مستعد تحب
انا بحب قوي اغنية اسمها ريدي فور لوف
يعني مستعد اني احب
عارف الاحساس اللي بيجيلك وانت بتسمع اغنية وتحس ان الاغنية ديه بتعبر عن الاحساس اللي انت فيه
كأن الاغنية ببتكلم عليك
كل حاجة في الاغنية جزء منك الموسيقى الكلمات الالحان
الأغنية ديه عبرت عن مشاعري لفترة طويلة جدا واستمرت معايا عاملة زي اغنية تيتانيك اللي بتعبر عن الحب اللي نفسنا كلنا نعيشه
ديما كنت بسأل نفسي السؤال ده هل انت مستعد انك تحب ؟؟؟؟؟؟
انا انت احنا كلنا ؟؟
مستعد انك تحب شخص بقلبك بروحك بجسمك ؟؟؟
مستعد للمسؤلية اللي هتبقى عليك لما تحب الشخص ده ؟
مقدرش اجاوب بدلكم ......... لأن كل واحد لازم يقول اجابة لو قرا الموضوع ده ويقول ايه سبب اجابته ؟؟
بالنسبه ليا .........لأ
انا مش مستعد للحب
انا عارف اني عايز احب وممكن اكون اعجبت ببنات كتير في حياتي ؟؟
عارف اني مقدرش استغنى عن الحب ......... ومع اني مش مستعدله لاكن بدور عليه
بدور عليها في كل مكان !!!! ياترى هي سعيدة وانا هقدر اسعدها معايا !!! ياترى بتعمل ايه دلوقتي ؟؟
ياترى بدور عليا زي منا بدور عليها ؟؟؟ ولا خلاص لقت الحب من غيري ؟؟
هي خايفة ولا مرعوبة ولابتعاني ؟؟؟ ولا مستنياني ؟؟ هقدر اساعدها وامحي اي حاجة عملها الزمن فيها ؟؟
ايه الاسئلة الكتير ديه ؟؟؟
مع ان الاجابة كلمتين ؟؟ مش عارف
مش عارف هي فين هي مين بتعمل ايه
مش عارف هقابلها امتى وازاي وفين
ومش مش عارف امتى هعرف
عارف الاحساس اللي بيقولك انك في يوم من الايام هتلاقي اللي بتحبه ؟
انك ممكن تشارك الضحك والفرح والحزن والخوف والتحدي معاه
انا كتبت كتير وطولت عليكم بس ياترى قدرت اعبر عن اللي جوايا ؟
والسؤال هو هو " انت مستعد للحب ""
اكيد ربنا حاسس اني مش مستعد للحب دلوقتي ...... فمش لقيت الانسانة اللي احبها وتحبني لسه ؟؟
ياريت تشاركوني في الموضوع ده وشكرااااااا ليكم