عايزين نشوف حل للقضيه دى...........

طبعاً كلنا أو معظمنا معترفين بضعف المرأه وأحيانا الرجل
بأنها عندما تحب حتى ولو من جانب واحد صعب عليها تنسى
لذلك عايزين نعرف لو أحد مننا مر عليه التجربه دى او الموقف ده
هيتصرف ازاى أو لو صديق له مر بالتجربه دى اتصرف ازاى علشان
ينسى . ومنها تكون عارف لو حصلك الموقف لأول مره بعد كده
هتتصرف ازاى من خلال اراء زمايلنا فى المنتدى.
وممكن يكون الموقف ده يكون على شكل اخر زى ايه......
واحد أو واحده صديقتك اعترفت ليك بحبها وانت مابتعتبرهاش أكثر من صديقه
ومش عايز تخصرها كصديقه ليك فهترد عليها وتتصرف إزاى......

ياريت أشوف أراءكم وردكم ومنها كنصيحه لباقى زمايلنا

دا بقا جمال الاسلام الى بينظر للمرأه على انها جوهره جميله موجوده جوا صدفه غاليه فى قاع البحر والى يوصلها لازم يتعب قوى ولازم يدق الباب (باب بيتها)

تمام يا دكتورة

يا دكتوره لمياء

سفير الحب بيسأل عن حاجة محدد هي
لما المرأة بتحب صعب عليها تنسي
هوبيسأل لو حد مننا مر بالتجربة دة هيتصرف اذاي علشان ينسي
ـــــــــــــــــــــــــ
قبل ما ارد علية احب اوضح له حاجة مهمه قوي
ان المرأة لما بتحب بتحب من قلبها حب صادق ودي حاجة من عند ربنا ومعتقدش ان الراجل يكون بيحب بنفس الدرجة وده الفرق ما بنهم
ــــــــــــــــــــــــ

انا عارف انك هتواجهة ضغوط نفسية كتير قوي علشان تنسي
بس لو انت من جواك عايز تنسي التجربة دي فعلا هتنساها
ومعلش تعالي علي نفسك شوية وابعد واكيد في يوم من الأيام هتنسي
بس ما تحاولش تحل المشكلة بمشكلة تانية انك تدور علي حب تاني
دا الغلط بعينة

عندك حق يامين مساعد اسرة شباب الغد

شكرا ليكى يا دكتوره لمياء لكن حضرتك ما وضحتيش حل للقضيه دى
وأنا مع الدكتور عماد فى وجهه نظرك لكن يا ريت توضحى الحل...

ومشكور جدا يا أمين مساعد أسره شباب الغد
على ردك الجميل وتوضيح الحل من وجهة نظرك

وشكرا على مرورك يا مهندس

لو حب حقيقى صعب تنسى
بس عارف ايه اسرع طريقة علشان تنسى قرب من ربنا هو احسن علاج

ميرسى ليكى يا حبيبه أدهم

بس يا جماعه عايزين رد على الجزء التانى من الموضوع

علي فكرة يا سفير الحب ما فيش بنت بتعترف بحبها للا بتحبة حتي ولو كان من طرف واحد
مهما كانت شخصيتها
لكن فيه بنت ممكن تعترف وهما بنات الدعارة بنات الليل ( اعوذ بالله منهم )
اما بالنسبة للراجل فهو الطرف الأول بأنة يعترف بالحب ده
ولو حصل زي ما قلت ان صدق او صديقة اعترف بحبه وانت مش عايز تخصرة
فده بتوقف عليك انت في تصرفاتك مع الطرف الأخر (يعني ايه مثلا الا يخلي وحده زملتك تحبك الا وانت تصرفاتك معاها اعطتها الأحساس ده ) ( او لو حصل وانت تصرفاتك معاها عادية لكن هي فهمت غلط) اتكلم معاها بصراحة وفهمها علشان ما تعيشهاش في وهم وانا وثقة انها مش هتزعل وهتحترمك اكتر

أنا معاكى يا أمين مساعد أسره شباب الغد فى ( او لو حصل وانت
تصرفاتك معاها عادية لكن هي فهمت غلط) اتكلم معاها بصراحة وفهمها علشان ما
تعيشهاش في وهم وانا وثقة انها مش هتزعل وهتحترمك اكتر. لكن هى مش عارفه تفهم ده .

بس أنا اخد على ردك فى (لكن فيه بنت ممكن تعترف وهما بنات الدعارة بنات الليل ( اعوذ بالله منهم )
يعنى كده مفيش ولا بنت محترمه اعترفت بحبها لأحد

وبالنسبة يا سفير للبنت الى فهمت غلط فمعلش دى برضو غلطتك لانك انت الى اكيد وصلتها لكدا ورأيى انك تصارحها لانها لو اكتشفت الحقيقة دلوقت هيكون احسن من بعدين

ياسلام يا دكتوره على ردك (حكم)

هو صارحها واللهى

بارك الله فيك وفيه

الحمد لله ان الموضوع تحل قبل تدخل حلييم

ليه يا حلييم قولنا ردك عليه ولو اتعرضتله كنت هتتصرف ازاى

السلام عليكم ورحمه الله وبركاته
مع احترامي لكل المشتركين للقضيه دي ومع احترامي لكل ردود الفعل
انا وجهة نظري مختلفة شويه
ان الحب الحقيقي محدش وصله غير افراد يتعدو على الصوابع
بص يا سفير الحب ده حاجه كبيره اوي

أولا : أنا متفقه تماما مع الدكتوره لمياء فى رأيها
لأن هو ده الصح لو البنت فضلت بعيده عمرها ما تتعرض لحاجه زى دى
وعمراها ما هتحب الا الزوج الى مكتوب لها فى المستقبل

ثانيا: بالنسبه للفهمت غلط أكيد ده ناتج عن طريقة الولد فى التعامل معاها
وأكيد برده هو الى وصلها لده

أما بالنسبه للمفروض يعمل ايه فأكيد لازم يصارحها ولكن بطريقه مش تجرح مشاعرها
مع ان البنت الى تروح لشاب وتقول له انها بتحبه
تبقى للأسف مش عندها حياء

وده رأيى.

ياااااااااااااااااااااااااااااااااااااه انتم رجعتوا للقضيه دى تانى
ميرسيي يا بوووودى على مشاركتك معانا
وانا معاك انه قليل قوى
لكن ساعات الاعجاب يكون شديد شويه
فالناس تعتبر ده حب
ولا ايه
يا بووووودى

وشكرا على مرورك

bint maser كتب:

أولا : أنا متفقه تماما مع الدكتوره لمياء فى رأيها
لأن هو ده الصح لو البنت فضلت بعيده عمرها ما تتعرض لحاجه زى دى
وعمراها ما هتحب الا الزوج الى مكتوب لها فى المستقبل

ثانيا: بالنسبه للفهمت غلط أكيد ده ناتج عن طريقة الولد فى التعامل معاها
وأكيد برده هو الى وصلها لده

أما بالنسبه للمفروض يعمل ايه فأكيد لازم يصارحها ولكن بطريقه مش تجرح مشاعرها
مع ان البنت الى تروح لشاب وتقول له انها بتحبه
تبقى للأسف مش عندها حياء

وده رأيى.

كلامك جميييييييل قوى يا بنت مصر ومقنع
لكن فى حالات كتيره من الحب من طرف واحد وخصوصا
بتيجى من البنت لان معروف عنها الضعف فى الحالات دى
فلازم تعترف ولا هتدنها تعيش فى وهم لوحدها

وشكرا لمرورك يا بنت مصر

بص يا سفير

اللى هقوله من وجهة نظرى

اولا/ علشان الواحد او الواحده تنسى حب كان حصل لهم يحاولوا ان يتقربوا الى ربنا عز وجل

ويشغل نفسه او نفسها بمستقبله ويفرغ له نفسه

ثانيا/ بانسبه لاعتراف البنت بحبها ده صعب خالص على البنت وده يرجع الى مبادئ ديننا واخلاقها


ثالثا/ فهم البنت الغلط لمعاملة صديقها

ده يرجع الى معاملته معها شكلها ايه

والمفروض ادام هو مش عاوز يخصرها كصديقه يصارحها ويفهمها براحه

تقبل مرورى

وائل المهدى

sonuoreta كتب:

معلش يا سفير ممكن اقول كلمه بسيطه
يعني ايه لازم تعترف ولا هدنها تعيش في وهم لوحدها
ههو الحال اتعكس يا جماعه عندكوا
وهو مين الي المفروض يعترف الاول بالحب
والله انا شايفه ان الراجل هو اللي ليه الحق يعمل كده ومتقوليش بقي كرامته وكبريائه وخوفه من رد الفعل
اللي بيحب بيبقي نفسه يقول للبيحبه انه بيحبه والا يبقي الحب ده نفسه غلط او انه مش قد المسئوليه
لكن البنت بيمنعها حاجات كتير اولها واهمها دينها واخلاقها ومبادئها
وبعد كده حيائها وشخصيه البنت نفسها



والبنت اللي توصل لمرحله انها تعترف للولد بحبها اللوم في الاول وفي الاخر عليها هي
لكن برضه الولد شور هو اللي وصلها للاحساس ده
وكان لازم من اول ماحس انها بتحبه هو اللي يبعد عنها يكرهها فيه زي مابيقولوا
مع العلم ان مافيش حاجه اصلا اسمها صداقه بين الولد والبنت في زمنا ده

ومن ناحيه الحل مع ان مش المفروض مش نغلط ونغلط وبعد كده نقول الحل ايه ؟؟؟؟؟؟؟؟؟
بس ادينا بنتعلم

ان الاتنين يبعدوا عن بعض خااااااااااالص
خااااااااااااااااااااااااااااااااااااااااااااااااالص
وينهوا العلاقه دي نهائي



بس كده معلش لو كنت طولت عليكوا او ضايقت حد بكلامي ده
بس والله انا بحب اقوول رايي بصراحه


وشكرا يا سفير علي طرحك للقضيه دي
مع اني واللله اول مره اشوفها

تقبل مروري


سنيوريتاااااااا

كلامك دايما يا سنيوريتا مقنع
وجمييييييييييييل جدا
وانتى نورتى القضيه والله
بس معلش حطى نفسك مكانها يا سنيوريتا
واحده بتحب واحد وهو ولا على باله
وعماله توضحله ومتاثره جدا وهو منفض
تعمل ايه
لكن فعلا انتى عندك حق
بس انا اعزورها بردون

وميرسيي ليكى على مرورك يا سنيوريتا

وائل المهدى كتب:

بص يا سفير

اللى هقوله من وجهة نظرى

اولا/ علشان الواحد او الواحده تنسى حب كان حصل لهم يحاولوا ان يتقربوا الى ربنا عز وجل

ويشغل نفسه او نفسها بمستقبله ويفرغ له نفسه

ثانيا/ بانسبه لاعتراف البنت بحبها ده صعب خالص على البنت وده يرجع الى مبادئ ديننا واخلاقها


ثالثا/ فهم البنت الغلط لمعاملة صديقها

ده يرجع الى معاملته معها شكلها ايه

والمفروض ادام هو مش عاوز يخصرها كصديقه يصارحها ويفهمها براحه

تقبل مرورى

وائل المهدى

اهلا بحبيب قلبى وائل المهدى
انا معاك انه اكيد هيكون من معامله الصديق لها
بس ممكن نعزره بردون ليه
لان هى دى معاملته مع الكل
يعنى هو اسلوبه حلو
معاها ومع غيرها
وكلام واضح طبعا فى معاملته
بس هى اللى فهمت غلط

وميرسيي يا وائل على مرورك

في جملة شهير ة هي جزء من ابيات شعر تقول
متع قلبك كما شأت من الهوا فما الحب الا للحبيب الاول
يعني مهما تحب بعد الحب الاول مش هتنسي الحب الاول
وده طبعا مستحيل حد ينساه
معتبرهاش اكثر من صديقة ""وبعدين انا اختلف معك في جملة
هو يقصد ايه باكثر من صديقة لها معاني كتير مش معنا ها الحب بس
ممكن تكون محبة كاخت

يعني البنت اللي بيحب يقعد معاها مثلا وحاجا ت كتير
وبرده بيحب ياخذ رايها في حاجات مش المصلحة يعني
وطبعا لازم ارضي بالامر الواقع

ياااااااااااااااا كلكم رأيكم مختلف عايزين نرسى على رأى ياجماعه وانا برجح رأى الدكتوره

قلب حائر كتب:

في جملة شهير ة هي جزء من ابيات شعر تقول
متع قلبك كما شأت من الهوا فما الحب الا للحبيب الاول
يعني مهما تحب بعد الحب الاول مش هتنسي الحب الاول
وده طبعا مستحيل حد ينساه
معتبرهاش اكثر من صديقة ""وبعدين انا اختلف معك في جملة
هو يقصد ايه باكثر من صديقة لها معاني كتير مش معنا ها الحب بس
ممكن تكون محبة كاخت

يعني البنت اللي بيحب يقعد معاها مثلا وحاجا ت كتير
وبرده بيحب ياخذ رايها في حاجات مش المصلحة يعني
وطبعا لازم ارضي بالامر الواقع

ميرسيي يا قلب حائر على مرورك
وكلامك الحلو ده
واتمنى انك تكون
متكنش لسه زعلان منى

ميرسيي يا امانى على مرورك
وياريت تكونى استفادتى من اراء زمايلنا
من وجهه نظرهم
والحلول المقترحه