مين اللى حس الاحساس اللى حسيته ده ؟؟؟؟؟؟

بسم الله الرحمن الرحيييم


السلام عليكم ورحمة الله وبركاته


أزيكم يا بنات وشباب المنتدى أنا بكتب موضوع شغلنى أوى المشكله أنى مش عارفه له عنوان

بس حبيبت أكتب اللى جوايا واللى أنا حاسه بيه

أنا حاسه أنى تايه أوى حاسه أنى خايفه جداا

بحس الاحساس ده بيجيلى كتير وهو أحساس أنى ضميرى بيقتلنى حاسه لما بفكر أنى ممكن أموت فى أى لحظه

وأنا مش عملت اللى ربنا عايزه منى بحس أنى ببكى

هتصدقونى والله العظيم أنا ببكى وأنا بكتب الموضوع ده
وحاسه أن قلبى بيصرخ من الخوف خايفه أموت فى أى لحظه
وأروح القبر وأندفن مع كل الللى هناك وأنا مش أعرف آيه اللى هيحصلى تحت فى القبر ده

بس بجد أنا بيجيلى الاحساس ده كتير أوى بس أول مره أفكر أكتب عنه لانى محتاجه أكتبه لان محدش بيفكر يسمعه منى

لانى لما بتكلم فيه كل الناس بتخاف برده

يـــــــــــــــــــــــــــارب أنا خايفه من عذابك أوى
ومش عارفه آيه اللى مكتوب ليا فى حياتى التانيه
وليه مش أبقى خاتمه القرآن زى اللى ختمينه وأحفظه زى ما بحفظ المواد عندى فى الكليه

أنا بصلى تهجد بس ليه مش أصليه كل يوم أنا مش بصليه الا فى الاجازه
مش معنا بروح الكليه كل يوم وبحضر السكاشن كل يوم وهبقى هموت لما بيخدونى غياب
طيب والغياب اللى أحنا فيه ده يا ترى آيه أخرته ؟؟؟؟؟؟
نفسى حد يأخد بأيدى للطريق ده ويساعدنى ويشجعنى

أنا بجد خايفه أوى من الاخره والاحساس ده أنا بتهرب منه كتير علشان لما بحسه ببقى فى الحاله اللى أنا فيها دلوقتى

ولاول مره أفكر أعبر عن حاجه جوايا وأكتبها هنا فى المنتدى ؟؟

بس بجد أنا نفسى أتغير
يا ترى الاحساس ده بيجى ليكم برده !!!!!!!!!
أنا بس حبيت أكتب علشا أستريح لانى بجد مخنوقه أووووووووى

وحاسه أنى مش راضيه عن نفسى
ونفسى ربنا يساعدنى أنى أقرب منه أكتر لان آيه أخرت الدنيا دى ؟؟ وهنعمل بيها آيه ؟؟
هما دول الكلمتين اللى كان نفسى أكتبهم لانهم بجد تعبنى أوى وكنت محتاجه أطلعهم
وشكرا لاى حد يكتب نصيحه ليا ولاى حد فى المنتدى
وشكرا

للاسف السن دا مشكله بكل المقاييس وبجد مرحله لا يحسد عليها اى شخص
الانسان محتار
طيب يرضى ربنا ولا يكسل ويعيش ايامه وسنه زى باقى الناس ما بتعمل ويقولو دا معقد دا طيب دا دا

والله مفيش حاجه اسمها انا نفسى
فى حاجه اسمها انا عاوز كذا
لازم نختار
واكيد هنختار الالتزام لاننا مسلمين

بس ب تبقى مرحله صعبه اوى

الولد يقول انا هصلى واربى دقنى
طيب ما تربى نفسك الاول يا عمنا

البنت تقول انا همشى كويسه وهلبس اسدال
طيب عدلى من نفسك الاول يا اخت

وهكذا
يعنى مفيش نفسى فى انا عاوز وبتعب عشان ربنا يجزينى ف النهايه

طيب محنا بنتعب عشان ننجح
ممكن عشان نفسنا وممكن عشان خايفين من كلمتين نسمعهم اخر السنه من اهلنا وو
طيب ما الاولى بقا اننا نتعب ونحارب نفسنا وشيطانا عشان ننجح ف دنيتنا وف نفس الوقت خوف من اللى خلنا اللى حقه علينا كبير اكبر بكتير من حق اهلنا وننال الجنه

ياااااااا
مهما عملنا بجد لربنا مش هنوفى اى شىء له
لانه خلقنا واستكفى مننا يعنى مش عاوز مننا اى شىء لاننا مهما عملنا مش هننقص ف مُلكه شىء
سبح انك ربنا

ف النهايه
اللهم انى لا اسالك ان تعاملنى بما ان اهل له بل اطمع فى رحمتك

موضوعك بجد يمس القلب جدا وبجد يستحق كل بكاء
لان لو محدش بقا هنا بجد يبقى معندوش دم

دمتى كما تودى ان تكونى

بسم الله الرحمن الرحيم
انا حبيت انى ابدا كلامى بذكر اسم الله عز وجل
عارفين ليه ؟
اقرو البسمله بس على مهلكوا ولو قدرتوا تشتهجوها اشتهجوها ساعتها هتحسو معناها وهتحسوا انا بديت الكلام بيها ليه
انا مش هشكرك يا هدير على الموضوع لان اللى انتى عملتيه دا واجب على كل مسلم
انا بس هوضح حبة حاجات صغيرة حاسس انى عاوز اتكلم فيها
اولا انا متفق مع الاخوة الاعضاء فى كل الكلام اللى قالوه ولكن اختلافى مع فؤش ولكن اقول ايضا هذه حرية الاراء ولكل عقل تفكير
بصوا يا جماعه احنا كلنا والحمد لله مسلمين
(اللهم احيينا وامتنا على دين انك بكل شىء قدير وبنا خبير)
بس هل كلنا مؤمنين ؟؟؟؟؟؟؟؟
طبعا كلكوا هتقولوا ايه العبيط دا ازاى مسلمين وازاى بيسألنا اذا كنا مؤمنين ؟
يا جماعه فى عندنا مسطلحات كتير اوى بنفهمها غلط
عندنا مثلا الاسلام و والايمان و التوحيد
الثلاثه مختلفين
الاسلام مثلا
الناس بتقول انك بمجرد ما بتقول اشهد ان لا اله الا الله واشهد ان محمد رسول الله
خلاص يبقى انت كدا مسلم
لالالالالالالالالالالالالالالالا
ليس قولا بل فعلا
وليست هذه فقط بل يجب ان نطبق اركان الاسلام الخمس تطبيقا صحيحا
واول ركن الشهاده وليست بالقول فقط بل بالقول والعمل
وتانى ركن اقامة الصلاة وهنا ياتى الفرق بين هذا يصلى وهو خاشع وهذا يصلى وهو متلهف لسماع الماتش فى التلفاز
وغيرها والذكاة
وصوم رمضان
وحج البيت لمن استطاع اليه سبيلا
(وناخد بالنا من جملة (لمن استطاع اليه سبيلا دى
علشان نعرف ان الدين يسر وليس عسر
انا مش هطول عليكوا
انا عاوز بس اقول لهدير ولاى عضو بيحس نفس الاحساس اللى هدير حساه دا
عاوز اقوله اطمن انت نفسك اقوى من شيطانك
اطمن انت بتطيع ربنا بس عاوز تكثر من طاعتك ليه
اطمن انت حسيت باحلى احساس فى الوجود وهو الخشية من العزيز الجبار عز وجل
اطمن انت خيرك سابق شرك
اطمن انت حسناتك سابقه معاصيك
اطمـــــــــــــــــــــــــــــــــن انت مش عاوز تدخل الجنه وبس لالالالالالالالالالالالالالاء
دا انت عاوز ربنا يحبك


كم هو جميل الاحساس بالخشيه من الله



اهنيكى هدير اهنيكى لانك اتغلبتى على شيطانك

بس نصيحه اوعى الاحساس دا يضيع منك الا اذا حققتى اللى انتى عاوزاة لانه لو ضاع منك منغير متحققى اللى انتى عاوزاة ده عمرك ما هتحسيه تانى ولا عمرك هتتحققى دا ابدأ
صدقينى الاحساس دا مبيجيش الا مرة واحده

عارفه اكيد كل اصدقائك اللى حواليكى بيحسوا نفس الاحساس دا بس الفرق بينك وبينهم انك انتى اتغلبتى على شطاانك وهما مش قادرين علشان كدا انتى مش لاقيه حد يساعدك انك تمشى فى الطريق دا

طيب تعالى نفضفض مع بعض ونقنع بعض
واحده اتغلبت على شيطانها تقدر تتغلب على شياطين غيرها ؟؟؟؟؟

هااااااااااااااااااااا



اه ممكن طبعا


طيب متتفقى انتى واصحابك انكوا تعملوا مع بعض ثفقه تجارية بس الثفقه دى مكسبها مش فلوس لاء دى مكسبها حسنات
فكرك هيقولولك لاء ؟


لاء طبعا هيوافقوا
اقولك ايه هى الثفقه دى
انتى تخلصيهم من شيطانهم اللى على طول بيقولوهم لاء على فعل الخيرات
وهما يساعدوكى على مشوارك
هتقوليلى ازاى


هقولك يا ستى بصى صحابك دول انتوا مش على طول مع بعض ؟

اه

طيب ليه لما الاذان يأذن متروحوش تصلوا ؟


مفيش جامع فى الكليه؟؟؟؟؟؟؟

سورى حجتك مش مقبولة
اه قوليلهم كدا قوليلهم حجتكوا مش مقبوله ابعد يا شيطان

فى جامع جمب كوبرى المعلمات لو وقفتى عند الكوبرى ساعة الاذان هتلاقى صوت الادان بيقولك تعالى انا اهه

هيقولولك طيب استنى اما نخلص كذا استنى احسن فلانه جايه وهتدور عليا مش هتلاقينى استنى احسن................................... والخ ؟
عارفه ردى عليها رد واحد بس قوليلها انا مستعده استناكى بس بشرط تقولى لربنا استنى (حاشة لله طبعا)
هتتخرس وهتروح معاكى


طيب الحجتين دول نفدنا منهم تعالى بقى للحجه التالته

يااااااااااااااااااااه لسه هنطلع بره الجامعه

قوليلها لو حبيبك مستنيكى بره وعاوزك هتروحيه

هتقولك طبعـــــــــــــــــــــــا

قوليلها طيب ربنا بقى اللى بره ومستنيكى وبيناديلك هتروحيله ؟؟؟؟؟؟؟؟؟؟؟


عارفه انتى كدا تبقى غلبتى شيطانها

طيب افرضى بقى بعد دا كله مش رضيت تروح تصلى معاكى يبقى كدا بقى هى من جوة مفيش ايمان وهو دا الفرق ما بين الايمان والاسلام
وفى الحاله دى روحى انتى وصلى وشوفى هتحسى بايه صدقينى
صدقينى لو مضايقه هتفوقى من ضيقتك
ولو الحته شمس هتحسى جوة الجامع بجو عمرك ما حسيتيه ابدا

المهم علشان الكلام فى الموضوع دا كبير ولو سبت نفسى هملى صفحات

انا اللى عاوز اقولهولك الصحبه هى اللى بتحدد طريقك اذا كان خير او شر
مش معنى كدا انك تبعدى عنهم لاء خدى ثوابهم واهديهم يمكن يكونوا فى غفله ولو مش قدرتى شوفى صديقه وواحده بس تمشى معاكى الطريق وبرده مش تزهقى من النصيحه انصحى اصحابك تانى وتالت ومليووووووووون

وربنا معاكى

الكلام جميل بس التنفيذ صعب

بس جاهدى وما اجمل جهاد النفس فى سبيل الله


اخوكى

عبد من عباد الله