بصراحه انا مكنتش عارفه احط الموضوع ده فين بس قولت ان المكان ده هو انسب مكان
المهم
كنا عايزين يا بنات نعمل ايه قاعده ستات كده
ونجيب كل الخلطات الخاصه بالشعر والبشره ومايهم المراه
كده انا عن نفسى اعرف حاجات كتير
ولو اى حد عايز اى حاجه يقولى
ان شاء الله هحط حاجات حلوه وبسيطه وممكن اى واحده تستعملها بثقه
واخيرا اتمنى الموضوع يعجبكم وتشاركوا فيه
وده اول موضوع يارب يعجبكم
وهنقول اول حاجه العنايه بالبشره
الاول هو لحل المسامات الواسعه والهالات السوداء تحت العين يعنى بصفه عامه لكله
حتى البشره الدهنيه
وهى بس متستغربوش يعنى
المكونات :- 50 جرام عدس اصفر +25 جرام فول +25 جرام حلبه
الطريقه :- تطحنى المكونات كل حاجه لوحدها وتخليها ناعمه زى البودره وبعدين حطيهم مع بعض فى برطمان ولما تستعمليها تاخدى مقدار معلقة طعام وتعجنيها بالمايه او اللبن الى يعجبك انتى بقى والاتنين احسن من بعض
الخلطه لاتكون سايله وكمان مش زى العجينه تكون متوسطه وبعدين تفرديها على وجهك حتى المنطقه اللى تحت عينيكى وتسيبيها لمدة ساعه كامله وبعدين تفركيها من على وجهك بشويش واشطفيها بالمايه الدافيه وبعدين مايه
ساقعه وكمان لو عايزه تحطى بعدها كريم مرطب حطى عادى
ولازم تحطيها على وجهك كل يوم لمدة 45 يوم انا معاكى المده طويله بس النتايج روعه
الهالات الى تحت العين هتروح والمسامات هتقفل وهتبقى عسل ان شاء الله
لو حد جربها يدعيلى بقى انا بعملها وبعمل خلطات تانيه
يلا ادعولنا والنبى
اتمنى مشاركه الجمييييييييييع