لعبة كرسى الاعتراف

حااضر يا نوده من عينيا الاثنين
الصداقة
احساس جميل فاصدقائى عندى كل حاجة دايما معايا
وطبعا يا نوده انتى واحدة منهم

الوفاء
بقى عملة نادرة فى زماننا

الغروب منظر يفوق الخيال والله بموت فيه
الاخت
انا واختى وجهين لعملة واحدة هى ماما وبابا


الام
ماما عندى اغلى من حياتى

سنيوريتا شوفتى الاسئلة كتير ما شاء الله عليها جوبى بقى


اسفة يا خالد لو كنت سالت كتير تقدر تسال زى ما انت عايز

ايه امانيكي في عيد الاضحى المبارك ان شاء الله

سنيوريتا ركزى بقى شويه فى ثلاثة اسئلة لازم تجوبى عليهم


استنى شوية بقى يا خالد لما تجاوب على الاسئلة دى

شكرا نودا

على فكرة سنيوريتا في سؤال في اخر الصفحة السابقة انتي ما جوابتيش عليه!!!!!!!!!!


ممكن تجاوبي على السؤالين لو سمحتي

مين هو او هى اكتر انسان شغل بالك وفكرك

لوسمحتي بوسي لما ترد على الؤالين الاوليين الاول

كدااااااااااااااااااا ماشي انا هجبهالك عشان ترد بس اصبر بس اة ما انت متغاظ منى بقا عشان سجنتك ولسة مسجون مش لاقى حد يطلعك

و مش عايز حد يطلعني من البنات

الحمد لله ربنا يخلى رجالة المنتدى


و برده هي تجاوب الاول على اسئلتي

ايه مش بيعجب سنيوريتا فى نفسها


حاجات كتير والله يا نوده
اولها سذاجتى وانى دايما بتعامل مع الامور بحسن نية

وانى كمان مش با قدر افهم اللى قصادى بسرعة
وبنخدع بالمظهر الخارجى للناس
وكمان مش بيعجبنى فى نفسى انى قليلة الخبرة فى الحياة

مواصفات فتى احلامى
اول حاجة انه يكون وسيم مش لازم يعنى يكون على اعلى مستويات الجمال بس كفايا انه يكون عاجبنى انا شخصيا

تانى حاجة بقى انه يكون متدين وانسان محترم عنده ضمير مخلص رومانسى جدا
طيب القلب حنين ذو شخصية
راجل بمعنى الكلمة بس ميكنش سى السيد
ميكونش بيدخن

وانى كمان اكون اول حب فى حياته
انسان يستاهل بجد انى اكون علشانه

ايه امانيكي في عيد الاضحى المبارك ان شاء الله

اتمنى بجد انى اذاكر فى العيد علشان الامتحانات قربت ومدخلش المنتدى خاالص الا بعد الامتاحانات

مين هو او هى اكتر انسان شغل بالك وفكرك

اكتر انسان شغل بالى هو فتى احلامى اللى هييجى ياخدنى على حصانه الابيض
اه انا مش عارفة هو مين لكن بقول يا ترى هيكون فيه نفس مواصفات فتى احلامى

ان شاء الله يا سمسمة هيجى فتى احلامك وياخدك على حصانه الابيض وبإذن الله يكون

فيه كل مواصفات فتى احلامك المطلوبة

بس لو لقتيه حفظى عليه اوى يا سمسمة

فى يد سنيوريتا باقة من الورود لمن تهديها مع ذكر الاسباب

هاهديها لاصحابى كلهم اللى على المنتدى
نودة- بوسى
-pink flower- marwa 2010

طبعا لانى بحبهم قوووووى

سنيوريتا

ماهي اهتمامات سنيوريتا ؟

او السؤال بمعنى تاني

بما تهتم سينيوريتا ؟

ما هيا هويات سينيوريتا ؟ وممكن تنمي هوياتك وتكون عملك في المستقبل ؟

اية هو اكتر موقف اثر فيكى وخلاكى تبكى اوووووى ؟

متشكرة يا سمسمة على الورد

الف سلامة

هي عندها ايه؟

برد من الاسئلة

هههههههههههههههههههههههههههههه

الله يسلمك يا نوده

ومعلش يا جماعة اعذرونىانا مقدرتش اقعد على كرسى الاعتراف امبارح لانى كنت تعبانة مووووت

يلة ربنا معاكي العزى امتة ان شاء الله

ما هى اهتمامات سنيوريتا

هو انا مش فاهمة السؤال قوى بس هجاوب على قد فهمى للسؤال

على المستوى الدينى انا بهتم دايما بان يكون ربنا راضى عنى وعن كل تصرفاتى وافعالى

على المستوى الاجتماعى بهتم بانى اكون محبوبة دايما بين الناس

على المستوى العلمى طبعا بهتم بدراستى بس ساعات ببقى مقصرة فى حقها

على المستوى الشخصى بقى ما عنديش حد معين بهتم به

هوايات سنيوريتا قالتها قبل كده
ممكن تنمى الهوايات بتاعتها لكن مش ممكن يبقى ده عملها فى المستقبل

اكتر موقف بياثر فيا ويخلينى ابكى قوى
عندما استمع لاى قصة حب فاشلة الموقف ده بياثر فيا قوى

او انى اشوف انسان بيخون انسان كان بيحبه فى يوم من الايام او مازال يحبه والموقف ده بنشوفه كلنا فى الكلية كل يوم
اللى انا بتعجب منه ازاى ازاى انسان بيحب شخص ويقدر يخونه فى نفس الوقت
(ازاى قادر تكون عاشق وازاى تخون)
الخيانة فى نظرى فى انك تكلم شخص على التليفون او حتى تقعدوا مع بعض لمدة طويلة وتحكوا ويعرف كمان كل حاجة عنك
مع الاعتبار فى الاساس انك مرتبط بشخص اخر
ولو سالته او سالتيها يقول ده احنا اخوااات
وكلنا عارفين ان الاخوات اصلا مش بيقعدوا يكلموا مع بعض ولا بيقولوا لبعض حتى صباح الخير

بجدوالله الموقف ده بياثر فيا قوى وبيخلينى كمان ابكى مش عليهم طبعا لانى ببساطة مقتنعى بان البنت هى اللى بتخلى الولد يحترمها سواء هو كان محترم او غير محترم وهى كمان برضه اللى بترخص نفسها قوى
لكنى ببكى على نفسى لان ده بياكدلى ان الانسان اللى فى يوم من الايام هيكون من نصيبى اكيد مليون المية هيكون عرف وكلم وقعد مع بنات كتير وعاش قصص حب ياااااماااااا

كل سنة و انتي طيبة يا سنيوريتا

تحبي تقوليها لمين؟

طيب جوبى على سوالى بعدالاستاذ خالد
ماالموقف او الحاجة الى لو رجع بيكى الزمان تانى مكنتيش هتعمليها؟
وماذا تعنى عندك كلمة الدنيا بخير؟

وانت طيب يا خالد

وسنيوريتا تحب تقولها لكل الناس اللى بتحبها وبيحبوها
زى ماما وبابا ونينا
وزى صحابى طبعا
وكل الناس كل الناس

مش عارفة والله انا عمالة افكر ومش لاقية اجابة على السؤال الاول


الدنيا بخير
كلمة دى فعلا ليسا موجودة
وتعنى ليا ان ليسا فيه ناس فى الدنيا فيهم خير وقلوبهم مليا نة بالحب واالصدق وانا مقتنعة بكده
بس المشكله ان الناس دى مش بنلاقيها دايما غير فى اخر الطريق

كل سنة وانتى طيبة يا سمسمة



سنيوريتا توصف شخصيتها فى ثلاث كلمات فماذا تقول

الرشاقة


الجدل

الانوثة

مية مية

اعتقد يا خالد ان السؤال موجه لسنيوريتا مش ليك


يعنى المفروض مش انت الى تجاوب سنيوريتا هى الى تجاوب صح ولا ايه

عموما يا سنيوريتا يا ريت تجاوبى انتى


اسفة يا خالد

عندك حق طبعا يا نوده
ايه ده يا خالد فى ايه
ما تيجى تقعد بدالى احسن على الكرسى وتجاوب بقى على كل الاسئلة الموجهة لى

وبعدين انت جاوبت على اساس ايه
على اساس انك شخصيتى يعنى

انا بتكلم على حاجة تانية

جاوبي يا ست سينوريتا

اوك نودا you can

والله
هههههههههههههه

ههههههههههههههههههههههههههه

بس اللي معروف عن كل بنت انها هاتقول كدة طبعا معروف يعني عنكوا انكوا هتقولوا كدة

على كده بقى كل البنات شخصيتها زى بعض

سنيوريتا توصف شخصيتها فى ثلاث كلمات فماذا تقول
_________________
واضحة - خجولة - هادية

انتي واضحة مثل ضوء الشمس

و خجولة مثل الوردة التي تخجل من قمر الليل

و هادئة مثل القطة المشمشية

عاملتي ايه في امتحانات العملي اللي فاتت

انتاج الصور و النوافذ

عكيت عك بالهبل

ههههههههههههههههههههههههههههههههههههه

ربنا معاكي و معانا


لوجاتلك فرصة سفر تسافري ؟ ليه ؟ وفين؟

امين يارب ربنا يكون معانا

واعتقد يا خالد ان البنت الى عرفة نفسها كويس هتعرف توصف نفسها كويس من غير تزيف لكن الكلام الى انت كتبه ده وانت بتقول ان ده معروف انكوا هتقولوا كده كلام بنت بتكتب كلام وبس مش كلام تعبير عن شخصيتها بصدق

لما سنيوريتا بتكون حزينة ومخنوقة ومضيقة مين اول شخصية تذهب لكى تشكو لها

مامتى طبعا يا نوده





ولو جاتلى فرصة سفر طبعا هاسافر بس بشرط تكون بلد نفسى اروحها واشوفها زى
شرم الشيخ - اسكندرية

لألألألألألألألألألألألألألألألألأ

اناقصدي برة مصر من جوة مصر

و بعدين يا نودا ده شخصية كل انسانة عايزة واحد و بتوصف نفسها زاي مانا قولت بالظبط

ماشى يا خالد بس انا لما سالت السؤال كنت عرفة إجابة سنيوريتا لانها صحبتى وانا عرفاها احنا تقريبا واحد واخوات ومش دى شخصيتنا ولا شخصية حد محترم

عموما حصل خير