| ملابس شباب الجامعة | |
|
+5sonuoreta رينادا (دموع الشمس) tweety هدهد فارس القلب الحزين 9 مشترك |
كاتب الموضوع | رسالة |
---|
فارس القلب الحزين عضو متميز جداً
عدد الرسائل : 2371 العمر : 37 تاريخ التسجيل : 06/10/2007
| موضوع: ملابس شباب الجامعة 2008-01-19, 5:20 pm | |
| جامعة القاهرة- 1968 تدق ساعة الجامعة الشهيرة معلنة تمام الثالثة عصرا، يخرج د."أنور" من قاعة المحاضرات، وقد انتهى الوقت المخصص له، ويبدأ الطلاب في التزاحم حول الباب في نظام واضح ليخرجوا خلفه، "ليلى" هذه الطالبة الشطورة الناجحة، تقف محتضنة كشكول المحاضرات، وهي ترتدي ملابس "أنثوية" رقيقة تليق بـ"بنوتة".. جيب رمادي طويل واسع مربوط عليه حزام أسود عريض، وفوقه "بلوزة" بيضاء فضفاضة، وإلى جوارها يسير "أشرف".. مجدع ورجولة وشباب برضه.. يرتدي هو الآخر ملابس تليق بشاب جامعي.. بنطلون أزرق وقميص كاروه.. حاجة ظريفة يعني يميل على "ليلى" بابتسامة خفيفة وهو يقول: "نهارك سعيد"! *** جامعة القاهرة- 2008 ينطلق صوت "هيفاء وهبي" من الموبايل وهي تغني "مش قادرة أستنى.. تيرارارا!" ليدوي في قاعة المحاضرات ،فينتبه د."أنور" لما جرى، ويحدد بدقة الجهة التي خرج منها الصوت، وبعد التهديد والوعيد، يعترف "أشرف" بأن التليفون تليفونه: "معلش يا دكتور أصل كنت ضابط الموبايل يرن ع الساعة 3 الفجر عشان أصحى أذاكر فضرب الساعة 3 العصر.. سوري بجد!" - "وظابطه على هيفاء وهبي ليه يا أستاذ" - "ما هي الوحيدة اللي بأصحى لما أسمع صوتها يادكتور"! تضج القاعة بالضحك، فيقرر د."أنور" إنهاء المحاضرة وهو مستاء، وقبل أن يخرج، يتزاحم الطلاب على باب القاعة في "فوضى" ويدفع كل واحد منهم هذا أو "هذه" من زملائه وهم يهتفون "مرواح مرواح"!، تميل "ليلى" على "أشرف"، لتتندر معه على ما حدث قبل أن تسأله: "إيه رأيك بقى في الطقم الجديد بتاعي"؟ ينظر "أشرف" إلى ملابسها.. بنطلون برمودا ضيق، وتي شيرت قصير خفيف ذو فتحة كبيرة من أعلى وحزام ضخم غليظ يتدلى نصفه على الأرض.. يهتف : "واو.. تحفة بجد.. شفتي بقى الطقم الجديد بتاعي". تنظر "ليلى" إلى ملابسه.. بنظلون جنيز مقطوع من أكثر من جزء... وبلوزة "كت" فوق تي شيرت نص كم!، والحلو "شبشب أبو صباع" في القدم! "يجنن يا "أشرف".. ظبتطه كده إزاي" "خبرة يا بنتي.. خبرة.. لعلمك الشبشب ده بـ150 جنيه.. أمال، ده بلاستيك طبيعي! احكي لي بقى عاملة إيه مع الواد بتاعك" "ده مغلبني.. شوف ياسيدي...................." *** لو سمحت ممكن تركز شوية على الملابس اللي بيرتديها طلاب الجامعة زمان ودلوقت خلينا نسألك سؤال في الصميم شايف أنت ملابس الطلاب في الجامعة "ولاد على بنات.. وبنات على ولاد".. م الآخر يعني.. تنفع؟! مناسبة يعني لحاجة كده بيسموها "قداسة الحرم الجامعي" و"أهمية العلم"؟ تفتكر إحنا مزودينها حبتين ولا كلامنا صح؟ وفي رأيك.. إيه السبب اللي مخلي كتير من الطلاب والطالبات يتعمدوا يلبسوا ملابس "غريبة" و"شاذة" وهما رايحين المحاضرات؟ | |
|
| |
هدهد عضو متميز جداً
عدد الرسائل : 1130 العمر : 37 تاريخ التسجيل : 06/11/2007
| موضوع: رد: ملابس شباب الجامعة 2008-01-19, 8:54 pm | |
| التقليد الاعمى يا فارس وبصراحة تلاقى البنات والولاداللى بيركزوا على الموضة والمظهر ناس غلابه جدااااااااا للاسف مش بحبوا يعيشوا عيشة اهلهم | |
|
| |
tweety عضو متميز جداً
عدد الرسائل : 1806 العمر : 35 تاريخ التسجيل : 13/11/2007
| موضوع: رد: ملابس شباب الجامعة 2008-01-19, 9:44 pm | |
| ههههههههههههههههههههههههه بجد موضوعك هايل وجميل يافارس | |
|
| |
فارس القلب الحزين عضو متميز جداً
عدد الرسائل : 2371 العمر : 37 تاريخ التسجيل : 06/10/2007
| موضوع: رد: ملابس شباب الجامعة 2008-01-19, 11:14 pm | |
| ياريت الشباب مايتقلدوش الغرب فى الغلط احنا بش شاطرين شوفت قميص توم كروز او غيروا | |
|
| |
tweety عضو متميز جداً
عدد الرسائل : 1806 العمر : 35 تاريخ التسجيل : 13/11/2007
| موضوع: رد: ملابس شباب الجامعة 2008-01-19, 11:17 pm | |
| على رايك يا فارس كله عمال يقلد الغرب حتى لو كانت الموضة شكلها مستفز لازم ياجماعة كل واحد يشغل عقلة حتى لو دقيقة | |
|
| |
فارس القلب الحزين عضو متميز جداً
عدد الرسائل : 2371 العمر : 37 تاريخ التسجيل : 06/10/2007
| موضوع: رد: ملابس شباب الجامعة 2008-01-19, 11:25 pm | |
| بالزمة عجبك منظر ولد تلاقيه لبس بدى مقطع ومكبر شعره زى البنت ويقولك كول واللى يغيظك مكتبله فى البطاقة ولد | |
|
| |
رينادا (دموع الشمس) عضو متميز جداً
عدد الرسائل : 1596 العمر : 35 تاريخ التسجيل : 10/11/2007
| موضوع: رد: ملابس شباب الجامعة 2008-01-19, 11:27 pm | |
| موضوع مهم جدا يا فارس شكرا لطرحه وانا من راي ان سبب الموضوع هو تقليد الشباب زيما هدي قالت وكمان سبب زي ما بنسمع ان مفيش فرق بين البنت والولد وده طبعا مفهوم خاطيء | |
|
| |
فارس القلب الحزين عضو متميز جداً
عدد الرسائل : 2371 العمر : 37 تاريخ التسجيل : 06/10/2007
| موضوع: رد: ملابس شباب الجامعة 2008-01-19, 11:35 pm | |
| طبعا فى فرق بين الولد والبنت ولعن الله المتشبهين | |
|
| |
sonuoreta عضو متميز جداً
عدد الرسائل : 2703 العمر : 34 تاريخ التسجيل : 21/10/2007
| موضوع: رد: ملابس شباب الجامعة 2008-01-21, 2:00 pm | |
| موضوع هايل يافارس بس انا اعتقد ان ده بيرجع للتربيه الصح سواء للولد او البنت ومعظم البنات لو سالتهم بيقولوا هما يومين بنعشهم وخلاص اما بقى الولد بيقول لازم ابقى روش واعيش شبابى وشكرا على الموضوع يافارس | |
|
| |
افريكانو عضو متميز جداً
عدد الرسائل : 930 العمر : 38 تاريخ التسجيل : 30/09/2007
| موضوع: رد: ملابس شباب الجامعة 2008-01-21, 3:07 pm | |
| شكراااااا على الموضوع يا فارس بس طبعا زى محنا عرفين انى المظهر لا يدل عن شخصية الانسان وفى ناس كويسه كتير بس للااسف مبتعرفش تختار البس اللى يتناسب مع شخصيتهم ودى مشكلة فى حد ذاتة بس بردو مش كل حاجة تتلبس وتتقلد وبعدين انا بشوف انى الشباب والبنات بتحب تقلد المطربين والمطربات علشان يكونو اول ناس عملو الحاجة دى طيب ازى وفى حد قبلك لبس الحاجة دى وبعدين هم بيلبسو الحاجة لمرة واحدة وبعدين خالص لاكان لالااسف كلو بيقلد وخالص ..................شكرا ليكم................. | |
|
| |
فارس القلب الحزين عضو متميز جداً
عدد الرسائل : 2371 العمر : 37 تاريخ التسجيل : 06/10/2007
| موضوع: رد: ملابس شباب الجامعة 2008-02-01, 11:19 pm | |
| يا افريكانوا لزم الناس تعرف تختار لبسها الصح
مش انا هالبس التى شيرت الاحمر عشان عمرو دياب كان لابس واحد زيه فى اخر كليب
بس المفروض اشوف التىشيرت ده هايكون مناسب ليه وكمان الاحمر هايليق عاليه ولا البس وخلاص | |
|
| |
فارس القلب الحزين عضو متميز جداً
عدد الرسائل : 2371 العمر : 37 تاريخ التسجيل : 06/10/2007
| موضوع: رد: ملابس شباب الجامعة 2008-02-06, 5:22 pm | |
| اهو عينة من الاشكال اللى بنقول عليها اهو
عموما واضح انك مريض نفسيا وعقليا عشان ده مش رد من انسان محترم | |
|
| |
فارس القلب الحزين عضو متميز جداً
عدد الرسائل : 2371 العمر : 37 تاريخ التسجيل : 06/10/2007
| موضوع: رد: ملابس شباب الجامعة 2008-10-06, 8:18 pm | |
| بدء العام الجديد وظهر لبس الجديد اتمنى يكون لبس كويس محتشم للجميع | |
|
| |
نأسف على الازعاج عضو متميز جداً
عدد الرسائل : 5734 العمر : 34 تاريخ التسجيل : 19/10/2007
| موضوع: رد: ملابس شباب الجامعة 2008-10-09, 6:40 am | |
| هههههههههههههه حلوة تعليقاتك دة قوى حلوة حكاية اللى يغيظك ان مكتبلة فى البطاقة ولد
بجد فى حاجت مستفزة اوى فى شكل اللبس ولونة
يمكن واللة ساعات بتخلبط بين ولد وبنت دة بيبقى بجد
تحياتى وناسف على الازعاج | |
|
| |
فارس القلب الحزين عضو متميز جداً
عدد الرسائل : 2371 العمر : 37 تاريخ التسجيل : 06/10/2007
| موضوع: رد: ملابس شباب الجامعة 2008-10-09, 7:21 pm | |
| مش كلامى صح يا ناسف على الازعاج | |
|
| |
نأسف على الازعاج عضو متميز جداً
عدد الرسائل : 5734 العمر : 34 تاريخ التسجيل : 19/10/2007
| موضوع: رد: ملابس شباب الجامعة 2008-10-09, 8:31 pm | |
| | |
|
| |
أحمد أنور عضو جيد
عدد الرسائل : 12 تاريخ التسجيل : 30/11/2007
| موضوع: رد: ملابس شباب الجامعة 2008-10-14, 10:38 am | |
| بسم الله الرحمن الرحيمالحمد لله والصلاة والسلام على سيدنا رسول الله صلى الله عليه وآله وصحبه وسلم، وبعد:في الحقيقة الموضوع جميل جدا، فتحية كبيرة للمحترم كاتب هذا الموضوع.وهذا الموضوع كبير جدًا يا جماعة وكلنا أمل أن ننتهي منه قريبا قبل أن نذوب تماما في العولمة ونصبح بلا هوية.وفيما يلي الأسباب حسب وجهة نظري البسيطة:1- ضعف الوازع الديني لدى بعض المسلمين في هذه البلدان، فلم يعد للدين تلك السيطرة على النفوس والقلوب التي كان عليها في سالف الأيام.2- انهيار دور المؤسسات التربوية في تقديم أدوارها من بناء العقول والأخلاق، وما مهازل التعليم في بلادنا عنا ببعيد، فلم يكن هناك مؤسسات علمية محترمة ولا مؤسسات تربوية مؤتمنة.3- غياب دور الأسرة غياب شبه كلي، فرب الأسرة يواصل الليل بالنهار يعمل هنا وهناك من أجل أن يوفر قوت أسرته في ظل الغلاء والبطالة والرشوة والمحسوبية التي ابتلينا بها هذه الأيام، فمتى يربي ويقيم ويعلم؟4- وسائل الإعلام وما أدراك ما وسائل الإعلام، إنها الموت الزؤام في هذه الأيام، فلا تكاد تفتح التليفزيون على أي قناة ودعك من الفضائية وصب اهتمامك على الأرضية، فلا نشرة أخبار ولا برنامج ثقافي رياضي أو اجتماعي..الخ إلا والمذيعة ملابسها في غاية الفحش، وفي غاية التبرج وفي غاية ما ذكرته أنت في مقالك، وطبعا نحن نقدمهم ليقتدي بهن بناتنا، وحسبنا الله ونعم الوكيل.5- المؤسسات الدينية تخاذلت عن أداء دورها حتى استطاع العلمانيون اختراق هذه المناطق الأخلاقية وتدميرها، فما الدور الذي تقوم به المساجد هذه الأيام؟ ليست إلا مكان للصلاة، فلم يعد هناك علم يلقى فيها أو موعظة أو تربية...الخ، ولا حول ولا قوة إلا بالله العليا العظيم.6- بعض المعلمات المتبرجات في المدارس والجامعات، وهؤلاء هن بنات العقول والأخلاق، فإذا كانت إحداهن فاقدة للأخلاق فكيف تعطيها، وما الجامعات عنا ببعيد. وإياك أعني وافهمي يا جارة.وهذه قصة حصلت معايا أنا شخصيا.أنا كنت في القاهرة ماشي في شارع الأزهر بجانب مسجد الإمام الحسين رضي الله عنه، وهذا الشارع دائما ما يكون مزدحما بالليل وخاصة في رمضان وكنت فعلا في رمضان، فنظرت أمامي فوجدت شابتين في غاية التبرج، فوفقني الله تعالى إلى أن أنظر في الأرض أمامي حتى لا أراهما، لكن للأسف كان يمشي أمامي رجل وزوجته سيدة كبيرة في السن لكنها متبرجة ملابسها حتى الركبة، والشعر والصدر والدنيا كلها مكشوفة، فما أن نظرت في الأرض إلا وأقدامها أمامي، وللعلم كانت أقدامها لا تغري، فكلنا يعلم أن الإنسان كلما كبر في السن وخاصة النساء بعد سن اليأس، تظهر كرمشة في الجلد وتيبس في الخلايا...الخ ما ينفر من النظر إليها، فإذا برجل يسحب عربة نقل البضائع بين السيارات معرفش اسمها ايه يهدد على كتفي، فنظرت إليه، فقال لي: بص قدامك. فهو قد ظن أنني مفتون بقدم تلك السيدة، وهو لا يدري أنني لو نظرت أمامي لوجدت الفتنة الحقيقية، فتحسرت وقلت في نفسي: أين أضع أبصري لأنظر الطريق؟ فلم أجد مكانا أنظر فيه إلا وفيه التبرج هذا.وفي النهاية:أعتذر لكم عن الإطالة.وعلينا أن نتكاتف للقضاء على هذه الرذائل وإيقاظ منظومة الأخلاق في بلادنا.دمتم في حفظ الله ورعايته | |
|
| |
فارس القلب الحزين عضو متميز جداً
عدد الرسائل : 2371 العمر : 37 تاريخ التسجيل : 06/10/2007
| موضوع: رد: ملابس شباب الجامعة 2008-10-17, 10:33 pm | |
| شكرا ليك يا احمد وربنا يحفظك ويحفظنا | |
|
| |
فارس القلب الحزين عضو متميز جداً
عدد الرسائل : 2371 العمر : 37 تاريخ التسجيل : 06/10/2007
| موضوع: رد: ملابس شباب الجامعة 2012-01-31, 8:40 pm | |
| المفروض نعرف ننختار لبسنا | |
|
| |
bint maser عضو متميز جداً
عدد الرسائل : 1765 العمر : 34 تاريخ التسجيل : 25/02/2008
| موضوع: رد: ملابس شباب الجامعة 2012-02-02, 2:43 am | |
| فعلا هو دا الى بيحصل فى الجامعات بنات وولاد لابسين ملابس غريبه جدا صحيح مش الكل .. لسه موجود الملابس المحترمه والهاديه ولكن الغالب هى الملابس الغريبه ودا لان البعض بيقلد وخلاص والبعض بيلبس اى حاجه طالما طالعه موضه وخلاص عشان يبقى عصرى وماشى مع آخر صيحه مع ان ممكن يبقى عصرى وكل حاجه وملابس محترمه ورقيقه بردوا هى دلوقتى ما بقتش جامعه .. بقت بلاج
| |
|
| |
| ملابس شباب الجامعة | |
|