منتدى طلاب كلية التربية النوعية - جامعة الزقازيق
 
البوابةالرئيسيةالتسجيلدخول

شاطر | 
 

 ميشيل: أداء الزمالك لم يكن جميلا .. لكنه سيتحسن سريعا

اذهب الى الأسفل 
كاتب الموضوعرسالة
عمرو الزملكاوى 2
عضو متميز جداً
عضو متميز جداً
avatar

عدد الرسائل : 695
العمر : 68
تاريخ التسجيل : 09/02/2008

مُساهمةموضوع: ميشيل: أداء الزمالك لم يكن جميلا .. لكنه سيتحسن سريعا   2009-09-11, 2:50 am



وعد هنري ميشيل المدير الفني للزمالك الجمهور الأبيض بتحسن مستوى الفريق، عقب الفوز على الاتحاد السكندري 1-0 في المرحلة الرابعة من الدوري الممتاز.

ونجح المدرب الفرنسي في استهلال مشواره مع الزمالك بفوز، بعدما احتل مقعد بدلاء الفريق الأبيض خلفا للسويسري ميشيل ديكاستل.

واعترف ميشيل عقب المباراة إن الزمالك لم يقدم كرة جميلة، مفسرا "كل ما شغلني هو الفوز، النتيجة اليوم كانت أهم من الأداء".

وجاء فوز الزمالك بهدف لشريف أشرف من ركلة حرة مباشرة أسكنها شباك الهاني سليمان حارس الاتحاد السكندري.

وتابع المدرب في المؤتمر الصحفي الأول له مع الزمالك "الأداء سيتحسن مع الوقت، وخاصة حينما أستبدل طريقة اللعب".

4-4-2

أوضح ميشيل أنه سيطبق طريقة 4-4-2 خلال المرحلة المقبلة، مستطردا "كنت أرغب في تجربتها خلال لقاء الاتحاد".
وأضاف "لكن وجود عدد كبير ممن لم أدربهم خلال تجربتي السابقة مع الزمالك أجبرني على التراجع عن القرار".

وخاض الزمالك مباراته أمام الاتحاد بأسلوب 3-5-2 إذ اشترك أحمد مجدي مع هاني سعيد ومحمود فتح الله في خط الدفاع الأبيض.

ويلعب عدد من الفرق هذا الموسم في الدوري المصري بطريقة 4-4-2 على رأسهم حرس الحدود والأهلي.

واستطرد مدرب كوت ديفوار السابق "بالتدريج سيحفظ كل لاعب مهمته في طريقة اللعب الجديدة، مازال لدي الكثير لإصلاحه".

ويملك الزمالك في رصيده سبع نقاط من انتصارين وتعادل وهزيمة، ليحتل الفريق الأبيض المركز الثالث في جدول الدوري الممتاز.




الرجوع الى أعلى الصفحة اذهب الى الأسفل
°o.OمصراوىO.o°
عضو متميز جداً
عضو متميز جداً
avatar

عدد الرسائل : 4203
تاريخ التسجيل : 03/10/2007

مُساهمةموضوع: رد: ميشيل: أداء الزمالك لم يكن جميلا .. لكنه سيتحسن سريعا   2009-09-11, 3:20 am

فعلا الاداء كان وحش جدااااااااااا
والماتش كله مش فيه غير هدف شريف بس
الماتش كان ميت جداااااااا
الرجوع الى أعلى الصفحة اذهب الى الأسفل
http://mostafamasrawy.blogspot.com/
major girl
عضو متميز جداً
عضو متميز جداً
avatar

عدد الرسائل : 3773
العمر : 29
تاريخ التسجيل : 17/10/2007

مُساهمةموضوع: رد: ميشيل: أداء الزمالك لم يكن جميلا .. لكنه سيتحسن سريعا   2009-09-11, 3:24 am

هدف لشريف اشرف مبكر فى الشوط الاول كره ياعمرو صااااااااااروخ
لاتصد ولاترد وكانت صعبه اوى على هانى سليمان انه يعملها حاجه

رغم هدف الزمالك الا انه لم يقدم مباراه بشكل يليق بنادى الزمالك وجمهوره وده يرجع للتوقف
بس الشوط التانى كان افضل ها من الشوط الاول

يعنى حازم امام عمل كورات وباسات حلوه
وفى الشوط الاول ميدو عجبنى اوى تلاقيه ياعمرو فى كل مكان فى الدفاع تلاقى ميدو وفى الهجوم تلاقيه لاه كان مسيطر ع الملعب
بس بخاف اوى لما بيكون ى الدفاع
بخاف يتسبب فى بلينتى لانه بيلعب بحماس جدااا ومندفع شويه

ولا الحكم النهارده كان مش ممكن كل حاجه عنده انذار شكله جايب الصفاره جديده وبيجربها
هههههههههههههه
بس احلى حاجه اننا طلعنا ب3 نقط ولسه لانى الزمالك عنده حلى لاعيبه واحلى جمهور واحلى عبد الحليم على هههههههههههههه
شكرااااااااااااااااااااااااااا ياعمرووو كتير ع الموضوع

بس انت مش واخد بالك من حاجه يا عمرو انى اوسه النهارده يتحسد مش دخل فيه جووووووول
عارف ياعمرو بجد عبد المنصف حارس ممتاز بس سوء حظ
يلا الحمد لله
الرجوع الى أعلى الصفحة اذهب الى الأسفل
عمرو الزملكاوى 2
عضو متميز جداً
عضو متميز جداً
avatar

عدد الرسائل : 695
العمر : 68
تاريخ التسجيل : 09/02/2008

مُساهمةموضوع: رد: ميشيل: أداء الزمالك لم يكن جميلا .. لكنه سيتحسن سريعا   2009-09-11, 1:12 pm

هو احلى حاجه فى الماتش ياماجور هو الجون بتاع شريف اشرف

هو الزمالك فعلا ملعبش كويس بس دا اول ماتش لهنرى ميشيل وهو قال انا كنت بلعب علشان اكسب
مكنتش بلعب علشان الاداء دا هتى لسه ميعرفش اسماء كل اللعيبه فى لعيبه يعرفهم ودربهم قبل كدا بس فى
كتير اول مره يشوفهم

والله ياماجور زى ماقولتى بالظبط على ميدو هو طبعا كويس وكمان بيعمل كورات كويسه
لما منصف يشوط الكوره بس محدش بيتابع بعد مميدو يعملها جو المنطقه
بس بخاف منه لما بيدخل منطقة الجزاء ليعمل بينالتى
بس بصراحه اللى استغربتله ان غانم سلطان هو اللى بدا الماتش
ولعب لحد الدقيقه 65 وحازم كان على الدكه

والله هو منصف كويس معرفش الناس واخده عنه فكره وحشه ليه
هو مشكلته بس لما انه ممكن يلعب طول الماتش كويس وييجى فى كوره يروح مدخلها فى نفسه
دايما تدخل فيه كورات غبيه شويه
بس اهو بقاله ماتشين ماشى كويس جدااااا
بس الحمد لله المهم الـ3 نقط
وان شاء الله فاروق جعفر يكسب الاهلى انهاردا او على الاقل يتعادل
علشان نفرح فيك يادرش
وتحول زملكاوى زى موعدتنى
ولا نسيت
هههههه
الرجوع الى أعلى الصفحة اذهب الى الأسفل
°o.OمصراوىO.o°
عضو متميز جداً
عضو متميز جداً
avatar

عدد الرسائل : 4203
تاريخ التسجيل : 03/10/2007

مُساهمةموضوع: رد: ميشيل: أداء الزمالك لم يكن جميلا .. لكنه سيتحسن سريعا   2009-09-11, 1:52 pm

ميدو مش هيتهد الا لما يكسب كل حراس المرمى
هههههههههههههههه
كل ماتش لازم يضربله حارس

ولو مصر دخلت كاس العالم واخدته
والزمالك كسب الدورى
انا مش هاشجع غير الاهلى

احنا تاريخ يا بانى هههههههههه
على الاهلى التاريخ يقدر يقول ما شاء انا الاهلى عندى احلى واجمل الاشياء
ماعرفش الزملكاوية بيغنوها على ايه
عندكم ايه ياعنى مش عند الاهلى
ههههههههههههه
الرجوع الى أعلى الصفحة اذهب الى الأسفل
http://mostafamasrawy.blogspot.com/
major girl
عضو متميز جداً
عضو متميز جداً
avatar

عدد الرسائل : 3773
العمر : 29
تاريخ التسجيل : 17/10/2007

مُساهمةموضوع: رد: ميشيل: أداء الزمالك لم يكن جميلا .. لكنه سيتحسن سريعا   2009-09-11, 3:22 pm

عندنا احسن جمهور واحسن لاعيبه
هاه
بقول لاعيبه مش عواجيز

والله الزمالك مش هيزيد لما انت تشجعه اكيد شقت الجمهور كان عامل ازاى

يا عمو لو كان نزل حازم من البدايه كان هيغير ريتم المباراه
بس شغال برده

ويارب طلائع الجيش تنتزع 3 نقط هى كمان هههههههههههههه

وسمعت انى فيه محاولات مع حمزه مع انى ميشيل مش موافق بيه

والواد محمد عبد الله كنت خايفه يجيب جول امبارح فينا مش عافه مشى من الزمالك ليه كنت بحب تمريراته

وبنا يشفى وحوح
لانى عبد الواحد السيد كل دورى لازم يطلع لينا بحجه نفسى يلعب مباراه ومنصف مباراه
الرجوع الى أعلى الصفحة اذهب الى الأسفل
°o.OمصراوىO.o°
عضو متميز جداً
عضو متميز جداً
avatar

عدد الرسائل : 4203
تاريخ التسجيل : 03/10/2007

مُساهمةموضوع: رد: ميشيل: أداء الزمالك لم يكن جميلا .. لكنه سيتحسن سريعا   2009-09-11, 4:36 pm

عندكم احسن لاعيبة؟
هو بالكلام ؟؟
احسن لاعيبة مش عارفين تاخدوا دورى هاهاهاهاها

والعواجيز بتوعنا عاملين احتكار للدورى

واكبر عجوز هو احسن لاعب فى الدورى والمنتخب حاليا
احمد حسن كابتن منتخب مصر
عجووووووووووووووووووووووز
الرجوع الى أعلى الصفحة اذهب الى الأسفل
http://mostafamasrawy.blogspot.com/
نأسف على الازعاج
عضو متميز جداً
عضو متميز جداً
avatar

عدد الرسائل : 5734
العمر : 29
تاريخ التسجيل : 19/10/2007

مُساهمةموضوع: رد: ميشيل: أداء الزمالك لم يكن جميلا .. لكنه سيتحسن سريعا   2009-09-11, 7:24 pm

هههههه
حلوة خناقاتكم ديت
برغم انى لا زملاكاوية ولا اهلاوية
بس متقفة مع كلام مصراوى
الرجوع الى أعلى الصفحة اذهب الى الأسفل
 
ميشيل: أداء الزمالك لم يكن جميلا .. لكنه سيتحسن سريعا
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: المنتدى الرياضي :: رابطة مشجعي نادي الزمالك-
انتقل الى: