لعبة كرسى الاعتراف

مرسيه ليكى ياملاك اكيد اسمك احلى بكتير

وأنا كمان عايزه حبيبه أدهم

ياريت تقولى أنك موافقه علشان نبدأ الاسئله علطول

اكيد موافقة ياهدير

أنا عرفت منك أنك تقريبا كده مخطوبه ؟؟هل الكلام ده صح ؟

وأنت مخطوبه من امتى ؟؟

هل أنت مبسوطه فى هذا المنتدى؟؟

اولا ياملاك انا اسمى M
من بلبيس

انا مش من الكلية

انا فى سنة رابعة خدمة اجتماعية القاهرة

لا مش صحيح انا مكتوب كتابى

2.من سنة ونص

3.انا مبسوطة جدااااااااااااااااااااااااااا على المنتدى ياهدير

أولا ألف مبروك يا حبيبه على الخطوبه وكتب الكتاب ويارب يتمم على خير

أنا هسألك وقول انتى مخطوبه عن تجربه حب وهل هو من بلبيس بردون؟

ماهى عيوب حبيبة ومميزات حبيبة ؟؟

من اللى خلاكى تشتركى فى المنتدى ده وعرفتيه منين؟؟

ياسفير انا مخطوبة عن طريق الاهل

وخطيبى من القاهرة

اولا ياهدير عايزة اطلب منك طلب ياريت تقولى حبيبة مش M
ثانيا عيوبى انى عصبية وبزعل على طول

ثالثا المميزات انى طيبة ومش بحب ازعل حد

واى حد يطلب منى طلب لازم اعمله وحتى لو على حساب نفسى

انا عارفة المنتدى عن طريق سنيوريتا

حبيبة قلبى ملاك صالح

1.هتصل بخطيبى على طول

2.لا ياملاك انا بعمل شعرى كتير

بس مش عارفة فى الموقف دى ممكن اعمل ايه بس اكيد هطلع اجرى فى الشارع بشعرى هههههههه

3.انا ممكن اموت لانى مش بحب الكدب

4.ممكن اتكلم معه فى وقت تانى

5.اكيد هقول للناس كله

ازيك يا حبيبة يا جميلة وحشانى مووووووووووووووووت مش تقولى ان انتى هنا عموما والله منورة المنتدى .

على فكرة انا كنت عارفة ان انتى حبيبة ادهم من قبل ما تقولى اسمك او تعرفى نفسك حتى اسالى سنيوريتا

اسالك بقى واقولك ما سبب تسميتك باسم (حبيبة ادهم)

ازيك حبيبة مبرووووووووووووووووووووك ع كتب الكتاب عقبالنا يارب

---------------------------------------------------------
معلشي انا شيلت اسمك الحقيقي لما لقيتك بتقولي لهدير ماتقولكيش يا M تقولك يا حبيبة احسن

فياريت يا جماعة محدش يزعل مني انا بس لقيت ان حبيبة مش عايزة تطرح اسمها الحقيقي في المنتدى فغيرته و خليته M ممكن يا حبيبة و متهيألي كدة احسن
و ماتنسيناش في الفرح و ان شاء الله هنيجي بس اعزمينا و ماتنسيناس اوك
وع فكرة خطيبك من القاهرة و انا كمان من القاهرة يعني هنبقى دراير هههههههههههه
ههههههههههههههههههههههههههههههههههههههههههههههههههههههههه
و نبقى جيران في محافظة واحدة ماتنسيناش في الفرح و اهم حاجة العشا يا بيبة اوك ههههههههههههههههههههههههههههههههههههههههههههههههههههههههههههههههههههههههههههههه
----------------------------------------------------------
سؤالي ليكي

ايه احلى القاهرة ولا الزقازيق بما انك كنتي في خدمة اجتماعية في القاهرة ؟

اوك
سلاموززززززززززززززززززززززززززززززززززززز

حبيبه
ايه الصداقه بالنسبه ليكى؟

لو سمحت يا خالد انت ليه شيلت الاسم الى انا حطاها انا لو كنت عارفة ان هى هتزعل او تضايق من الاسم ده مش كنت هحطه

وبعدين انت مش تعرف انا وهى ممكن تكون علاقتنا ايه وهى لو اضيقت من الناس كلها مش هتضايق منى لانى انا من طرف سنيوريتا حبيبة قلبها ولا ايه يا جميلة

وعلى فكرة انا قولت الاسم ده وانا عرفة طلبها ان مفيش حد يقولها باسمها بس انا قولته لانى كنت برحب بيها مش اكتر

حبيبة اوعى تكونى زعلتى منى لاحسن لو زعلتى هقول لسنيوريتا وهى اكيد هتزعل وانتى مش تقدرى على زعلها اوكى

noda كتب:

لو سمحت يا خالد انت ليه شيلت الاسم الى انا حطاها انا لو كنت عارفة ان هى هتزعل او تضايق من الاسم ده مش كنت هحطه

وبعدين انت مش تعرف انا وهى ممكن تكون علاقتنا ايه وهى لو اضيقت من الناس كلها مش هتضايق منى لانى انا من طرف سنيوريتا حبيبة قلبها ولا ايه يا جميلة

وعلى فكرة انا قولت الاسم ده وانا عرفة طلبها ان مفيش حد يقولها باسمها بس انا قولته لانى كنت برحب بيها مش اكتر

حبيبة اوعى تكونى زعلتى منى لاحسن لو زعلتى هقول لسنيوريتا وهى اكيد هتزعل وانتى مش تقدرى على زعلها اوكى

---------------------------------------------------------------
اختي نودا

انا شيلنه مش علشان هي ممكن تزعل منك انتي لأ
انا شيلت اسمها علشان هي بتقول لهدير ياريت ماتقوليش يا M ياريت تقولي يا حبيبة

حبيبة ادهم كتب:

اولا ياهدير عايزة اطلب منك طلب ياريت تقولى حبيبة مشM

و متهيالي كدة احسن
ياريت اسماء البنات اللي مش عايزين البنات تقوله هنا في المنتدى ياريت يكتبوا اختصارات احسن
و بعدين حتى و لو من طرف سينيوريتا اعمل ايه يعني مش فاهم

الحكاية و كل مافيها انا مايهمنيش انها تحط اسمها او تشيله بس

و ياريت محدش يزعل
ولو هي راضيه يا سيتي انا حاطلها اسمها تاني في مكانه في الردود ولا تزعلى نفسك يا سيتي

بص هي صاحبة الشأن وهي اللي تقرر مش انتي

معلشي يا نودا لو كنت قولت حاجة تزعل بس الكلام مايجيش غير كدة انا اسف
-------------------------------------------------------
ع فكرة يا نودا ممكن ترحبي بيها بأسمها الحقيقي في رسالة خاصة هاتكون افضل

و يكون المنتدى هنا باسم العضو نفسه احسن اوك و ياريت تخلوا الاسماء الحقيقية بينكوا و بين بعض افضل

-----------------------------------------------
اسف مرة تانية لو كنت ضايقتك و ياريت محدش يزعل
و هي صاحبة الشأن برضه لو حبيبه قالت عادي اللي عايز يقول اسمي الحقيقي في المنتدى يقوله
هارجع اسمها في جميع ردودكم
سلاموووووووووووووووووووووز يا جماعة

-----------------------------------------------
ياريت يا حبيبة تردي الاسئلة اللي فوق الاول ؟
^^^^^^^^^^^^^^^^^^^^^^^^^^^

ماشى يا خالد وياريت انت الى تكون مش زعلت منى

واسفة لو كنت ضيقتك

واسفة يا حبيبة لو كنت ضايقتك انتى كمان

لأ ابدا يا نودا ده حقك و كنت متوقع ده من اي عضو

و مستني بس حبيبة هي اللي ترد

ايه ياجماعة كل ده .الموضوع بسيط وبعدين يانودا خالد مش يعرف علاقتى بيكى علشان كده هو اتصرف صح وبعدين انا داخلت المنتدى علشان بحب كل الاعضاء

وبعدين ياخالد متزعلش نودا علشان هى حبيبة قلبى

وصديقة نور عيونى سنيوريتا بنت اخويا

اولا انا اسمى حبيبة ادهم علشان ده اسم ولادى فى المستقبل

حبيبة وادهم

مرسيه ياخالد واعقبال عندك

اكيد بحب القاهرة اكتر علشان فيها خطيبى وانا كمان بعد شويه هكون مع خطيبى فيها على طول

الصداقة بالنسة ليه اهم حاجة فى حياتى وجزء كبير اوى من حياتى

ايه ياملاك صالح انتى فين وحشتنى الاسئلة اللى بتفكرنى بورقة الامتحان

هههههههه

متشكرة جداااااااااااااااا يا حبيبة على كلامك الجميل وانتى عارفة غلوتك عندى طبعا

يارب يوفقك و ينولك كل اللي في بالك يارب


و ياريت يا نودا ماتزعليش مني

----------------------------------------------

سؤال تاني ؟

لو جات لخطيبك فرصة عمل بالخارج هاتوافقي و تسافري معاه ولا هاتقولي مش لأ علشان مش عايزة تسيبي بلدكو اهلك و ناسك ؟

اكيد لا هسافر معه فى اى مكان علشان هو كل حياتى وهو اهلى ومقدرش ابعد عنه

ربنا يخلهولك يارب

----------------------------------------------------------

فيه فزورة مش عارف احلها خالص
الفزورة ديه كانت بتقولها هدير في ورط اللي وراك ياريت تحليها انتي

الفزورة بتقول ( ليه الواحد و هو نايم بيخلي كوباية في ماية و كوبية مافيهاش ماية جانبه )

جاوبي يا حبيبة ؟!!!!!!!!

مرسية ليك ياخالد

انا مش عارفة قول انت الحل والنبى علشان انا عايزة اعرف الحل

يارب ماكنش انعذرو الله يا اوختي مكنت قولته من زماااااااااان

لاني معرفهوووووووش

_____________________________________

هسألك سؤال عامي
حلمتي بأية امبارح ؟

السؤال ده سألته لمون مون و قالت انها حلمت بكابوس
و انتي بقى يا حبيبة حلمتي بأية ؟

حلم جميل اوىىىىىىىىىى

حلمت بملاك حلو اوىىىىىىىىى قربت منه

لقيتة اجمل واجمل فى الاخر

طلع مين؟

روح قلبى خطيبى

ههههههههههههههههههههههههههههه

يارب احلم زايك بملاك جمييييييييييييييييل و يطلع في الاخر مرات ابويا

اللي هي امي يعني ههههههههههههههه

هههههههههههههههههههههههههههههههههههههههههههههههههههههههههههههههه

حلو الحلم ده شكرا يا حبيبة

سؤال تالت مش سايبك من الاسئلة

نفسك تعملي ايه قبل ماتجوزي يا حبيبة ؟

يارب تحلم باللى نفسك فيه

انا نفسى اخلص من المعهد

ان شاء الله هتخلصي منه ماتقلقيش

انتي تبقى عمة سينيوريتا لزم يعني ع طول من الدرجة الاولى ؟

يارب ياخالد

انا عمة سنيوريتا على طول

هى بنت اخويا الكبير والله العظيم

من عير حلفان صادقة و الله صادقة

ايه فيلمك المفضل عربي و اجنبي ؟

أولا الاجابه على الفزوره اللى أنت ياحبيبه وياخالد مش عرفينها

ليه الواحد لما يجى ينام بيحط جنبه كوبايه ماء مليانه وكوب من الماء فاضى

علشان يمكن يشرب ويمكن ميشربش

ههههههههههههههههه




سؤالى بقى لحبيبه

هل أنت من محبى شرب الشاى يعنى مش تقدرى تستغنى عنه فى المذاكره أبدا؟؟؟

امتى هيبقى فرحك انشاء الله؟؟

هل تفضلى أنت وخطيبك بعد الزواج الحياه فى الخارج يعنى علشان تكونوا مستقبلكم ؟أم تفضلوا فى بلدكم مع أهلكم؟؟

انا بحب فليم يوم من عمرى لحليم

والاجنبى titanic

ازيك ياهدير وحشتينى

اولا.انا مش بحب الشاى ومستحيل احب الشاى

على فكره ياهدير خطيبى هو كمان مش بيحب الشاى

الفرح ان شاء الله فى شهر 6

انا ممكن اكون مع خطيبى فى اى مكان هو يقول عليه وانا قولت قبل كده ياهدير ان خطيبى هو اهلى

ملاك حبيبة قلبى وحشتينى

الف مبروك لحبيبة وادهم وعقبال ولادى

1.الوردة الحمرة.لحطيبى علشان بحبه

2.الوردة الصفرا.لخطيبى علشان بغير عليه

3.الوردة البيضه. لاختى علشان بحبها اوى هى ماما

4.الوردة البنفسجى.لاعضاء المنتدى

5.الوردة السودة.لكل واحد قلبه اسود

حبيبه ايه اكتر حاجه بضايقك؟

ما هى أكتر حاجه بتبسطك؟؟؟

هل فقدت صديقه ليكى قبل كده؟؟

اتؤمنين بالصداقة بين رجل و امرأة او ولد و بنت ؟

ايه اللي حبيبه شايفاه في خطيبها غلط وعايزاه يغيره

ازيك ياسمر

اكتر حاجة مش بحبها
هى الكذب
والخيانة
وان حد يتكلم على حد

ازيك ياهدير ياجميلة

اولا انا بكون مبسوطة لما اكون مع خطيبى واصحابى واخواتى البنات

ثانيا.فقدت صديقة قبل كده بس دى مش كانت صديقة دى كانت وهم ياهدير