التحدى

كلنا جوانا مجال للتحدى بس يا ترى كلنا بنقدر اننا نبدأ
اهم حاجه البدايه
ازاى تجيلك الجرأه انك تعمل الى نفسك فيه
ازاى تقدر تلاقى نفسك .... بنفضل طول عمرنا ندور على الحاجه الى نلاقى فيها نفسنا
يا ترى امتى هنلاقيها وازاى هنلاقيها
تخبل ان حد سألك سؤال
ماهى اهتماماتك وميولك ؟ ما هى هواياتك ؟
سؤال سهل جدا وصعب جدا
لما تقرأ السؤال تحس انه سؤال عادى
بس جرب تجاوب عليه كدا
قليلين اوى الى بيقدروا يجاوبوا على السؤال دا
ها كام واحد قدر انه يجاوب على السؤال
طيب ولى عنده الاجابه يا ترى عنده الجرأه انه يقولها
مجموعه هتقول انا انسان عادى يعنى زى بقيت الناس
والى هيقول انا بحب حاجات كتير اوى بس مش مميز فى حاجه فيهم وفى الى حاسس نفسه فى حاجه محدده بس مش قادر انه يمارسها
وفى الى محتار مش عارف هو فين ولا بيعمل ايه ولا لزمته ايه فى الحياه اهو واحد عايش وخلاص وسط مليون واحد لكن مين هو ؟ عايز ايه ؟ ميزته ايه؟ ناجح فى ايه ؟ نفسه يعرف وبيحاول لكن مش قادر يوصل ............تفتكروا هيوصل
وفى الى قدر يوصل للاجابه وبيعمل بيها ودا هو المحظوظ فعلا
لانه اكيد سعيد جدا لانه بيعمل الحاجه الى فعلا بيلاقى نفسه فيها

أولا : أنا بشكر حضــرتك على الموضوع إلى يستحق كل تقدير وأحترام

ثانيـاً : أتمنى أن تسمحى لي بأن أتحدث بحرية كامله

ثالثـاً أسف لهيكون ردى طويل شويه

أنا معاكِ فى كل كلمة قولتيها وبأيدها لأن من الصعب فعلاً أن تجاوب على سؤال ممكن الأنســان لا يملك فيها على اجابه فعلاً ...

فى ناس كتيــر وأنا واحد منهم بيحلموا أن طموحهم يكون شيء ويكونوا شيء تانى مثــلاً أنا بعشق حاجه أسمه كمبيوتر وكنت اتتمنى أكون هندس برمجيات ودخلت معهد حاسب آلى ودلوقتى شغال فى مطحن بن تفرق عارف طبعاً أن السبب هو انا لأنى كان من الأول كان فروض اجتهد علشان أوصل لحلمى وادخل كلية بدل معهد بس مش معى كده أن يكون هدفى انتهـــى ..وكل إلى قدرت أصل أليه أن مش تفرق أنك تشتغل أيه المهم أنك تشتغل وتحب شغلك
مهما كان ايه هو طبيعت شغلك المهم أنك تثبت فيه كفائتك لحد ما تجيلك الفرصه من جهدك أنت وتوصل بيه لحلمك طبعاً فى اشياء كتير ممكن تقف وتعوق طريقك وتحس انك بتتهزم بس أكيد هيجى الوقت وتنتهى مهما طالت

فى شيء تانى ... مثلاً لو أحنا جينا عند انسان فقيــــر أو ربنا يعطيه ويزيده

على قد حاله ... وطلبتى منه السؤال ده تفتكرى جوابه هيكون أيه ....؟؟؟

لا شك هيقول عيشه محترمه شغله نظيفه احترام الناس ليا أنه يقدر يحقق مستقبل أولاده ومش يخليهم يعيشوا إلى هو عاشه طيب لو انتى مثلاً حققتى الطلبات ديت
ليه لما تيجى تسأليه نفس السؤال تانى ؟؟؟ رده هيقولك مش عايز حاجه
استحاله ... كل انسان فى الدنيا يتمنى أنه يكون الأفضل هيطلب أكثر وأكثر
اشباع الحاجه هدف متحرك كلما نصل اليه يبدأ هدف جديد للوصول اليه

أوضح رأى فى الآخر :مع أحترامى لرأى أى شخص هيقول رأيه ويجاوب على السؤال ده ويقول أكون أنسان وبس عايش وخلاص هيبقى بيكدب على نفسه وعلى إلى حوليه ..

فدايمـاً الطمــوح والكلام سهــل بس علشان نوصل ليــه لازم نتعب بجد

ونحاول مره واتنين وايه ينى حتى لو مش وصلت ليه بس كفايه أنى قربت

منه أو حتى لو اشتغلت شغل مش كنت أتمناه المهم نعمل إلى علينا والتوفيق ده شيء بتاع ربنا وحده ... المهم والأهم أننا مش نوصل على حساب ناس تانية

أو على حساب اهانة كرامتك ....

شكراً ليكِ ولموضوعك بنت مصر

دمتِ بكل خير وآسف على الأطاله

متشكره جدا لردك ومرورك نهر الوفا

وانا معاك جدا فى رايك
بس يمكن التعب والتخطيط وحتى الاحلام فى بعض الاحيان ما بيكونوش كفايه
ساعات الانسان بيتحط فى ظروف تمنعه انه يحقق اى حلم ولو صغير
حتى لو عنده الاستعداد انه يتعب
ويحاول اكتر من مره
لكن للاسف الظروف والبيئه والمجتمع ويمكن كمان الى حواليه
بيقضوا على الحلم دا قبل ما يفكر حتى انه يحققه
ويا اما يبفضل يحلم طول عمره من غير ما يحقق حاجه
يا اما يقتل احلامه ويحبس نفسه فى الواقع الى هو فيه
ويقتنع انه مش هيتغير
والاتنين اصعب من بعض .................

وانا معاكِ فى كل شيء قولتيه وكمان عارف أن اصعب شيء أن الأنسان يشاهد أحلامه بتتهد قدام عنيه ولا يستطيع فعل شيء سوى مشاهدتها تسقط أمامه ولكن ليست تلك المشكله .. المشكله والشيء الأصعب أن يرى أقرب ما لديه وأقرب أصدقائه وأقرب أحبابه ... هم من يسقطوا احلامه ....

وكمان زى ما قولتى فى ناس كتير ممكن تكون أقصى احلامها أنها تلاقى شيء يدفيها فى البرد .. ورغيف لما تجوع .. واوضه ليها سقف يغطيها ..
ديت ممكن أحلام تافها لأى شخص .. وممكن تكون مستحيله عند ناس تانيه
وصدقينى أنا نفسى مش لاقى ليها حل غير أن ربنا مبينساش حد وعمر ما فى شيء الأنسان خسره وربنا ما عوضه بأحسن منه مدام الأنسان ده ناوى خير أكيد ربنا شايل ليه شيء أحسن حتى لو لسه محصلش عليه أكيد فى يوم هيحصل عليه ويعرف كويس أن ربنا ما بيهدر تعب حد وأننا مهما عملنا كل إلى مكتوب لينا بس هو إلى هنحصل عليه فقط نبدأ خطوتنا ونتوكل على الله ونتعلم بما مر من حياتنا حتى لا يعوق احلامنا مره أخرى ..
ويجب أن نعلم من جرح سيجرح ومن خان سيخان ومن هدم يوماً سيهدم

موضوعك ممتاز شكراً ليكِ على هذا الموضوع

سلمتِ وسلم الله قلبك

السلام عليكم
صراحة صراحة ما فهمت كل كلامكم لاني من غزة ومش كتير فهمت الكلام المصري سامحوني
الاهتمامات والميول كتيرة لما نعدها
لو انت حاولت بأي شيء ممكن تنجح فيها وممكن تتفاجأ من نفسك إنك تقدر على هيك شغلة
ارى الإنسان له ميول ولو قليل بكل شيء
انا أشوف الأصعب من الحلم وتحقيقه الاستسلام لليأس والتخلي عن الحلم
كلنا يحلم وما أسهل الحلم
بس احنا كتير ننسى أهم حلم هو نروح الجنة عند ربنا ونفرح هناك
صح كلامي ؟؟

نهر الوفا
شكرا لمرورك
وكلامك صح مئه بالمئه
وانا معاك فيه
.......................
نقاء القلوب
يسلملى مرورك وشكرا لتواجدك
وعندك كل الحق هوده فعلا اهم حلم
اللهم ارزقنا رضاك والجنه يا رب العالمين
آااااااااااااااااااااااااااااامين