ملابس شباب الجامعة

جامعة القاهرة- 2008
ينطلق صوت "هيفاء وهبي" من الموبايل وهي تغني "مش قادرة أستنى.. تيرارارا!" ليدوي في قاعة المحاضرات ،فينتبه د."أنور" لما جرى، ويحدد بدقة الجهة التي خرج منها الصوت، وبعد التهديد والوعيد، يعترف "أشرف" بأن التليفون تليفونه:
"معلش يا دكتور أصل كنت ضابط الموبايل يرن ع الساعة 3 الفجر عشان أصحى أذاكر فضرب الساعة 3 العصر.. سوري بجد!"
- "وظابطه على هيفاء وهبي ليه يا أستاذ"
- "ما هي الوحيدة اللي بأصحى لما أسمع صوتها يادكتور"!
تضج القاعة بالضحك، فيقرر د."أنور" إنهاء المحاضرة وهو مستاء، وقبل أن يخرج، يتزاحم الطلاب على باب القاعة في "فوضى" ويدفع كل واحد منهم هذا أو "هذه" من زملائه وهم يهتفون "مرواح مرواح"!، تميل "ليلى" على "أشرف"، لتتندر معه على ما حدث قبل أن تسأله:
"إيه رأيك بقى في الطقم الجديد بتاعي"؟

ينظر "أشرف" إلى ملابسها.. بنطلون برمودا ضيق، وتي شيرت قصير خفيف ذو فتحة كبيرة من أعلى وحزام ضخم غليظ يتدلى نصفه على الأرض.. يهتف :
"واو.. تحفة بجد.. شفتي بقى الطقم الجديد بتاعي".

تنظر "ليلى" إلى ملابسه.. بنظلون جنيز مقطوع من أكثر من جزء... وبلوزة "كت" فوق تي شيرت نص كم!، والحلو "شبشب أبو صباع" في القدم!
"يجنن يا "أشرف".. ظبتطه كده إزاي"
"خبرة يا بنتي.. خبرة.. لعلمك الشبشب ده بـ150 جنيه.. أمال، ده بلاستيك طبيعي! احكي لي بقى عاملة إيه مع الواد بتاعك"
"ده مغلبني.. شوف ياسيدي...................."
لو سمحت ممكن تركز شوية على الملابس اللي بيرتديها طلاب الجامعة زمان ودلوقت

خلينا نسألك سؤال في الصميم


شايف أنت ملابس الطلاب في الجامعة "ولاد على بنات.. وبنات على ولاد".. م الآخر يعني.. تنفع؟!

مناسبة يعني لحاجة كده بيسموها "قداسة الحرم الجامعي" و"أهمية العلم"؟

التقليد الاعمى يا فارس
وبصراحة تلاقى البنات والولاداللى بيركزوا على الموضة
والمظهر ناس غلابه جدااااااااا
للاسف مش بحبوا يعيشوا عيشة اهلهم

ههههههههههههههههههههههههه
بجد موضوعك هايل وجميل يافارس

ياريت الشباب مايتقلدوش الغرب فى الغلط

احنا بش شاطرين شوفت قميص توم كروز او غيروا

على رايك يا فارس
كله عمال يقلد الغرب حتى لو كانت الموضة شكلها مستفز
لازم ياجماعة كل واحد يشغل عقلة حتى لو دقيقة

بالزمة عجبك منظر ولد تلاقيه لبس بدى مقطع ومكبر شعره زى البنت ويقولك كول

واللى يغيظك مكتبله فى البطاقة ولد

موضوع مهم جدا يا فارس شكرا لطرحه
وانا من راي ان سبب الموضوع هو تقليد الشباب زيما هدي قالت
وكمان سبب زي ما بنسمع ان مفيش فرق بين البنت والولد وده طبعا مفهوم خاطيء

طبعا فى فرق بين الولد والبنت ولعن الله المتشبهين

موضوع هايل يافارس
بس انا اعتقد ان ده بيرجع للتربيه الصح سواء للولد او البنت
ومعظم البنات لو سالتهم بيقولوا هما يومين بنعشهم وخلاص
اما بقى الولد بيقول لازم ابقى روش واعيش شبابى
وشكرا على الموضوع يافارس

شكراااااا على الموضوع يا فارس
بس طبعا زى محنا عرفين انى المظهر لا يدل عن شخصية الانسان وفى ناس كويسه كتير بس للااسف مبتعرفش تختار البس اللى يتناسب مع شخصيتهم ودى مشكلة فى حد ذاتة بس بردو مش كل حاجة تتلبس وتتقلد
وبعدين انا بشوف انى الشباب والبنات بتحب تقلد المطربين والمطربات
علشان يكونو اول ناس عملو الحاجة دى طيب ازى وفى حد قبلك لبس الحاجة دى وبعدين هم بيلبسو الحاجة لمرة واحدة وبعدين خالص لاكان لالااسف كلو بيقلد وخالص
..................شكرا ليكم.................

يا افريكانوا لزم الناس تعرف تختار لبسها الصح

مش انا هالبس التى شيرت الاحمر عشان عمرو دياب كان لابس  واحد زيه فى اخر كليب

بس المفروض اشوف التىشيرت ده هايكون مناسب ليه وكمان الاحمر هايليق عاليه
ولا البس وخلاص

اهو  عينة من الاشكال  اللى بنقول عليها اهو

عموما  واضح انك مريض نفسيا وعقليا عشان ده  مش رد من انسان محترم

بدء  العام  الجديد
وظهر  لبس الجديد
اتمنى يكون لبس كويس محتشم للجميع

هههههههههههههه
حلوة تعليقاتك دة قوى
حلوة حكاية اللى يغيظك
ان مكتبلة فى البطاقة ولد

بجد فى حاجت مستفزة اوى
فى شكل اللبس ولونة

يمكن واللة ساعات بتخلبط بين ولد وبنت
دة بيبقى بجد


تحياتى
وناسف على الازعاج

 مش كلامى صح يا  ناسف على الازعاج

من نحية صح فهو صح

شكرا ليك يا احمد وربنا يحفظك ويحفظنا

المفروض نعرف ننختار لبسنا

فعلا هو دا الى بيحصل فى الجامعات
بنات وولاد لابسين ملابس غريبه جدا
صحيح مش الكل .. لسه موجود الملابس المحترمه والهاديه
ولكن الغالب هى الملابس الغريبه
ودا لان البعض بيقلد وخلاص
والبعض بيلبس اى حاجه طالما طالعه موضه وخلاص
عشان يبقى عصرى وماشى مع آخر صيحه
مع ان ممكن يبقى عصرى وكل حاجه وملابس محترمه ورقيقه بردوا
هى دلوقتى ما بقتش جامعه .. بقت بلاج