عايزه اعرف راي الشباب ؟

بسم الله الرحمن الرحيم

السلام عليكم ورحمة الله وبركاته:
من غير لف ودوران وبكل صراحه
حابة اعرف راي الشباب بشكل عام


هل توافق لاختك انها تشارك في منتديات وبكل صراحة؟؟؟؟
يعني لو اختك عاوزه تشترك معانا علي المنتدي هتوافق ولا ايه؟
وياريت نتكلم بصراحه جداااااااا
واللي يدخل مايقلش اه مادام منتدي محترم زي ده
لا ياريت تتخيل نفسك دلوقتي اختك بتقلك والنبي عاوزه اشترك معاكوا والعب معاكوا
ه هترضي فعلا وتعرفها علي اصحابك البنات والولاد اللي عليه
وتقولهم دي اختي ولا هتزعق وتقولها ................؟
بجد نفسي اي عضو يدخل من الشباب يقول بصراحه هيعمل ايه في الموقف ده؟
بس ياريت نتكلم كلام مقنع مش تدخل ترد وخلاص علي الموضوع

واي شىء في خاطركم ياريت تطلعووه

ومنكم نستفيد

سلامي للجميع

صحيح انا بنت بس لو انا ولد اوافق بس اكون عارف هى بتعمل ايه وبتكلم مين
يعنى اكون متابع معاها
ورقيب عليها بعد ربنا ونفسها وضميرها
اختك : بطووووووووووط

جميل يا فؤاد وشكرا على الرد سنيوريته المنطقه
اختك: بطووووووووووووووط

بصراحة موضوع جميل
انا بقي هشارك واقول
طبعا هوافق علي ان اختي تشترك في المنتدي لاسباب عديدة
اولا / الثقة يعني انا واثق فيها وعارف ان هي مش هتعمل حاجة غلط
ثانيا/ ان هي معايا في الكلية واكيد الاعضاء الى علي المنتدي زميلها وصحبها

وبعدين المنتدي ده محترم بكل الاعضاء الى فيه وبعدين الى ماسك المنتدي ده الدكتور عماد سالم يعني محكوم كويس

موضوعك جمييييييييييل يا سنيوريتا
ويعتبر قضيه كبيره
لذلك لابد ان نعمل وقفه ايون نعمل وقفه
وندرس الموضوع كويس
اما بالنوسبه ليه فانا والحمد لله اخواتى البنات اتزوجوا او اتجوزوا
يا ستى بلغه اخرى اهو

لكن لو نتكلم بجد انا هوافق بس هتابعها طبعا
لكن لو بالنسبه فيما بعد ان شاء الله للمدام بتاعتى
لا وطبعا لا
لازم افرض شخصيتى ااااه امال ايه
هههههههههههههههههههه

بس على فكره يا سنيوريتا
الرد ده غير الرد السابق بتاعى

تقبلى مرورى
سفير الحب

انا عن نفسى مش هاوافق انها تشارك على اى منتدى لان
انا طول النهار فى الشغل وبرجع بعد المغرب
يعنى مفيش متابعه
وغير كده انا اخواتى مش بيحبو النت خالص
وموضوع جميل ياسنيوريتا
تسلم ايدك
واى خدمة

اكيد سؤال صعب بس الاجابة سهلة جدا ما دام انا واثق في اختي خلاص وحاجة كمان اللي بعملوا مع البنات اللي علي المنتدي اكيد هيتردلي في اختي "يعني كله سلف ودين والديان حي لا يموت

اولا ازيكم
انا عن نفسى يا سنيوريتا هاوافق ان اختى تشترك وتعرف الناس المحترمة اللى على المنتدى
وانا اكيد هاكون متابعها واقول لها بلاش تكلمى العضو فلان عشان مش كويس

تعرفى انا هاخليها تشترك معاية ليه فى المنتدى لانى سعتها هاعرف بتكلم مين وتصاحب مين
لانها ممكن تعمل اشتراك من وراية وتخبى يبقا انا اخليها معاية ولا تعمل هى من وراية
وبعدين لزم نكون صحاب انا وهى عشان اتبعها وبخبرتى ما خلهاش تقع فى غلط من اى نوع

وتقبلى مرورى

شكراً لسنيوريتا على الموضوع الجميل ده
وعن نفسي أوافق بشروط
أن يكون المنتدى محترم يعني لا يعرض موضوعات حرمها الله أو صور تشجع على الرذيلة
أن تكون أختي محترمة وأثق بها
أن تكون نية أختي سليمة فيما يتعلق بأسباب رغبتها في دخول المنتدى
الرقابة مهما كانت درجة الثقة ، فإن النفس أمارة بالسوء
أملي عليها نصائح لعدم وقوعها في الخطأ
حثها على المشاركة في المنتديات التي يغلب عليها الدين والشريعة والحوارات الهادفة
تخويفها مما يغضب الله ومن عذاب الله إذا خالفت شريعته عند التعامل مع المنتدى
حثها على الحديث في المنتدى بألفاظ وكلمات غير خارجة أو كلمات لها أكثر من معنى أو كلمات من الممكن فهمها خطأ من جانب الأعضاء الآخرين
حذف كل الصور والموضوعات التي تخدش حيائها أو تشجعها على الرذيلة