هل تتمسك بحبك لاخر لحظة ام تتركه للنصيب

???

لو هيا بتحبني ومتمسكه بيا اكيد هتمسك بالحب لأخر لحظة

لاكن لو مثلا العكس يبقى هتمسك بوهم كبير وليس حب
ممكن اتمسك بالحب في القلب فقط لاكن هيبقى اني اتمنى للي بحبه السعاده

هتمسك بحياتى

when i was young
i've never needed any one
and making love was just 4 fun

those days are gone


معلش يا ملك

انا كنت بسمع الغنوه دى ولقيتها رد مناسب للموضوع
مشكور

???

اولا مساء الخير عليكم ..........؟

ثانيا ....احب اوضح رايى فى الموضوع وهو من رايى يعنى بالنسبة لينا كبنات صعب اننا نتمسك بحبنا بالرغم ان الواحد بيكون بيبذل قصارى جهده ولكن ياتى ولى امرك (( الوالد )) مثلا نفرض انه مقتنع بشخص تانى اتقدم وكدة فمينفعش انى اقول انى بحب الشخص دة نظرا لحاجات كدة او تقاليد مجتمعنا بصفة خاصة فانا ممكن اتمسك اوى لاخر لحظة ولكن مش بانسان مش مرتبط بيا ارتباط رسمى يعنى مثلا مثلا انا فى شخص بيحبنى وانا بحبه وجه البيت وقرينا فتحة وكدة وبعد مرور ايام مثلا جه عريس ليا بابا لقاه افضل من الحالى انا بقى فى الوقت دة لازم اتمسك لابعد الحدود ومينفعش استغنى عنه مهما كانت الضغوط سواء من الوالد او غيره واتحدى العالم بيه كمان


ولكن كحبيب دون ارتباط بالرغم من شدة الحب وقوته ولكن فى حاجات كتير بتصعب عليا انى اتمسك بالحب دة وانا عن نفسى اتمسك بكل قوة ولكن اتمسك لما اكون متاكدة ان نتيجته ايجابية فى صالحى انما لو انا متاكدة ان النتيجة هتبقى سلبية وكله هيجى عليا يبقى صعب جداااااااااااااا

بسم الله الرحمن الرحيم


الاجابه نفس كلام قصاد

???

???

؟؟؟؟؟؟؟؟؟؟؟
؟؟؟؟؟؟؟؟؟؟؟
؟؟؟؟؟؟؟؟؟؟؟

كلامك كويس ياقصاد

بس مين الاب اللي بعد مايقرا فاتحه ويجلها عريس تاني يواقف عليه

ده راجل مالوش كلمه علشان يعمل كده

يخلي الاولاني يعمله زي اللمبي ويقوله

ده انا قاري فاتحه ده انا ابلغ عنكو وازلزل الزلازيل

بس هيا البنت مش هتقدر تتمسك بحبها لاخر لحظه لانها مش بايدها حاجه تعملها زي الولد وزي ماقالت قصاد بتتعرض لضغوطات من الاهل وزن علي الودان لغايه مايقنعوها بيه

الولد في ايده يعمل اي شئ علشانها ده لو كان عاوزها بجد

اما لو ميقدرش يعمل حاجه وهو متاكد انه مش هيقدر يعمل شئ فيسبها احسن علشان مش يظلمها

وبعدين الحب بييجي مع العشره

يعني لو واحده مش مرتبطه وجالها عريس كويس ووافقو عليه انا واثق انها هتحبه جداااااااا وكانها تعرفه من سنين


اما عن نفسي هتمسك بيها ولا لا

طبعا هتمسك بيها لاخر لحظه

بس هو فين الحب ده

هتمسك بية بجد ع قد ما اقدر

هى فكرة قصاد فى ان الاب يرجع فى كلامه يعنى
غريبه شويه

بس انا عارفه انها تقصد ان الاهل بأيديهم الوسايل اللى يضغطوا بيها ع البنات
ده اولا

ثانيا بصراحه
انا بقيت لا اثق فى اى ارتباط غير رسمى

طب نمسكها واحده واحده

ارتباط غير رسمى ليه
ماهو لو قادر يجيلها البيت يجى اهلا وسهلا
وع الاقل يبقى فى اختيار من قبلها او من قبل اهلها

تانى شئ

يعنى بصراحه انا شايفه ان البنت بتخسر فى الموضوع ده
اولا هى ولا هو دخلو فى علم الغيب
عشان يكونوا متاكدين اهم لبعض


هنقول ماشى بيحبوا بعض

وعاوزين بعض

تمام فين بقى الحياة العامه اللى هما وسطها
احيانا بيكون اختيار الشخص خطأ
واحيانا كمان الراجل بيكون حاطط فى دماغه امال واحلام وبيقنع البيت بيها
لحد ما تتفاجأ بالواقع

ده غير ان الارتباط ده لو اتكشف قبل ما يتقدم رسمى
هيكون الوضع فى أسوأ ما يكون
وساعتها فى نظرة الاهل للموضوع كله هتتغير
حتى لو كانوا هيوافقوا
ساعتها هيحسوا ان بنتهم اتسرقت منهم
ولو وافقوا هيوافقوا بس مش على طيب خاطر
وممكن كمان يعندوا

ساعتها كمان الضغط بقى اللى على ودنه هيشتغل
واستحاله انها مش تميل ليهم

لسبب بسيط جدا

يعنى لو انا عايشه مع اهلى 25 سنه
وجه واحد عرفتوا فى سنه او اتنين
مين عندى هيكون الابقى
واللى ملوش خير فى اهله اكيد مش هيلاقى خير فى الدنيا


انا مبقولش الكلام ده من دماغى
والله والله عن تجربه

وفى الاخر برضه
اكتشفت ان اهلى صح
وكانوا عاوزين لى الاصلح
ممكن الواحد يكون صغير شويه

وتفكيرة لسه موصلش لمرحله النضج
بس اهو الواحد بيتعلم


وصدقنى فى حالتك انت يا بوب
خليك بعيد احسن
وانت لو بجد عاوزها
يبقى الموضوع كله فى ايديك
شوف عليك ايه واعمله
ومتديش فرصه انك تكون مقصر فى حاجه اهلها ما يوافقوش عليها

لان ساعتها كسرة القلب هتكون جامده اوى

اللللللللللللللللللللللللللللللللللللللللللللللللللللللللللللللللللللللللله عليكي ياححنان

جبتي من الاخر

ربنا يوفقك ويسعدك

ههههههههه

والله الراجل ده بيقول كلام زى الفل

راجل مين ؟؟؟؟

اانا اتخضيت فكرت زهره اللي ردت وانا قلت حنان

كويس انك شلتي الصوره بتاع الملك وكرسي العرش دي هههههههههههههههه

???

اسمحيلي ارد مكانك ياانجل

مش شرط انها اختارت شخص ياملك البوب

عن تجربه ممكن تكون واحده صحبتها او سمعت عن حد حصله كده

وبعدين احنا مش بنضغط علي حد انه يقول شئ هو مش عاوز يقوله

اللي عاوز يقول بيقول من غير مانساله

وبلاش الاسئله المحرجه دي

بجد كلامكوا جميل جدا

انا بس هكمل علي كلام حنان

انتى بتقولي ارتباط رسمي انا معاكي ان لازم يكون في ارتباط رسمي ودي اهم حاجة بس افرض شخص حب واحدة ونفسه يتقدملها ونيته ان هو يبقي في ارتباط رسمي بس الشخص ده عنده ظروف وهو لسة طالب ومش ينفع يتقدم لاهلها دلوقتي هيروح يقولهم ايه اهلها اكيد هيطردوه في الحالة دي بقي الشخص ده يعمل ايه يقرب للبنت دي ولا يبعد عنها ويحاول ينساها
وكمان هل لو الشخص ده راح اتقدملها اهلها هيقبلوه ازاي ؟؟؟

ياريت ياجماعة حد يرد عليا ويقولي حل لان الموضوع ده يخص حد انا اعرفه وهو محتار ومش عارف يعمل ايه

???

يعمل اي شئ يا مهندس

هو لو طالب ومش قادر يعمل اي حاجه

يبقي علي الاقل يتصرف مع اهله ويجيب شبكه

غير كده ممكن لبنت تضيع منه

غير كده الاهل اول مابيلاقو عريس جاهز بيوافقو علي طول

علشان فيه 10مليون نسمه عنوووووووووووسه والاهل طبعا بيخافو علي البنت

ويقولك جواز البنت ستره

وزي ماقلتلك

يتصرف مع اهله ويحاول يجيب شبكه وبعد التخرج طبعا هيظبط نفسه

غير كده البنت ممكن تضيع منه

بص يا مهندس

هى الفكرة فى ايه

ان الطبيعى

التطور الطبيعى للبشر


مرحله دراسه

مرحله عمل

مرحله جواز

هى كده بالترتيب

بيكون فى بقى شواذ عن القاعده
اللى مثلا يكون عاوز يرتبط وهو لسه بيدرس
داو مش لاقى شغل
او شغله غير مناسب انه يفتح بيت فيه
ده هنا بيحصل العجز لانه كده بيزنق نفسه واهله بطلبات هو لسه موصلش للمرحله اللى تخليه ينفذها

وكمان انا متاكده تماماان الانسان بيكتمل نضجه لما يخلص دراسته وينزل للحياة العمليه
ساعتها بس ممكن يختار شريك حياته
ويكون واثق فى اختيارة لان دماغه بتكون كبرت
وفهم هو عاوز ايه


وفهم متطلبات الحياة من حواليه ايه
واكيد هنا هيكون الاحساس صادق
مش حب مراهقه او مراهقه متاخرة


فى مسأاله صاحبك دى

انا بقترح التأنى شويه

احسن ما يحط نفسه فى موقف محرج
وياخد قرار ممكن يكون مش سليم
وكمان هيضغط ع الاهل جامد



ملك البوب

انا طبعا مش هزود شئ على كلام علاء
واعتقد ان رأى كان واضح فى الموضوع
لكن انت دلوقتى تطرقت لحاجات خاصه بحياتى الشخصيه
اللى مش هتفيد المنتدى بشئ

مشكور

???

طالما انا بحبها


للازم اتمسك بيها للاخر لحظه لان لو قولت دا النصيب يبقى انا كدا سلبى وبستسلم


للامر

يبقى دا مش حب من البدايه



واشكرك على الموضوع الرائع

هو فى ايه؟؟؟؟؟؟؟؟؟

ملك هو انت مش لسه طالب برضه؟

طب ما اكيد هيحصل رفض لانك فى تالته لسه

???

ادة انت مخلص وبتشتغل ياملك البوب





عندى طلب صغير
وممكن يكون عند اعضاء غيرى

كلنا هنا نعرف بعض كويس اوى
وانت عضو جديد ومثير بصراحة


فممكن بعد اذنك تعرفنا ع نفسك شوية

الاسم والسن والشغل يعنى مين ملك البوب


اة ع فكرة
المنتدى هنا اعضاءة اللى ديما بيشاركوا فية هما
فؤش وعلاء عبد المجيد واهلاوى وايمان وقصاد وماجور وزهرة ونأسف ووائل ودكتور برسون ونهر ومجرد ذكريات ولف انجل
اعتقد اننى مش نسيت حد


يعنى نوع من انواع المعرفة بمين هنا ع المنتدى ديما
لانك واضح انك متعرفش فيهم ير ون او تو بس

تحياتى
ومستنية اتعرف عليك
ونأسف ع الازعاج

اقتباس :

فى مسأاله صاحبك دى

انا بقترح التأنى شويه

احسن ما يحط نفسه فى موقف محرج
وياخد قرار ممكن يكون مش سليم
وكمان هيضغط ع الاهل جامد

بجد رائك جميل جدا ياحنان وبجد ده الى انا نصحته بيه ان لسة الحياة قدامه بدري وممكن يكون متسرع في قراره وان شاء الله هو هيفكر في مستقبله والى عاوزه ربنا هو الى هيكون ولو ليهم نصيب في بعض اكيد هيكونوا لبعض

وشكرا علي ردك عليا انتى وعلاء