السلام عليكم و رحمة الله و بركاته
كل سنة و انتم طيبين 
عاملين ايه ؟؟؟ بخير ؟ طيب الحمد لله 
و انا مع نفسى كدة و اثناء مرورى على آيات القرآن الكريم وقفت على آية ........ الآية دى فكرت فيها لقيتها بتوضح حال الاصحاب يوم القيامة بطريقة خلتنى افكر و افتش فى اصحابى و زمايلى و اصدقائى !!!!! وفى نفسى طبعا .. منا صاحب لغيرى !!! و خلتنى اسأل نفسى ... هل صاحبى فلان ممكن يكون عدوى يوم القيامة ؟؟؟ ياااااااااه !!!!!!!!
يعنى لو ليا عشرين صاحب هيبقى ليا عشرين عدو يوم القيامة ؟؟؟؟
طيب لزمته ايه تعب الصحوبية فى الدنيا !!!
لقيت الاستثناء اللى فى الآية الكريمة اصابنى بحالة من الراحة . بس برضه فى قلق ! و حسيت بشوية فرحة بس فى خوف برضه !! و بعدين بقىىىىىىىىىى !
المهم الآية دى ربنا سبحانه و تعالى بيقول فيها ايه :
( الْأَخِلَّاء يَوْمَئِذٍ بَعْضُهُمْ لِبَعْضٍ عَدُوٌّ إِلَّا الْمُتَّقِينَ [الزخرف : 67] )
يعنى جميع الاصحاب هيكونوا اعداء يوم القيامة الا الاصحاب اللى كانوا بيعينوا بعض على طاعة الله و الابتعاد عن المعاصى
و تذكرت حديث الرسول عليه الصلاة و السلام :
( المرء على دين خليله فلينظر احدكم من يخالل )
يعنى الواحد هيكون زى اللى صاحبه عليه .... فإن كان صاحبه على خلق حسن هيكون زيه و ان كان العكس هيكون العكس !!
و متنساااااااااااااش : ( يُحشر المرء مع من أحب )
طيب و العمل ؟؟؟؟؟؟؟؟؟؟؟؟؟
انا بقترح ان كل واحد يشوف مين من اصحابه اللى بيساعده على طاعة الله ( صاحبك الحق من إذا رأيته تذكرت الله عز وجل ) و يقرب من اكتر و اكتر لان ده اللى هيبقى فى صفك يوم القيامة
طبعا افرض واحد مثلا لقى واحد من اصحابه بيشده ساعات للمعصية او بيكسله عن الطاعة هل يسيبه ؟؟؟؟
لالالالالالالالا طبعا .. امال فين حق الصحوبية ؟؟؟
اذا كان الغريب لازم تنصحه و تاخد بإيده فما بالك بصاحبك اللى يمكن تكون اكلت معاه عيش و جبنة ؟؟؟
يبقى لازم تعمل معاه مجهود ( لان يهدى الله بك رجلا خير من الدنيا و ما فيها )
و لو لقيت بقى انه مش نافع معاه حاجة و انك لو استمريت معاه هياخدك هو لتحت .. يبقى لازم تسيبه حتى يحس انك زعلان منه علشان بعده عن ربنا و ممكن ده يكون سبب فى انه يرجع و يبقى كويس ( العلاج بالهجر )
طيب انا عايزة ايه دلوقتى ؟؟؟؟
انا عايزة من كل واحد وواحدة مر بتجربة زى كدة يعنى كان ليه صاحب فى صفة مش كويسة و حاول يغيرها باسلوب او اكتر ... يعرفنا ايه الاسلوب اللى جاب نتيجة مع الصفة دى
لان فعلا ليا اصحاب نفسى يتغير فيهم بعض الحاجات
بس مش عارفة ازاى ؟؟؟؟ ... افيدونى افادكم الله
( طبعا انا لا ادعى الكمال و لكن كلنا فينا عيوب و رحم الله من اهدى الىّ عيوبى )
[color:9bbe=#7030a0:9bbe]و دى ميزة الصحوبية ...ان كل واحد يشوف حاجة مش كويسة فى اخوه يحاول يصلحها ( الصديق مرآة صديقه )
[/size][/center]
2007-10-15, 3:29 am
موضوع جامد نرجوا المزيد
