههههههههههههه معلومات جامده جدا على رايك يا ناسف ماله اكل البيت دا حتى صحى اريح من الفيلم ده كله  | |
|
| | |
STAR_DREAM
عضو متميز جداً
عدد الرسائل : 459
العمر : 34
تاريخ التسجيل : 12/03/2008
| | موضوع: رد: ههه-لو ربنا نفخ ف صورتك واتخطبتى-ههه 2008-12-26, 5:38 pm | |
| هههههههههههههههههههههههههههههههههههههههههههههههههههههههههه
ده كله ههههههههههههههههههههههههههههههههه
مااشى يا سيف
معرفناش بقى الراجل بياكل الميه بالشوكه ولا ايه
هههههههههههههههههههههه
بس حلوه | |
|
| | |
امير الظلام
عضو متميز
عدد الرسائل : 151
العمر : 36
تاريخ التسجيل : 07/12/2008
| | موضوع: رد: ههه-لو ربنا نفخ ف صورتك واتخطبتى-ههه 2008-12-26, 6:33 pm | |
| ايه الكلام ده يا سيف
تسلم | |
|
| | |
ايمان الجندى
عضو متميز جداً
عدد الرسائل : 3319
العمر : 33
تاريخ التسجيل : 04/04/2008
| | موضوع: رد: ههه-لو ربنا نفخ ف صورتك واتخطبتى-ههه 2008-12-26, 6:59 pm | |
| هههههههههههههههههههههههههههه
لو عزمنى هقوله اللى هناكله لبرة ماما تعملهولك
ههههههههههههههههههههههههههههههههههههههههه
بلاش فضايح وتزنيبة سوده
مشكووووووووووووور | |
|
| | |
علاءعبدالمجيد
عضو متميز جداً
عدد الرسائل : 986
العمر : 38
تاريخ التسجيل : 11/11/2008
| | موضوع: رد: ههه-لو ربنا نفخ ف صورتك واتخطبتى-ههه 2008-12-26, 7:48 pm | |
| هههههههههههههههههههههههههههههههههه
يا لهوووووووووووووووووووووووووي
ايه الفضايح دي
طب ما كانت طلعت لفه الفول والفلافل من الاول وكلو هما الاتنين وكانو وفرو حساب الاكل وكانو حبسو باتنين شاي وسجاره
هههههههههههههه
موضوع جميل | |
|
| | |
love angel
عضو متميز جداً
عدد الرسائل : 3165
تاريخ التسجيل : 15/12/2008
| | موضوع: رد: ههه-لو ربنا نفخ ف صورتك واتخطبتى-ههه 2008-12-26, 9:15 pm | |
| هههههههههههههههههههههه
ايه الفضايح دى
معلومات قيمة جدا
نسيت تقول طبعا ان الميه بتتشرب رشفة رشفة وبالراحة
ومتخلصيش اكتر من تلت الكوباية
وبلاش ياريت الاصوات اللى بتحصل بعد الشرب
الله عليك يا سيف | |
|
| | |
major girl
عضو متميز جداً
عدد الرسائل : 3773
العمر : 34
تاريخ التسجيل : 17/10/2007
| | موضوع: رد: ههه-لو ربنا نفخ ف صورتك واتخطبتى-ههه 2009-01-08, 12:46 am | |
| ههههههههههههههههههههههههههههه
هههههههههههههههههههههههههههههههه
توبيك جامد
بس انا عاوزه اعرف هو بياكل كده برده
لو كان بياكل كده هيقلها فى نهايه الاكل هروح اتكلم فى التليفون على متخلصى الميكاب بتاعك وهيروح يضرب هو كمان فوووووووووووول | |
|
| | |
| | ههه-لو ربنا نفخ ف صورتك واتخطبتى-ههه | |
|
