تعالوا نشوف امثال 2008!!!!

اللى بيته من إزاز ميغيرش هدومه فى الصالون


لو حبيبك عسل ما تحطلوش طحينة


فاقد الشىء يدور عليه


اقلب القدره على فومها الفول يقع منها


تأتى الرياح محمله بالأتربة


ياخبرالنهارده بفلوس بكره ينزل عليه أوكازيون


اللى معاه قرش محيره يجيب حمام ويحمره


جت الحزينه تفرح شغلت العنب العنب وفضلت ترقص


قال يامحشحشين يكفيكوا شر الكمين (( ربنا يستر ))


اللى ياكل لوحده يشبع


لاتبكى على اللبن فى البسكوت


اقطع عرق و حته بتلو (( وكيلو ضانى ))


اطبخى ياجاريه الأنبوبه فاضيه يا سيدى


اللى يتلسع من الشوربه يتصل بالمطافى


وبكره ترجع ريما من عند خلتها فى مارينا


ياداخل بين البصله وقشرتها حط قطرة علشان هتدمع من ريحتها


اصوم اصوم وافطر على مدفع الافطار


القرش الأبيض بيعوم فى البحر الأحمر


ضربوا الأعور على عينه قالهم كسرتوا النضاره


اللى ميشفش من الغربال يكشف نظر (( او يركب لينسس ))


المال السايب يعلم الطلبه


نام وارتاح وكل عسل نحل التمساح


من خرج من داره مينساش يأخد المفتاح معاه (( احسن يبات بره ))


الباب اللى يجيجلك منه الريح شيله وركب قبنورى


المضطر يركب توك توك


رب صدفة خير من ألف ليلة و ليلة وفات الميعاد


اللى يخاف من العفريت يعمل عبيط (( او يعمل مش من هنا ))


المركب اللى فيها رايسين يلعبوا طاولة (( او ينامو ))


اللى خدتوا الأرعه تخدو ام الخلول


اللى ميعرفش يقول what ؟


أكل العيش يحب الطعميه


العين عليها lenses


قاوا للحرامى أحلف قالهم وحياة قلبى وأفراحوا

حلوة والله الامثال دى
بس هى اتغيرت ليه هى كل حاجة بتتغير فى الزمن وعلى العموم اذا كان الانسان بيتغير
هتيجى يعنى على الامثال يلا خليها هى كمان تتغير
بس تصدقى الامثال لما اتغيرت بقة احلى
وكمان والنبى اى حاجة تانية اتغيرت قوليهلنا اصل الواحد كده شكله مش عايش فى الزمن ده
فيه حاجات كتيرة بتتغير والواحد مش واخد باله

هههههههههههههههههههههههههه

شكرا ميس ايجيبت على الامثال الجميله دى
وعلى راى باسم كده بقى شكلها احلى وخصوصا المثل اللى بيقول
رب صدفة خير من ألف ليلة و ليلة وفات الميعاد
هههههههههههههههههههههه

هههههههههههههههههههه
جميل اوى دى بقت نكت مش امثال
فاقد الشىء يدور عليه

حلوه الامثال يا ميس

الكحكه فى ايد اليتيم عجبه

ههههههههههههههههههههه
جميله قوى الامثال دى يا ميس ايجيبت
تسلم ايديكى

التغير سنة الحياة
عقبال لما يتغير اعضاء المنتدى

هما اعضاء المنتدى مضايقنك فى حاجة يا حليم

ومرسيى يا ميس ايجبت على _(مش عارفة اقول نكت ولا امثال)

بس جميلة اووووووووووووى تسلم ايدك

حلوه يا ميس اجيبت
هى فعلا مبقتش امثال بقت نكت

هههههههههههههههههههههههه
تسلم ايدك يا دودو وياريت تنورى المنتدى من تانى

حلويييييييييييييييييييييييين
شكراااا ع الموضوع

حلــــــــوين